لما حد بييجي يعتذرلي أو يوضحلي سوء تفاهم حصل بينا مبعرفش أتعامل معاه علي إنه غلطان وبكتفي بإني أغيَّر الموضوع وأحسسه إني خلاص مش زعلان منه،وحقيقي مجرد الإحساس بالذنب وإنه كلف نفسه بإنه ميسبنيش لنفسي وأخبط دماغي فلحيط وجه يصالحني دي لواحدها كفيله إنها تنسيني أي زعل مبينا والله .
أنا مبهربش،لا بمسح شات ولا بشيل صور ولا بعمل بلوك,أنا بقعد مع نفسي وأبهدلها وبواجهها ب إني أبُص للصور والشات مره وعشرة وألف لحد ما أتعالج من الشخص ده ويكون أقل من العادي بالنسبالي,وأتجاوز اللي مبينا وأرجعُه شخص غريب,لا خصام ولا إنتقام ولا ضعف ولا بلوك ،إللي هو إنتَ مين انا معرفكش
مُش حابب أصدمك بس هييجي عليك اليوم وهتكلم الشخص إللي كان مهم جداً بالنسبالك ومكُنتش تقدر تتخيل حياتك إلزاي هتكون من غيره,هتكلمه وإنتَ مش حاسس بأي مشاعر ,لا حُب ولا كُره ولا حتي نَدم،وكل إللي في حياتك مهما كانت درجة قربهم منك مش هيفضلول بنفس الأهمية والمواقف اللي هتحدد كل ده صدقني
مَينفعش تروح تقول لحد خاف علي زعلي وحسسني إني فارق معاك،مينفعش تروح تقول لحد أنا مش كويس من غِيرك وقد اي إنتَ محتاجه يكون جمبك،مينفعش تبان ضعيف أو مَكسور من جواك ،ومينفعش تطلب نفس الحاجه مرتين وتلاته هو لو عايز يعملها هيعملها متزلش نفسك،فيه حاجات لما بتطلب بتزعلنا إحنا من جوانا .
فيه حاجات مينفعش أطلُبها ,مينفعش أجي أقولك كل شويه إنتَ ليه مُختفي ,ليه مقصر في حقي ,ليه مش بتبادلني نفس إهتمامي بيك ,فيه حاجات لو ملقتهاش تلقائي من إللي قدامك هتتقفل منه ، ولو طلبتها هتحس إنك تقيل عليه وبعد محاولات وكلام مكتوم جواك هتبعد
في حاجات لازم بمزاجنا او غصب عننا نسيبها ونمشي ، عشان خاطر نفسنا، عشان احنا نستحق نكون كويسين و مبسوطين، وعشان احنا نستحق نتحب ونتقدر ونكون مع ناس كل يوم بتختارنا احنا بالذات
كانت نقله في حياتي لما بدأت اُدرك إني مش مضطر ادور على مبررات للناس اللي بيغلطوا في حقي ، وإن تكرار التقصير معناه إن صاحبه عارف هو بيعمل ايه ، وإن عتابي غالي وليه حدود ، اصلاً طاقتي على العتاب قلت جداً بقيت احتفظ بيه للي بيقدروه وبس .
لازم أرخم ع الناس اللي بحبها ،ده جُزء اساسي من حُبي ليهم،مبقدرش أتخيل علاقتي بحد بحبه إلا وأنا برخم عليه ومزهقه فعيشته،مبعرفش اتعامل بسطحيه مع الناس اللي بحبهم وببقي تافه وعشوائي جداً،مبعرفش أحط حواجز مع حد برتاحلُه ،عشان كدا لو متعرفنيش هتلاقيني عاقل جداً لحد ما ناخد علي بعض .
بزعل جداً لما مشاعري تتغير ناحية حد كنت بحبه بسبب حاجة هو عملها ، وبزعل أكتر اما بيحاول يصلح اللي عمله لان مشاعري مستحيل ترجع لما اتقفل من حد ، بزعل علي شعوره وقتها ، وبتدايق بسبب مشاعري اللي مش قادر ارجعها زي الاول ، واللي هو انت انا ليه عملت كدا ووصلتنا للمرحله دي
بتمني الفتره الي جايه من حياتي تبقي هاديه جدا مش عايز زحمه وناس ملهاش لازمه مش محتاج حاجه تفرحني ولا تزعلني واني اكمل باقي حياتي ف سلام لا اتسبب في اذي لحد ولا حد يأذيني محتاج هدوء وبس .
انا مبحبش اخسر حد كان بيني وبينه عشرة بسهولة بديلو فرصه وإتنين وثلاثه وده مش معناه إني مليش غيره بس الفكرة إني مدخلتكش حياتي عشان في الأخر أخسرك، وبزعل أكتر لما الشخص ده يجبرني أغير مكانته عندي واخليه كأنه شخص مدخلش حياتي في يوم ومبندمش علي ده عشان كل واحد بيختار حجمه بأفعاله .
الانسان بيعرف قيمة اللي حواليه لما يتحط ف ضيقه ، فعلاً مواقف كتير مكنتش هتنتهي نفس النهايه لو مكنش حواليك ناس بتدعمك ، فمتمجدوش في الوحده اوي ، وجود الناس الصح في حياتك نعمه
الحب شيء خفيف عنده قدره انه يخلي نظرتك للأمور كلها ايجابيه وعندك قدره تستحمل وتشيل لانك عارف إنك مش لوحدك ، بس المراوغ انه كمان قادر يحسسك ان الدُنيا اسودت في عينك لو شخصك المُفضل اختفى حتى لو كُل حاجه تانيه في حياتك زي ما تتمنى وزياده.
مفيش اسوء من انك تبقى عايش من غير نفس ومش قادر ترجع شغفك تانى ولا قادر حتى تتعايش مع الوضع الى انت فيه دلوقتى وكل حاجه فى عينك بقت عاديه، سدة النفس دى شعور مؤذى اوى بأمانه
هتبتدي ترتاح شويه في علاقاتك لما تغلي نفسك في تعاملاتك ، لما القريبين منك يعملوا حساب زعلك و يعرفوا إنك غالي عند نفسك وخاطرك عندهم لازم يبقى غالي ، وإنك لما بتقرر تفوّت وتبقى طيب بتبقى مختار ده مش عن ضعف ، وإنك زي كل الناس ليك طاقة وبتخلص ، متأڤورش في اللطف عشان هيفهموا إنك رخيص.
نادراً ما تلاقي حد يقرب منك من غير ما يخليك تفتح فالماضي ، ناضج بما فيه الكفايه لإنه يتعامل بس مع نسخة الحاضر بتاعتك ، ناضج بما فيه الكفايه ﻹنه يتمسك بيك حتى في حالة إنه عرف ماضيك لأنه عارف إنك أفضل نسخه من ذاتك وإنت معاه ، لأنه بيحبك بدون شروط وقيود وإستثناءات.