Model-dependent realist. INTP. Homelover. Chasing kindness in negative spaces. Ascetic of what is to come, forgetting what has passed. Egyptian doctor.
لسة امبارح جايلي كابتن ست:
1-تكييف شغال من قبل ما أركب العربية.
2-العربية متلمعة ومفهاش تراب.
3- سواقة ممتازة وبدون بلطجة ولا تهور.
4-اكتشفت إني نسيت حاجة بعد ما وصلتني رمسيس قامت راجعة بيا البيت جبتها وأخدتني تاني رمسيس، والرحلة كانت بالديبت كارد ومشتكتش ولا قلبت وشها.
- ناس بتطالب بقانون ينظم الإنجاب:
- الراجل المصري اللي بيرمي عياله في الشارع ويكتب الشقة باسم أمه ويضرب شهادة إن مرتبه اتنين جنيه ونص علشان يهرب من النفقة: خخخخخ عاوزين تحرمونا من كلمة بابا؟
الكليشيه بتاع "ابني لازم يبدأ من مكان ما بدأت" ده يصلح لعقلية تاجر خردة زي عبغفور كده. لكن الصح إنك تخليه يبدأ من حيث انتهيت وإلا تبقى إنسان عْبى وبتعيد الشريط من أوله. إعادة تدوير نفس معاناتك ونفس مستوى تطلعاتك واحتياجاتك وإنت طفل معناها إنتاج نفس الحومار من جديد.. زيرو تطور. »»
سواق أوبر الحقير بيسألني عن ابنه وبنته اللي وصلوا 14 و15 سنة ولسة بيعملوا على نفسهم بالليل. أخدت منه الهستوري وبصيت على صور فحوصات مصورها وواضح إن مفيش سبب عضوي، وطبعا هو راح لكذا دكتور مخ وأعصاب أطفال وقالوله نفس الكلام بس مخبي. لما سألته عن طريقته مع عياله ارتبك »»
4- ما صدعتش دماغي بكلام في الكورة ولا قعدت تشتم العربيات اللي ماشية جنبنا علشان ما بيعرفوش يسوقوا زيها. اتكلمنا قليل وفي حاجات لطيفة.
ودي نفس الإكسبرينس اللي باخدها كل مرة تجيلي كابتن ست؛ الالتزام التام بكتالوج أوبر بدون فهلوة ولا فذلكة ولا استرخاص.
10 أسباب يخلوني مش عاوز اخلف.. الأخيرة لن تدهشك:
1-لإني باتصف بسمات ال Cat Person، والأطفال أقرب للكلاب، فمحتاجين شخصية إكستروڤرت أكتر تتناسب معاهم وما تفرهدش منهم.
بيشتغلوكم..
ده نفس تركيب البانادول إكسترا وحتى نفس التركيزات بالمللي. مكلفوش نفسهم حتى يحطوا أي حاجة زيادة ولو منظر بس. ده يقول للپينك تاكس قومي وأنا أقعد مطرحك.
أكتر حاجة بتضحكني في ذاكر نايك -بعد اسمه طبعا وبعد إنه مطلوب القبض عليه من الإنتربول بتهم غسيل أموال- هي إن شكله فعلا نصاب؛ سحنته وعينيه وبصاته وقفاه كلهم بيصرخوا أنا نصاب ياخوانا. لا يمكن حد سوي يقتنع بكلام الراجل ده في صفقة فول سوداني مش في تغيير دينه.
وحتى لما قلتله إن إنت السبب وإنت أذيت عيالك مفيش على وشه غير نظرة البجم اللي مش فارق معاه المشكلة قد ما فارق معاه إنه يطلع غلطان. قلتله أول حاجة تعملها تجيب ابنك وبنتك وتطلب منهم يسامحوك، وتاني حاجة تاخدهم لمركز الطب النفسي في جامعة عين شمس. قالي هيعمل كده وأتمنى يكون صادق فعلا.
سواق أوبر بينه وبين مراته خلافات بيحكيلي إن أخوها ظابط الشرطة علشان يمرمطه قام جايب تقرير من مستشفى حكومي بإن السواق ضرب أخته وأحدث بيها إصابات وسقط حملها وكتب محضر وجابله حكم 15 سنة سجن. البلوت تويست بقى إن السواق أخد في الآخر براءة والظابط اترفد من شغله.. إزاي؟ »»
• الله يرحم لما كان العرب بيجيبوا شعراء وفرسان ينيkوا مراتاتهم علشان الطفل تطلع چيناته كويسة (نكاح الاستبضاع).
• الله يرحم لما كانت الست العربية بتجمع راجلين وتلاتة غير جوزها بعلمه لتحسين أوضاعهم المادية في فترات القحط (نكاح المضامدة).
