الدبله دي اول دبله اخدلها اسكرين عندي وياما عملتلها سيف هنا ع تويتر وكل ما كنت بشوفها ف ايد حد سواء موديل ف بيدچ بتعرض جولد او بنت شارياها كنت بقول يارب أعرف اجيبها ويارب تطلع حلوه ف ايدي زي ما هيا حلو ف الصور وبعد كتييير جبتها بنفس الشكل بالظبط وطلعت حلوه ع ايدي اووي اوي
عاوزه استغل الفرصه وأعلن حبي وانتمائي لدفعه ٣٨ اكتر من ٣٩ كمان 🥰
كلهم ناس تحسهم متربين تسع مرات قبل ما يجو الكليه ودماغهم رايقه وبيساعدو الكل وزوق وكمان دمهم خفيف ومحدش شافلهم خناقه قبل كدا ولا سمعلهم صوت الا ف اللقطات الحلوه والله كل الحب 🖤🖤🖤🖤🥺
اصغر حد تم العشرين ف الدفعه👀♥️♥️
كنت عاوزه اخلي العشرين مميز وقد كان
حاطه جول اني اروح قصر البارون من بقالي كتيير وكانت اجمل مفاجأه اني اقضي يوم عيد ميلادي هناك🥺
كنت خايفه اغير اول دعوه دعيتها عيد ميلادي الي فات بس الحمدلله هبدأ السنه الجديده بنفس الدعوه ويارب تتحقق قريب🥺
بقف قدام شباب نجاح ال بيشرحو وابقا مذهوله، ال هو ازاي ف حد كويس كدا لدرجه انه تعب وحاول يفهم الموضوع ببساطه وحاول بكل الطرق يوصله لينا ومعظمهم ان مكنش كلهم بيشرحو شرح فوق العظمه ومنهم ال بيجمع داتا وديجرامات وكله كوم وال بيعملو مجسمات يشرحو عليها كوم تاني ازاي ف حد بكل الجمال دا!
انا مش مصدقه اني ف اقل من تسع شهور جبته لوحدي!!!! من غير مساعده جنيه واحد بس!!
كنت عاوزه اوصل للحظه دي عشان بس اثبت لنفسي ان اي حاجه هحطها ف دماغي هوصلها بشويه تعب سواء كانت صغيره او كبيره اي حاجه اي حاجهه هعرف اعملها
كنت مفكره التويتس بتاع البنات الي بتزعل وخطيبها مروح دي هزار أو حتي حقيقه بس مش للدرجه يعني المهم دلوقتي محتاجه حد يقنعني ابطل عياط واعرف اسامحه علي أنه سابني وروح😭😭😭
في وسط اي فرحه للدفعات الاخيره سواء تخرج،تخصص، تقدير عام والكلام دا،بحس بقلق اكتر ما بحس اني متحفزه والموضوع بيقلب معايا بخوف وكام يوم نكد كدا ، بتحاوط بافكار ياتري هوصل لمكانهم يوم ولا هقع فالنص يا تري هوصل بنفس الكفاءه دي ولا هوصل تقضيه سنين وخلاص، وحقيقي ربنا يعدي الايام ع خير
الوقت الي ضيعته بليل بعد ما خلصت الي وراك سواء ف حاجات بلا هدف اوف الرغي مع حد بالساعات مكنش مرقعه ،كان نيجتف انرچي لازم تخرج عشان متكملش معاك لتاني يوم
وشويه الوقت الي بتضيعهم اول ما تصحي مش مرقعه انت بس بتجدد طاقتك بتحاول تستعيد قوتك عشان تبدأ يوم جديد ✨🖤