معترك الادب @Fowars12345 Twitter profile | Pikagi

Pikagi

معترك الادب

@Fowars12345

8,341

Followers

1,950

Following

305

Media

21,972

Statuses

نرجسيتي خرساء ، ، 🤍

في العراء

Joined November 2017

Don't wanna be here? Send us removal request.

Pinned Tweet

@Fowars12345

معترك الادب

2 months

كل ما ابوح به هو لا يتعدى حدود الادب وبعيد كل البعد عن كونه رسائل غرامية تعني احد بعينه او من هذا القبيل ، لذلك اقرؤوه كقصص من وحي الخيال وصناعة افكار ليس إلاّ ، #معترك_ادب

10

13

63

Last Seen Profiles

@jandakembangstw

@thegirlyaz

@jnksned

@Aadiiroy2

@Colette__P55

@Allekonst

@sharp930Jennine

@stw_pdg

@rkap

@_Guaro2

@XymonMullen

@ninastrange_

@GBN_Basketball

@KeelySamor4954

@1tzyyy

@ZHunter957

@LutishaP15204

@SaikawaHayuri

@GillianGreenEd

@JacquelineK274

@DaveyGayle15522

@night_quill

@Sheau259196

@MiriamGarr48992

@evligiz60125833

@boy_gay_bbh

@HeathersMusical

@rodriguezx66119

@amoda_BP

@BinorRaja

@CukiSerui

@ZKhaliah46821

@zmzm2085172

@PaTaya_n

@TMelvina84938

@al7ob_

@Fowars12345

معترك الادب

3 months

يهدّني التلميــح مـن واقعٍ صعب وتبـنـيـني الآمــال بـادنى خـساير ، اعيش مـابيــن الخـيارت في رعب في حـالة التخـدير والجـرح غــاير ، مليت يامشط القدم اضغط الكعب واهادن الخــطوّه واهــل الـعـباير ، هذي حقـايـق نلتمسها مهي لعب والحـوم بـالـفكره خيــال وسـراير ، #معترك_ادب

1

48

135

@Fowars12345

معترك الادب

1 year

وينك ؟

2

13

40

@Fowars12345

معترك الادب

2 years

اتـركوني لحـالي مـاني راعي هوى والله اني بحالي من خـلاي بـخلاي ، اهتمامي تـرا بالحرف والمحتوى لا تقولون عاشــق ياهلي وخوياي ، تـارك العــشق وادوّر بــداله دوى بعد ما راح مني طب قلبي ودواي ، ليتني يوم مـاتت مت معها سـوى بجنـبها يقبروني ولاّ كانـت معاي ، #معترك

17

21

42

@Fowars12345

معترك الادب

1 year

والفجر لا تسأليني وين ؟؟؟

19

18

34

@Fowars12345

معترك الادب

4 months

حولي كثـير وصاحبي مهو حولي وما اثروا فـيني لـو اتـزيد الاعداد ، ماهـو وفا لـكن بلـشـت بميـولي اني على مبـدا هل الصدق معتاد ، وما اطاول اللي بالـوفا مهو طولي اعطيـه حــقه قـدر وازيـد لـو زاد ، وان شفت منه قصور واريت زولي البعد افضل مـن كثــير التّـنشاد ، #معترك_ادب

8

15

35

@Fowars12345

معترك الادب

2 years

لا تملح الجرح

8

14

33

@Fowars12345

معترك الادب

6 months

#بدر_بن_عبدالمحسن ، لا تعلمون الشعر ان البدر مات اخاف يدري ثم يصعب ويقسى ، قولوا له ان البدر موجود بثبات بـارواحـنا وقـلوبنا محـد ينسى ، اللي تعـلمنا على يـديه الابيـات مامـات يبـقى للمشاهير مرسى ، #معترك_ادب

8

13

33

@Fowars12345

معترك الادب

1 month

تخيّلي !! لو كانت الدنيا براد وسلام تخيّلي !! وانتي وانا في حضنها متلّحفين ،، سنين ونشارك الورد المكانه والمقام وتشاغب النسمة جديلك وارفعه عن خدك وعينك وانام ايه انام تخيّلي !! اقدر انام ؟ ،،،،، #معترك_ادب

