N - Philosopher الفيلسوف @NPhilosopher2 Twitter profile | Pikagi

Pikagi

N - Philosopher الفيلسوف

@NPhilosopher2

19,636

Followers

2,712

Following

147

Media

19,945

Statuses

أتجَوَل بين العقل و أفكاره ، أستمع إلى الصمت و أتغنى بأسراره !

Joined August 2018

Don't wanna be here? Send us removal request.

Pinned Tweet

@NPhilosopher2

N - Philosopher الفيلسوف

3 years

واحد من الجيران في العمارة بقاله حوالي ٦ شهور مش بيدفع مصاريف الصيانة، وحصلت مشاكل كتير ما بينه وبين المسؤول عن العمارة.. وكانت الخناقة شغالة على جروب الواتس اب بتاع العمارة.. ومن حوالي شهرين كنت طالع من الشقة وشوفته بيضرب قطة برجليه عشان بتقطع اكياس الزبالة، لومته وقلتله حرام

546

7K

34K

Last Seen Profiles

@c_miz

@magutaku1120

@Nathaniel_ATH

@shantisdiary

@astheio

@bokeplokalmalam

@FieldOfAvalon

@ATSNursing

@Raydish_

@Geeks_Valley

@ProfMarkElliott

@amiriisanaa

@nightengalejr

@shannan045178

@samwhiteout

@malm_magnus

@solomon_grundle

@og_bluface

@Agana79691402

@RUnije

@ga53405497

@ridotto_io

@brata36009104

@WRabbitGaming

@nofumestucu3

@PerezLuisQB

@terrellowens

@humhumnko

@TroyPSilva

@ABO7did_99

@florencewelcro

@AHM__82

@galery_basah10

@Alexander_Lee

@heather_gelbard

@Alm9drAlawal11

@NPhilosopher2

N - Philosopher الفيلسوف

5 years

كنت باشتغل فى مكان ، ماسك فيه إدارة كبيرة فيها حوالى 80 موظف ... شغلهم كان صعب ، يتطلب لغة و كومبيوتر و قدرة عالية فى التواصل مع العملاء ... ما كناش بناخد أى حد ، كله كان على الفرازة ... كان فيه كذا أوفيس بوى فى الشركة ، لكن كان فيه واحد فيهم إسمه سليمان ، ولد غلبان و فى حاله

261

2K

7K

@NPhilosopher2

N - Philosopher الفيلسوف

3 years

ناس عايشين كويس وفي مستوى معقول، ولما الدنيا بتقلب عليهم بتصعب عليهم نفسهم.. مش بيقدروا يطلبوا مساعدة من حد.. وفي نفس الوقت الشخص ده ماكانش قادر يواجه مراته بالظروف بسبب مرضها.. نرجع ونقول.... الناس لبعضها!

161

418

7K

@NPhilosopher2

N - Philosopher الفيلسوف

5 years

فيه شخص رحل عن هذا العالم من سنتين تقريبا .. الشخص ده مهما أخدتنى الحياة فى مشاغلها و همومها ، بافتكره بصفة مستمرة ... نفسى أتكلم عنه لأن يمكن ماحدش إتكلم عنه فى حياته و لا بعد ما رحل ! القصة فيها حاجات كتير عمرى ما شوفتها فى حياتى غير من الشخص ده ... كان إسمه "سمير" !

276

1K

5K

@NPhilosopher2

N - Philosopher الفيلسوف

3 years

لقيت كل الشقق في الدور بتاعه قدامها أطباق مليانة اكل للقطط... زوجة جاري العزيز قامت بالواجب وكانت بتطبخ وتوزع الأكل قدام كام شقة.. الموقف ده بكل ما فيه، أثر فيا جدا... مفيش حد يقدر يعرف ظروف الناس عاملة ازاي .. كتير من الأشخاص العدوانيين، تلاقي عندهم هموم مستترة

15

312

5K

@NPhilosopher2

N - Philosopher الفيلسوف

3 years

بعد ما عرفت الكلام ده.. قعدت شوية على الكورسي وجمعت كل المشاهد اللي كلنا كنا فاهمينها غلط.. وبكيت بشدة لما افتكرت شكله وهو بيحط اكل القطط في الكيس وطالع بيته زي الحرامي، بيبص وراه عشان خايف لا حد يشوفه.. بكيت على حاله.. وفهمت انه غالبا بيأكل مراته من اكل القطط

5

194

3K

@NPhilosopher2

N - Philosopher الفيلسوف

3 years

فكرنا سوا ونادى على مراته وقالت إنها ممكن تلاقيله شغل في شركة واحد معرفة.. عملنا إعلان عن وظيفة مطلوب فيها محاسب خبرة، وحاطيناه على باب العمارة.. تاني يوم كان بيتصل على الرقم اللي في الإعلان وبدأ يشتغل بعدها بكام يوم... الجميل بقى انه في الشهر الأول قبل ما يقبض الراتب

2

169

3K

@NPhilosopher2

N - Philosopher الفيلسوف

3 years

أخته قالتلي انه مش قايل لمراته انه ساب الشغل، وبينزل كل يوم بالبدلة يدور على شغل، وصرف كل مدخراته وباع العربية.. فكرت كتير وقررت اتكلم مع واحد من السكان، خاصة اني عارف حساسية الموضوع، كل السكان كانوا مش طايقينه ومتحفزين ضده.. شرحتله الموضوع وهو كمان بكى زي الطفل قدامي

4

172

3K

@NPhilosopher2

N - Philosopher الفيلسوف

3 years

القصة بدأت لما كنت طفل صغير مسافر مع والدي ووالدتي في رحلة زورنا فيها كذا دولة أوروبية.. اللي حصل إننا كنا واخدين فيزا بلجيكا بس والدي قرر إن الوقت ضيق وقام بتعديل خطة السفر.. لكن أنا كنت سامع عن تمثال في بروكسيل وصممت ودبدبت برجليا على الأرض.. لازم نروح نشوف التمثال!

