من يومين الأطباء المصريين بلغوا أن الأصابات اللي وصلت من غزه غريبة أول مره يتم رصدها وطلبو تدخل الطب الشرعي
وعليه الدوله المصريه شكلت لجنه للفحص الطبي ومعرفه أذا بيتم أستخدام أسلحه محرمه دولياً ضد المدنين في غره .. يتبع
#لا_لقصف_مستشفيات_غزه
#StopBombingHospitals
#مصر
#Israel
فركش جزيرة غمام
شكرا يا رب علي نعمة التوفيق
شكرا يا رب حققتلي امنيه غاليه وعزيزة عليا
بحب حسنة قوي وبحب جزيرة غمام قوي وفخوره قوي قوي اني كنت خيط في نسيجها
شكرا للاستاذ الكاتب المبدع عبد الرحيم كمال
شكرا للاستاذ المخرج الكبير حسين المنباوي
شكرا شركة سينرچي وشكرا لكل الزملاء.
صلاة الجنازة علي الغفور له باذن الله الزميل العزيز #مصطفي_درويش اليوم بعد صلاة العصر في مسجد الحصري بمدينة ٦ اكتوبر و العزاء في مسجد الشرطه بالخمائل الشيخ زايد
ان لله و ان اليه راجعون
و شكر الله سعيكم جميعا
كنت لسه في الجامعة و محدش يعرفني و خدت اول دور ليا (رزقة) في مسلسل ( زيزينيا ) فرحت قوي يوم ما استلمت النسخه من التليفزيون و جريت فرحانه علي الموقف علشان اركب سوبر چيت و ارجع بيتنا في اسكندرية افرحهم ملاقيتش فلوسي قعدت اعيط في المحطة جت ست كبيره دفعتلي التذكره و طبطت عليا و مشيت
عاجل | تحرك قوافل المساعدات الان من مدينة العريش بسمال سيناء باتجاه معبر رفح البري للدخول الي قطاع غزة .. دعواتكم الله يسلمهم و يوصلو لاخواتنا في فلسطين بخير 🇵🇸♥️🇪🇬 #قوافل_الاغاثه #غزة #فلسطين #مصر #معبر_رفح
بعدها قصفت اسرائيل عربيات الاسعاف اللي بتنقل المصابين و رفضت خروج الجرحي من غزة للجانب المصري لتلقي العلاج
بعدها رفضت مصر اجلاء رعايا اجانب من معبر رفح اذا لم يتم نقل الجرحي لتاقي العلاج
#لا_لقصف_مستشفيات_غزه
#StopBombingHospitals
#مصر
#GazaGenocide
#Israel
عاشت مصر العزيزة قوية ♥️🇪🇬🦅
كل انتخابات وانتي محمية و بخير يا بلادي #الانتخابات_الرئاسية_المصرية #هبة_عبد_الغني #مصر #حراس_المكان_والمكانة #مصر_ام_الدنيا #شعب_ابن حلال #مصر_بتفرح_وتنتخب_رئيسها #السيسي_رئيسي
بكل فخر من علي السجادة الحمرا لمهرجان القاهرة للدراما العملاق بحجم تاريخ الدرامة المصرية علي مدار ٦٠ سنة، في نسخته التانيه الاستثنائية من العلمين الجديدة، المدينة اللي تحولت من حقل الغام لمكان ساحرة جميل مليان حياة …
و قد قامت الاردن بدعم المستشفي الميداني الاردني في شمال غزة جوا بانزال المساعدات بالمظلات امس ليلا
و ادخلت مصر اليوم حتي الان ٥٠ شاحنة مساعدات من خلال معبر رفح البري
#برا_وبحرا_ممرات_انسانية_جديدة_لغزة
#الأردن #الانزال_الجوي #مصر #معبر_رفح #فلسطين #غزه_تقاوم_وستنتصر
قلت حاجات متخيلتش هتكلم فيها مع حد!