البلوت تويست في النقاب إنك بدل ما تعرف الواحدة من وشها وخلصنا بتضطر تركز في جسمها عشان تميز بينها وبين زميلتها. اللي اشتغل في مكان فيه كذا منتقبة عارف ده كويس خصوصا لو لابسين يونيفورم (زي التمريض مثلا). فبتوصل في النهاية إنك تعلم كل واحدة بالطول أو الوزن أو حتى بحجم التوتة.
روتين معز مسعود مع الستات هو تنقية واحدة كيوت وفي نفس الوقت شاطرة ومشهورة في مجالها، ثم إفشالها وإطفائها، ثم تطليقها، وهكذا..
حتى حلا شيحا استنى لغاية ما رجعت تاني للأضواء بنيولوك جديد وبرامج وبطولات، وهوبا أول ما خلصت الفيلم لخبطلها دماغها تاني وقعدها في البيت.
أجمل ما في قطع الكهربا هو السكون الفظيع والراحة الغريبة في الودان اللي بتحصل نتيجة توقف كل الأجهزة والمكيفات. احنا عايشين في مورستان من الذبذبات الصوتية فعلاً.
الاقتصاد الإسلامي: بدل ما البنك يديلك قرض علشان تشتري عربية بيشتريها هو ويبيعهالك بسعر أعلى كبديل للفوايد، والاشتغالة دي يتحطلها مصطلح ظريف كده اسمه "المرابحة".
يعني البنك حسب فلوسه وأخدها بالسحتوت قياسا على سعر الفايدة بتاعة البنك المركزي؟ آه.
طيب يعني ده ربا؟ تؤ تؤ مرابحة.
ارتبك وقعد يحور في الكلام وبيزقه ناحية الأسباب العضوية الغير نفسية. في الآخر لما متجاوبتش معاه قالي إنه "كان شديد معاهم حبتين"، وشوية وشديد حبتين بقت "بيزعقلهم ويهينهم"، وبعدين بقت بيضربهم وبعدين طلع إنه كان بيحبسهم. لآخر لحظة كان نفسه أقوله إن السبب عضوي علشان يخلي مسئوليته. »»
بمناسبة الرجالة الحلوة افتكرت حاجة لاحظتها في محيطي الشخصي والعام؛ وهي إن -عكس الاعتقاد الشائع- كتير من الستات اللي بتهاجم الرجالة بيكون عندهم أب رائع أصلا، وغضبهم نابع من التناقض بين شخصية أبوهم النموذجية و بين اللي بيشوفوه بره البيت. يعني الغضب ده مش كله نتاج تجارب أسرية سيئة.
من باب التغيير. تيجو كل واحده تحكي عن راجل حلو أو مواقف حلوة حصلت لها من رجاله في حياتها. أب أو أخ أو زوج أو صاحب أو قريب. أو راجل غريب معدي.
أنا عارفه إن الوحش كتير وكلنا كستات أتأذينا من رجالة للأسف. بس خلينا نفكر الرجالة يعني ايه راجل حلو بذكر مواقف حلوة. هنا أو ريتويت واحكي
الفلوكس ده مش راجل بعينه، دي مجموعة أعراض تصيب الإنسان فيصبح فلوكس في ذاته، منها:
(1) بيتكلم كتير عن الرجولة والمجدعة، وعيل قوي لو واحدة رفضته أو غلبته في الكلام.
(2) عنده اعتقاد إنه كل ما يكشر ويطخن صوته كل ما هيبقى راجل قوي والستات مش هتتحمل الخشونة دي كلها وتقوله ضاجعني ناو.
علشان معتبرين البنت مسئولة من "راجل ما" ومستحيل هتكون مستقلة أو في بيت لوحدها بدون أب أو أخ أو جوز، وبالتالي صاحب العمل بيتعامل معاها باعتباره بيديها "مصروف" مش مرتب.. قرشين تشتري بيهم هدوم وشوكلاتة. طبعا التصور ده من وحي خيال المجتمع اللي فعليا عامل عبيط وهو عارف إن الكلام >>
مع كامل احترامي بجد
شغل البنات بقا عامل أزمة بطريقة غريبة خاصة ف المجال الطبي
دكتور صيدلي ف بدايته مش لاقي شغل ب سالاري محترم عشان في وحده مكانه شغاله شيفت كامل ب الف ونص ف الشهر
مركز ف بنس بيشغل دكاتره فوق ال ٣٠ ساعه اسبوعيا ب ١٢٠٠ جـ ف الشهر
مش عاجبك هيشغل دكاتره فيميل …..
الفرخة دي أكتر كائن مفيد شفته في حياتي..