35

403

3K

@NPhilosopher2

N - Philosopher الفيلسوف

3 years

أخته عندي على الفيسبوك، هي متزوجة وعايشة في مكان تاني.. بعتلها رسالة أسأل عليها وسألتها عنه وعن أحواله وقلتلها اني مش بقابله بحكم المشاغل.. المهم قالتلي أنهم مشوه من شغله من حوالي سنتين ومن ساعتها بيدور على شغل! وأنه صرف اللي وراه واللي قدامه على علاج مراته.. كانسر

1

174

2K

@NPhilosopher2

N - Philosopher الفيلسوف

3 years

الراجل ده عنده تقريبا حاجة وخمسين سنة، بينزل على طول بالبدلة والكرافتة وتقريبا بيشتغل في بنك.. مراته مريضة بقالها فترة ومانعرفش عندها ايه بالضبط، بس ما بتنزلش من البيت خالص.. ربنا ما رزقهمش بأطفال.. السكان بيقولوا عليه بخيل لأنه بيلبس جزمة قديمة اللزق بتاعها فاكك من قدام

5

184

2K

@NPhilosopher2

N - Philosopher الفيلسوف

7 months

من كام شهر دخل عليا واحد من الزملاء ومعاه ظرف كبير وقعد واتكلم عن الجو والسياسة والشغل والعملة.. وبعد ما الكلام خلص، سابلي الظرف على المكتب وقالي، دي واحدة ظروفها صعبة لو تقدر تساعدها يبقى كتر خيرك! فتحت الظرف ولقيت CV فيه صورة قديمة لواحدة في الثلاثينات من عمرها..

68

398

2K

@NPhilosopher2

N - Philosopher الفيلسوف

3 years

لقيته بيطلع كيس من جيبه وبيحط فيه الاكل.. كان لابس ماسك وترينينج، حط الكيس في جيبه ولقيته طالع العمارة عندنا.. طلعت وراه ولقيته داخل شقة أخينا البخيل... وعرفت طبعا أن ده هو نفس الشخص.. تاني يوم حصلت نفس القصة.. بحكم الجيرة سنين طويلة، لأننا ساكنين في إيجار قديم..

4

174

2K

@NPhilosopher2

N - Philosopher الفيلسوف

3 years

المهم... من حوالي ٣ شهور كنت بانزل احط اكل لقطط الشارع.. شوية بواقي اكل وعليهم صلصة.. وفي يوم قررت أقف من بعيد اتفرج عليهم وهم بياكلوا، فوجئت بشخص جاي ياخد الطبق وبيهش القطط برجليه.. اتنرفزست وكنت هاروح اهزقه.. وبعدين قلت الصبر طيب.. مشيت وراه

2

168

2K

@NPhilosopher2

N - Philosopher الفيلسوف

5 years

بعد ما مشيت من الشركة ، مافيش حد بيسأل عليا غير سليمان ، و يبعتلى رسالة فى عيد ميلادى ... و دلوقتى سامع إنه إحتمال يترقى و يبقى مشرف فى القسم ... سليمان ده شخص حقيقى موجود و ربنا كرمه عشان قلبه الطيب و التواضع اللى ما شوفتوش فى حد، و كان راضى بحاله فعلا رغم إنه محتاج !

76

124

2K

@NPhilosopher2

N - Philosopher الفيلسوف

3 years

و في وسط هستيريا تسجيل العقارات والحصول على الملصق الإلكتروني... التوكتوك ينعم بسلام نفسي عجيب وهو يتجول في شوارعنا عكس الإتجاه وبدون لوحات ومحدش بيكلمه! وفي وسط زحمة سداد الرسوم والضرائب اللي المواطن بيحاول يسابق الزمن عشان يسددها، السايس واقفلك عند عربيتك عشان ياخد اتاوة

49

558

2K

@NPhilosopher2

N - Philosopher الفيلسوف

5 years

هاحكى عن واحدة جارتنا ...إسمها مدام سهير !كان عندها ولد و بنت ... هشام إتجوز و سافر ، و ياسمين كانت تقريبا من نفس عمرنا لكننا لما كبرنا ما كبرتش معانا ، فضل عقلها عقل طفل .. كان عندها إعاقة ذهنية ، لكن و إحنا أطفال ما كناش واخدين بالنا .. مدام سهير كانت ساكنة فى الشقة اللى قصادنا

85

419

1K

@NPhilosopher2

N - Philosopher الفيلسوف

7 months

ربنا مابينساش حد.. إحنا بس اللي بنفتكر إننا هننقذ الناس، و ان العالم هاينهار من غيرنا.. لكن إحنا جزء صغير من الخطة الكبيرة.. لو ما ساعدناش، فيه غيرنا هيساعد.. بس لازم نفهم إن أي حد محتاج يقع في طريقنا دي فرصة لينا أكتر ما هي فرصة ليه.. ولسه فينا نفَس عشان نعيش ونتعلم ونثق في ربنا

31

186

1K

@NPhilosopher2

N - Philosopher الفيلسوف

3 years

من عشر سنين كنت ماسك إدارة قسم لخدمة العملاء في شركة من الشركات الكبيرة.. وفي يوم جالي واحد معرفة وقالي خد ال CV ده وشوف تقدر تعمل إيه.. قابلت الشخص، كان إسمه وليد.. شاب مهذب ومحتاج فرصة، إمكانياته معقولة وخبرته مش بطالة.. من أول مقابلة قلتله مبروك عليك الوظيفة..

70

234

986

@NPhilosopher2

N - Philosopher الفيلسوف

1 year

الدولار ثابت بقاله أكتر من ٤ شهور، لكن الأسعار كل يوم بتغلى!! إحنا فاشلين جدا في مقاطعة المنتجات عشان بيننا ناس بتتعامل مع الفلوس كأنها ورق كوتشينة.. عايزين تحاربوا الغلاء.. لازم تقاطعوا، ملهاش حل تاني في ظل غياب الرقابة على الأسعار!!!!

102

122

895

@NPhilosopher2

N - Philosopher الفيلسوف

8 months

من كام يوم قابلت أكتر شخص أذاني في حياتي.. الموقف كان معكوس.. كان جاي وطالب خدمة، ومكنش يعرف إن القرار في إيدي! فكرت أخد حقي.. فرصتي! أول ما شافني، وشه جاب ألوان! أخد خطوة للخلف.. قمت من على مكتبي وسلمت عليه... سمعت مشكلته ووعدته أحلهاله! اشتغلت عليها وحلتهاله!

58

93

874

@NPhilosopher2

N - Philosopher الفيلسوف

3 years

هاحكيلكوا قصة حصلت معايا من زمان.. شخص قابلته وقعدت في بيته لمدة أسبوعين... ويمكن الظروف ما سمحتش اني أعرف أزوره تاني! الحكاية بدأت لما كنت بادرس، وكان فيه سفرية اختيارية لمدة شهر ونص، تبادل ثقافي مع دولة أوروبية.. شاءت الظروف اني اكون واحد من الناس اللي سافروا!

46

169

795

@NPhilosopher2

N - Philosopher الفيلسوف

5 years

نتعلم منهم البساطة و الحب الحقيقى اللى مالوش شروط ... و لسه القط بتاعه عايش مع والدته و أخته ... كل ما أروح أزورهم بافتكر يوم ما سمير كان بيزحف تحت العربية عشان ينقذه !

