We are one of the fastest growing online and in-house training providers. We offer engaging, effective and flexible online and in-house training solutions to both individuals and businesses.
هل من الممكن أن يعترض العراق على طرد أيمن حسين ويعاد النظر بهذه المباراة ولا خلص حسمت ومن حق الحكم ان يتخذ اي قرار حتى لو تعسفي ؟ السؤال لاصحاب الخبرة ؟
#تساؤل
#العراق_الاردن
#كأس_اسيا_2023
اذا تكره صدام حسين لا تصير بلا مبادئ وقيم وتشتم الجيش العراقي البطل الي لولاه كان إيران من ذاك الوقت سحقتك .....حب بلدك وجيشك واحترمه واحترم نفسك مهما كانت ملتك وطائفتك حب الوطن منزه
#رأي
يكفي عمر ابن الخطاب رضي الله عنه فخرا بالآخرة أنه أحد العشرة المبشرين بالجنة، ويكفيه فخرا بالدنيا أنه داس كرامة الفرس تحت قدميه وكسرهم ليوم الدين.
اطعنوا به قدر ما شئتم، لن تصلوا لشسع نعله
مو مرة حجيتوا عالمرأة العراقية بطريقة غير لائقة وتدرون شصار بعدها 🤦♀️😐 مع اني ضد ردة الفعل الي صارت بوقتها جدا واحتقرها بس الظاهر ما تتعلمون دروس انتو ابدا
#دفعة_لندن
تابعت لقاء مع فيصل الياسري الي اشبه ب لورد انكليزي عميق وانيق ومهذب جدا ... أشعر انه في هالكم سنة هذه النوعية قلت او اختفت من مجتمعنا العراقي المثقف والجنتل مان كلش نادرين هو مو قاط وساعه هو كاريزما وثقافة وعطاء كبير واناقة بالحديث .....
بيوم من الايام من كم سنة، بالسيارة انا ومن عادتي لما مو اني الي أسوق اصفن كثير على تفاصيل المكان الي اني بي مرينا بالسيارة في شارع العرب في لندن او Edgware Road وانا اتفرج وقفت السيارة بسبب الزحمة مقابل كوفي شوب شفت كريم العراقي كاعد يشرب شاي ابتسمت وشافني هو وابتسم ابتسامته
لما تعيش في بريطانيا تتعلم الصبر 😐 حرفيا ! كل شيء عندهم يخضع لسياسة النفس الطويل معاملاتهم مكالماتهم لحد هسه نستعمل البريد أقل موعد لاتمام المعاملة العادية البسيطة ١٠ أيام عمل موعد عند الطبيب انتظار ١٠ ايام أقل شي طبعا مستحيل نقابل أخصائي بلا سبب مقنع مادري شلون أحتلوا قارات!
ملخص لقاء السيد فائق الشيخ علي في وجهة نظري :
_ فائق الشيخ على وضح في بداية اللقاء ان المنطقة فيها تحشيد وتحالفات دولية .
_ إيران و الحكومة العراقية تحاول دعوته للقاء هو أعلم بتفاصيله .
_لتشرين الكلمة الفصل في العملية السياسية في المستقبل
_ "للحلبوسي" مستقبل سياسي !
أنا انسانة لا مذهبية بمعنى انا من عائلة تحتكم لكل الائمةفي فتواها ناخذ من كل إمام فتوةلا سنيةولا شيعيةيعني انا من الموصل والموصل حنفية وتزوجت على المذهب المالكي ومتناسبين ويا المذهب الجعفري اذا اشوف احد يكتب تعليق طائفي من اي مذهب ومهما كان صديق ومقرب راح اعطيه بلوك وهذا إنذار
على سالفة الحقد والكراهية الي طرحها أحمد البشير وأنا أتفق معاه مليون بالمية البارحة وأنا في المطار مغادرة بلدي إلى غربة باردة واحد كتبلي روحي "روحة بلا رجعة " تخيلوا هذا او هذه الشخصية هو شريكي في الوطن
#البشير_شو
انا واتابع زواج الامير الحسين المذيع لما دخل رئيسنا الي ما يحضرني اسمه قال رئيس إقليم كردستان😂 بدال رئيس العراق ، وفي هذه المناسبة السعيدة اكول الله لا يعطيك قاسم على ذيج الدكه الناقصة 😐
#مسخرة
شكرا لكردستان الحبيبة ولكل عراقي شريف ووطني وقف مع أهل الموصل في مصابهم الجلل في 10/06/2014 موقف كاكا مسعود البرزاني مشرف فتح الحدود لكل النازحين من الموصل والأنبار وتكريت وغيرهم وأوصى بحسن معاملتهم شكرا من كل القلب 🙏
#الموصل
