@gorgeous4ew
وانت نزّلت التغريدة عشان نقول"وين الحجاب"
بعدين يجون اثنين يتهاوشون بالمنشن ويجي أحد يقول هذي مو محجبة بعدين تجي بنت وتتهاوش مع ولد ويجيب قروب الدعم اللي عنده ويضحكون عشرين سطر
وبعدها أنت توصل تغريدتك للشيء اللي انت تبيه لإنك فاضي ولاني انا بعد فاضية وجاية اقولك كذا
@trend_pase
تعامله لطيف وطبيعي جدًا والولد شكله صغير بعد
والتعليقات كلها تذب عليها وتتكلم عليه
وبعدين وش اللي "سيمب" انتم تعرفون المعنى عشان تقولونه ؟ استحوا على وجيهكم بس
اي شخص طبيعي صار سيمب ؟ لازم يأذي بنات الناس عشان يعجبكم ؟ ياحيف على الرجولة الخايبة بس😷
@GoldenDose
@GoIdenSongs
ليش لازم فيه طرف متسلّط ؟
ما افهم ليش مايعيشون طبيعيين ليش لازم واحد يكون الأقوى وسلطته تطلع عليها او العكس؟
ترا مايوّضح قوتك ورجولتك ولا يوضح الانوثة اللي فيك إنتي بعد، نقص وتفريغ
@Noob_i0i
@hauntyourmum
انتي دخلتي سالفتين في بعض !
بعيدًا عن كلام هذي اللي بالتغريدة، من حق اي وحدة كاشفة انكم ما تصورونها مو لانها مو مرتاحة !
بس لان هذي خصوصيتها وما تبي تكون بجوالاتكم ببساطة 😀!! يعني أنا سواءً كنت كاشفة او منقبة مستحيل اسمح لاحد يصورني بمكان عام حتى لو كان بالغلط
@mwdlmyr62667974
@k_abc2011
@GoldenDose
صح كلامك، لكن منطقيًا مو ضروري يخلف على الستين من عمره بيكبر ويشيّب صعب يقدر يقوم بأطفاله ويوديهم ويجيبهم عكس لما يكون نشيط وبصحته وعافيته
بالاخير الأعمار بيد الله حتى لو عمره عشرين سنة طالما ربي كاتب له يعيش بيعيش والعكس، لكن مو ضروري يجيب اطفال بعمر كبير برضو
@Om77700
@gorgeous4ew
كلامك عْبي ! يعني طالبات الجامعة والموظفات بعد مايجيبون جوالاتهم معهم ؟ ترا ماردّهم طالبات المدارس يتخرجون ويدخلون الجامعة ويدخلون اجهزتهم معهم حتى بالمحاضرات
مو من حق احد يصور سواءً بنات ولا عيال
@mdl98_
ما افهم وش بيصير لكم إذا صرتوا سمحين لينين مع زوجاتكم، الموضوع ماراح ينقص من رجولتكم وخشونتكم اذا سايرتوا زوجاتكم وفرّحتوهم والله لو واحد من اخوياكم يلطعكم عند البيت ساعة ما قلتوا شيء
لاحقين خير يا جماعة و اعصابكم تراهم زوجاتكم خفّوا عليهم وعاملوهم بلين، زوجتك مو عدوّتك ترا
@Fadia20201
أعتقد التشابه التامّ صعب
لكن الأهم من التشابه هو التفهّم
إنك تعيشين يا فادية مع شخص يفهمك ويتفهّمك
أفضل من شخص يشبهك
شخص يستوعبك، لإن حتى الحب مو كفاية
اذا الطرف الثاني ما يفهمك
@doctoraazza
تسولفين كثير يا أم احمد
اطباء المستقبل اللي قاعدين يرقصون في تيك توك ما يصيرون اطباء بدون اختبارات عملية ونظرية ولا يصيرون اطباء بدون اختبارات هيئة ودراسة سنين وبنين
ولو انتي مرة خايفة من الموضوع إذا جاك شيء وتعبتي ياليت تلزمين بيتك لين الله ياخذ أمانته الشكوى لله
@Joiilll
@my_daily_af
إلا مهم ! اذا مو مهم الاب بيصير فيه معجزة تخلي البنت تنجب بدون أب
كلامك مو منطقي !!!!!
