كل اللحظات التي شعرت فيها باليأس وظننت انها النهاية
غمرني فيها الله برحمته،
وجعلني ادرك انه دائما معي..
ذو الفضل العظيم ❤️
اللهم ان الفضل فضلك والخير خيرك والامر امرك
انت السند وانت المولى ونعم النصير
اللهم اني احمدك واشكرك وامتن اليك ❤️❤️
عندي خالي بره السودان وعلاقتو بالانجليزي متوترة و هو شخصية ظابطة و بستمتع بقصصو وكلامو جدا..فكلما تكتم فيني بتصل عليه
مرة بتكلم معاو أيام المناقشة المهم قلت ليهو "والله يا خالو آي نيد موتيفيشن" قال لي والله يا آمنة حاجات المكياج دي انا ما بعرفها لكن بحول ليك قروش تشتريهو 😂😂😂
شفع جيرانا بقوا يقولو ارح نلعب مظاهرات مظاهرات .. يطلعوا في كوم رملة جمبنا و يهتفوا الشعب يريد اسقاط النظام بعدين يقولوا جات الشرطة و يتجاروا 😂
و ماما قالت لقت عيال روضتهم في فسحة الفطور وهم بيلعبوا و يرددوا هتافات زي سلمية سلمية يسقط يسقط حكم العسكر 😂
اكتر حاجة لطيفة الأيام دي الشفع البقو حافظين الهتافات و بقت تتردد في اي حتة، اسي جاييني صوتهم من برا : يا خرطوم ثوري ثوري ضد الحكم الدكتاتوري.
دي أجيال حتقوم و تشوف واقع جديد يليق بالمواطن السوداني.
كل زول يعمل عرسو بالطريقة البتناسبو و حسب إمكانياتو و يعمل الطقوس العاجباهو و يلغي الطقوس اللي ما عايزها!
ما إلا كل الأعراس تكون تشبه بعض و ما إلا تكلف نفسك فوق طاقتها🤷🏻♀️
البنزين لو عندك البكفي مشوارك ما إلا تفول و يقطع في الباقين.
عندكم عيش في التلاجة ما إلا تشتري 100 و 50 ويكون فايض عن حاجتكم
للغاز ما تكون مخزن انابيبك و غيرك ما لاقي الكهرباء لو اي زول قلل الاستهلاك ممكن ما تكون في قطوعات
بداية الحلول اننا نبطل نستغل بعض لغاية نهاية الازمة
اقسم بالله ما بستفزني إلا زول يكون عايش برا السودان و ما عارف الأوضاع و يقول ليك الحل في المواطن، يعني كمواطن مفروض اعمل شنو بالزبط لحل ازمة البنزين و العيش والغاز و مشكلة قطوعات الكهرباء و تدهور الإقتصاد؟!...
البرد ما عنده علاقة مباشرة بالنزلة.
النزلة مرض فيروسي بحت، يعني في حالة عدم تلوث الجو بالفايروس، ما بتجيك نزلة حتى لو درجة الحرارة صفر.
البرد يمكن بس بزيد احتمالية الاصابة، لأنه مناعة الجسم بتقل شديد في الجو البارد.
يا شباب فقدنا محفظة في الفردوس أو شارع الستين فيها بطاقة قومية رخصة مركبة رخصتين قيادة ( إماراتية وكويتية) بطاقة صراف آلي بنك أمدرمان الوطني وبطاقات أخري و مبلغ من المال بإسم محمد عثمان عبده أحمد لو في زول اتحصل عليها يتواصل مع الرقم 0122000355
و مشكورين جدا.