بتصنع في بطنها بيضة كل 24 ساعة، بتديلك من جسمها لحمة رخيصة (نسبيا) وصحية أكتر وأقل في نسبة الدهون واليوريك أسيد، مش بتستهلك ميه كتير في تربيتها (~ ربع استهلاك اللحوم الحمراء)، وحتى الكاكا بتاعها سماد عضوي للأرض.
أنا هنقذ الفرخة.
حصل لي حتة موقف 😄
رقم باعتلي إنه ستور كذا وفيه هدية ليا وعاوز اللوكيشن. قلت ده سپام أو حد بيستدرجني وعاوز عنواني فقلت أستجوبه. طلع إيه بقى؟ صديقتي السعودية الكيوت بعتالي هدية عشان إيدي. بجد محدش يحاول يفاجئني بأي شكل أنا شخص بيروقراطي وشكاك تيبيكال واحد شغال في الرقابة الإدارية.
الموقف المعفن بتاع الست دي هو نتاج منظومة المجتمع اللي صنعها الراجل مش هي. وزي ما بتكون وبال على الست بتلف وتتردله في الآخر.
هي مقالتش كلمة زيادة عن اللي اتربت عليه وشافته حواليها، ولو كانت هي مبتخلفش مثلا أو مرضت وفقدت قدرتها على الدور اللي المجتمع حطها فيه مكنش حد هيرحمها برضه.
معظم الشعب السعودي لا هو منفتح ولا قابل للتغيير. دي صورة ذهنية وهمية من الدعاية لا أكثر. اللي اتعامل على أرض الواقع عارف إن ده محض خيال والانفتاح موجود في طبقات وأماكن بعينها وبنسب أقل من المتوسط المتصالح عليه في مصر مثلا.
باشوف حالات امراض معدية تناسلية في النساء نتيجة من تعدد اطراف العلاقة بقى لي مدة و ساكته ، النهاردة استاذي لاحظ نفس الملاحظة و اعتقد في الرجال . المجتمع بينهار اخلاقيا 🆘🛑🆘
مش مصدق مدى غباء الظابط ده واستسهاله.. ربنا عماه فعلا. من الحاجات الغبية اللي عملها برضه إنه عامل التقرير الطبي والمحضر فرق الوقت المكتوب عليهم 5 دقايق بس. يعني واحدة لسة مسقطة هتطلع من المستشفى بعدها بخمس دقايق وتعمل محضر؟
الدرس المستفاد: لو قررت تبقى شرير حاول تكون ذكي الأول.
حكام مصر قاعدين يقصروا؛
الملك فاروق كان 184 سم
عبد الناصر 183 سم
السادات 179سم
مبارك 170 سم
والسيسي 166 سم.
كده الرئيس القادم هيبقى من خارج الجيش لإنه هيبقى أقصر من الحد الأدنى للقبول في الكلية الحربية.
أكبر غلط إن الست تحتفظ بالأطفال في ظل نسق قانوني يسهل فيه التلاعب بحقوقها هي والعيال.
قوليلهم في المحكمة أيوة أنا رقاصة ولا أؤتمن على الأطفال وأبوهم أهوه ياخدهم يربيهم. هيجيلك زاحف علشان تشيلي المسئولية بالتمن اللي تطلبيه يا إما أمه تربيهم بقى وانتي روحي اتجوزي تاني وعيشي.
اللي حصل إن السواق مسكتش وطعن في المحضر وخبير الخطوط أثبت إن الظابط من كتر ما استسهل هو اللي كتب المحضر ومضى عليه بخطه مكان أخته. وبعد ما القاضي برأ السواق قام واخد الحكم اللي بيثبت التزوير وراح على مكتب التفتيش والرقابة بتاع وزارة الداخلية اللي في العباسية ورفدوا الظابط نهائي.
أيوة من حقك أخلاقيا كدولة تمنع إتنين مخابيل مصممين على إنجاب طفل معاق يعاني الأمرين طول حياته لمجرد إنهم عاوزين يخلفوا. كون فيه إنسان جاهل ولا مبالي للمستوى ده ما يديلوش الحق إنه يقرر مصير إسود لطفل لسة مجاش وبإيدك تمنع مجيئه. ولو عندك القدرة لكده ومعملتوش تبقى مشارك في الجريمة.
من هو غير اللائق طبيا للزواج النقطة دي اهم نقطة اخلاقيا .. انا كطبيب هل من حقي منع ذوي الامراض المزمنة او الوراثية او المعاقين حركيا او ذهنيا من الزواج .. هل نحن قادمون علي Eugenics ام انه مجرد ورق بدل ضريبة الزواج فقط ؟
الفيدرالي الأمريكي برئاسة چيروم پاول فضل يرفع الفايدة ومرمط العالم بسبب كده لحد ما أمريكا نفسها بدأت تعاني من القرار الغبي ده. كدا كدا خلاص السياسة دي أثبتت فشلها وهيتم التراجع عنها بس المهم هنا في خلال قد إيه؟ كل ما كان أسرع كل ما احنا كدول مقشفرة نرجع نشم نفسنا تاني.
