المفروض يمنعون الرجال المتشبهين بالنساء
أو النساء المتشبهات بالرجال من العمل في القطاع الحكومي أو الخاص …. مقيمين أو مواطنين لأن أشكالهم صارت تلوع الچبد وتجيب القرف ..!!!
التاجرات الخليجيات
ترى أهل قطر ماعندهم آبار نفط في بيوتهم
مايصير تعرضون بضاعتكم في الانستقرام للقطريات بأسعار أغلى من باقي دول الخليج ..!!!
الكويت: ٢٣ دينار
السعودية: ٢٨٠ ريال
قطر : ٤٥٠ ريال…!!!!!
😤😤😤
عزيزي الرجل ...
في شي اسمع غض البصر
اذا كنت قاعد في مكان عام .. مستشفى او مجمع ..
مايصير تقعد اتأمل في الحريم وحدة.. وحدة
الله ياخذ هالنوعيه اللي ماتستحي 😡
مدري شنو ريحة الدفنة اللي بروح ادفع عليها 😂
بس تهاون الحريم بموضوع العطورات رهيب .. الجهل بالدين و تقليد الفاشيلستات يتسبحون بالعطورات والعود والبخور ويمشون وسط الرياييل
حديث الرسول ﷺ واضح :" أيما امرأة استعطرت فمرت على قوم ليجدوا من ريحها فهي زانية”…
وحدة من المشاهير القطريات مسافرة ومصورة ذراعها عشان تراوي البنات التان اللي مسويته …
الحجاب اللي لابسته يغطي الشعر بس
والرقبة مع الاذن طالعين …
ويقولون لها ماشاء الله عليج اكثر وحدة مستورة من المشاهير وخير من يمثل البنت القطرية ..!!!!!!!!
حلفوا بس .. 😤
التعيينات في الجهات الحكومية
تنقلات المقيمين من جهة عمل حكوميةإلى أخرى أسهل من تنقلات المواطنين
تعيينات المقيمين في الجهات الحكوميةأسرع من تعيينات المواطنين
توفير وظائف لذوي المقيمين أسهل من المواطنين
وللأسف كل هالأمور بموافقات وتواقيع المسؤولين القطريي.!!!!!
عوار قلب💔
الصاحب ساحب ..!!!
خصوصاً البنات
طلعات بعض البنات وجمعاتهم على البحر وفي الاستراحات صارت اغلبها افعال مخلة … عري .. شيشة .. زقاير .. خمور .. وبلاوي مايعلم بها الا الله
صادقوا بناتكم وشوفوا معاهم تصوير صديقاتهم في السناب بتنصدمون
والله يحفظهم ويستر عليهم ان شاء الله
تداوم في جهه حكومية
تستقبل يومياً عدد من كتب انهاء الخدمات والاحالة للتقاعد لمواطنين بسبب بلوغهم سن ٦٠ سنة!!
بالمقابل تستقبل عدد من خطابات تمديد عقود وافدين ممن تجاوزوا سن ٦٠ سنة !!!💔
ليش مايخيرون المواطنين بين التقاعد بعد سن ٦٠ او الاستمرار في العمل اذا كان قادر على العطاء؟؟
لاحظتوا قبل كأس العالم أشغال خلصوا من الحفريات في معظم الشوارع … واستانسنا ذيك الفترة 🙄
ولاحظتوا الحين ان نفس هالشوارع صارت فيها حفريات مرة ثانية … في أقل من سنة؟؟؟🤔
باعتقادكم شنو السبب للحفريات عندنا وسنوياً ؟؟
آسفة #أشغال أغيب وارجع لكم 🤭🤭
خاطري أفهم ..شبابنا وش صاير فيهم؟؟
شباب بمختلف الفئات العمرية ..العشرينات والثلاثينات وحتى الخمسينات ... يرتبطون بعلاقات مع العاملات في المطاعم والفنادق من مختلف الجنسيات...سهرات.. وطلعات ...وخرابيط .. مافي شي يردهم ... لا اخلاق ولا دين ولاتربية !!!!
السناب صار مقرف
من كمية الرخص اللي فيه
وكل ساقطه ولاقطه حاطه علم قطر عند اسمها
من تصويرهم تعرف ان الموضوع بزنس 🔞
لازم الجهات عندنا تتدخل وتمنع هالاشكال
للعلم مانتابعهم بس يطلعون لنا في السناب
في حد يتابع المسلسلات اللي ينتجها تلفزيون قطر او قناة الريان ..؟؟؟
تحسون ان كلها ثقالة دم .. والتمثيل والتصوير والاخراج يجيب الهم ولا بس انا اللي مب بالعتهم وأحس أن الزمن وقف عندهم على عام ٢٠٠٠…!!!