مش عارفه خلوني اتكلم فيها ازاي قدام الكاميرا 🙈
الانترڤيو كامل هتلاقوه علي صفحة MINIZ Network علي فيس بوك و ده لينك الحوار 👇🏼
#miniz
#هبة_عبد_الغني #هبة_ع_غ #حوار
مبروووووووووك الاهلي بطل الدوري المصري ٤٣ مبروووووووك يا بيبو يا مستر كولر يا رجالة الاهلي يا جمهور الاهلي العظيم يا كل الجهاز الفني و الاداري مبروووووووووووك شعب الاهلي الكبير في مصر و بره مصر 🦅❤️🦅 #الاهلي #الاهلى_بطل_الدورى
نرجع للتمرين بقا و نخرج كل حرقة الدم بتاعة امبارح و اول امبارح علشان نبقي جاهزين و برضو الاهلي فوق الجميع 😜 ♥️🦅🦅🦅♥️
Back to it
#gymtime
#day1
#هبة_عبد_الغني
هنا ↙️ هتلاقو لينكات حلقات الف ليله و ليله اول باول .. رأيكم مفيد و مهم في تطويرها .. و مشاركتكم ليها مهم في انتشارها .. و انكم تحكوها لاولادكم مهم في حفظها هي و حكايات تانيه كتير .. حبً بحب•
هبة ع غ
🙏🏼❤️✨
في جزيرة غمام
أداء محارب
الفنان فتحي عبدالوهاب
برغم ان السيناريو بهذا القوة
إلا ان تمثيله بنفس هذه القوة؛ 👈جزيرة غمام كل يوم مش حلقة ده كل يوم مسلسل ودرس كبير
.
شكرا يا رب علي اليوم الجميل شكرا 🙏🏼❤️🌻 شكرا الاهلي شكرا للمتابعين الكرام المحترمين و اتمني محدش يشتبك مع حد احنا نفرح بس و اللي جاي احلي 🤞🏼 متتجروش ورا سلبية السلبيين 🦅
تصبحوا علي ايام اجمل و اجمل 🌿
#هبة_ع_غ
نورت الدنيا صباح ١٢/١ الموافق ١٠ذو الحجه العيد الكبير بس اتسجلت بعد الاجازة ١٢/٥
باشكر السنه اللي فاتت
كانت قوية واهم اكتشافاتي فيها اني لسه عيلة جدا باتفجئ واندهش وعنيدة ومقاوحه
الحمد لله عقبال اعياد ميلاد كتير جاية مبهجة و طيبه و ممتعة وافضل دايما عيلة🦋🤍✨
#هبة_عبد_الغني
شرح للجهلاء
احنا الشعب الوحيد علي الارض اللي مطبعش مع اسرائيل
واتفاقيه كامب ديفيد اتفاقيه تمنع اي طرف الاعتداء علي الاخر "وليست ملزمه" ولا تسمح بتواجد اسرائيلي مقيم علي الاراضي المصريه
عكس التطبيع اللي يمنح كل الحقوق للاسرائيلي يستثمر ويتعلم ويقيم في الدوله المطبعة فهمت يا جاهل؟
متنشفو بقا في احتمالية حرب في اي وقت و الطاقه اهم مخزون استراتيچي
فيها ايه لما يتوفر جزء منها من ساعة زيادة تقنين ‼️
الله يرحم جدودنا و ابهاتنا اللي تحملو كل الحروب دي و كانو رجاله
المره دي هنقرا مع بعض ايه !؟
الخيميائي 📖
من تأليف باولو كويلو نشرت لأول مرة عام 1988. وتحكي عن قصة الراعي الإسباني سنتياغو في رحلته للبحث عن كنز مدفون في الأهرامات بمصر #ساحر_السحراء #رواية #الخيميائي_و_حجر_الفلاسفه #الخيميائي #باولو_كويلهو シ #هبة_عبد_الغني
#read4me
2023 ❤️ ربنا يجعل فيكي العوض و الرزق الوفير و يقضي عنا الدين و يغننا من الفقر و ما يحكمش فينا ظالم و لا جاحد و الا قاسي قلب و يباركلنا في الجدعان و يغنينا عن قلالات الاصل الاندال و يفتح لنا ابواب فضله احنا و كل اللي قال آمين
تذكرة🔔مضينا تمرد علشان نقلع الخفافيش من حيطان بلدنا/الاعلان الدستوري/هويتنا اللي اتداس عليها وطلع مكانها مشروع الخلافه/قص شعر البنات المش محجبات في المدارس/السلاح اللي بقي في ايد افراد الجماعه وبيهددونا بيه في كل شارع
مش عشان البنزين والدولار والكهربا علشان مصرنا اللي كانت بتروح
١٩٧٦ أول مره النادي الاهلي يشارك في افريقيا
عرفت بقي ليه ابويا الله يرحمة كان بيتفائل بيا من دون اخواتي
كان يشيلني و يلف الشقه كلها بعد كل ماتش
وبقي اسمي ( بيبو )بدل هبة ❤️🦅
انا و بلا فخر مواليد ١٩٧٦ لاب اهلاوي جدااااا
وفاكرة كويس صديق عمره زملكاوي جدااااا و كانو اخوات جدااااا
لا حول و لا قوة الا بالله ان لله و ان اليه راجعون .. توفت الاعلاميه و الفنانه الزميله شيرين الطحان رجاء الدعاء لها بالمغفره و الرحمه و لبناتها و اهلها الصبر و السلوان .. يا رب في ليلة الجمعة الثالثه من شهر رمضان تتولاها برحمتك الواسعه و ترحمها و تغفرلها و امواتنا جميعا امين.