مهم ونص ، بكرة اطفالها بيحتاجون اب يسندهم ويعيّشهم ويحسسهم بوجوده ويحضر اجتماعات اولياء الامور ويدافع عنهم وغيره
كيف مو مهم انتي تستهبلين ؟
@Joel9a
@T5yll_
انتي شدرّاك عنها مذاكرة ولا ماذاكرت؟
أنا قعدت اربع شهور اذاكر للتحصيلي وجبت درجة بالـ 60
وكل إختباراتي القدرات كنت أذاكرها وكان عندي معلمة قدرات يوميًا بعد ودرجاتي كلها كانت نفسها مايزيدونها لي مهما سويت ماعدا درجة وحدة !
لاتحكمين على مزاجك أغلب القدرات والتحصيلي يجي صدفة
@mansour_daban
@gorgeous4ew
والله انا مدري مين هذي وليه كلهم قاعدين يعززون لسخافتك، لكني متأكدة إن كل الناس مهما كانوا تافهين ومحتواهم سيء إلا انهم يمروّن بظروف احنا مانعرفها ولا نقدر نستوعبها يعني مالك احقيّة يا منصور تضحك على كلامها وتخلي الباقين يضحكون معاك، محد يعرف ظروف الناس ترا
@me098000
@gorgeous4ew
أص ولا كلمة، إنسان جاهل
الله يخلف على المنطق اللي عندك إذا هذا كلامك
الأم لها كامل الاحقيّة تتزوج مرة ثانية وعاشرة سواءً كانت مطلقة او أرملة ، أحنا بشر لنا احتياجاتنا العاطفية وغيرها بالحياة سواءً نساء أو رجال
وماتعرف ظروف الأم هذي وكيف كان زوجها وهل هي منفصلة او أرملة
@ifond999
@salmaalbargawi
@abduilaziz_
ترا حتى أوبر وكريم والكل مُعرّض للحوادث !
الحادث مكتوب عليها من كانت في بطن أمها والحمدلله الله نجّاها منه ، وترا اعلى نسبة حوادث موجودة بالسعودية من قبل قيادة المرأة للسيارة وروح قوقل وشوف النسبة كيف كانت مرتفعه من ٢٠١٧ وورا !
الحوادث الكل مُعرّض لها ياليت تبطلون هالكلام
@monbhera
أتفق معك في حال كانوا الاباء او الأخوان غير مسؤولين من الأساس وعايشين على رواتب بناتهم وخواتهم بدون شغل ولا منفعة منهم يعني بإختصار إستغلاليين.
لكن فيه كثير ناس اهلهم وابائهم كويسين معاهم واعطوهم كثير بالمقابل مو غلط اني ارجّع لهم بعض من اللي قدّموه لي، وانا شخصيًا مستعدة لذلك
@haidernte4
@Arwa_0E
يبي وحدة تهتم فيه يروح مكتب الإستقدام ياخذ له عاملة تغسله بعد الحمام وتأكله وتنظف ورآه ولا يرجع بالروضة ويروح لأمه تهتم فيه .. هذي شريكة حياة اخذها وهو عارف أنها ( موظفة ) يجي الحين يخيّرها ؟ طبعًا بتختار الوظيفة
ليش تختار شخص ما يهتم لها ولشغلها وبس مهتم بنفسه ؟ هزُلَت !
@without_23
طبيعي انه ماراح يصحيك تسوين له اكل سلامات ماعنده يد ولا كيف ؟ وش هالاتكالية لو فعلاً فيه ناس يصحون زوجاتهم من عز نومهم عشان أكل !
