لا للحرب، نعم للشعب
يعني ضد فرض حاكم او سياسة وقرار عبر السلاح والعنف، ضد وضع حياة الناس درجة تانية وتبرير القتل، ضد ان يكون السلاح مدخل للقرار السياسي فينحصر الحوار بين حاملي السلاح وانصارهم على الطرفين.
في الديم قدام مستشفى الجودة في شابة قفلت الشارع براها بي الشجر، قفلت الجهتين و ولعت نار
و دخلت الحلة
الامنجية لما سكوها ناس الحلة طردوهم
الزولة دي براها ثورة
#مدن_السودان_تنتفض
يوم في سجن امدرمان نص الليل صحينا بي ريحة بمبان
بمبان يصل لحدي هنا يعني ليسة في مظاهرات وكبيرة
الاستنتاج ده قوَّانا وضرب طلس الامنجية انو "الثورة ماتت والناس نسوكم".
اها يوم الأحد موكب لي سجن امدرمان عديل والمعتقلات يسمعو هتافنا💃🏾
بالنسبة لي #موكب١٠فبراير جوهرة جدول الاسبوع الجاي
انا الليلة اول يوم امشي مظاهرة حلة في حياتي، فالمشاهدات بتاعة خالتو الشايلها جردلها بتطفي البمبان، و الشاب البيكورك للكجر "ما بتعرف تفك بمبان يا توتو؟" دي حاجة مدهشة بالنسبة لي.
ياللجمال ياللجمال يا #موكب6يناير
في امنجي كان ماسك واحد من المتظاهرين، لما اتلمو فيهو باقي المتظاهرين قعد يقول انا ما امنجي انا جيش 🤣🤣🤣
شالوهو رموهو في الخور، عاشت خيران شارع المك نمر 💃🏾💃🏾💃🏾 و سقطت سقطت يا كيزان
#مدن_السودان_تنتفض
#موكب_25ديسمبر
بعد الاعتقال اول حاجة بيسألو منها "وين الدكاترة هنا؟"
بعد اعلان حالة الطوارئ اول حاجة عملوها اقتحمو ميز دكاترة مستشفى الخرطوم.
الحكومة دي عندها مشكلة عميقة مع الدكاترة، ما لانها بتخاف من الحقن مثلا، بيخافو من التنظيم و العمل النقابي.
الجماهير المنظمة رعب الدكتاتور الاكبر.
عايشين في دولة اللا دولة، لا مؤسسات لا قانون،
لا في برلمان حيقيف يقول البيحصل في الشارع ده كفاية ولا مؤسسة عدلية توقف همج السلطة،
لاعبين مع الحكومة كورة من غير حكم، بنجيب اقوان و بجيبو اقوان و ماف زول حاسب،
معركة استمرارية و الفورة فتر، البيفتر اول بيخسر المعركة.
ما حنفتر بس.
نحنا، ابناء الغربة، ابناء الاسر التي دفع بها سودان التسعينات -لما المؤتمر الوطني كان اسمه الجبهة الاسلامية- الى الاغتراب و الهجرة، و تقطعت اواصر علاقاتنا بالحلة، ايام مظاهرات الحلة دي بنتجهجه، لا بنعرف ناس الحلة لا بيعرفونا، لن نسامح حكومة سرقت مننا القدرة على الانتماء #تسقط_بس
ممكن الرجال يبطلو يتعاملو مع النسوان كظاهرة نادرة الحدوث؟ يبطلو يتفاجأو بي وجود النسوان في المظاهرات مثلا؟ يبطلو يتفاجأو بي انو النسوان بشر عموما؟ حقيقي الموضوع ده بقى ممل.
عربات البوليس بعد تخلص بمبانها تمااام و تضرب المتظاهرين تمام، وتكون دايرة تتخارج بيعملو تمثيلية بتاعة تأييد و هز ضرعات مع المتظاهرين عشان يفتحو ليهم السكة.