42

46

716

@NPhilosopher2

N - Philosopher الفيلسوف

2 years

عايز اتكلم عن نيرة أشرف.. فيه ناس بتنشر صورها وهي في المصيف أو في حفلة أو مع أصدقائها.. لابسة إيه أو بتعمل إيه، دي كانت حياتها وهي حرة فيها.. مش قادر أصدق انكم بتنشروا الصور دي عشان تبرروا ذبحها في الشارع! وكاتبين انها مش ضحية، و ان اللي قتلها هو الضحية! #نيرة_أشرف

69

130

711

@NPhilosopher2

N - Philosopher الفيلسوف

3 years

بعد تراجع الدولة عن تنفيذ كوبري البازيليك في مصر الجديدة وسحب قانون الشهر العقاري للدراسة (بحسب علمي)... أهم ملاحظة هي:: مجلس الشعب أو البرلمان الحقيقي موجود هنا على صفحات السوشيال ميديا.. اما البرلمان اللي فيه السادة النواب ده للتصديق فقط.. ده الواقع! و دي حاجة إيجابية

29

177

697

@NPhilosopher2

N - Philosopher الفيلسوف

5 years

فى الأول ما صدقش ، و قعد يكرر السؤال :: أنا؟ أنا؟ أنا؟ ... بعد ما أكدت عليه و حسيته طاير من الفرحة ، قلتله مش عايز تعرف مرتبك هايبقى كام ؟ قالى 400 ، ده كفاية أوى ! كنت هاعرض عليه 1500 ، بس بعد ما قالى 400 ، عرضت عليه 2000

17

43

664

@NPhilosopher2

N - Philosopher الفيلسوف

3 years

لما فكرت لقيت إن اللقاء ده تم ترتيبه من فوق... هي علمتني درس وزرعت فيا بذرة جميلة... ويمكن هي كانت محتاجة اللقاء ده... الكام ساعة اللي قضيناها سوا، تداوي حزنها وألمها من فقدان إبنها!

20

13

635

@NPhilosopher2

N - Philosopher الفيلسوف

3 years

شخص بيصور واحدة في بلكونة بيتها، التصوير من مسافة بعيدة جدا، بيعمل زووم كذا مرة عشان يقدر ياخد كادر يجرح به عينيه وشرفه اللي اتبعتر على الأرض من المشهد! وتيجي السلطات تقبض على الفتاة بتهمة التحريض على الفسق والفجور.. طب فين تهمة التلصص وانتهاك خصوصية الغير؟!

28

152

618

@NPhilosopher2

N - Philosopher الفيلسوف

7 months

من الحكايات الغريبة اللي اكتشفتها عن طريق الصدفة.. شخص كنا بنقول عليه بخيل.. منصب كبير وكلام كتير عن الراتب الشهري اللي قد يصل ل ١٢٠ ألف جنيه في الشهر! وكان راكب عربية كحيانة ولابس هدوم قديمة.. قميصين تلاتة بيبدل فيهم بقاله سنين لغاية لما اتبروا حرفياً..

23

120

613

@NPhilosopher2

N - Philosopher الفيلسوف

5 years

و بيفرح بأى جون يدخل فى أى فريق .. فاكر مرة كنا هاناكل علقة فى قهوة ، عشان قام و صقف لما مصر دخل فيها جول  فى ذكرى سمير ، اللى دايما على بالى و فى قلبى ، باقول إن الدنيا دى فيها ملايكة عايشين حوالينا .. ناخد بالنا منهم و نراعيهم عشان ربنا يباركلنا فى حياتنا

5

50

574

@NPhilosopher2

N - Philosopher الفيلسوف

3 years

ودخلوها مدرسة خاصة وحالتها الصحية مستقرة نوعا ما.. باحكيلكم قصص كتير عن الجانب الآخر من الحقيقة اللي الواحد لو ما عرفوش ممكن يظلم ناس، أو ما يقدرش ظروفهم.. و دي اكتر حاجة علمتني دروس قاسية في حياتي.. عشان كده باحب اشاركها معاكم.. لعل وعسى يكون في حياتك وليد آخر وانت مش واخد بالك

34

41

560

@NPhilosopher2

N - Philosopher الفيلسوف

3 years

مش عارف ليه طول ما انا باقرأ الكلام ده، متخيل صورة مجانص واقف ورا الشجرة ولابس تي شيرت عصابة القناع الأسود! بعيدا عن الهزار.... الكلام واقعي جدا... وبيوجع جدا! عاملين رجالة عليهم، بس مش رجالة معاهم.. عيب يكونوا مرعوبين بالشكل ده و هم عايشين وسط أهاليهم وناسهم!

Tweet media one

8

115

548

@NPhilosopher2

N - Philosopher الفيلسوف

3 years

كان ليا صديق إسمه فادي... أطلقنا عليه لقب ضابط الإيقاع! بداية الحكاية إننا كنا زملاء في الدراسة وفي فصل واحد... انا كنت من التلامذة الملتزمين جدا جدا.. امشي جنب الحيط واقدس القواعد... اهلي علموني كده... وفي يوم من الأيام، كان عندنا حصة فاضية، والمشرف جالنا الفصل

59

144

528

@NPhilosopher2

N - Philosopher الفيلسوف

6 months

أول مرة من ساعة ما وعيت على الدنيا يكون عندنا شخص ناجح بهذا القدر مثل محمد صلاح.. لكني عرفت ليه الناجحين بيهجوا برا البلد ، وفيه منهم بيخسر انتماءه.. عشان الناس هنا قلبهم مش نضيف.. بيكرهوا الخير لأولاد بلدهم.. مش قادرين ولا عايزين يشوفوا حد ناجح.. الحقد ملا القلوب اللي كانت بسيطة

37

105

533

@NPhilosopher2

N - Philosopher الفيلسوف

7 months

نزلت من عندهم وسبت العربية ومشيت كتير.. كان حديث بيني وبين ربنا.. كالعادة، كنت بعتذر عشان شكيت فيه كتير.. كنت فاكر إن ربنا ناسي ولاده.. كنت فاكر إننا كبني أدمين قلبنا أحن منه.. لكني فهمت للمرة المليون، إن ربنا كان واخد باله منهم.. بعتهم في سكتي عشان أخد شوية بركة..