حاجات المجتمع بيضغط عليا نفسيا كراجل علشان أعملها وأنا بقاوم:
1- معنديش طموحات كبيرة: والهدف من الشغل بالنسبة لي هو مصدر كويس للدخل يخليني عايش حلو أنا واللي معايا مع مستوى معقول من الادخار للمستقبل وشكرا. معنديش مخططات عملاقة ولا أي مسارات غير معتادة.
أنا اللي ولعت في مدخل العمارة في أجازة أولى إعدادي.
كنت بحب الفك والتركيب والاختراعات فعملت محاكاة لقنبلة يتم تفجيرها عن بعد باستخدام ريموت كونترول بتاع لعبة بيتحكم في ميكانيزم بيفجر كيس بومب جمعت باروده كله في بومبة واحدة عملاقة. للأسف يبدو إن »»
هو أبليكيشن البنك الأهلي هيفضل رخيص كده لحد إمتى؟ البنك اللي فيه 38% من ودايع مصر يعني حوالي 3 تريليون جنيه مش عارف يتعاقد مع أعظم شركة fintech تعمله أبليكيشن محترم؟
2- لأن الارتباط بيستهلك طاقتي العاطفية كلها، فبالنسبة لي زوجة وصديقين تلاتة مقربين مثلا كافيين جدا في الحياة.
3- لأني معنديش أي شغف حقيقي تجاه فكرة الخلفة يتعدى الاحساس السطحي بالكيوتنس، وعمري ما حسيت بأي دافع يخليني أضحي بحاجة عشانها، يعني الأطفال بالنسبة لي معاناة بلا هدف.
إلغاء القايمة والشبكة والمهر؟ حاجة كويسة جدا بشرط:
- حق الزوجة في تطليقك.
- الولاية الكاملة على نفسها.
- لو موظفة يبقى شغل البيت بالمناصفة.
- لو متفرغة للبيت يبقى تاخد جزء من دخلك لنفسها.
لو متخيل إنك هتنقي اللي على مزاجك من كل منظومة اجتماعية تبقى راجل أهپل (بصوت سوسن بدر).
هعمل شهادات استثمار دولارية بعائد 5.25%.
يعني المليون دولار يجيبولي 52500 دولار في السنة.اقسم على 12 يبقى 4375 دولار شهريا. اضرب في 35 يبقى 153 ألف جنيه شهريا.
الـ153 ألف جنيه في الشهر يعيشوني في مصر في مستوى أحسن من اللي هيعيشوني بيه الـ4375 دولار بره. ربحانة.
6- لأن الناس بتبص على السنتين تلاتة اللي البيبي بيبقى فيهم كيوت وملظلظ ودي الخدعة، لكن الحقيقة كمان انه شوية وهيبقى طفل ابن كلب مزعج وسمج، و بعد شوية كمان مراهق شماااام (بصوت احمد زاهر)، وبعد كده يتجوز وتبقاله حياته الخاصة وييجي يومين تلاتة في الشهر وساعة تقسيم التركة.
جربوا تعملوا wrapping لنفسكم بالبطانية زي اللفة بتاعة البيبي كده هتناموا حلو قوي ..جربتها ونمت بعمق فعلا. هي شكلها كان مضحك شوية لإن مفيش بيبي قد عجل البحر بس بتفرق في جودة النوم. جربت أعمل سيرش على adult wraping لقيت إن فيه تكنيك للريلاكسيشن كده بس لفة مختلفة عن اللي عملتها.
والغريبة إن هو طائر وأمخاخ الطيور مش معروف عنها الذكاء العالي. النوع الأفريقي ده هو غالبا اللي اسمه Griffin وده أذكى من الكلب، بل إن معدل ذكائه في بعض الـaspects بيعادل ذكاء طفل مصري عنده 5 سنين.
تاني أغرب حاجة في البغبغان إن متوسط عمره بيوصل 45-60 سنة، وأحيانا بيعدي الـ70!
الخرافة بتاعة إن الدنيا زمان كان فيها خير دي ساذجة قوي ولازم تنتهي. الستات طول عمرها بتتضرب وتتبهدل ويتسرق حقها والرجالة زمان كانوا أوسخ من دلوقت لإن مكنش حتى فيه أي معرفة ولا إعلام يسلط الضوء على الجرايم الأسرية وكله بيتطرمخ عليه بسهولة. وييجي السذج يقولولك زمان كان كله خير.
