قطع قدامي هالفيديو من زفاف #جميلة_عوض...وللصراحة مش عم بقدر ما ضلّ عيدو...قدّيش حلو يكون الأب مصدر سعادة البنت الأول..وقدّيش حلو تكون آخدة هالقد حب ودلع منو😍اصلاً الفيديوهات من هالحفل بتحس فيها كمية حب غير طبيعية🫶
مش دفاعاً عن #نادين_نسيب_نجيم بس عنجد ما فهمت الهجوم عليها...يعني هوي لازم تقص شعرها عنجد حتى توصل الرسالة؟؟ليش هند صبري هيديك السنة قصّت شعرها عنجد بمسلسلها عن مرض السرطان؟؟انحكى كتير بالموضوع لإن هي المخلوقة عندها شعبية كبيرة...هالقد الموضوع بسيط...relax..تخايلوا البجع..🤦♀️
حفل #نانسي_عجرم اليوم بياخدك ع عالم تاني مليان فن وجمال وإبداع وإبتكار...اختيار الأغاني يلي كلها فرح وتوزيعها الجديد كتير حلو...واللوحات يلي انعملت عبارة عن فيديو كليب جديد لكل أغنية...ومع هضامة نانسي وعفويتها...الحفل كان شي مختلف❤👏
@NancyAjram
#نانسي_عجرم بغير مطرح والله...شو ما تعطيها أغنية بتغنيها بطريقتها وبتطلع معها حلوة...وهيدا شي دليل ذكاء وتطور وثقة بالنفس...الله يا نانسي👏
#ليلة_نجمات_العرب
طب معقول كمية اللطافة بالأغنية؟ طب معقول قديش #نانسي_عجرم قادرة تغني كل الألوان بهالسلاسة وتوصل على القلب بأفكار وتفاصيل جديدة ومبتكرة؟ بتحس حالك عم تحضر فيلم مصغّر...حضور نانسي وعفويتها بيسرقوك من أول لحظة لآخر مشهد👏👏👏
#من_نظرة
نحكي الواقع والحقيقة...مسلسل #ع_أمل بيستاهل أكتر من جائزة وهيدا شي طبيعي...و #ماغي_بو_غصن بتستاهل جائزة أفضل ممثلة...ما بعرف ليش في ناس مستغربة ومعترضة🤦
على قد ما #نانسي_عجرم قوية...راحت عملت حفلة بهدوء...وتركت الصحافة تحكي عنها...بس للمعلومات إنو الصحافة التركية كتير قليل تحكي عن نجم غير تركي إجا عمل حفلة بتركيا...وكيف إذا عم يحكوا عنها بطريقة إيجابية...نانسي غير🫶
نجاح #نانسي_عجرم بكبّر القلب...حب الجمهور يلي عم نشوفوا إلها مش صدفة...نتيجة تعب سنين...وذكاء واحترام للجمهور...ولإنها مركّزة كتير بشغلها...عندها معايير عالية بأعمالها...وما بتقبل إلا الأفضل...يلي عم شوفوا من حفلاتها خاصة آخر كم يوم...دليل إنو ربنا بيعطي كل حدا نتيجة تعبو❤️👏
محبة الجمهور يلي عم نشوفها من قبل رمضان لليوم ل #نادين_نجيم رغم غيابها هي الجواب الحقيقي ع كل شي تاني سلبي..وللأمانة إيه المنافسة ناقصة بلاها...بس دايماً حكمة ربنا أقوى من كل شي..بالنهاية كلو بيروح وبتبقى محبة الناس...هيدا هوي النجاح الحقيقي...وكل واحد بياخد ع قد نيتو✌❤
شخصية الأم يلي عند #نادين_نجيم بمسلسل #عشرين_عشرين صعب تقدر تتخطاها...مشاهدها مع الطفلة معبّرين لدرجة كبيرة...يمكن قبل اخدت دور كانت أم فيه...بس حجم الإضاءة عهيدي الناحية بهالمسلسل أكبر...والإحساس فيهن بفوت عالقلب بصراحة👌
من فترة #عمرو_يوسف قال إنو #يسرا وين ما تروح بتخطف الجو وكل الانظار بتصير عليها...وكتير معو حق...والدليل هالفيديو...باللبناني منقول بتاكل الجو...سبحان الذي خلقها عهالكاريزما🥰
نجمة مجتهدة قدّمت أجمل الأعمال وما بترضى إلا بالأفضل...طبيعي يكون مكانها بين الكبار...تحية ل #نانسي_عجرم