وطبيعي يسوي للبنت رضعتها لانها مو بنتك ( بنتكم ) كلكم طبيعي تتساعدون فيها
اشياء طبيعية يشوفونها معجزة لحول
@otg_2007
@_cvcx
@dream100girl
@CelebsArabic
أولاً استرجل، وثانيًا المطلقة اللي تقول بكل تغريدة لك مو عيارة ولا سبّة هذي حالة اجتماعية لامرأة اختارت تعيش بدون ذكر عديم رجولة مثلك وثالثًا وهو الاهم انت انسان قذر وتفكيرك كله جىسي يعني فكرة اني اناقشك اكثر مو عاجبتني وتراك ازعجتنا بصياحك وهالحلاوة اللي تحطها بآخر كلامك
@nsm543
@GoldenDose
كنت اسويها بالتحضيري لإن لغتي ضعيفة اكتب كل بحوثي بهالطريقة واقراها على هذا الاساس وأنجح بهذي الحركة وهو واضح انه مستجدّ لذلك تصير عادي ماردّه يتعلم انقلش ويقرأ بدون هالدبلجة
@Juiiill
@Nkt_767
فعلاً صح مفروض ماتزوره ولا تتواصل معه ابدًا الا في حال وجود اطفال تقدر تتواصل معه عشانهم فقط
بس برضو ماله داعي تتكلمين بتحريض وتقولين ليته كسر راسك لان مو من حقه ولا من حقك اخت غيم
@3ziz_41
@hassonoh
أول ماتسوي انفولو او بلوك يصير مالك دخل
بالنهاية هذي مساحته ويكتب اللي يعجبه وأكيد أكيد مالك دخل بكل الأحوال
مدري وش مشكلتكم إنكم تخافون تقولون الكلمة الحلوة، لازم التعليقات السيئة بعدها "عمومًا"
خلي العمومًا من بدري وفكّوا الناس من كلامكم!
@Whats_next__o
الشخص الصح ماراح يخليك تشكين بمكانتك معاه نهائيًا، بس الشخص اللي مو معطيك كامل مشاعره لك هو اللي بيخليك تشكّين في مكانتك في حياته فقط !
واسألي مجرّب، لإن الحب الحقيقي واللي يعطيك وتعطينه مشاعر طبيعية وصادقة وبينكم تنازلات مسموحة بتبقين تشوفين مكانتك بأفضل مكان بحياته👍🏽
@usergaunlinii
3 صدق اكثر شيء يحزني
لان فيه كثير كثير ناس ماعندهم ولا يملكون مبالغ يشترون فيها فوط صحية خصوصًا إن فيه كثير عوائل متعففة عندهم اكثر من بنت والموضوع بشكل شهري والفوط الصحية يمكن ارخص وحدة بعشرين ريال صراحة صعبة عليهم وهالشيء مرة مؤسف سواءً كانوا هنا او بدول ثانية او دول فقيرة
@Kreem9691
@samo12207
@vuvrr
أنت اللي اسكت
بصفته مين يهددني بالطلاق فوق إنه متزوج علي
يبي يخليها تحج تروح تحج مو يناشب زوجته الأولى إذا حجيتي بطلقك ! هذا إنسان جبان مايعرف يدير حياته ولا يعرف يتصرّف بس فالح يعدد ويعيّش زوجته تحت تهديد الطلاق يحسبها نهاية حياتها..
خلها تحفظ الباقي من كرامتها وتنفصل احسن لها
@nkflaw4
قبل اروح أي مكان ادخل اشوف صورهم وجلساتهم وشكل الطاولة حتى، عشان اتفادى أي شيء ما يناسبني ولا اتقبّله
صح إن هالشيء يخلي ناس كثير يكرهون يطلعون معي لاني ( اتشرّط ) على قولتهم بس أفضل
لان الوضع صاير مقزز مرة
@hshsh109
@_7x6h
@zenaemaad
لا مو منطقي ! يعني اذا سوت ذنب لازم تكمل كل حياتها ذنوب ؟ عادي الواحد يذنب ويصلح ترا !