في منهم البيمشي يجيب بمبان ويرجع يضرب نفس المتظاهرين المثل عليهم.
المشهد ده شفته مرتين، في #موكب_25ديسمبر و #موكب9يناير
الخميس الجاي #موكب21فبراير يوم مهم، بتوقع من اي جسم مطلبي او حزب او مجموعة فئوية او دفعة وقعت اعلان الحرية و التغيير او أيدت الثورة او
@AssociationSd
تطلع بيان من حسي يدعو للموكب و من حسي تشتغل على الوصول لي افرادها و حشدهم للموكب.
نرفع موود الشغلانة دي زاتو ✌🏾
#تسقط_بس
ناس لابسين مدني
يضربو ناس في الشارع
و يركبوهم عربية ملاكي و يمشو بيهم حتة ما معروفة 💁🏾♀️
حد علمي ده كان اسمو اختطاف ما اعتقال 💁🏾♀️
حكومة تجعل من اختطاف المواطنين مهمة عادية لقوات السلطة #تسقط_بس
الصورة لاختطاف مواطنين من وقفة جامعة الخرطوم #موكب5فبراير
اعظم قصة سمعتها الليلة من صديق عائد من النيل الازرق عن عاملات قطف القطن القادو إضراب كامل مطالبه:
زيادة الاجور
ترحيل افضل
تقليل ساعات العمل
اضرابهم بدا الصباح و اتختم الساعة ١ بتحقيق جميع المطالب.
في الصورة هم في طريقهم للعمل بشروطهم بعد نجاح الاضراب
عاش نضال الطبقة العاملة.
البشير زار زمان قرية وقال انا ح اوصل ليكم موية اكراما لأستاذي فلان من القرية دي.
مشو الناس لي فلان و سألو انت درست البشير؟ قال انا داسي القصة دي من زمان خايفو يتذكرني، ده اكتر طالب انا دقيتو لانو كان كضاب بيكضب ساااي.
الموية طبعا وصلت القرية بعد ١٠ سنين.
شفتو نتائج ضرب الاطفال؟
حان وقت العمل الصحي صحي لو عايزين نطلع من الورطة الدخلونا فيها الكيزان دي، كان الحكومة دي سقطت بكرة ولا بعد سنة، حان وقت العمل المنظم، حان وقت الانخراط في نقابات و اجسام مدنية قوية قادرة تمنع الحكومة الجاية تلعبنا و تفقدنا المكاسب الجماهيرية "حرية، سلام و عدالة".
امبارح فكرنا نعمل لمة دلوكة، نغني ونهتف بالدلوكة، عزمنا صاحباتنا واماتنا وسميناها دلوكة الثورة 💁🏾♀️
عشان نحنا كنسوان بنعيش التجربة البايخة الاسمها انك تكوني مرا في السودان دي لازم نوفر لي بعض مساحات نعبر فيها.
وعشان الهتاف لازم يتسمع في كل حلة ومن كل بيت وتسقط وت��قط و #تسقط_بس 💃🏾
كلو سنة و صديق يوسف طيب، الليلة عيدميلاده ال٨٨ يقضيه في معتقلات جهاز الأمن.
صديق يوسف عضو اللجنة المركزية بالحزب الشيوعي السوداني. المناضل منذ انضمامه للجبهة المعادية للاستعمار في ١٩٤٩.
و معتقلي المفضل على مر الحكومات السودانية منذ حينها :)
#تسقط_بس و الحرية لصديق يوسف ❤
في حياتي ما لاقتني مدينة أنانية و selfcentered زي الخرطوم وقاطنيها
عايزين السودان كله يطلع مظاهرات عشان مالاقيين بنزين وهم ماطلعت منهم كلمة لما غيرهم ما لاقيين جثث عيالهم الماتو بالقصف في جبال النوبةولا لما بورتسودان مافيها موية ولا لما الشماليةمافيها جاز لري الزراعة
مدينة مستفزة
وزارة الصحة الليلة لمت الصحفيين الأجانب ودتهم رحلة يشوفو المستشفيات شغالة و "الوضع طبيعي".