لا كان بيحصل بينهم مشاكل والستات بتتعامل نفس المعاملة الوسخة بتاعة دلوقت عادى، بس هى الناس اللى فى بيوت ريفية زى دى مكانتش تعرف حاجة اسمها محكمة اسرة اصلا كل فكرهم عن الحكومة والقضاء اللى سارق او قاتل بس غير كده كل الحاجات بيتعملها مجالس عرفية ولحد دلوقت لسه ممتدة الظاهرة دى
مشروع قانون الأحوال الشخصية الجديد متوقع تكون فيه مواد ثورية إن تم تمريرها بصياغة كويسة، منها مثلا:
1- السماح للقاضى بمخاطبة جهة عمل المطلق لمعرفة دخله وتقدير النفقة (قبل كده كانت الست هي اللي ملزمة تجيب ما يثبت دخل الزوج وكان بيحصل تلاعب كتير).
اللي بيحبوا الأطفال فعلا ما بيقعدوش ينظروا على حد وبيخلفوا ويحبوا عيالهم من سكات ودول نادرين. أما اللي بيهاجموا فنوعين؛ إما مؤدلجين مجتمعيا أو دينيا وشيخ الزاوية مفهمهم إن دي مؤامرة على المسلمين، وإما ناس عندهم حقد لا واعي تجاه اللي مخلفوش وشايفينهم عايشين حياة رايقة ومرتاحين >>
الدليل على ان الانجابيين اعٔبياء،انه المفروض يتبسطوا لو عدد اللانجابيين زاد لأن ده معناه بالنهاية ان مثلا بدل ما ننتج ١٠٠ طفل قول هننتج ٦٠ وال ٤٠ عيل اللي مجاوش بسبب اللانجابيه وفروا رفاهيات واساسيات تانيه لل٦٠ الباقييين يعني خير على الانجابي وابنه
بس واحد عايز يخلف اكيد ده مخه
والله اليسار الأمريكي ده ملوش حل في الاستنطاع ورمي الجتت والابتزاز العاطفي. وأيوة الممثلة شكلها وحش وأيوة تراث السود ملوش أي علاقة بعرايس البحر وده شغل جهلة. والعدالة الحقيقية تعوضوا أفريقيا عن اللي نهبتوه منها مش تضحكوا عليهم بكلام فارغ على حساب التاريخ والعلم وعلى قفا غيركم.
كان فيه عقد اجتماعي بأن الراجل مسئول عن التمويل والست مسئولة عن البيت والعيال. لما الست خرجت تشتغل كان مفروض العقد يتغير ويبقى من واجبات الراجل مشاركتها في رعاية البيت بالمناصفة، لكن ده محصلش، فبقت الست بتشتغل بره وجوه.
فالسؤال غير واقعي فعلا أما ما ذكرته فهو الأزمة الحقيقية.
سؤال مين المفروض يصرف ع البيت وهتطلب من زوجتك تشارك ف المصاريف ولا لا
سؤال بايخ وتعجيزي ميتسألش غير لاصحاب الطبقة المخملية اللي هم مش احنا لكن متجيش ع ٢ كحيانين دخل كل واحد فيهم ٤٠٠٠ ولا ٥٠٠٠ ومفيش طريقة يعيشوا بيها مع بعض غير انهم يحطوا خيبتهم وفلوسهم ع بعض وتتفلسف يعني
معظم صفات العرب اللي بيتغنوا بيها زي الكرم والشجاعة إلخ منبعها الأساسي هو الخوف من كلام الناس "اللي هياكلوا وشنا". وده ظاهر بجلاء في تراث الأدب العربي شعرا ونثرا.
ريتشارد فاينمان رائد الكوانتم إليكتروديناميكس والحاصل على جايزة نوبل كان شغال الصبح في معهد كاليفورنيا للتكنولوچيا وبعد الضهر طبال في ملهى ليلي لعروض الستريبتيز على ناصية نفس المعهد.
بجد شكلها مقبض ويقرف.. بتجمع بين إنها بلا روح وبلا تراث حضاري وبلا جمال طبيعي وحتى بلا بناء أو تخطيط عمراني متميز. فعليا مفيش حاجة واحدة تميزها. لا هي فيها روح المدن الحرشة العشوائية المليانة تراث زي القاهرة ولا هي بفخامة المدن الحديثة الغنية.
طوب أحمر ومباني عشوائية وحمار عنده نقص تغذية.. هو ده اللي مش قبح؟
بدل ما تتكلموا مثلا في التأكيد على نموذج عادل للتعويضات و على جدوى اقتصادية واستدامة للمباني الجديدة لأ عاوزين تحافظوا على العفانة والقبح وكإنها محمية طبيعية للبشر نروح نتفرج عليهم وهم في بيئاتهم الأصلية.