ظاهرة التسول في الاماكن العامة زادت هالفترة ومن جنسيات مختلفة… وبشكل مستفز والكل تقريباً قاعد يشتكي منها … في المستشفيات .. الاسواق .. المطاعم .. الشوارع …!!
السيد محمد العمادي
المرات الجاية تجاوزوا كل هالانتقادات اللي صارت على معرض #طيب_الحزم وحطوها في الاعتبار
المعرض بيكون ناجح لو ماجبتوا لنا هالمشاهير ولو كان في تنظيم اكثر وخليتوا ايام للنساء وايام للرجال بدون هالمسخرة اللي صايره
حافظوا على قيمنا وعاداتنا وتقاليدنا
@makalemadi
حد يذكرني بس متى افتتحوا الكورنيش بعد الصيانة والتعديلات ..؟؟؟
حرام والله هذا حاله اليوم … ماكملنا سنة من اعادة افتتاحه وجذي ..!!!!
الارضيات مكسرة والتشطيب اي كلام .. اشدعوه مب ليهالدرجة الشغل مش حالك
@AshghalQatar
ليش كل شي صار عندنا بالدور ولازم لك ملف عندهم ..؟؟
تبي تشتري سيارة .. انتظر دورك
تبي تشتري شنطة .. ملف وانتظر دورك
تبي ساعة .. ملف وانتظر دورك
بصراحة مصخوها المحلات …!!!
وزارة التجارة .. انتو معانا في الكوكب ولا في كوكب ثاني..؟؟؟
@MOCIQatar
اللي خطط شوارع الخريطيات الرئيسية و الفرعية… عقب سنين من الحفريات اشك انه مهندس … !!
ولا لفة تقدر تدخلها بسهولة لازم تلف وتريوس ولا تضرب رصيف
واتوقع هو نفس المهندس اللي خطط مواقف منطقة الاسواق فكر في مواقف لسيارات أصحاب المحلات وطنش المتسوقين
سالفة تقرقع بقلبي
لاحظت في التواصل الاجتماعي مايطرحون موضو�� الزواج الا قالوا غلاء المهور السبب…مع ان المهر مايتعدا ١٠٠-٢٠٠ الف ريال بالكثير..!!!
بس تفتح برامج التواصل تشوف المشهورات من ذيك الدول متخرفن عليها خليجي متزوجها بالسر أو بالعلن ويصرف عليها صرف اليهد
زوجة توثق مفاجأة زوجها لها بعيد ميلادها
��تاة توثق تسليمها شهادة التخرج
بنت توثق عزاء والدتها
سيدة توثق شهر العسل بعد زواجها
🤔🤔
انا كمتابع او شخص عادي وش استفدت من كل هالتوثيق ؟؟؟؟؟
شنو فايدتي من نشر خرابيطهم والاعلان عنها….؟؟؟؟
@Ali_AlThani1989
اذا بيمدحون البلاد وبيدافعون عنها ويعملون حساب لفضلها عليهم كفو عليهم، في ناس اهلهم وجدانهم في خنور وغيرها وعند اول فرصة خانوا البلاد...
فكونا من سالفة الاصل والفصل بس الوطنية مب بالقبايل والاسامي
اللهم ارحم والدي واجعل قبره روضةً من رياض الجنة ولاتجعله حفرةً من حفر النار وأبدله داراً خيراً من داره وأهلاً خيراً من أهله واجمعنا به في جنات النعيم وجميع موتانا وموتى المسلمين يارب
سؤال ..
شاب يبحث عن بنت للزواج..كل فترة اهله يشوفون له بنت ويروح يشوفها ويكون رده
لا..ابيها جميلة.. جمييييييلة.. مب عادية🤦🏻♀️
وحتى لو كانت في قمة الاخلاق والسنع والدين
يقول لا.. جمالها عادي..!!
رايكم في هالنوعيه؟
مع العلم ان شكله عادي مب جميل ولا وسيم ..بالعربي اجلح 🤭😂😂
اللهم إن والدي في ذمتك وحبل جوارك فقه فتنة القبر وعذاب النار فأنت أهل الوفاء والحمد،اللهم ارحمه رحمة تغنه بها عن رحمة من سواك يارب العالمين وجميع موتانا وموتى المسلمين يارب
تدرج بعض الفاشينستات في السفور:
في بدايتها تطلع صوت بدون صورة 🙄
بعد ماتجمع شوية متابعين
تطلع وهي متحجبة عدل
بعد فترة تطلع جزء من شعرها
بعدها تلبس التوربان
غمض .. فتح
ولا هي بدون حجاب .. وهات يا استعراض 🤦🏻♀️
وبكل ثقة تحلطم بعد؟؟
يعني اذا الشارع فاضي ليش ماتفتحين له الطريق؟؟ هالمقطع المفروض تحاسب عليه
تسوق وعينها على التلفون وتأشر بيدها ….