أغلب أبناء جيلي درس على هذا المقعد المتواضع جدا وكنا احيانا نجلس ٣ او٤ طلاب عليه لحد ما تخرجنا وكل واحد بينا درس باختصاصه على بساطة هذه الرحلة ما اذكر دَرسنا احد شهادته مزورة او تعليمه مشكوك بأمره لهذا كنا جيل تعليمه رصين بالرغم من بساطة ادواته
#العراق
بغض النظر عن نظرتي الشخصية للسيد فائق الشيخ علي واحترامي لشخصه وهو يعلم بهذا جيدا ..رجل مثله لن يخاطر بسمعته وكلمته ويخرج للعلن بحلقة لمدة ساعة ويعلن شبه اعتزال للظهور الاعلامي اذا ما كان فعلا اكو قرار حقيقي ومتفق عليه بإزالة النظام الجو العالمي العام مهيأ للتغيير ..يتبع
بالرغم من اصولي المختلفة الاعراق لكن دائما كان انتمائي للعراق ديني وعقيدتي وكنت ضد اي تقسيم وخسرت ناس من اهلي لما عارضت انفصال كردستان لان مؤمنه العراق واحد وممكن يرجع قلب واحد لكن بعد كل شي اشوفه واسمع بي اعتذر اذا بيوم خالفت التقسيم واختلفت حتى مع اهلي عليه
خلال ١٥ سنة خبرة عملية الحمدلله بنيت نفسي بكل عصامية وجهد وتعب وغربة وشغلت وظائف بأهم الشركات والمؤسسات كل هذا وانا مو (دكتورة) طبعا انا لا اقلل من هذه الشهادة العلمية العظيمة الي ناس اخذتها بجهد وتعب لكن اكو قسمين يحملون هذه ال د. أما حصلوها بفلوس وأما المجتهد بيها عافها معلقة
لو كنت من عائلة كريم العراقي وأهله لدفنته في أبو ظبي الي عالجته واهتمت بي وما قبلت ابعثه للعراق هسه توهم السياسيين العراقيين صاروا حنينين عليه وينعوه جبناء قذرين بسببكم دفنا اهلنا ومبدعينا في الغربة اسأل الله بيوم موتكم كون ما تحويكم أرض 😔😭
#كريم_العراقي
ممكن يختلف معاي كثير من الناس خصوصا الجيل المخضرم بوجهة نظري لكن انا أعتبر جمال عبدالناصر هو أول زعيم عربي أسس الديكتاتورية وسوق لها وعلمها للأجيال الي بعده من الزعماء العرب ابدا ما حبيته ولا مرة اعتبرته نموذج يحتذى به عنده كثير من الأخطاء والفساد في حكوماته..
#رأي
عود ليش الذيول من يريدون يتهجمون على إمرأة يقولون الها عجوز😂😂 شبيها العجوز يعني مثلا امهاتهم او جداتهم مو عجوزات 🤭 انا ما اخجل من عمري ابدا بس بعدني ما أتسمى عجوز 😂
#غباء
العراقيين مزعوجين جدا من تصريحات السيد فائق الشيخ علي على الملك غازي رحمه الله.. والعراقيين نفسهم قتلوا ابنه وسحلوا عائلته في بغداد وكل سنه كانو يحتفلون بتموز بهذا الإنجاز العظيم .... شعب عجيب نحنا
@faigalsheakh
سؤال دار بذهني بهالليل من خلال بوست قرأته ليش الملحد العربي او ( العراقي) يختلف عن اي ملحد على هذا الكوكب 😳حتى بالحاده مغالي وطائفي ومتشدد حاله حال اي واحد عنده إيمان بالله !
الأكراد وأنا منهم أعتبر ولو اني غير ناطقة للأسف جهلا مني هذه اللغة لكن دمي وجينتاتي تغلبني نحن شعب محب للحياة مثقف وطموح وناجح في حال توفرت له بيئة مناسبة حتى البسيط يجتهد الاسبوع كله وبيوم إجازته يطلع هو وعائلته سفرة ويدبك ويرقص ، الأ��راد مو فقط بيت البرازاني والطالباني الأكراد
كريم الأخلاق أوجعتنا اليوم! شخصية لا يمل من الحديث معها لجمال هدوءه ورقيه .... اسأل الله ان يتقبلك قبول حسن يليق به ويلهم أهلك ومحبيك الصبر والسلوان
#كريم_العراقي
#العراق
ليش لما الواحد يذكر شخص كان بالدولة سابقا بالخير راسا يحسبوه على نظام صدام حسين !!! سعدون حمادي -طارق عزيز- حامد يوسف حمادي - ناجي صبري الحديثي -د.حسن خطاب - محمد مهدي صالح …..يسوون الف واحد من الي هسه ديحكم على الاقل ما نهبوا ومتعلمين بارقى الجامعات وفلس ما مسكتوا حرام عليهم
كل عام ومعلمتي الأولى( أمي )الحبيبة وكل المعلمين الي كان الهم الفضل بتعليمي ولو حرف بالف خير ....أمي الي تعلمت منها مو فقط العلم في المدرسة علمتني الحياة بحرفة عالية ....