ودوهم برضو مستشفى عيون عشان يفرجوهم في "تخريب المتظاهرين للمستشفى" حسب كلام المتحدث باسم الوزارة، الصحفيين لقو الغفير سألوهو الكسر الحتة دي منو قال ليهم الجنجويد... غايتو.
اقتصادنا المنهار و اللي رغم اننا بنشتغل ونلم قروش لو لمينا فيها نلقى قيمتها ماشة ناقصة و بندفع ضرايب و ما بنلقى خدمات، اكعب ما في الاقتصاد ده اننا بنشتغل و بندفع ضرايب لي حكومة بتسلح بيها ميليشيات بتكتل في دارفور و جيش بيقصف النوبة. ده اقتصاد حرب و دي حاجة اكعب من عدم البنزين
بخصوص قلة ادبي في المحامي نبيل اديب، الكومنت ادناه ردي على الموضوع.
فيما يخص الخلل في شكل التحقيق البيتبعه نبيل اديب و ما سيتبعه من اشكال تهم و قضايا، في الفيديو ده ولاء صلاح بتشرح الخلل وين و اشكال التقاضي المختلفة.
بشكل شخصي احمد عصمت مواقفه متسقة مع مبادئي في صنع عالم يعيد تقسيم الثروة لتحقيق حياة كريمة للجميع وجاية من تحليل متسق مع ذلك وعليه بثق فيهو.
لجان مدينة الخرطوم اصابت واخطأت قبل كده وتأيدي ليها بمدى اتساقها مع المذكور اعلاه.
ولكن كون الزول قدام في موكب ما دايما دليل صحة موقف سياسي
معلومة من باب الساي
في ٢٩ سنة في السلطة حكومة الانقاذ لم تبني ولا مدرسة حكومية جديدة واحدة في اي مدينة من مدن السودان بخارطته القديمة و الجديدة.
زيرو.
#مدن_السودان_تنتفض لاسباب كتيرة!
لما الحكومة ترجع ايرادات الشركة السودانية للمعادن و استثمارات الجيش و الجنجويد و الامن و المليون شركة بترول مفتعلة لي خزينة الدولة و يراجعو عقود الاف الفدادين الاجروها لي السعودية و الامارات و الصين و المغرب و الاردن و يبقو على دولاري ده بديهم ليو.
كان في بانر معلق في الاعتصام في نفق الجامعة مكتوب فيهو قايمة أخطاء يجب ان لا تتكرر ودروس ثورية من ثورات سابقة في ايران ومصر وغيرها، في زول عندو صورة ليهو؟
البصل طلع بتصدرو شركة الاتجاهات المتعددة بتاعة جهاز الامن و ايراداتها ما بتخضع لي وزارة المالية ولا خش من الصادر ده حاجة للخزينة.
بلادٌ كلما ابتسمت حط على شفتيها الجهاز.
اختي اتقبضت و معاها بنتين تانيات، كانت بتحكي على انو فرق المعاملة كان واضح جدا بينها و بين البنتين، هم كانو بيتضربو لانهم من جبال النوبة، و هي الجنجويد بيقولو ليها نحنا ما حنضربك انتي لانو أنتي ما بتستاهلي الذلة دي.
حق الانسان في انو ما يتذل محدد عند الجنجويد بأصوله القبلية.
انا ما مستنية انقلاب صغار الضباط الشرفاء ولا دايراهم يشيلو سلاح يكتلو لينا البرهان. ما شايفة اي زيادة سلاح في المعركة دي في مصلحتنا ومصلحة الثورة.
دايرين ينحازو للثورة ينحازو للسلمية ويخالفو ويختو سلاحهم وينسحبو يتدسو.
نقصو السلاح في الشارع ما تزيدوهو.
انقلاب الضباط بجيب الحرب.