5

22

511

@NPhilosopher2

N - Philosopher الفيلسوف

3 years

إمبارح جددت رخصة السيارة في مجمع تراخيص التجمع الخامس... آخر مرة دفعت حوالي ٨٠٠ جنيه بالاكراميات.. إمبارح دفعت ٤٥٠٠ تقريبا.. الإكراميات زادت، خصوصا بعد ما بقى فيه فحص إضافي، فحص البيئة! نفس الموظفين ونفس الروتين مع إختلاف شكل المبنى!

78

173

483

@NPhilosopher2

N - Philosopher الفيلسوف

3 years

بعد مشاهدة الإحتفال الرائع إمبارح، ولما عرفت أن اللي اشتغلوا فيه مصريين... مشكلتنا مش في الكوادر زي ما كلنا كنا فاكرين، لأنه اتضح ان عندنا ناس عالميين بمعنى الكلمة... المشكلة في الوسايط اللي كانت سبب بقاء ناس فاشلين على كراسي ما يستاهلوهاش على مدار سنين طويلة جدا

14

133

480

@NPhilosopher2

N - Philosopher الفيلسوف

2 years

يعني احنا بنقول للأهالي ان الضرب غلط في تربية الأطفال... وبنحتفل بعيد الام وبنقول عليها مربية الأجيال... وفي نفس ذات الوقت لسه بنتناقش في الترخيص الديني لضرب الرجل لزوجته! يعني نضرب الأم اللي المفروض تربي الطفل من غير ما تضربه... الحلزونة لها دور رئيسي في تفكيرنا!

26

140

488

@NPhilosopher2

N - Philosopher الفيلسوف

3 years

من كام سنة.. كنا قاعدين في الكافيه.. خمس اصدقاء، بنتجمع مرة أو مرتين في الأسبوع ونقعد سوا نحكي همومنا ونضحك شوية، نلعب طاولة وناخد رأي بعض في مشاكل الشغل والحياة.. ولما الحساب بينزل على الطرابيزة ، صديقنا شريف هو المتخصص، يمسك الورقة ويحسب لكل واحد شرب وأكل ايه

21

154

490

@NPhilosopher2

N - Philosopher الفيلسوف

3 years

بعد ما سمعت حكايتها... ما اتكلمتش تاني لغاية لما الطيارة وصلت مصر.. كنت باراجع كل ثانية عيشتها في البيت ده! كنت محظوظ اني عشت اسبوعين وسط ملايكة.. فاكر أخر كام كلمة قالهالي المشرف على الرحلة.. "من قلب الألم بتتولد المعجزات، ومن شدة الاحتياج، تتدفق أنهار العطاء"!

30

51

493

@NPhilosopher2

N - Philosopher الفيلسوف

5 years

لغاية أخر الأيام فى الشركة كنت باقفشه يقوم و يعمل مشاريب لزمايله ، كنت باخده فى المكتب و أهزئه ... و زمايله كانوا بيرفضوا الموضوع ده ... التواضع بتاعه أذهل الشركة كلها ، لدرجة إن المدير العام سمع عنه و كرمه فى حفل من حفلات الشركة ...

0

44

464

@NPhilosopher2

N - Philosopher الفيلسوف

5 years

قلت لسليمان يعمل بعض مهامه لغاية لما نجيب حد .. أدائه كان فوق الممتاز .. كان أحسن من ناس كتير فى القسم .. كان فيه ناس معترضين إن الأوفيس بوى قاعد على مكتب زيه زيهم .. لكنه كان خريج حقوق ! و عرف يطور من نفسه بشكل خيالى ... كان ذكى جدا ...

1

43

463

@NPhilosopher2

N - Philosopher الفيلسوف

5 years

حافظ على مكانه و ما جبناش حد مكان الموظف اللى مشى .. ربنا رزقه ببنت و ولد ... و أنا ماشى من الشركة كان مرتبه وصل تقريبا 5000 ... كان فى كل زيادة يدخل يعمل مناحة و يقولى أنا ما أستاهلش

0

40

455

@NPhilosopher2

N - Philosopher الفيلسوف

5 years

و عكس توقعات الناس كلها اللى عارضونى فى قرارى ، سليمان أظهر جدية غير مسبوقة فى الشغل و بدأ ياخد كورسات إنجليزى و ناس تساعده من القسم فى اللغة و الكومبيوتر .. و كانت له ملاحظات ساعات فى الشغل نفسه ، و ��انت كلها صحيحة ... لغاية لما موظف من القسم مشى و ماكانش فيه بديل

2

42

446

@NPhilosopher2

N - Philosopher الفيلسوف

3 years

سؤال... ايه اكتر حاجة بتعجبك في عقيدة الآخر المختلف عنك، في سلوكه؟ ايه اكتر حاجة بتعجب المسلم في العقيدة المسيحية، أو اكتر سلوك أو ممارسة؟ وانت يا مسيحي، ايه اكتر حاجة بتعجبك في العقيدة الإسلامية، اكتر سلوك أو ممارسة بتشوف اخوك بيعملها وبتعجبك؟ كلام إيجابي فقط لو سمحتم..

244

89

444

@NPhilosopher2

N - Philosopher الفيلسوف

3 years

قلت في سري... بركاتك يا مدام مارسيل... شجرة الخير بتطرح بعد سنين وسنين... يا ترى إنتي فين دلوقتي.. أتمنى تكوني سعيدة في حياتك والدنيا ماتكونش سرقت منك قلبك الدهب! دي حكاية تمثالين قادوني لقلب إنسانة جميلة.. إتعرفت عليها بسبب الطفولة والعند..

2

12

461

@NPhilosopher2

N - Philosopher الفيلسوف

3 years

التمثال ده ضاع مني من كثرة التنقلات والعزال من هنا ل هنا... لكني وجدته من كام يوم... أول ما لاقيته شوفت إبتسامة مدام مارسيل قدامي.. ولقيت قلبي بيضحك.. الست دي كانت من أسباب حسن ظني بالناس.. زرعت فيا بذرة جميلة.. من غير ما تحس تلاقيها كبرت جواك...

1

12

450

@NPhilosopher2

N - Philosopher الفيلسوف

2 years

جولة صباحية في مول سيتي ستارز.. الشئ الايجابي ان المحلات فيها بضاعة.. الظاهرة السلبية هي ٨٠% من المحلات والكافيهات مشغلين قرآن بصوت عالي جدا.. هتقولي ده يوم الجمعة وقبل الصلاة،هقولك ده مول تجاري وبيدخله مسلمين ومسيحيين و أجانب..اللي عايز يصلي يروح الجامع أو يسمع قرآن في الأيبود

156

57

439

@NPhilosopher2

N - Philosopher الفيلسوف

7 months

كان ليا زميل طفولة في المدرسة... إسمه مصطفى.. الولد ده كان مثال أعلى لنا كلنا... متفوق في الدراسة بشكل مُرعب.. بيطلع الأول أو الثاني في كل سنة لغاية ما وصلنا لتانية ثانوي وطلع الأول مكرر.. كان مقرر يدخل طب بشري، وكل المدرسين متوقعين له مستقبل باهر ..