#عيد_المعلم
بدأت فعليا أقتنع انه الاطار التنسيقي اذا وقف ضد أي شخصية معناها هذه الشخصية جيدة على عكس ما يوصفونه اناماحب امدح سياسي لكن هذا الرجل اشتغل كثير لمدينته وهالشي شفته بعيني اكيد بعد تحتاج المدينة أكثر لكن هو لا يتوقف عن العمل ابدا ومن الظلم إقالته من منصبه لكن يبدو لانه لا ينصاع لهم
احمد اليوم فند كل ادعاءات الحكومة العراقيةفي حل أزمة المناخ والوعود التي يقدمها للمجتمع الدولي عدنا كوارث بيئية تحتاج الى تدخل دولي هذا الشعب يقتل حتى من يتنفس وياكل ويشرب الماءفكرة التغير المناخي هي وسيلة تبريرفشل الحكومات من تنظيف البلد من الكوارث الي يحتويها
@ahmedalbasheer1
من شوي اتصلت اعيد على اقاربي بالموصل حسيت بغصه كبيرة😔 اشتاقيت لرمضان بالموصل وسوق العطارين وباب السراي جدا يارب يجي يوم ونرجع للموصل الحبيبة ويارب كل عام وهي بالف خير وسلامه 🙏❤️
ماجد المهندس أعتبره شخصية عالمية قبل أن يكون فنان ، شخصية لا مثيل للطفها وأخلاقه العالية خَجول يذكرني بأيام الزمان الجميل لما الرجل كان يقطر حياء ، انا أفخر به جدا هو فنان ذكي ويعرف كيف يختار في فنه بعناية وجمال أمتعنا البرنس الليلة جدا في لندن🙏🤍
@majidalmohandis
#لندن
نصيحتي للشباب والشابات في العراق أبتعدوا عن قتل طموحكم بالوظيفة الحكومية او فتح مشاريع مطروقة وكثيرة في البلد مثل المطعم و السوبر ماركت والالبسة افتح مشروع خدماتي تكلفته قليلة وسوقه بطريقة ذكية أفضل من أي مشروع يعتمد على السلع ....
#رأي
بإطلالة ولي العهد السعودي على قناة fox news انتبهت لكذا شيء جذب نظري جدا بشخصيته ما اتكلم عن النقاط السياسية إلي طرحت واضح جدا أن المملكة نجحت بنفض الغبار عن أي شيء ممكن يعيق تطورها السياسي ، راح اتكلم عنه كقائد وهذا من صلب اختصاصي وعملي طبعا رؤيته واضحه جدا وهو ما تكلم في ٣٥
نغادر الوطن، مُحمَّلين بحقائب نحشر فيها ما في خزائننا من عمر، ما في أدراجنا من أوراق.
نحشر ألبوم صُوَرنا كتبًا أحببناها، وهدايا لها ذكرى
نحشر وجوه من أحبَبنا عيون من أحبّونا.. رسائل كتبت لنا وأخرى كنّا كتبناها
آخر نظرة لجارة عجوز قد لا نراها قبلة على خدِّ صغير سيكبر بعدنا
#Erbil
كنت مقيمة في دولة الإمارات العربية المتحدة لمدة ١٢ سنة وفي كل مرة كنت أسافر أي بلد بالعالم أسيوي أوربي اول ما اوصل للمطار وزارة الخارجية تبعث الي مسج مفصل عن أرقام سفارة الإمارات في هذا البلد وأرقام الطوارئ وانا مقيمة ومو متجنسة لكن يشعرون بالمسؤولية إتجاه الوافد . للأسف العراقي
وزارة الخارجية..
هذه النبرة التي اخترنا أن نحدثكم بها بعد أن صُمّت آذانكم عن الكلام المكتوب..
نسخة منه إلى:
رئيس الوزراء.
رئيس مجلس النواب.