#عايزين_دستور يمنع الحكومة توقع على اي عقود او قروض تتضمن التنازل عن الممتلكات القومية (اراضي، مواني بحرية او جوية...الخ). الحكومة دي العارفنها باعته للصين و تركيا و الامارات و غيرهم مصايب، خلي المدسدس و حيظهر بعد #تسقط_بس ✌🏾
اتحركنا من السوق، ضربونا بمبان
وصلنا المك النمر و اتمركزنا في تقاطع المك نمر و البلدية، تاني بمبان،
سيطرنا على شارع المك نمر من البلدية للسيد عبدالرحمن و غنينا نشيد العلم و هتفنا و زغرتنا
البمبان بيتفك بنبعد منو و نرجع نتلمى
حاجة رااااااغية
طلعنا و راجعين
#مدن_السودان_تنتفض
ونحنا راجعين سمعت ثائر بيسأل يعني لو المليونية دي ما سقطتهم بيسقطهم شنو وما لحقت ارد ليهو، بيسقطها تعطيل سلطة الدولة يا رفيق، والمليونية البتسيطر على الشوارع جزو من ذلك، معاها اضراب وعصيان مدني وتنظيم في السيطرة على مباني الدولة وادواتها وحتروق وتحلى
#مليونية19ديسمبر
انا حاسة اني ممكن استغل خبرة الشهرين الفاتو في الخرطوم و ابدا career كجاسوسة مأجورة او يمكن رائدة أعمال في الجريمة المنظمة.
شهرين كورسات مكثفة في التأمين و المراقبة و دراسة تصرفات البوليس و الdigital security و الfact checking.
خبرة ما مفروض تروح ياخ.
طب نحنا كده اسقطنا البشير، فاضل لينا بس نظامو و مليشياتو و فسدة المجتمع المدني و عبدة الكراسي و التركة الذكورية و بقايا الاستعمار و الانظمة العسكرية و ملوك الخليج و عنصرية الرجل الابيض و مطامع الامبريالية العالمية و صندوق النقد الدولي؛ تاني ما بتجينا عوجة.
هانت.
In this cute narrative, people went to the streets and faced death because someone got on top of a car. No dire economic situation, no popular organising, no political project, just a cute photo. This narrative is wrong and stupid.
The Western 'Heroine' created Chao and fled to UK. They should send her back to complete what she started. She created the problem and ran away. The poor masses now bearing the brunt of the ensuing armed conflict in Sudan.
حقنا بنقلعو
حق سماح بنقلعو
حق البنات بنقلعو
لاجئات بنقلعو
نازحات بنقلعو
معنفات بنقلعو
حقنا بنقلعو
بنات كتار بنقلعو
من الرجال بنقلعو
من النظام بنقلعو
جوة البيوت بنقلعو
في الشوارع نقلعو
هتافات #الموكب_النسوي
الآن يوارى جثمان الشهيد عبدالرحمن الصادق سمل بمقابر الدخينات. الاسرة استلمت الجثمان من المشرحة و الطبيب رفض يديهم التقرير الطبي و قال "سبب الوفاة حتعرفو النيابة بس".
السبب نحنا عارفنه و القاتل كذلك.
#تسقط_بس
#مدن_السودان_تنتفض
الامريكاني بتاع الخارجية قال رفع حالة الطواري حيكون علامة مهمة على محاولة اعادة بناء الثقة بين الحكومة والشعب السوداني.
اذكر تلاتة سودانيين متذكرين انو في حالة طواري 😂😂😂
#تسقط_بس و معاها #ارحل_يا_سيسي تريندنق ال��تنين سوا؟
اتوقع بعد ده تجينا الCIA بي انقلاب صوري عشان تحسم فوضى شعوب العالم التالت دي.
المهم الناس تستعد لاسقاط الحكومة الجاية.
