سواق التاكسي بيقولي والله يا أبلة احنا المفروض لما نموت نتلف في علم مصر .. قولتله ليه -ومن جوايا بقول الله عالوطنية والانتماء- قالي عشان الملايكة لما تشوفنا تقول الراجل دة شاف العذاب في الدنيا حرام يشوفه دنيا وآخرة
عرفت ازاي انسحب بالتدريج واقلل تعاملي مع اي حد قليل الذوق او طريقته مش كويسة معايا .. مابقتش بقول انا مضايقة من كذا بقيت بقلل التعامل بس .. عشان احنا مش هنغير الناس
انهردة في الشارع في ولاد تعدوا عليا انا واصحابي لفظيا ودي صورة العربية رقمها مش واضح انا عارفة بس المنصورة كلها صغيرة اتمنى اي حد يعرف مين صاحبها ونعرف كلنا ان هو واصحابه متحرشين .. واكيد هبلغ بكرة بس انا ابحث عن الفضيحة بحبها قد عنيا
@mahmoudElsadan
عايزة اقولك ان انا طلعت بسبب ان واحدة صاحبتي قبلها بسنة كانت في عمرة وقولتلها ادعيلي اطلع انا كمان .. وانا اصلا عمري ما روحت السعودية ولا سافرت برة مصر .. الموضوع كان كله غريب سبحان الله 😂
العلبة سعرها الاصلي ١٥ جنيه .. انا مش مسامحة أي حد بيتاجر بصحة الناس وأي حد بيستغل الازمة مفيش حاجة اسمها عرض وطلب فيه حاجة اسمها المنتج تكلفته كذا يبقى يتباع بكذا حسبي الله ونعم الوكيل
زي الايام دي من خمس سنين واحدة صاحبتي كانت في عمرة وقولتلها ادعيلي انا كمان اعمل عمرة .. كتبت الcomment ونسيت اساسا .. السنة اللي بعدها على طول طلعت عمرة انا وأهلي وكنت اول مرة اروح السعودية واول مرة اسافر برة مصر اصلا .. ماتستهونوش بالدعاء وادعوا
في امتحان الفيكسد البيشنت قعدت تقولي يا دكتورةانتي سمعتك جميلة في الدفعة ما شاء الله كل ما اقول لحد يقولي عليكي انك شاطرة وانا محظوظة بيكي .. جيه الدكتور قاللي over reduction وانزلي subgingival وطلع كل حاجة وحشة في السنة .. لما مشى سألتني دة يعني ايه قولتلها يعني عجبته اوي 😂😂
انا تعبت جدا جدا في الكلية دي وجيت على نفسي وعلى حاجات بحبها في سبيل اني اكون ناجحة .. ناجحة في نظر نفسي على الاقل .. فيارب لو هتمنى حاجة في ٢٠١٨ اتمنى احس اني وصلت لربع الهدف اللي عايزة اوصله وماحسش اني بنفخ في اربة مخرومة عشان دايما عندي الشعور دة
من سنتين شفت شغل لدكتور محمود رمضان ودخلت على الجروب بتاعه ما شاء الله انبهرت واتمنيت اني اقرب بس من المستوى دة .. دلوقتي دة رأيه في شغلي اللي نزلته على الجروب .. فيه دعاء ممكن نقوله وننساه بس ربنا مش بينساه الحمد لله