20

90

444

@NPhilosopher2

N - Philosopher الفيلسوف

4 years

إشتغلت مع هنود و ألمان و فرنسيين و جنسيات أخرى ... كلهم لما بيتكلموا إنجليزى لهم غلطات و Accent ، بس المهم هو التواصل و إن المعلومة توصل ... ما شوفتش حد بيتريق على كلام حد غير المصريين و هم بيتريقوا على زملائهم المصريين ! ظاهرة تستحق الدراسة !!!

15

116

430

@NPhilosopher2

N - Philosopher الفيلسوف

5 years

مش تمثيل و لا مبالغة لكنه فى مرة كان هايسيب الشغل عشان شايف إنه ما يستحقش المكان و الفلوس دى ... حتى الناس اللى كانوا معترضين عليه ، فى الأخر كانوا بيحبوه جدا عشان كان متواضع ... لغاية الأخر كان يندههم و يقول أستاذ فلان ، عمره ما رفع التكليف

0

41

420

@NPhilosopher2

N - Philosopher الفيلسوف

3 years

المشكلة مش في خانة الديانة اللي على البطاقة.. المشكلة في خانة العنصرية اللي في دماغ البعض!

23

77

422

@NPhilosopher2

N - Philosopher الفيلسوف

7 months

حكاية النهاردة هنقلها لكم بالحرف.. حصلت من حوالي سنتين.. ركزوا معايا في كل كلمة عشان الحكاية دي حيرتني بتفاصيلها... كنت باروح أزور ملجأ أيتام "أولاد" مع مجموعة أصدقاء.. اتفقنا نزورهم كل فترة ونقعد معاهم ونشوف احتياجاتهم.. وكان فيه عدد من الأطفال، سنهم ما بين السنتين لغاية ١٢ سنة

15

88

424

@NPhilosopher2

N - Philosopher الفيلسوف

4 years

قصة حقيقية::: في يوم من الأيام جالي أحد الزملاء في العمل وطلب مني سلفة 5000 جنيه! أنا ماكنتش مدير مالي ولا حاجة.. كنت زميل له�� وهو طلب السلفة بشكل شخصي عشان "مزنوق"! الراجل ده كان في الستين من عمره، وأنا كنت في أواخر الثلاثينات.. كان من الناس اللي مرتبها 7 ألاف جنيه

50

120

409

@NPhilosopher2

N - Philosopher الفيلسوف

2 years

بعض الأشخاص يرحلون في هدوء! عم عاشور كان واحد منهم.. حارس عقار بسيط، كلامه قليل.. عُمره ما طلب مساعدة ولا استغل فقره في الشحاتة من السكان، رغم انه كان محتاج! عزيز النفس، بيجتهد في شغله، يحرس العمارة، يجيب طلبات السكان ويمسح العربيات فجر كل يوم!كان بيتحمل إهانة بعض السكان بصدر رحب

85

54

407

@NPhilosopher2

N - Philosopher الفيلسوف

3 years

التمثال الكاوتش ده عاش معايا جزء كبير من طفولتي.. كنت دايما أحطه جنب السرير... كنت بالاقي فيه مع��ى حلو أوي للصداقة والكرم... كان بيفكرني بواحدة ما تعرفنيش لكنها عاملتني زي إبنها.. يمكن كنت مسكن لوجع في قلبها .. لكن الطفل مش بيدرك أي حاجة بين السطور.. الطفل بيشعر بصدق القلوب!

2

11

412

@NPhilosopher2

N - Philosopher الفيلسوف

3 years

الميزة في ابراهيم عيسى أنك لما تتفرج عليه بيخليك تشغل مخك وتفكر معاه.. لكن مدرسة عمرو أديب هي التفكير بالنيابة عن المشاهد والزعيق لإعاقة أي محاولة يعملها المشاهد لمقاومة إستقبال الأفكار تامة الصنع.. ثم يدخلك في نفق السخرية من الرأي المضاد.. ثم ينهي الكلام بالتوجيه!

50

57

401

@NPhilosopher2

N - Philosopher الفيلسوف

5 years

لكن بعد شهرين الشركة عندنا قررت تقلل التكلفة و تستغنى عن الأوفيس بويز و تجيب ماكينة مشاريب...و طبعا سليمان كده هايمشى و الله أعلم هايروح فين...كان فاضلهم كام يوم و يمشوا من الشركة ...ندهته و سألته لو يحب يشتغل معنا..كنت محتاج حد يصور ورق و يبقى مسئول عن الأرشفة و الأعمال البسيطة

0

39

395

@NPhilosopher2

N - Philosopher الفيلسوف

5 years

إبتسم و قالى "أنا نايم بس أنا كويس .. تعالى ننزل سوا" و نام تانى ... سمير كان عايش بقلب طفل صغير فى وسط عالم زحمة ... ماكانش له أراء سياسية و لا بيعرف يستخدم الإنترنت .. كان معاه تليفون قديم بزراير .. و لا يعرف سياسة و لا بيفكر فى الفلوس ... كان بيحب يتفرج على ماتشات الكورة

2

31

376

@NPhilosopher2

N - Philosopher الفيلسوف

5 years

كان بيجى بنفس القميص كل يوم .. الياقة متاكلة و فيه كام بقعة ، و كل حتة فيه دايبة ، فيه تقريبا تلت زراير ناقصين... و بنطلون قصير شوية و مش مظبوط عليه ، و فيه كام فتلة من تحت من كتر البهدلة ، لونه كان إسود بس باهت من كتر الغسيل ... جزمة مقطوعة من قدام و نعلها مفكوك

0

44

381

@NPhilosopher2

N - Philosopher الفيلسوف

5 years

زعل بحقيقى و طلع من المكتب و رفض .. أنا كنت قاعد مذهول من ردة فعله .. طلعت من مكتبى و جبته بالعافية ... و فى الأخر قالى كفاية 1000 ... وافقته و بلغت الموارد البشرية إن مرتبه 2000 ... طبعا عمل مشكلة فى أول شهر و قلتله ده أمر واقع و بالعافية هاتاخد المرتب اللى أنا محدده

