بعض المجالس مالنا فيه مقعاد
يصلح لهزلين الرجال وهمجها
ارفع مقام النفس عن كل نقاد
واترك عصاي اليا تبيّن عوجها
يومٍ يقضيه الفتى عز واحياد
ولا حياةٍ من عرفها سمجها
لا صار مايسند لك العلم ويعاد
يرقص عليك من الحصاني عرجها
اترك اللي شيمته باعها لجل الفلوس
سمعته فالمجتمع باعها ما همته
كم رجالٍ فالمناصب وهي مثل التيوس
غرها كبر المناصب وهي متزمته
والمناصب دايماً تعتبر كرسي جلوس
كم صبيٍ زاح عنها وآلاخر لمته
الحظيظ اللي كسبها وداس الراي دوس
وارتحل من منصبه والعرب ما ذمته
- شعر مدح عن
- قصيده في المدح
شف على كثر ماتمطر سمانا سيول
عين تطلع هماج وعين تطلع زلال
ماتسرك علومك كان مالك قبول
لو تغوص البحور ولو تهد الجبال
واحشم النفس عن هرج الخطا والنزول
لا تجي للكلام العوج مضرب مثال
واسمع البدو من زود الادب وش تقول
كان منته بطيّب قالو ابن حلال ..
يا ناصر اوصيك واحفظ وصاتي
احفظ وصاتي واستفد من دليلها
الاوله ( طاعة الله ) بدها
صل الفروض الخمس هي وتهليلها
واد الزكاه وصوم وحج واعتمر
تنجا اليا من النفس حان رحيلها
والثانيه فالوالدين برهم
ابوك وامك شالتك في شليلها
امك ثم امك ثم امك
قد قالها سيد قريش ودليلها
انشهد انه وصاه
لِيتني أعرف ظروفه وَتفكيره
كان وده جيتي جيت له عاني
المكابر بالهوى صعب تفسيره
بين ابيه وبين كيفه ولا جاني
كل ما لديت عيني على غيره
استخرت وردني سِلم جداني
الوفا يا اهل الوفا رغم تقصيره
لو ظروفي مّع ظروفه تحداني
اتصبر كل ماضاقت الديييييره
واتعزوى لا بغى الضيق يقواني
في رحابك سمرتي لليلة عن الفين عام
و انا عابر في طريقي ولاحقني جهد
كان في نظرة عيونك مداين من سلام
يفتخر فيها العزيز ويعز المضطهد
غردت فيها القصايد مثل سرب الحمام
لين رفرف من ورى اهدابها طيف السهد
خلاص من حبكم يازين عزلنا
ماعاد لي في هواكم شف او راده
اللي شبكنا معك ياحلو يخلصنا
يكفينا اللي حصل ما استحمل زياده
اول رغبناك يومك مثل راغبنا
ومن يطلب البعد عنا ، نطلب ابعاده
واليوم ابشرك ياسيدي تعلمنا
وبدلت نوم الحزم بفراش ووساده
نضحك و كن اللي حصل ما فهمناه..!
و حنا نشوف لكل (خمله) دلايل..
عز الله أن الصبر تحمد سجاياه..
و يحول دون المعضلات الجلايل..
من راح قلنا روحة مقيط ورشاه..
و من جاء عدلنا به عوج كل مايل..
ألزمت عمري معك واهملت غيرك
واهملتني والزمت غيري وهملك
جيتك وله وابعدت عني مسيرك
ادمت جروحي من خناجر تعاملك
رديت سيفك واعتنز لي جفيرك
حاولت لكن للاسف مقدر اوصلك
عانيت من جرحن تقفى هجيرك
وشلون تبخل والدواء في اناملك 💔
" محمد بن عمره "
تباهي وغني واضحكي لايهمك شي
لامالت ظروفك فيك لك من يعدلها
بتلقين لك في جوف قلبي براد وفي
هنا منزلك والناس تعرف منازلها
ماتقدر تزعلك الليالي وراسي حي
لو تزعلك سود الليالي بزعلها
ضمني لين اطفي الشوق في قلبي وانام
حيل محتاج لــــ حنانك و مهلكني السهر
ما يعـــوض عنّك نجـــوم يا بــــدر التمام
وانت بس اللـي من غيــابه أحـس بـــ قهر
وأنت زينــك ما يوصّــفه شعــــــر ولا كلام
كل من ناظـــرك مــــرّه من الزيــــن انبهر
@M3kkaz
لو تزيّن كل عذراء معك ماتستفيد
زينك يغطي كل احياء العرب وامواتها
وجهك لو يمرّه حزين اقفى سعيد
تستلذ العين وتجف من دمعاتها
نظرتك ترمي ولامن رمت تصيد
كيف بسلم من عيونك؟ ونظراتها
مايجي للشخص غير الحاجة المقسومه
لايقول الشخص هذي لعبتي ضامنها
كم شقردي من قشر حضه تضيع علومه
جر موال الهزيمة والزمن لحنها
وكم صبيٍ قام له في يوم ماهو يومه
وفاز في الموقف عن يسار العرب وايمنها
والله ان بعض البشر بحضوضها مخدومه
يوم بعض الناس نكبت حضها تمحنها ..
ملامحك ماتشبه الا انتي
لاعاد نسمع تشبه فلانه
واللي تقول انتي شبه بنتي
قولي لها يا هيه غلطانه
مالج شبيه ومن تفرعتي
بالزين ومن الصغر فتانه
ومازلتي الأجمل ومن كنتي
أصغرهم من الحسن رويانه
من اجمل الأشياء تكونتي
صرتي لأجمل شي عنوانه