مو منطق ابدًا انها اذا اذنبت في شيء يصير كل شيء عادي تسويه لان حضرتك تشوفه منطقي
@aoloi_
@gorgeous4ew
لإن ماتبي احد يتعدّى حدود خصوصيتها
ماتبي احد يوّقفها بالأماكن العامة مع صديقاتها او أمها او اي احد، وهالشيء منطقي اصلاً
لإن كثير مشاهير ما يبون احد يضايق أهاليهم او اي مرافق معه�� وهذي أبسط حقوقه، ولو إني ضد طبعًا خروجها بهالشكل لكن من حقها ما تطلّع هويتها هي حرة
@G_1412_
@iuy_1777
هذولا هم يسبون ريّانة لانها على قولتهم راحت الفضاء بدون محرم وواقفة تصور جنبه وهو قالوا عادي من التوتر حضنهم!😂عجيب أمرهم الحلال والحرام على المزاج
@Lolliolw
اوكي من حقك تزعلين ولو انا منك اروح اسحب الفلوس وارميها بوجهها بعد لان اسلوبها جدًا سيء والاصحاب مايتحاسبون على ١٥٠ ريال، لكن مو من حقك ماترجعينها لها هذا حقها وطالما هي ( سُلفة ) يعني غصبٍ عنك ترجعينها لها ريال ريال
@me098000
@gorgeous4ew
مالك الأحقيّة تتكلم فيها وينقصّ لسانك يالجاهل
خلها تتزوج وتعيش حياتها وتنجب وتكون مع رجل يعوّضها مرة ثانية وتعيش حياتها مع ولدها وزوجها بالطريقة اللي تعجبها طالما هالشي يرضي ربي العالمين وبالحلال
صدقني يجيك يوم تنقلب حياتك ويجي من يتكلم في تصرفاتك بسوء ، اسكت احسن لك يالجاهل
@_3llr
والله مخك مقفّل ! إلا خيانة ونص
لهالدرجة الفراغ فيكم تدورون الإهتمام من اي احد واللي نسبة اهتمامه أكبر من غيره تحبّونه ؟
ترا الحب مشاعر حتى لو ماكان فيه تواصل مستمرّ ! مو منطق إن الشخص اللي مايهتم تسحبون عليه وتروحون لشخص يهتم أكثر منه
هذا إسمه فراغ ولعب أطفال عيب أكبروا
@blisteshn1and2
@mdl98_
مو على حسب الزوجة، اذا زوجتك كويسه عاملها بطيب ولين
وإذا زوجتك مو كويسة إتركها بكل بساطة !
( فإمساك بمعروف او تسريحٍ بإحسان )
لكن المعاملة السيئة والعصبية والكلام الشين محد يرضى فيه ولا يتقبّله
@CelebsArabic
ثقافة ( حقي الشرعي ) اللي لازم تتنفّذ اول ليلة وش وضعها؟
بنت غريبة عنك ماقد عاشت معاك ماهي مجبورة تعطيك على قولتك ( حقك الشرعي ) من اول ليلة ! طمّنها، سولف معها .. تكلموا بأريحية وبعد خذ ( حقك الشرعي ) اللي حتى هي لها حق انها تاخذه منك لانه شيء مُشترك بينكم.
مو تروح تاخذ روحها !