انا كابنة طبقة وسطى ما بقدر اطالب "الطبقات الكادحة" باي فعل بتاع مشاركة في اسقاط النظام حسي 🤷🏾♀️
اولا الاسباب البتخليني اتظاهر حسي ما قبل سنة شنو؟ سوء احوال اقتصادية؟ دي حاجة بيعاني منها العمال و صغار الموظفين المرتباتهم ما تامة مليون من سنين. شن جدَّ؟
في بلد لحدي حسي لا ادانت لا حاكمت زول في قتل اكتر من ٢٠٠ مزارع و دفنهم في قبر جماعي بأمر الدولة في مجزرة عنبر جودة ١٩٥٦
بلد لحدي حسي بتتغالط في انو حصل شنو في بيت الضيافة ١٩٧١
عندنا فرصة نجعل من التحقيق في فض الاعتصام تأسيس لعدالة حقيقة و توثيق حقيقي لي اول مرة في تاريخنا.
الكومنت ده مؤلم شديد
و الوضع اللي أدى الى ان نُطالَب بالتصفيق لحكومة تسير جنباً الى جنب مع من عذبونا و قتلونا بدءاً بالبرهان و ليس انتهاءً بآخر امنجي، ده وضع غاية في البذاءة.
كان تكتلونا كلنا اريح ليكم و لينا.
حميدتي: توقفت المنحة الاماراتية السعودية بعد الاساءة لهم من البعض
وزير المالية: توقفت المنحة السعودية الاماراتية بعد الاساءة لهم من قحت
#اشكري_يا_انشراح
موقفنا من ترحيل معارضي السيسي من السودان مفروض يكون نفس موقفنا من ترحيل اي معارض للبشير -في زمنو- من اي بلد.
ياهو نفس المبدأ: تعريض انسان لي خطر الاعتقالات التعسفية و التعذيب و القتل و المحاكمات الجائرة تحت حكم انظمة بلده الفاشية.
المعاشيين الشهر الفات ما صرفو ليهم قروشهم
قالو ليهم تعالو ٢٠/١٢ نصرف ليكم حق شهرين
مشو الليلة لقو ماف كاش
قفلو شارع العرضة و بدو مظاهرة
الكاش ظهر طوالي سبحان الله
اها شكلو تاني الزول يشيل لستكه معاو، اي جهاز دولة يقل ادبه تصرف ليهو مظاهرة في حتته
#مدن_السودان_تنتفض
my بمبان tips & tricks
- قطعة بشكير صغيرة تحت الكمامة تمرقيها تمليها خميرة وترجعيها من غير ما تطلعي الكمامة، حاجة زابطة
- موية الخميرة في الفريزر من بالليل لو الكهربا والبنية التحتية تسمح، لأنو موية الخميرة المتلجة اسمح حاجة عديل
-البمبان بدرة ما غاز، اتذكر واتصرف اكوردنقلي
هو منطق ولا حاجة تانية؟ انت ما ممكن تكون بتربي بتك على انها تخاف من اي حاجة و تجي تستغرب ليه البت السايقة قدامك سايقة بالراحة و خايفة و "مكرهاك السواقة"
Logically, people should be empowered before expected to display power
اشخاص لا يهمني رأيهم في #مدن_السودان_تنتفض :
١. اي حكومة فاشية في اوروبا ولا امريكا ولا سجم رماد
٢. اي جهة اعلامية عايزانا نترجم ليها اخبارنا بالانجليزي، يمشو يجيبو مترجمين، يسألو قوقول يتصرفو، بيهمني اكتر ان تنشر اخبار الإنتفاضة بالهوسا و الزغاوي و البداويت عشان تصل اي سوداني
ما بحب المقالات بتاعة البرهان فاشل وما عرف يزبط الانقلاب زي السيسي دي، البرهان حقيقة حاول يعمل كل العمله السيسي لكنه فشل لانو في السودان الناس اتنظمت في مجموعات ولجان مقاومة والتنظيم بيفشل الانقلاب، معروف.
القصة ما غباء عساكر ولا ذكاء ثوار، القصة تنظيييييم.
واصلا كل العسكر فشلة.