ع كل شي عم تعملوا...بتستاهل النجاح دايماً❤
#NancyXTiffanyandco
يعني #منى_واصف بتقول عن حالها إنو ما بتشوف حالها إنو ما بقى يجي متلها...يا ريت حدا يخبّرها إنو مبلى ما عاد يجي متلها...وهيدي حقيقة ثابتة الأغلبية متفقين عليها...سنديانة وأيقونة نادرة بالتمثيل🫶
بتمشي بالشارع نص السيارات حاطة اغنية #من_اول_دقيقة...بتقعد بمطعم ب mall بتسمع الأغنية...ما بتذكر أيمتى في اغنية عملت هالانتشار الكبير...بس الاكيد انو أغنية #إليسا و #سعد_لمجرد صارت حالة مش مجرد أغنية...وهيدي حقيقة ما حدا بيقدر ينكرها👌
تنكون صريحين...مسلسل #ستيلتو هوي أكتر مسلسل معرب ناجح...حتى مع التخبيصات بالنص...بس الضجة يلي أخدها المسلسل وقت انعرض...بعد ما صارت بولا مسلسل معرب غيرو...لكتير عوامل منها أداء الممثلين واختيار الكاست والانسجام بيناتهن🤝
قدّيش حلو الفنان يقدر يحافظ عالعفوية يلي عندو...و #نادين_نسيب_نجيم قمة العفوية والهضامة...بس تكون النفسية حلوة ببيّن الفنان قريب من القلب وهالشي بيعني انو صادق👌وعفكرة..لما الصحافي يتعب ع شغلو بيكون قادر يسأل أي سؤال وياخد أجوبة صريحة بطريقة كتير بسيطة وسلسة بلا تجريح وهجوم👏❤
الناس يلي عم تقول عن #كارمن_بصيبص باردة أكيد مش حاضرين شي إلها إلا #عروس_بيروت...مع إنو حتى بهالمسلسل ما كانت باردة بالعكس...كارمن وحدة من أجمل وأشطر الممثلات بلبنان...خففوا تنمّر وانطروا المسلسل لينعرض...النّق ع كل شي مش حلو
هيدا دليل إضافي إنو #كارول_سماحة من كوكب تاني...وإنها اشتغلت ع حالها كتير...لدرجة صارت قادرة تعمل حفلة بدون فرقة موسيقية...بصوتها وأدائها وحضورها...واليوم أكتر من أي وقت...كارول حدا بكبّر القلب❤😍
يلي عم تعملوا #نجوى_كرم بحفلاتها بآخر فترة والنجاح الكبير والأفكار الجديدة بكل شي عم بصير عالمسارح وحتى تمارين الصوت يلي واضحة بصوتها يلي عم يلمع...دليل إنها عم تعمل مجهود كبير ومش آخدة إنو انا نجمة وشو ما غني عالمسرح رح غنيه صح...لا عم تشتغل ع حالها كتير👏
بعد حوالي أسبوعين...ألبوم #نانسي_عجرم رائع بكل تفاصيلو...الأغاني هني شخصية نانسي...ما بينشبع منو...وكل مرة بسمعوا بنتبه لتفصيل جديد ما كنت منتبهيتلوا قبل...كتير صعب اختيار أجمل أغنية فيه...بس بالنسبة إلي "مية وخمسين" هي الأقرب لقلبي...نانسي راهنت ع ألبوم كامل وربحت الرهان❤✌
#عودتني_الدنيا
كلمات : أحمد المالكي
ألحان : تامر عاشور
توزيع و فواصل موسيقية : النابلسي
تسجيل، ميكس و ماستر : خالد سند
وتريات : محمد مدحت
جيتار و هارموني : أحمد حسين
باص جيتار : أحمد رجب
بيركشن : ضياء بدر
إدارة انتاج : رامز سليمان
تم التسجيل في استوديو TRS
photo by
أنا مش جاي دافع عن #نادين_نجيم...بس فينا نحكي شوية منطق؟ مش كل الناس فنانين وغير فنانين عم تضهر وتنشر صور سهراتها؟طيب نادين سارقة المال العام؟ ماخدة شي من درب حدا؟لا...لو اجت حكيت عن الازمة وهيك كان رح ينقال عم تستغل معاناة الناس...بعدين "شبعت بعد جوع"؟ولوو!!!!