اللهم في يوم الجمعه ارحم فقيدنا
اللهم إنا أشتقنا له وإن الشوق للميت يميت يارب وإن كنا مقصرين له في الدعاء فأنت الكريم الذي لا ينسى، اللهم أرحم من كان في الأرض طيب الذكر طاهر القلب، يارب هب له بقدر دعاء الصالحين للأموات نعيمًا ورضوانًا وسرورًا
@yrswa1
@s1hd_1
@puierq
إنتي اللي اكليه واستحي على وجهك واحفظي لسانك وانتقي الفاظك .. انتي عارفة كم شخص مُعرّض للموت بسبب هالفايروس؟ تعرفين كم شخص توفى قبل ؟ الاف وملايين يا ستّ يارا
كل هذا عشان اجازة ودراسة عن بعد؟ ماتبين تدرسين حضوري اطلعي من مدرستك ولا جامعتك
لاتجلسين تتلفّظين على الناس العاقلة هه
@wwe6060
@Saudiipinterest
هذا اسمه حسد ومرض نفسي، يُفضّل تروح طبيب نفسي تشرح له حالتك النفسية وتقول له انك حىىىود لإن الناس الطبيعية تتمنى الخير لنفسها، والرزق بيجيها
إما اللي يشوف اللي عند غيره ويحسدهم هذا يحتاج علاج👍🏽
@khlid3330
@uunour894
ماعليه حسوفة، الرجّال اللي يحسس زوجته بعدم الأمان ويهددها بالثانية ما اتوقع زوجته بتتحسف عليه بصراحة ! اذا الزواج ماكان مبني على أمان واطمئنان من الطرفين وش فايدته ؟ الحمدلله والشكر !
@5__o__5
@Nkt_767
دورة شهرية مو شيء عيب ولا شيء مخجل اذا جتني اخواني يسوون لي مشروبات دافية ويراعوني دايمًا وترا الكل يشوفها بالصيدليات وبالمدرسة يدرسونها بعد وابشّرك باقي اسبوع وتجيني واذا جتني برجع اذكرك انها جتني واشغلك زيادة عشان تراعين مشاعري✨
@e_30ii
@whrumor
هي محتوى حسابها كذا، تسالها وش يبغى ياكل واذا طلب شي ماتسويه وتعانده يعني مثلاً تقوله تبغى باستا ولا بيتزا؟ اذا قال بيتزا تروح تسوي له باستا كل مقاطعها كذا
@blisteshn1and2
@mdl98_
الرسول عليه الصلاة والسلام، ماكان يعامل اليهود والكفّار معاملة سيئة وكان يصبر على اذاهم ويتحمّل سوء معاملتهم له، فما بالك بأحدى زوجاته ؟
الاثباتات العلمية وتجارب الأزواج ماتجي الا من عديمين المرجلة والمروّة.. اقتدوا بالرسول بدل ماتمشون ورا تجارب اخوياكم الفاشلة.
@vuvrr
وأستر عليها؟ انت استر على نفسك وكثّر الله خيرك
عنبو بليسكم ماتستحون على وجيهكم ؟ أنعدمت الرجولة عندكم ؟ صرتوا تقارنون البنات على حسب اعمارهم ؟ بالله عليك وحدة عمرها ١٩ وش فرقها عن ٣٣ ؟
"صغيرة وجميلة" على اي اساس الزواج قايم على هالشيء وهالمبدأ ؟
انت رجولتك مرميّة بالشارع اتوقع
@vuvrr
شفيك ياختي؟
ليش تجلسين ودمعتك بعينك ؟
وش ناقصك وليش تسمحين له يعدم شخصيتك وليش تسمحين لنفسك تروحين لمكان فيه ناس يتعمدون يتجاهلونك ؟
خليك أقوى من كذا وإفرضي شخصيتك على الجميع
كل انسان له كيانه وشخصيته، لاتضعفين ابدًا مهما كثروا علي واستقووا
@the_sad_gf
طيب لو فرضًا بقى معه 500 واعطاها عيدية 200
حلووووة مرة ! الموضوع مو مادي ابدًا طالما انه ذكرها بشيء
اوكي لو نقول معه 10 الآف فايضه واعطاها 200 بنقول انه مو كريم وغيره
لكن البيوت اسرار ومحد يعرف الناس كيف عايشين حياتهم يمكن تكون هالميتين ماتجي بسهولة وماديتهم كذا
@NAlzerwi
ماشاءالله، لكن احس يكفّي
مو ضروري الناس تعرف ابسط التفاصيل
الناس ودّها وتتمنى والعين حق ..