لو كان المجتمع بيسمح إن الناس تخوض تجربة الجواز والطلاق مرة واتنين لحد ما توصل للشريك المناسب مكنش بقى تعرف اتنين على بعض جسديا لأول مرة في ليلة الدخلة حاجة جنونية زي ما هو دلوقت. الجواز ساعتها كان هيبقى كإنه خطوبة بيتعرفوا فيها على بعض بما في ذلك جسديا ويا إما يكملوا أو لأ. »»
الأسطورة دي الرجالة بتقنع نفسها بيها بس الحقيقة إن الكلام ده في الغيط بس. بره الغيط بيرتبطوا عادي في الخمسينات كمان. واللي مش مرتبطين عندهم قدرة يبقوا مبسوطين وهم لوحدهم أكتر مننا عكس الاعتقاد الشائع. بشوف كتير نموذج الست الأربعينية الرايقة اللي مش متجوزة وشكلها أصغر من سنها >>
البواب كان شايل تينر تحت بير السلم مكان ما حطيت القنـ$بلة فحصلت حريقة وثانكس جاد اتلحقت بسرعة لإن صوت الانفجار خلى العمارة تتسرع والبواب جه طفاها. تعدد الفرضيات بقى ما بين ماس كهربا علشان الفرقعة اللي حصلت وبعدين لقوا بقايا القنـ$بلة بس محدش عرف مين وإزاي، وفضل السر مدفون جوايا.
الكلام ده بيعبر عن مشكلة مصر الحقيقية؛ إن تعليمك بالفعل رديء جدا لدرجة إن قضية وجودية زي عجز المياه وزي الخلفة مش مفهومة لناس كتير حتى من المتعلمين والنتيجة: بيحسبها بطول مجرى النهر مش بحجم إيراد المية مقارنة بعدد السكان.
مصر عندها > 54 مليار م3 عجز سنوي بنعوض 34 منه باستيراد >>
يا ابن الاحبة سنغافورة ماعندهاش مياة اصلا و بتستوردها من ماليزيا و حصة الفرد المائية اعلى من عندنا و بلدهم احسن مية مرة في كل حاجة تانية و احنا عندنا ديك ام نيل بطول البلد كلها تقولي فقيرة جدا مائيا خخخخخخ انتو اتحدفتو علينا من انهي مصيبة
دفاع الرجل السوي عن النساء هو لمصلحته أولا بجانب البعد الأخلاقي في الدفاع عن العدالة بشكل عام. من مصلحة أي إنسان سوي إنه يدافع عن قضايا سوية ويعيش مع زوجة اتربت في بيت سوي وهتعيش معاه حياة سوية. النظر للمكاسب قصيرة المدى وكل واحد يخطف حتة ويجري مآله حياة معفنة على كافة الأطراف.
محكمة الأحوال الشخصية في جدة تصدر حكمها بنقل الولاية على معلمة في التاسعة والثلاثين من عمرها إلى المحكمة الشرعية لتزويجها بعد رفض والدها تزويجها بمن تقدم لها ؛ بسبب ما اعتبره والدها عدم تكافؤ النسب .. حيث تقدمت المعلمة إلى المحكمة بدعوى، ذكرت فيها أنها تطلب الستر وترغب في الزواج
في أول ديت ابقوا اتأكدوا الأول إن ده ديت.
وديت اللي هو بعده ارتباط؟ ولا ديت تجريدي من أجل التواصل البشري عموما؟
وفي أول ديت ياريت تخرسوا شوية بجد؛ أولا لإن مفيش شخصية حقيقية هتبان غير بعد انكسار حاجز الغربة بين الطرفين، ودي محتاجة تلاتة اربعة ديتس مثلا قبل ما نبدأ نستجوب بعض. »»
من منظورنا لا هو إرهابي ولا هو بطل.
هو مجند خالف الأوامر العسكرية؛ يعني شخص غير كفء وغير مؤهل وبيتصرف من دماغه ودي كارثة لما تحصل في منظومة عسكرية وفي ظروف تانية كان ممكن تتسبب في خسائر بشرية ومادية وسياسية أكبر بكتير لينا. ودي مش غلطة المجند ده لوحده لكن >>
استطلاع رأى مخيف وواقعى
٤٨ الف شخص هى عينة كافية وكاشفة لحقيقة الرأي العام فى الدول العربية تجاه اسراءيل!!
٩٣٪ من المستطلعين يرون الجندى المجرم، الذى خان الزى العسكرى لبلده وورط دولته فى مشكلة لا تريدها، يرونه بطلا!!!!
ده مش تمسك بالمباديء بل تفريط فيها تحت دعاوي مثالية كاذبة أو ساذجة تؤدي في النهاية لإن جربوع إرهابي يفلت بعملته علشان مفيش قانون واضح وبيتطبق بحسم لإنصاف البنت.