الفنانة المرهفة ، عم تذكر الشعب اللبناني بأزمته قدرتها على أكل الكافيار بعد سفرها على المالديف.
ينسب للإمام علي قوله:"لا تعاشر نفساً شبعت بعد جوع فإن الخير فيها دخيل" وهالشي كتير صح.
يمكن الإعلام هوي بيصنع نجوم المجتمع، بس أكيد هيك نوع مش ممكن يتركو أثر لا بالفن ولا بغيره.
@NancyAjram
كل مرة بتعملي شي خارج عن المألوف وبيقدر يوصل للقلب...ما تخايلت في شي قادر يأثر فيّ بعد كل شي قطعنا فيه آخر فترة...بس دمّعت لما حضرت الكليب🥺❤
#الى_بيروت_الانثى
بس شو بدكن بالحكي..حلوة #نادين_نجيم بهيدا النوع من البرامج يلي فيه مغامرات...وبحس لازم نشوفها بشي دور زعيمة مافيا أو تاجرة مخدرات😂وبعد هالحلقة اقتنعت إنو كتير خرجها هالشي😁
من كل يلي اشتغلوا مع #نادين_نجيم...أنا ولا مرة سمعت حدا إلا ما بيحكي عنها بالمنيح وبيتمنالها الخير...ممثلين كبار ونجوم بيحكوا نفس الحكي...إنها مجتهدة وبتستاهل النجاح...هيدا الحب كلّو أكبر رد عالناس يلي مشكلتهن مع نادين إنها ناجحة...هوي النجاح مستفز للبعض "لغاية في نفس يعقوب"🤝
كنت ناطرة شوف أداء #ماريلين_نعمان عالمسرح بأغاني مش إلها تقول هالشي..الصفات يلي موجودة عند هالصبيةاستثنائية..مش بس عندها صوت حلو وإحساس رائع..ربنا عاطيها أهم نعمة وهي القبول..والأهم إنها واعية وعارفة حالها شو بدها..محبّة الناس الكبيرة إلها نعمة ربنا عاطيها ياها لإنها بتستاهل🫶
بحب ب #ماغي_بوغصن إنو هي صح عندها صوت حلو ودارسة موسيقى وبتعرف تغني...بس مش طارحة حالها مغنية...يعني ممكن تغني بقعدة، بمقابلة، لمسلسل كرمال دور معين...بس مركزة ع شي واحد هوي التمثيل...وهيدا أفضل للفنان،لإن كتير فنانين بس يبلشوا يعملوا كذا شغلة مع بعض بضيعوا
هي الأمور واضحة...نانسي معروفة مين هي...ومعروفة أخلاقها وتصرفاتها...ومعروف إنو هيدي المكانة يلي هي فيها كتار بدهن يشوهوها...بس المشكلة ما عم تزبط معهن ولا رح تزبط...يعني في عاقل بصدّق الخبرية؟ بالنهاية الفنان ما رح يطلب سجل كل واحد بيتصوّر معو...شوية منطق بس
#نانسي_عجرم
أهم عوامل نجاح الفنان بالوقت الحالي:
🔴إدارة أعمال محترفة
🔴أعمال حلوة ومتجددة
🔴فريق سوشال ميديا ذكي
🔴تصريحات موزونة وبوقتها
وبصراحة كل هالعوامل موجودة عند #نانسي_عجرم...نموذج محترم جداً للنجاح بزمن السوشال ميديا👏
ليش بدنا نسأل بنت عمرها 10 سنين عن مين أوسم ممثل وإذا حدا أشقر أو أسمر؟
يوم عن يوم عم بقتنع إنو هالولاد يلي عم بمثلو مش لازم يطلعوا يعملوا مقابلات...من التمثيل عالبيت عالمدرسة...أو عم يلعبوا مع ناس من عمرهن...غير هيك ظلم ظلم🤝
#رابعة_الزيات #تالين_أبو_رجيلي
_ متظاهرة عم تقول لأسامة سعد :إنت بدك تمنع البوسطة تفوت عشان بدك تجي رئيس حكومة..