خلها تفرح بإنجازاتها بينكم وتكمل حلمها وطموحها
بعيد عن الناس لاتخليها على كل شيء تطلع للناس وتوريهم
مو ضروري!
@Qutiba_1985
@coffeelogy_54
ترا هذا ما يوحي انك رجُل وطاقتك عالية، كيف تحضن بنت مرت جنبك وتصير البنت بخاطرك وانت ماتعرفها لمجرد انك شميت ريحتها؟ هذا يدلّ انك بهيمة ( مسعور ) ماعندك عقل تفكر فيه وتضبط نفسك
كذا الحيوانات اذا شافوا فريسة قدامهم ينطلقون عليها بغضّ النظر عن نوعها وشكلها وكل شيء، نفسك
@hackerelan
فعلاً صادقة! شكلهم يبونهم يتهاوشون ويسبّون في أهالي بعض ونحشات من المدرسة وهواش مع المدرّسين وإهمال بالدراسة، يا عالم مراهقين ماتعدّت اعمارهم ١٨ سنة قاعدين مع اصحابهم في المدرسة وقعدة مرتبّة لا تشبهوا ولا تدلعوا ولا سوو اي شيء غريب ومخالف لا قانونًا ولا شرعًا
@MAlbumut
أحس هذول يبون الناس تقول اووه ماتعرفون لطيفات🥹🥹كذا
لان مو منطق ان فيه احد يسوق برجلين واللي تسوق برجلين غشيمة لان حتى لاجات تاخذ الرخصة وشافوها تسوق برجلين يرسبّونها على طول 😅 ما احب اللي توضح نفسها غبية
@Abood140921
@gorgeous4ew
مافيه أي احراج.. هذا زوجي
ومايحرجني وجوده وقت ولادتي بالعكس
من حقي اخليه يدخل يشوف شكثر انا اتألم ويحسّ بإحساسي وقتها ويقدّر هالشيء لي
@whrumor
تعرفون الكومنتات قبل تدخلونها"لو إنها متسترة"
اولاً يستاهل ماجاه ومفروض كل بنت تتعلم تدافع عن نفسها، وثانيًا نسيتو اللي لمس بنت مع اطفالها وهي بنقابها وعبايتها؟ ولا نسيتوا اللي اعْتصب بنته الصغيرة لحد ماتوفت؟ولاتبون بنته تتغطى منه بعد؟
مافيه مبرر للتحرش وما يُبرر الا من مرضى.
@raaya2202
@justmahaSH
هذا الصح أساسًا لكن البعض تعوّدوا على اللون الأسود فـ يشوفون اي لون غير الأسود مخالف للدين والشرع ومثير للأسف ومجرد مايشوفون بنت ��ابسة غير الأسود يقذفونها ويسبونها ويستبعدون إنها متربية ومسلمة حتى
@al_ma20
صح إني مو منقبة لكن مالي دخل بالمنقبات واللي يلبسون عبايات راس واللي يلبسون خِمار ولا براقع ولا حجاب ولا عبايات كتف.. تتكلمون عن الحرية واذا شفتوا وحدة حريتها بالنقاب صايحتوا ليه ؟
مو ضروري تكون كاشفة سواءً جميلة ولا مو جميلة
كل بنت تلبس اللي يناسبها خلصنا عاد
@juustariihailey
الغريب انكم تشوفون اللي عمرها اربعين عجوز ! انتم مستوعبين إنها تعتبر بعزّ شبابها ولا ؟
يعني هي مواليد 1405 او يعني 1984 تقريبًا كيف تشوفونها كبيرة وعجوز 😨😨😨😨😨