#ريتويت بلييز
أحبتي الكرام:
والله لقد أخ��لتموني بدفاعكم وذبّكم عني، وأنا لا أستطيع الرد تعففاً، ولقد سامحت الجميع، فأرجو التكرم بالصفح والإعراض، وأسأل الله أن يذبّ عن وجوهكم النار يوم القيامة، وأما من آذانا فندعو الله أن يهديهم، ولن نيأس من دعوتهم للحق والخير، فالشجر يُرمى بالحجر ويرمي بالثمر
أول أمس دخلت معاينة لأول مرة في حياتي و من التوتر قربت اكسر الحنك😂
لكن الحمد لله من أول دقيقة سيطرت على توتري وبقيت قاعدة بونس و بطلس فيهم و لقيت إني كنت مكبرة الموضوع ساي😂
@khalid99_Abdeen
حبوبتي ربنا يرحمها كانت بتعمل الحاجة دي كل سنة لكن ما بالصورة الجميلة الفي الثريد دي 😭 الرحمتات عبارة عن خروف صدقة في آخر جمعة في رمضان و نجهز الاكل ونوديه المسيد لطلبة الخلاوي ، وللمساكين والايتام اللي في الحلة.. و مرات نحن ذاتو ما بنأكل منو 😂😂💔
أنا قلبي محروق بس و ما عارفة أقول شنو 💔
محمد عبدالله الشفيع
اعتقلوه و ضربوه و كسرو يدينو الاتنين 💔
ربنا ينتقم منكم يا كلاب
"ولا تحسبن الله غافلا عما يعمل الظالمون"
ربنا يشفيك يا صديق
@ModhKing
أمس كنت بتكلم مع ماما عن إنو كيف الزول يجيب أولاد ويقدر يربيهم ويحافظ عليهم من تأثير المجتمع السيء و إنو التربية دي حاجة صعبة ومخيفة والمحافظة عليهم في الزمن دا شبه مستحيل فضربت لي مثل بي أنا فحسيت إنها شايفانا بيرفكت و فخورة بينا و دا أزبط إحساس أحسو من زمن طويل❤❤❤
Dear my future husband,
غير الارتباك العادي البرتبكوه الناس كلهم ،
كونك تجيب شجاعة تتكلم بيها مع أبوي تحديدا الموضوع دا ما ساهل نهائي لاني أنا ذاتي بحسب كلامي و برتبك لما أتكلم معاو😂
فربنا يثبتك و يعينك إن شاء الله😂😂😂
ربنا يتمم ليك على خير. أحمد ربنا انك اتكلمت بالتلفون.
أنا لما مشيت أطلب يدها، البيت كله كان بيشرب شاي المغرب معانا، المهم لقيت لي فرقة كدا و الناس مشغولين بالونسة، قلت أجدع ليه الكلام سريع و أرتاح من الارتباك دا.😁
قوم يا حاج، صفق و بي طول حسك قول:
أسكتوا، نسمع خالد ح يقول شنو!😂
" طلعت مرة مع زميلي مهندس مدني بعد الطلعة و نحن راجعين جمب الباركينغ لقيتو وقف و عاين مسافة و سرح فقلت حيقول لي كان يوم حلو ولا حاجة قام قال لي انتي عارفة في كم متر خرسانة استخدموهم هنا؟ "
ليس كمثله شيء ، الملاذ و الملجأ.. أرحم الراحمين.. وأكرم الاكرمين.. وأعدل العادلين.. ألطف مما نظن و أجمل مما نتوقع❤
يدبّر الأمر.. يراك رضيت بما قَسمهُ لك، فَيُراضيك بما تمنيت..
نعصيه و يسترنا.. نذنب فيمهلنا..
اللهم إنّا نحبك فلا تحرمنا لذّة النظر لوجهك الكريم❤
في حضرة شخصٍ ما قد تشعرُ أن التواصل خُلِق لأجله من فرط الراحة وأنت تُحدثه، من سلاسة الحديث والردود التي تجعلك تعي قيمة أن تملك أحدًا يفهمك دون استطالةٍ ولا شرح♥️
قبل شوية قاعدين ناس بيتنا بنشرب كلنا في قهوة و بنتونس فالكلام جاب كلام و من غير ما أنتبه قلت لي أمي أنا اولادي حيكون عندهم خالين بس و عمين بس فقالت لي عمين كيف يعني؟ و ساد الصمت المكان وفشلت في إني أبرر ليهم و الملم الموضوع و لغاية هسي ما عارفة أتخارج من الورطة دي كيف😂😂😂😂😂
أمي طالعة مشوار مهم واستغربنا ما قالت لينا لازم تمشوا معاي قلت لاختي قومي نجهز و أنا بلبس سمعتها بتتكلم في التلفون قالت لو قلت ليهم أرح بقولوا ما ماشين لكن خليتهم عشان يقولوا ماشين براهم 🤣🤣🤣
حسيت روحي رهينة و الشرك بتاعها قبض😭😭😭🤣