1

39

378

@NPhilosopher2

N - Philosopher الفيلسوف

5 years

و فى الشتا كان بيلبس بلوفر مقطع تحت القميص ... أسف إنى أقول إن ريحته كان وحشة ، و كان الموظفين بيشتكوا منه ... بس كان بيعمل أحلى مشاريب ، و حاجته نضيفة جدا أكتر من أى حد تانى ... أخدت بالى منه من أول مرة جالى فيها المكتب ... لقيت وشه باين عليه الخوف و الصينية بتتهز فى إيديه

0

39

375

@NPhilosopher2

N - Philosopher الفيلسوف

5 years

لغاية لما فى مرة لقيته غايب و سألت واحد من زمايله و عرفت إن مراته عندها تسمم فى الحمل ... كلمت شركة النظافة اللى جايباه و طلبت منهم يزودوا مرتبه و يحملوه على الشركة من غير ما يبلغوه إن الزيادة دى منى ... رجع تانى يوم و كان باين عليه إنه مبسوط

0

39

374

@NPhilosopher2

N - Philosopher الفيلسوف

5 years

ندهته فى المكتب و خليته يجيب إتنين شاى .. فى الأول كان محرج يقعد لغاية لما قلتله هاتفضل واقف ، أنا كمان هاقف ... سألته عن حياته و كانت كل إجاباته مقتضبه جدا و معظمها "الحمد لله" و يسكت ... سألته عن مرتبه ، طلعت الشركة اللى جايباه بتديله 400 جنيه

0

38

371

@NPhilosopher2

N - Philosopher الفيلسوف

5 years

قالى أنا مسامح !! عرفت يوميها إن سمير خسارة فى الدنيا دى ... سمير عمره ما كان يشتكى و لا يقول حاجة وحشة على حد تانى .. حاجة واحدة بس هى اللى كانت تخليه متوتر .. الدوا بتاع والدته ! مرت الأيام و أضطريت أسافر فترة لظروف العمل .. و إديت نمرة سمير لواحد صديق عشان يطمئن عليه و يطمننى

0

29

359

@NPhilosopher2

N - Philosopher الفيلسوف

5 years

عملت نفسى مش واخد بالى و بصيت فى الشاشة و كملت شغل عشان ما أربكوش زيادة ... بعد ما حط النسكافيه ، قلتله صباح الخير ... صوته طلع بالعافية و فيه رعشة ... كان رفيع أوى و عضم وشه باين من كتر الرفع .. لما لقيت ناس كتير بتشتكى من موضوع الريحة ده قلت هاتكلم معاه

0

39

364

@NPhilosopher2

N - Philosopher الفيلسوف

3 years

@almohammed90991 كتر خيرك.. ساعد اللي تعرفه، ربنا رزقه بشغل والجيران متكفلين به

11

9

371

@NPhilosopher2

N - Philosopher الفيلسوف

5 years

و طبعا عارفين إن النوعية دى بتاخد بقشيش من الموظفين ، لكن هو كان خجول و مش بيطلب ، و لما كان حد يحاول معاه كان بيرفض ... طب يابنى مرتبك مكفيك ؟ أيوا يا فندم و بيفيض كمان ...طب إنت متجوز ؟ أيوا ... عندك أطفال ؟ المدام حامل

0

37

364

@NPhilosopher2

N - Philosopher الفيلسوف

5 years

و مبلغ إضافى عشان يعرف يعيش زى الناس .. رفض بشدة و قالى إن مرتبه مكفيه و مشى من المكتب ، بس بعد كده أخد باله من نظافته و ماحدش كان بيشتكى من الريحة ، و جاب قميص تانى ... حاولت كتير أديله فلوس لكن فى كل مرة كان بيرفض

0

36

365

@NPhilosopher2

N - Philosopher الفيلسوف

5 years

طبعا كل الإجابات دى كانت بتطلع منه بالعافية و بعد ما أكرر السؤال كذا مرة ... ماكنتش عارف أجيبهاله إزاى ، بس كنت قلقان لا حد من الموظفين يجرحه فى مرة ... قلتهاله بطريقة ودية بقدر الإمكان ... طبعا كان محرج جدا و أنا لحقته و قلتله إن الشركة عندنا هاتصرفله كام قميص جديد

0

35

364

@NPhilosopher2

N - Philosopher الفيلسوف

6 months

القدر... من كام سنة، جاتلي سفرية تبع الشغل.. كان بقالي كتير ماسفرتش، فضلت أبحث عن الباسبور حوالي يومين ، كنت فاكر إنه في درج الكومودينو، لكن ملقتوش.. قلبت الشقة وطلعت كل حاجة في الادراج والدواليب.. مالوش أثر! وفي وسط ما أنا بادور على الباسبور لقيت صورة قديمة فيها والدي الله يرحمه

25

43

380

@NPhilosopher2

N - Philosopher الفيلسوف

5 years

أنا سمعت كتير عن الناس اللى ربنا بيديهم طفل معاق .. و باسمع إنه بياخد وقتهم و مجهودهم كله و بيقفلوا على نفسهم ... لكن اللى شوفته فى حياة مدام سهير هو شىء عجيب ... قلب إتفتح من كتر الألم ، و خرجت منه طاقة حب مالهاش حدود !

19

31

361

@NPhilosopher2

N - Philosopher الفيلسوف

3 years

التمثال ده أنا كنت شارياه لإبني بس هو دلوقتي عند ربنا.. لما شوفتك فكرتني بيه... وفاجأة سكتت وعينيها دمعت وقالتلي.. ممكن نبقى أصحاب؟! قلتلها بقلب الطفل.. إنتي صحبتي وبحبك.. مدت إيديها وسلمت عليا... كان إسمها مدام مارسيل... و دي كانت أخر مرة أشوفها في حياتي!

1

9

368

@NPhilosopher2

N - Philosopher الفيلسوف

3 years

اقترح وبشدة.. قانون صارم جازم .. أي شخص ينشر فيديو أو صور أو تسريبات أو تسجيلات لشخص أخر بدون إذن نيابة، يعاقب بالسجن ما لا يقل عن ١٠ سنوات.. مهما كان المحتوى.. والشخص اللي يساهم في نشر هذا المحتوى لازم يتعاقب بالسجن أيضا... واللي عنده فيديو بيفضح جريمة يروح بيه النيابة

22

97

366

@NPhilosopher2

N - Philosopher الفيلسوف

3 years

منظومة كرة اليد فضحت منظومة كرة القدم! أسطورة فروق الإمكانيات المادية والبدنية.. كلها طلعت فنكوش! هو طبق فتة وفيه كام إيد بتغمس فيه.. مصالح العمولات والإعلانات والرعاية كلها غطاء لفلوس كتير رايحة في جيوب "ناس" !! محتاجين اتحاد كرة حقيقي ومدرب منتخب حقيقي مش كومبارس!