حافيين عمرهم و عمر بلادهم كام سنه بيقولك هما اللي دعمو وجود جيش مصري 😆😆😆
و الله انكم فهلا متخلفين و جهلة ولا تعرفو تاريخ و الا جغرافيا اصلا
تحيا مصر العزيزه قويه
انا باغير يا جماعه و اي حدث او مناسبه كبيره مصريه علي ارض مصريه محبش يبقي نجمها او نجمتها غير مصريين بعيد عن اي حسابات بقي .. كفايه موكب المومياوات اللي تجاوز سوسن بدر و اسماء ابو اليزيد و روبي و كتير من نجومنا الشباب و الكبار، ولو مش واخدين بالنا فعندنا مطربات و مطربين نفخر بيهم
محتاجين و بشكل عاجل قناة فضائية مصرية للاطفال بمحتوي مصري يرسخ هويتنا وعاداتنا الطيبه لاولادنا بدل ما هما فريسه لقنوات الله الاعلم بيها
وانا شخصيا وكتير من زملائنا علي اتم الاستعداد للمشاركة بالمجهود والافكار في اي وقت لمصلحة ولادنا واجيالنا الجاية
اللهم بلغت فاشهد
هبة عبدالغني
رجاء من الفصائل الفلسطينية الانتباه في تصريحاتهم .. لو خسرتو دعم الشعب المصري للقضية الفلسطينية يبقي خسرتو الدعم الوحيد اللي صوته عالي و قادر ينصركم و علي الارض بينصركم بكل الطرق المتاحه طول الوقت .. وضحو تصريحاتكم و انتبهو تثيرو حفيظة المصريين.
#حماس #غزة_العزة #فلسطين_المحتلة
الغالي من الشرقيه 🥰😁 اسمع من زملكاوي شاف مالاهلي كتير 😅😁😆 حفلتو بدري
انتو بتسخنوهم عليكم 😅😅😅😅😅
انا بالفيديو ده هقفل ليلة الاهلي مع الاتحاد كده خلاص جبرت 😁😁😁
وان شاء الله مكملين للنهائي 👆🏼✌🏼💪🏼♥️🦅🦅🦅♥️
#الأهلي_الاتحاد جبرت #الأهلي_في_المونديال
لا حول و لا قوة الا بالله العلي العظيم
توفي الي رحمة الله تعالي الزميل اشرف مصيلحي اللهم ارحمه و اغفر له و اكتب لاهله و احبابه الصبر و السلوان .. مع السلامه يا اشرف .. ان لله و ان اليه راجعون.
ان لله و ان اليه راجعون .. تقام صلاة جنازة الفنان القدير و الاب الغالي عمدتنا / صلاح السعدني و والد الاخ الغالي / احمد السعدني .. بعد صلاة العصر من مسجد الشرطه الشيخ زايد .. رجاء الدعاء له و لابويا و لامواتتا بالرحمه
شكر الله سعيكم مقدما
الدوام لله وحده
@AhmedLSaadany
في اوقات معينه كده كاشفه للقلوب و النفوس اللي حوالينا زي دلوقتي ومعادن الناس بتبان في الشده..
قليلي الاصل و المنتفعين و الانانيين اللي عايشين لنفسهم بس،مصر اكبر و اقوي و اعز منكم و باذن الله منصوره الي يوم الدين،والراجل اللي بتطاولو عليه عيالكم و احفادكم هيدعوله في يوم ما #مصر