_ أسامة سعد : أنا مش بهالوارد...وهني ما بجيبوني لإني منكن..
#لا_تعليق
أغنية #ماريلين_نعمان الجديدة فيها كتير معنى عميق...حكيت عن النشاز بكتير جوانب بالحياة...بالحب، بنظرة المجتمع، بالزواج...الفيديو one shot وهوي شي كتير صعب يتنفّذ...الأغنية بتنسمع كتير ومع الوقت رح تنفهم أكتر🫶
جواب #كارول_سماحة لما سألوها ليش ما بتعطي رأيها بفنانين غيرها هوي أكتر شي مناسب بهالوضع...لو الكل بفكّر بذات الطريقة ما كنا منشوف كل فترة ناس عم تهاجم بعضها و ع قصص بلا طعمة✌👏
قديش شي حلو لما نجمتين من لبنان يجتمعوا بهيك اعلان😍دليل انو النجاح ما حدا بيقدر ينكروا ولا يلغيه❤
#نادين_نسيب_نجيم #نانسي_عجرم
@NancyAjram
@nadinenjeim
الفن بيكبر فيها ومعها...ما حدا بيقدر ينكر إنو النجومية بتلبقلها...بتعرف تحكي الكلمة الصح بالمطرح الصح...بتغني كل يوم كإنو أول يوم إلها بالفن...بتعطي من قلبها كرمال هيك النجاح بحبها...عقبال الكتير حب وسلام وفرح❤
@NancyAjram
#نانسي_عجرم
#CelebrateWithNancy
هلق معليش يا جماعة..مش إنتو كنتو ضد الثورة من الأول؟؟إيه وعشو خايفين عليها تتشوّه ما فهمت؟؟خلص تركوها عمرها ما ترجع..إنتو عايشين ع كوكب تاني..بس توصلوا ع كوكب الناس الجوعانة وتصيروا بدكن تنزلوا عالشارع..تبقوا فرجونا الرقي والحضارة تبعولكن..relax..تخايلوا البجع..❤
#لبنان_ينتفض
في فنانين كتير موهوبين...بس لما تسمعهن بمقابلات ما بتقدر تكفيها...درجة الوعي يلي عند #ماريلين_نعمان وعفويتها وشخصيتها القوية بتخليك تحضر الحلقة إنت ومبسوط وما بتحس بالوقت...كلامها عن لبنان كان كتير حلو...واضح إنها ناضجة وأكبر من عمرها...بتكبّر القلب🫶
أنا ما شفت جروح وندوب...شفت #نادين_نسيب_نجيم القوية يلي جوّاتها نادين الطفلة...شفت إنسانة عم تحكي عن وجع كتار بس إحساس الأم فيها ما قبل يخلّي طفل يحس بيلي هي عم تحس فيه فصارت تهوّنها عليه...شفت نادين الحلوة والقمر من جوا ومن برا❤
#لن_ننسى_بالخط_العريض
#احمر_بالخط_العريض
هيدا الإنسان لازم بعد رمضان يعطوه جائزة...بمهرجان وبلا مهرجان...حامل مسلسل بكاملو ع كتافو...4 شخصيات بمسلسل واحد...كوميديا مرتبة بتحترم الناس...اداء مميز... #احمد_مكي رائع❤
#الكبير_أوي6
أنا بشوف يلي عم تعملوا #نانسي_عجرم حلو...أغنية مع مارشميلو...وأغنية مع مروان بابلو..الأغنيتين مختلفتين..في ناحية يمكن كتار ما عم بشوفوها هو التنوع بالموسيقى..وحلو الفنان يضهر من ال comfort zone..أنا بشوف خطوات نانسي جريئة ومغامرة...حلو هالشي..بغض النظر اذا عجبتنا الأغنية أو لا