نموذج التمسك الزائف بالمباديء ده أشبه بنموذج التدين التلمودي الوسواسي اللي ما يهمهوش العدل بقدر ما يهمه ظاهر النص. »»
كانت ولا زالت مدفونة برجعية المجتمع وإن غاب الشيوخ.
كفاية تصدير لصورة غير حقيقية في الوقت اللي عموم الستات لسة بتعاني.
ده عامل زي اللي يجيب ڤيديو لواحدة لابسة براحتها في الزمالك ويقولك شايف البنت المصرية؟ لأ هو دي مش البنت المصرية ولا حاجة زي ماهو دي مش البنت السعودية. »»
الكلام ده عبارة عن تعـ$رىيص ملتوي لمجتمع الأڤريدچ. كإن قلع الحجاب ده حاجة سهلة طبعا أومال. وطبعا الأهالي بيقولوا للبنت ده قرارك لوحدك، مش إن 90% من البيوت والمجال العام نفسه بالفعل بيضغط على البنت بدرجات متفاوتة علشان تتحجب.
فالحقيقة هو إنجاز وتستحق يتقالها مبروك فعلا.
@Ebtehal41699736
قلة قليلة جدا.. أنا بقول إنهم ما يزيدوش عن نص في المية بالكتير. حتى الأهالي الطيبين أو الغير عنيفين بيكونوا جهلة في طرق التربية اللي تطلع بني آدم سوي نفسيا فتكون المحصلة بني آدم بيعاني برضه.
ولا الأهل ليهم فضل على عيالهم ولا العيال ليهم فضل على أهلهم. هي علاقة تبادلية جدا بل يجوز إننا نقول إن الأهل عليهم دين وواجب أكبر لإن هم السبب في إيجاد العلاقة دي من الأول.
إنت عايش فين يا عم؟ في تويتر؟
تلتربع بنات مصر ضد الاختلاط أساسا ولو واحدة صاحبتهم تعرف ولاد هيعتبروها قليلة الأدب وبتسوأ سمعتهم وهيخوضوا في شرفها قبل الرجالة نفسهم، لإن معظمهن نتاج تربية فلحوسلفية حولتهم لزومبيز معادين لنفسهم وبينفذوا أچندة الذكورية أكتر من الرجالة.
1- هل استأذنتها في إنها تتخلى عن استقلالها المادي وحرياتها الشخصية وتعتمد عليكم طول حياتها ولا إنتم قررتوا ده مع نفسكم؟
2- مين قالك إنك تقدر توفرلها اللي عاوزاه؟ سألتها طموحاتها إيه في الحياة أصلا؟
3- ضمنت منين إن جوزها هيتكفل بيها ومش هييجي وقت يطلقها ويرميها بالعيال أو يموت؟
@Meo_785
احنا اختي ملزومة من ابويا وانا من بعده وجوزها من بعدنا معززة مكرمة يجيلها الي تعوزه قبل ما تطلبه وهي مكرمة في بيتها بدون تعب ولا ايذاء وكذلك الوضع هيكون بالنسبة لمراتي
ودا مش فضل مننا دا واجب علينا ك"رجالة"
كقاعدة عامة: أي علاج مكتوب عليه "مسكن لآلام الدورة" هو نصباية مش أكتر. مفيش في الطب حاجة اسمها مسكن لآلام الدورة تحديدا. فيه مسكنات وفيه مضادات للتقلصات بتنفع لآلام الدورة ولغيرها. اللي بيعملوه هو تغيير لون العلبة إلى اللون البمبي وهي نفس المادة الفعالة بالظبط زي أي مسكن.
@Mohamed62019639
وإنت بتشتغل علشان تقدر تتجوزها وتشوف غيرها بعد شوية؟ تنفع كده برضه.
لكن الحقيقة إن أي علاقة يملك كل طرف فيها القدرة النفسية والمادية إنه يعيش لوحده هي العلاقة اللي هتستمر وهتنجح. واللحظة اللي بتحس فيها إنك مش هتقدر تعيش من غير الآخر بتكون هي بداية النهاية.
علشان كده ألعن وضع لأي بنت هو إنها تكون من الطبقة المتوسطة في دولة محافظة زي مصر؛ لاهي بتاخد حريات شخصية واقتصادية وتبقى في المقابل مسئولة عن نفسها زي الراجل، ولا هي مأنتخة وحد بيصرف عليها في مقابل تقييد بعض حرياتها.. وضع مشوه ابن أحبة مفهوش ميزة واحدة.
هو فيه كام نبي ست؟
فيه كام شيخ قبيلة ست؟
فيه كام مجلس كبارات قرية أعضاؤه ستات؟
فيه كام قاضي عرفي ست؟
فيه كام ست في مراكز صنع القرار إجمالا؟
لما تجاوب على الأسئلة دي بامتداد التاريخ البشري هتعرف مين اللي المسئول بشكل مباشر عن صياغة النموذج الحالي ومين اللي معاه المفتاح لتعديله.