الفاشينستات وطختهم محد يكلمهم .. كل واحد يركب سيارته ويدور في الشوارع ويسولف ويصور وعقب بعد يتحلطم وينتقد اللي في الشارع
كنا مرتاحين من التصوير في السوشيال ميديا
مرتاحين من الزبو والهياط
مرتاحين من كشف عورات البيوت
مرتاحين من عرض الاجساد والعورات
مرتاحين من الفتن
مرتاحين من الخبول والسفهاء اللي محد كان يدري عنهم الا اهلهم
الله يرحم أيامك 💔
رقدنا وقعدنا … وهم للحين ينابحون ..؟؟؟
مساكين متخرعين اول مرة يتأهلون 🤭
يانفوز ولا بنسبكم وبنسب ديرتكم وحكومتكم وبنسب الحكم والكورة اللي لعبنا فيها المباراة
@alhmlool
اصحاب الشركات اهم شي عندهم الفلوس وهالعمال المساكين تغربوا على الفاضي، شهر يعطونهم راتب و٦ شهور لا، مع ان اغلبهم عقودهم مع الوزارات مثل شركات النظافة والضيافة ويستلمون فلوسهم أول بأول بس تروح في جيب صاحب الشركة
سؤال: شنو رايكم في مقولة:
"عيش حياتك.. العمر مجرد رقم" ؟؟
هل من المنطق انكم تشوفون شخص عمره تجاوز ٤٥ سنة ويعيش بعقلية وتصرفات شخص عمره مايتعدى ٢٠ سنة ... لان ماشي على هالمقولة؟؟
🙄
@ALThani_T_a
@alarabid_h
لو يبعدون هاللي اسمهم مشاهير عن الاعمال الخيرية ويخلونها لأهلها احسن وأبرك، الاجر في الصدقات واعمال الخير بإخفاءها وعدم الرياء فيها، وهم يصورون وينشرون، ترى حتى هالمساكين اللي تصورونهم فيها كسر لقلوبهم انكم تشهرون فيهم بسبب حاجتهم وضعفهم
صار لي فترة ناوية اسوي هالشي ومترددة
بس اليوم في الدوام ربي وفقني وقدرت اتخذ القرار والغي القيلولة من قاموسي واستبدلها بساعة في الجيم
ولله الحمد رجعت البيت تغديت وقيلت والحين مالي خلق اروح الجيم 🤭🤭
@Hassan_alsai
@hrumaihi
الموضوع مايبيله مكافآت وبس … الموضوع محتاج حلول جذرية .. ليش المعلمين القطريين يطفشون من مهنة التعليم ؟؟؟
وأفضل من يساعدكم في ايجاد الحلول هم المعلمين نفسهم .. اسمعوهم واخذوا بمقترحاتهم وأفكارهم
اما نظام النحاسة واذا ماتبي بنجيب غيرك .. ماينفع لو تصرفون لهم هالمكافآت وأكثر
واحد متصل فيني يقولي من مصرف قطر المركزي الفرع الرئيسي..يبيني احدث بياناتي
سويت نفسي هبله وقلت له كم فرع للمصرف
قالي عندنا افرع كثيرة بكامل قطر 🤣
قلت له الحين البنوك مطرشين لنا مليون رسالة يحذرونا من النصابين مثلك وشرواك وتتوقع اعطيك بياناتي
اسود الوجه سكر الخط بوجهي 🤣
@hamdanqtr55500
اتكلم عن الجنسين : فيهم موظفين ويبثون من دواماتهم ، ومتزوجين ويبثون من بيوتهم ، وفيهم مراهقين وشباب وشياب … بث مشترك وسوالف تافهه صار الموضوع عبارة عن مغازل علني … لا أدب ولا أخلاق ولا سنع
لا حيا في الحريم ولا غيرة في الرياييل
من أشكال هدر المال العام ..
ان المسؤول الجديد…ينسف كل اللي كان موجود قبل تعيينه ويبدأ من الصفر …!!!!
تنتهي فترة تعيينه ويطلع وهو للحين يهدم .. ويترك وراه بلاوي مالها اول ولا آخر 😏
تخيلوا بس توقفون في موقف ويجي واحد يصف وراكم ويسكر عليكم ومايبي يتحرك لين يوصل طلبه
فوق ١٠ دقايق اهرن له ومايبي يتحرك 😤😤
وفعلاً ماتحرك الا يوم استلم الطلب لا ومعصب علي لأني اهرن له
شلون تتصرفون مع هالنوعية ؟؟