20

103

357

@NPhilosopher2

N - Philosopher الفيلسوف

3 years

القصة بدأت لما شاب وقع في حب بنت جميلة لكن عندها عيب خلقي، دراعها اليمين غير مكتمل النمو.. تقريبا نص دراع! أهل الشاب حاولوا معاه كتير عشان يسيبها.. جابوله كذا عروسة عشان يغير رأيه.. لكنه كان مصمم على الزواج من البنت اللي حبها!

22

90

356

@NPhilosopher2

N - Philosopher الفيلسوف

3 years

كفاية دروشة.. هو ده اللي انا فهمته من كلام ا. ابراهيم عيسى.. مش ضد الدين لكن ضد الدروشة اللي بنخلطها بكل شئ في حياتنا..الدروشة اللي ساعدت الريان في النصب على الشعب المصري زمان..اللي دخلت في الرياضة والشغل وكل شئ في حياتنا..الدروشة اللي خلت فيه ازدواجية وانفصام بين السلوك والمظهر

36

86

354

@NPhilosopher2

N - Philosopher الفيلسوف

1 year

الفعل الفاضح عندنا هو الحضن.. الفعل الفاضح في الغرب هو الكدب، الغش، التعدي، النصب، الإفترا... هو ده الفرق!

18

133

349

@NPhilosopher2

N - Philosopher الفيلسوف

5 years

هاحكى قصة ولد كان معايا زمان فى الفصل ... كان إسمه مروان ! الحكاية كلها كانت فى فترة الإبتدائى .. كنا صغيرين فى السن ، كل واحد فينا بيحاول يكتشف نفسه ... فيه اللى كان جسمه أكبر من سنه و بيستقوى على غيره ... و فيه اللى كان جسمه صغير و بيستخبى عشان ماحدش يتعرضله

60

66

340

@NPhilosopher2

N - Philosopher الفيلسوف

3 years

و انت نازل من بيتك، خد معاك قطعة أو قطعتين من اللبس اللي انت مش محتاجه.. لفه في كيس ولما تقابل حد محتاج اديهوله.. لما تيجي تشتري لبس، هات قطعة زيادة وانزل اديها لشخص فقير.. الناس بتفرح بالحاجة الجديدة! لما تشتري سندوتشات، هات واحد أو اتنين زيادة واديهم لشخص محتاج!

16

72

346

@NPhilosopher2

N - Philosopher الفيلسوف

4 years

كان فيه واحد سخيف جدا فى القعدة ... أول مرة أتعرف عليه ! بيشتغل مهندس فى مكان ما ، شكله كده فى أوائل الخمسينات ، معاه نضارة شكلها غريب ، قعد يكلمنا عنها شوية و عن الموديل بتاعها و يلبسها و يعمل حركات بوشه عشان يضحكنا ! أنا ما كنتش شايف حاجة تضحك! 1

28

91

336

@NPhilosopher2

N - Philosopher الفيلسوف

7 months

من التجارب القوية في حياتي واللي صعب أنساها، هي تجربة مريت بيها في أولى ثانوي.. كنا ٧ طلبة واخدين عقاب عشان عملنا مشكلة في الفصل.. والادارة شافت ان العقاب، إننا نقعد ساعتين زيادة بعد انتهاء اليوم الدراسي.. الطبيعي إننا نقعد في قاعة ونذاكر في صمت.. لكن المُشرف كان له رأي تاني..

12

48

346

@NPhilosopher2

N - Philosopher الفيلسوف

3 years

قصة جميلة عن سيدة أمريكية إسمها Mary Daniel.. زوجها كان بيعاني من بدايات مرض الزهايمر وتم إيداعه في بيت رعاية.. ولما ضربت الكورونا العالم كله، أصدر حاكم ولاية فلوريدا تعليمات صارمة بمنع الزيارات في كل بيوت الرعاية.. طبعا ده عمل مشكلة لماري اللي كانت واعدة زوجها إنها تكون بجانبه

24

90

325

@NPhilosopher2

N - Philosopher الفيلسوف

2 years

فيه اللي بيكسب فلوس كتير من التعري.. وفيه اللي بيكسب فلوس أكتر من التغطية.. كلها تجارة أفكار ، والسلعة المعروضة هي جسم عريان أو مدفون في كام متر قماش.. وسط الزحمة والخناقة بين البورنو والفضيلة.. تاه مفهوم الحشمة الحقيقي، في المشية وطريقة الكلام وحركات الوجه، والألفاظ!

12

91

329

@NPhilosopher2

N - Philosopher الفيلسوف

3 years

عايز اتكلم عن أحلى شباب قابلتهم، ولد و٣ بنات سنهم تقريبا ما ١٩ و٢٢.. كنت معدي بالصدفة من مكان وسمعت صراخ عالي يوجع القلب.. لقيت لمة وناس بتجري في كل الاتجاهات.. كلب صغير خبطته عربية.. بس الموضوع اكبر من كده ... كلبة مخلفة تسعة، وحطاهم في جنينة بين شارعين..

24

146

326

@NPhilosopher2

N - Philosopher الفيلسوف

2 years

ناس كتير زعلانين من مشهد ضرب السائق المتهور بتاع طريق السويس.. بس خليني أفكركم بشوية نقاط مهمة.. إيه اللي يخلي المواطن يصل به الحال لتنفيذ العدالة أو تطبيق قانونه الخاص..؟ ليه بنشوف خناقات كتير في الشارع؟ ليه بنشوف ناس بياخدوا حقهم بدراعهم.. ومش دايما بيكون حقهم!

23

97

311

@NPhilosopher2

N - Philosopher الفيلسوف

5 years

كان نايم على السرير و مش بيفوق غير كل كام ساعة ، بياخد مخدر قوى عشان الألم .. و كان نايم جنبه على السرير القط بتاعه اللى أنقذه من الشارع .. كان مسمى القط "حبيبى" ... قعدت شوية قدام السرير ، الضوء كان خافت .. فتح عينيه و لقانى

0

24

298

@NPhilosopher2

N - Philosopher الفيلسوف

4 years

النهاردة جالي فيديو خطاب ماكرون اللي ألقاه في تأبين المدرس اللي تم ذبحه "سامويل باتي".. الفيديو مترجم للغة العربية Voice.. الكلام ما دخلش دماغي.. دخلت على الفيديو الأصلي "لمعرفتي اللغة الفرنسية" ولقيت إن مافيش كلمة واحدة مطابقة للترجمة العربية! خلوا بالكم من مصادر معلوماتكم!

