انا مش معترضة عالناس اللي بتبعت dm بس والله يا جماعه انا عندي 25 سنه مش صغيره يعني ..بتوع ثانوي اللي بيبعتوا دول عايزين مني ايه بقى اذاكرلهم مثلا ولا ��قولهم يدخلوا علوم ولا رياضه ؟ 😂
لما بلاقي حد من زمايلي بيتعصب على patient بحس اني عايزه اقوله ترضى باباك يروح لدكتور و يعامله كده ؟ … بجد التفكير ده اكتر حاجة خلتني هادية اكتر و بالي طويل مهما كانو مستفزين
لقيت كلب جنب العربيه ف قولت ادوس عال lock لعل العربيه تعمل صوت ف الكلب يبعد .. لقيت العربيه مبتعملش صوت و الكلب بيقرب مني ف اترعبت و جريت وقعت على وشي الحمدلله والبنطلون اتحول لripped jeans من عند الركبه والناس اتفرجت عليا و نهار سعيد جدا حقيقي 😂😅
وانا ف ال 25 حاسه ان تحقيق السعاده بقى شيء صعب عشان معدش خروجة ولا ارتباط ولا فلوس تتصرف هي اللي بتبسط الا انبساط مؤقت و بقينا بندور على حاجات اكبر بكتير هتبسطنا بجد انجاز نعمله ف حياتنا او ف الشغل او الدراسة حتى الارتباط بقى فكره جدّية شويه مش هبل
انا معرفش GOT ده بيتكلم عن ايه بس في حد كاتب انه فيه sex scenes كتييير جدا .. استغربت جدا .. ازاي كل الجموع الغفيره دي بتشوف مسلسل فيه حاجات كده ! .. يالهوي 😅😂
انا بحب الراجل الصريح اللي لما يكون عايز يعرف بنت بيقولها انه عايز يعرفها مش جو نقعد نألف ف مواقف تفتح كلام و جو اللف والدوران ده .. وبحس انه شخص واثق من نفسه
انا ضيعت ايام من حياتي وانا بدوّر على ATM البنك الاهلي رغم انه منتشر .. اروح انهردة اكتشف اني ممكن اسحب من اي ATM عادي مش شرط البنك بتاعي لا وكمان انا الوحيدة اللي مكنتش اعرف الحوار ده و شكرا اوي يا دنيا
بقعد مع نفسي كده و اهيأ نفسي اني هتعامل مع بشر قبل ما انزل من البيت
- بحط ال airpods عشان محدش يكلمني
- مبتكلمش مع حد الصبح
- مبردش على مكالمات معرفهاش
- مبحبش اطلب مساعدة من حد
@Muhammadgad99
موضوع اني اكسرها ب حاجة تانيه ده مش بيجيب معايا خالص و بيفصلني ف الافضل اني اكمل ف نفس الحاجة لحد ما انجزها .. ده بالنسبالي يعني بحس اني focused اكتر
السنه دي رمضان بالنسبالي مختلف من حيث اني مركزه مع كل افكاري عشان عايزه اعرف هي كانت من الشيطان ولا انا اللي وحشه و اكتشفت ان الشيطان مكنش له دور و ان انا اللي "نفسي" سيئة جدا
مش عارفه الناس ليه مبسوطه بالدارك مود بتاع المسنجر اوي كده .. هو انتو يا جماعه لاقيين حد تكلموه اصلا ؟
ولو لاقيين يعني هو انتو يا جماعه بتسيبوا الواتس اب و تتكلموا مسنجر ؟