رئيس لجنة العلاقات الخارجية في البرلمان.
ومن يهمه الأمر، إن كان مهماً بالنسبة له.
#رسلي_المالكي
شكد اسافر واروح مطاعم جنسيات مختلفة ما اشوف مثل كرم المطاعم العراقية الشوربة والمقبلات وخبز حار بعد الأكل شاي وحلويات كلها فري غير مطاعم اذا اطلب خبز يحسبه بفلوس ....ما ناقصنا غير الحظ يالعراقيين 😂
#حقيقة
أُطالب رئيس الوزراء السيد محمد شياع السوداني بإقالة المدعو حسين علاوي بسبب خطابه الطائفي المقيت إلى أن يحال إلى القضاء في المستقبل ويتم محاسبته على سوء خلقه
@mohamedshia
#حسين_علاوي_طائفي
#العراق
اللهم اني أشهدك اني صبرت واحتسبت في اعز ما على قلبي اللهم انس وحشته وارحم غربته وارزقه جنات تجري من تحتها الأنهار خالدا فيها ابدا اللهم انه كان يصوم ويقوم في رمضان اجعلها نورا وسراجا منيرا اللهم هذا الدعاء ومنك الاجابة وهذا الجهد وعليك التكلان ولا حول ولا قوة الا بالله
#ابي
جربتوا مرة تجلسون مع شخص مثقف كثير الكلام ؟ملم بكل مجالات الحياة سياسيا اقتصاديا اجتماعيا قادر على سرقة الوقت منكم من دون ملل ؟ ويخلط بين العامية والفصحى؟ وفلسفة حياته آسره وتعابير الحماس أثناء النقاش تظهر على ملامحه؟ مبدأيا هي من أعظم الجلسات الي ممكن ان تحظوا بها...
#characters
سجد المثقفة والمهذبة تنكط ذرابة وخلق مع اي أحد يتعامل معها جميلة وأنيقة في زمن الندرة خصوصا على الشاشات العراقية لا تهتمين لأننا فخورين بك 🙏❤️
#سجد_الجبوري
في أبوظبي كان أكو دكتور عراقي ENT معروف بمستشفى أهلي كبير دخلتله أسلوبه كان جدا قبيح ويقال أنه طائفي جدا مرة ثانية رحت عالمستشفى لكيتهم طارديه عباله هو بالعراق ويستهزأ بالناس بكيفه هذه السمةالقبيحة عند بعض الدكاترة خصوصا الجيل القديم شوية اتمنى على الشباب ان لايقلدوها لان معيبة
سألت السفير الأمريكي السابق رايان كروكر على هامش مؤتمر حضرته لما لا تغيرون من سياساتكم في العراق وتبدأون بصفحة جديدة يعيش فيها العراقي من الشمال إلى الجنوب على مبدأ انه عراقي فقط بدون اي مسمى لان هذا الجيل الجديد غير معبئ بالايدلوجيات الي موجودة في جيلنا وجيل الي قبلنا يتبع
صنعتها بحب ❤ هي اللوحة صارلي سنتين اشتغل عليها كل سنة مثل هالوقت والشهر اطلعها اشتغل عليها واليوم كلمت كلش تعبر عن شخصيتي لاني أمتلك مزاج ٤ فصول في اليوم 😅
تحججت بما تسمى "المعارضة" السابقة أن نظام الرئيس صدام حسين مستحيل السقوط إلا بأيدي خارجية وقوى قادمة عبر البحار وحولوا البلاد والعباد إلى كارثة حقيقية لمدة ٢٠ سنة وهي مدة لا تقل كثيراً عن فترة حكم البعث ،والآن يعودون علينا بنفس الحجة بالضبط هذا النظام لا يمكن إسقاطه الا بقوى
انا مو ضد عمليات التجميل بغض النظر عن الجانب الديني اعرف اكو ناس عندها تحفظ بس الي اريد أفهمه شصاير ببناتنا العراقيات الي داخل العراق بالذات طبعا البعض منو دينصحكم بهذا التجميل وليش كلكم هالكد صايرات تتشابهون ونفس الخدود والشفايف والجسم ؟؟ وين نزاكة العراقيات وأناقتهم!
#بشاعة
مو مسموح اي بشر يزايد على وطنية الشيعي مثل مو مسموح المزايدة على وطنية السني والكردي والصابئي والمسيحي واليزيدي كلنا همنا واحد والغمة علينا بالتساوي الكل ظلم ومارس عليه الظلام نفس الألم والظلم ولما يصير اي حرب دمنا ينخلط عالارض.....
تصبحون على وطن 🙏