أسوأ حاجة في التطور إن هدفه البقاء وخلاص بصرف النظر عن كواليتي حياتك. عامل زي مدير المصلحة الحكومية اللي كل همه إمضا الحضور والانصراف ومش مهم الأداء. وده هدف جربوع جدا لإن ممكن يبقى عندك قدرة على البقاء وتمرر چيناتك بس كواليتي حياتك نفسيا وجسديا تحت الصفر و عيالك هيبقوا زيك برضه.
الطريف إن الناس عملوا خلطة أخدوا فيها من الدين إن الجنس من غير جواز فحش، وفي نفس الوقت أخدوا من التقاليد المنحطة إن طلاق الست أو تكرارها الجواز عيب + إن أول عيل يخلفوه تاني يوم الدخلة + إن نموذج الجواز نفسه يبقى مكلف. وبالتالي الجواز تحول لتجربة ما ينفعش تعدي على خير. »»
كلام سطحي قوي.
الناس بتسعى للشغل برضاها مش حبا في الشغل ولكن علشان يلاقوا يعيشوا.. بديهيات؟
وردود الستات هي دفاع طبيعي عن مصلحتها الواضحة لكل أعمى في إنها تستقل ماديا ومايبقاش مستقبلها مرهون بواحد ممكن كام سنة ويطلقها بعد ما تكون ضيعت كاريرها وت��دأ من الصفر علشان تلاقي تاكل.
التريند بتاع مش هسمح لمراتي تشتغل، دا تريند تافه جدا، وردود الستات عليه أتفه. من إمتى الشغل كان نشاط الناس تسعى له برضاهم وبتتقاتل من أجله؟
ايه الجميل في نشاط يصحيك ٧ الصبح يوميا وتغادر السرير الدافي وتنزل تشوف اشكال ما يعلم بيها الا ربنا، او ميتنجز سخيفة مليانة كلام فاضي؟
مين معترض أصلا على إن الحضارة المصرية نشأت في أفريقيا؟ الاعتراض على إن حركة عنصرية لصوصية زي الأفروسنتريزم تدعي زورا إن العرق الأفريقي هو اللي بني الحضارة المصرية وإن القوقازيين احتلوها + اعتراض على تزوير التاريخ وتسويده بالعافية. يبقى مين هنا اللي عنصري؟
عالفكرة احنا افارقة بالفعل و فى مشكلة كبيرة صنعها الاستعمار الغربى و زرع فكرة ان الافارقة لونهم اسود بس مفيش حاجة اسمها انا مصرى مش افريقى لا انت مصري افريقى مولود فى افريقيا الا لو حضرتك اتولدت و عندك باسبور تانية
ولما تكون مقتدر تبقى فعلا عْبى لما تضيعله وقته في وظايف تافهة علشان يلبي تطلعات تعتبر عادية للي في مستواه. لو بتفهم كنت تشجعه على استثمار الوقت ده في دراسة حاجة مفيدة مثلا أو تعلّم شيء يخليه أحسن منك لما إنت كنت قده ويتميز عن أقرانه. لكن إنت ربيته على الرخص فهيطلع رخيص زيك.
على أساس إن الرجالة ما بيتضحكش عليهم باشتغالات تانية أكثر مسخرة زي أقراص إطالة القضيب (اللي هي خرافة أصلا)؟ ده غير أقراص تقوية الانتصاب اللي مالية السوق السودة واللي بتكون نفس المادة الفعالة بتاعة أي أقراص عادية من الصيدلية وسعرها أضعاف. ده الرجالة الأڤريدج دول أصل الضحك كله.
كمل بس السؤال الأول يا عم المعززة إنت علشان يعرفوا يجاوبوا: يصرف عليها لحد إمتى؟ وإيه هي الضمانات إنه هيفضل يصرف عليها مدى الحياة ومش هيتخلى عنها بعد كام سنة بعد ما تكون كبرت وضيعت حياتها العملية وملهاش غير نفقة 24 شهر إذا عرفت تاخدهم و تضطر تنزل تشتغل من الصفر وهي في الخمسينات؟
ثانيا: نيجي للحل الحقيقي اللي المفروض كدكاترة تهتموا بنشره ألا وهو تطعيم ڤايرس الورم الحليمي:
1- للأطفال تحت 15 سنة: جرعتين؛ جرعة أولى وجرعة تانية بعد 6 شهور.
2- بالنسبة للي فوق ال15 سنة وحتى 45 سنة: 3 جرعات؛ جرعة أولى وجرعة تانية بعد شهرين وجرعة تالتة بعد 6 شهور. »»