14

150

310

@NPhilosopher2

N - Philosopher الفيلسوف

3 years

خدعوك فقالوا.. انك لازم تبقى مؤيد أو معارض! حضرتك ممكن تعيش كمواطن عادي من غير ما تكون حاسس بالذنب.. بيعمل إيه المواطن ده؟! من حقه يفرح ب��لإنجازات، ومن حقه برضه يتكلم عن السلبيات، بهدف البناء وتصحيح المسار! لكن إحنا عندنا قادة الرأي بيلعبوا على وتر العاطفة وليس العقل!

16

81

303

@NPhilosopher2

N - Philosopher الفيلسوف

5 years

دى أكتر مرة شوفته فيها بيتكلم كلام مفهوم ... طالع من قلبه ! و فى مرة لقيت رقم غريب بيتصل بيا .. واحد بيقولى إنه فيه مشكلة و الشخص اللى عامل المشكلة قاله يتصل بيا .. روحت على العنوان ، لقيت سمير منهار عياط و أول مرة أشوفه بيزعق فيها .. راح الصيدلية و مالقاش الدوا بتاع والدته

1

20

291

@NPhilosopher2

N - Philosopher الفيلسوف

3 years

رغم المحاولات المستمرة لزرع الفتنة في مصر بين المسلمين والمسيحيين.. تلاقي حاجة قوية دايما صامدة في وجه كل موجات الفتنة العاتية.. يا ترى إيه سر التركيبة الغريبة دي؟ الطيبة.. العِشرة.. حب البلد.. إيه رأيكم؟

74

33

285

@NPhilosopher2

N - Philosopher الفيلسوف

5 years

و فى مرة و إحنا سوا و راجعين فى الشارع ، سمعنا صوت قطة صغيرة ... أول مرة أشوف فيها سمير يصمم على حاجة ... قعد يبحث عنها تحت العربيات و نزل على الأرض و زحف تحت عربية لغاية لما جابها .. كانت قطة صغيرة و رجلها مكسورة..بحثنا عن دكتور بيطرى و بعدين لما جينا ندفع ،هو كان مصر إنه يحاسب

0

21

284

@NPhilosopher2

N - Philosopher الفيلسوف

5 years

طلبت أقابله و قعدنا سوا .. سمير كان أكبر منى بحوالى 13 سنة .. و لما قعدنا كان عنده مشكلة فى التعبير عن نفسه ، بيتكلم بطريقة غريبة شوية ... فهمت منه إنه مش بيسوق بس يوميها كانت والدته تعبانة و كان لازم يجيبلها دوا .. مش متجوز و عايش مع والدته المريضة و أخته

1

20

282

@NPhilosopher2

N - Philosopher الفيلسوف

7 months

قعدت مع إبنهم خمس دقايق... كنت عايز أتطمن.. حكالي عن خلاف جامد مع والده وقطيعة لمدة ١٥ سنة.. لكنه لما سمع عن حالتهم مفكرش ونسي الزعل.. قالي ده أبويا ومش هسيبه مهما عمل فيا.. بصيت في عين الأم اللي كانت واقفة من بعيد.. لقيتها فرحانة وعينيها بتضحك.. قلبي اتطمن عليهم

1

8

302

@NPhilosopher2

N - Philosopher الفيلسوف

3 years

يعني بالعقل كده.. قلتوا أن التبرع بالأعضاء حرام.. ودلوقتي بتقولوا أن الإنسان ممكن ياكل إنسان عند الضرورة! طب تيجي إزاي؟ يعني حرام تاخد عضو من واحد متوفي عشان تعيش.. بس تآكل الانسان كله على بعضه وهو على قيد الحياة!

@abdullahrushdy

عبدالله رشدي

@abdullahrushdy

3 years

@AlAmymh مفيش حكم كدا! أكل لحم الأسير دا مثال لحالة الضرورة وانقطاع المدد للجيش في الصحراء وإشراف الجيش على الموت جوعا ومعاهم أسير كان لسة بيقتل فيهم من شوية..يضحوا بالأسير وينقذوا الكتيبة ولا يموتوا جوعا وكدا كدا الأسير هيموت برضو معاهم!؟ محتاجين نفهم حقائق الأمور..هتفرق معانا كتير.

164

5

54

34

82

288

@NPhilosopher2

N - Philosopher الفيلسوف

5 years

بس هو دايما بيحب يجيب زيادة عشان يتطمن عليها ! قالتلى ده مالوش سيرة غير عنك .. طول الوقت يقولهم صاحبى فلان ! طلعناله علب الدوا و قعدت والدته تقوله إن الدوا ده هايكفيها كام شهر .. فين و فين لما هدى و بطل عياط ! و دى كانت أول مرة أعرف فيها إنه بيشتغل فى شركة واحد قريبهم فى الحسابات

0

22

281

@NPhilosopher2

N - Philosopher الفيلسوف

3 years

تم اختصار التواجد الأمني في شوارعنا، في حاجتين مالهمش تالت.. التشريفة، والونش اللي ماشي طول النهار مشغل السارينة، عسكري سايق، وجنبه ضابط بيلعب في موبايله!! غير كده، شوية كاميرات تصور مخالفات الحزام والسرعة في كام شارع وخلصت القصة على كده!

16

97

303

@NPhilosopher2

N - Philosopher الفيلسوف

5 years

حاولت أعرض عليه أى مساعدة ، بس أنا ماكنتش أعرف هو محتاج إيه .. و هو قالى "أنا كويس خالص" قعد يكررها كتير ... قلت أحسن حاجة أعملها إنى أفضل على إتصال به ، و كنت باكلمه و أقابله و نتعشى سوا أو نعمل أى حاجة ... سمير ماكانش عنده أصحاب !

1

21

272

@NPhilosopher2

N - Philosopher الفيلسوف

5 years

-يا عم ربيع ... مين دخل العمارة النهارده الصبح؟ -مافيش حد يا بيه .. شقة 11 و 8 و حضرتك ! -متأكد مافيش حد دخل تانى ؟ -إستنى كده يا بيه .. بتاع الغاز جه النهارده الصبح و لا إمبارح ؟! لأ جه النهارده يا بيه ، حتى بالأمارة سألنى على شقة 12 اللى مسافرين

64

110

295

@NPhilosopher2

N - Philosopher الفيلسوف

5 years

لقيته طلع من جيبه فلوس فكة كتير مكرمشة و قعد يحاول يفردها ... طلع كل اللى فى جيبه ، حاولت أقنعه إنى ممكن أدفع بس هو رفض .. مشينا من عند الدكتور و هو مصمم ياخد القطة معاه البيت .. طول ما إحنا ماشيين كان حاضنها بشكل غريب .. بيطبطب عليها و بيكلمها

0

22

277