تخيل تكون نيتك من دلوقتي ترتيب المسلسلات اللي هتتفرج عليها الخروج والسهرات في رمضان ونية غيرك الطاعة والعبادة وإصلاح نفسه واغتنام كل دقيقة من وقته في الشهر ده
لما تيجى أى معصية فى بالك وتقوم تعملها إدى نفسك ثانية واحدة افتكر فيها الأية دي " وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى فَإِنَّ الْجَنَّةَ هِيَ الْمَأْوَى "
في الحقيقه ان لحظات الخِلاف بتبين النفس البشرية ومعدنها الحقيقي عشان كدا الواحد مدين بالشكُر للشدائد اللي فتَّحت عنينا على حاجات كتير مُستحيل كُنا ناخُد بالها منها لوحدنا.
علي فكره لو معندكش مشاعر صادقه اتجاه اللي مرتبط بيه فإنت ممكن تضيع عليه فرصه أحسن وأفضل منك وإنت أصلًا داخل تلعب وتتسلي وده حرام يا إما تكون صريح من البداية يا إما تسيبه لصاحب نصيبه
لما الواحد يكون عنده إبتلاء أو مشكلة أو حاجة خايف منها وتتيسر وتعدي بمنتهي السهولة بيقول لنفسه ان أنا كبّرت الموضوع وأديته أكبر من حجمه بس اللي متعرفهوش ان لطف وستر ربك هو اللي يسر الامور