3

5

29

@Fowars12345

معترك الادب

2 years

ليا خانــت الهقـوه ركاب الاماني يثـور عـج القادم مـن المـشاريه ، ويجيك من جوف المقادير عاني شـيٍ مهو ابالك ولا كـنت تطريه ، غديت مثل اللي من الموت داني باسباب مـن غيّر هـواه ومباديه ، ليــته يعلمني بقــدري ومــكاني هـو فـيه بـاقي شي ولاّ مهـو فيه ، #معترك_ادب

5

7

29

@Fowars12345

معترك الادب

1 year

تـغـيـب عني يــوم ويـضيـق بالي وشلون ابصبر وانت غايب لك ايام ، تعـال لا تـبطي ،، تـبـصّر بـحـالي تعـال / مليـت الامــاني والاحـلام ، تعال دام السقف والشوف عالي من قبل لا نحتـاج تنكيس الاعلام ، تــعال كــان اني لهـلحيـن غالي شفني وانا بين الحقيقة والاوهام ، #معترك_ادب

8

9

26

@Fowars12345

معترك الادب

1 year

رسالتي للي احبه ولي غـايةٍ برضاه بنتٍ عطاها الله غلاي وذروة ادماني ، احبها حـبٍ على قلبي طبع مسعاه وامـوت فيـها كـثر مـا ربي اعطاني ، على مبداي هذا اقسم / وبسم الله هذا لاني صادق ومابقلبي احد ثاني ، تعالي واقبلي عـذري وهـاك الجاه وانكان ودك اجيـب ابوي واخواني ، #معترك_ادب

6

11

24

@Fowars12345

معترك الادب

1 year

لقد بدأ فصل الصيف فعلاً وبدأت تمتد سخونته الى القلوب ، حتى انه بدأ في تسخين علاقاتنا بحميمية فاخره ووضع الجمر تحت قدر الحنين والدفع للغليان ، امـطري بالـغـرام وصبي مـزونـك والله اني بصيفٍ من غرامك لـهب ، لعنبو من يصد ولعنبو من يخونك امطريه بشظايا الحب مثل الشهب ، #معترك_ادب

9

11

17

@Fowars12345

معترك الادب

1 year

مؤمنٍ بالغياب وعارف انه وجبْ …

20

0

22

@Fowars12345

معترك الادب

1 month

الواضحون هم مصادر النور والمتوارين لديهم أسباب والصامتون فقدوا الثقة بالكلام ، #معترك_ادب

1

2

25

@Fowars12345

معترك الادب

2 months

شكيت والشكوى طعون وتعابير في ركني لياصليت وقت العباده ، ادعي عساها تهون ذيك الاعاصير وتـوافـق الدعـوة قبــول بـإراده ، واوجـه الدعــوه لرب المقـادير عشـانـها كل يــوم اسـوي إعاده ، واشـكي عبـثها كل ما غرد الطير ومــع المــآذن اشـتكيـها زيـاده ، #معترك_ادب

7

6

22

@Fowars12345

معترك الادب

1 year

مات الشغف والظاهر الهجر قافيه واضح مريـضه بـالـصدور الـمودّه ، نشحن / ولكن فـيه شيٍ مـهـو فيه القـلب فـيه ،، مـن اللـواديـد لـدّه ، عزيـت شـوقي يوم فاضت خـوافيه عليــك يـاللي حجــتك مســتـبدّه ، تـطري عـلى بـالي طواري مـشاريه ياشـرهةٍ مـاصاغـهـا الـقـلب قدّه ، #معترك_ادب ،،

8

9

21

@Fowars12345

معترك الادب

10 months

الوضع غامض ياكهوف الكواليس والخافي اعظم يـا خـفايا ظنـوني ، حسبـتها على جميـع المـقاييس وعيّــت تـجي كني احـاور جـنوني ، تعبت اخمّن واتّوجس وساويس ورسايلي فيها ( البريد ) اتعـبوني ، ادفن بعضها عن عيون العواسيس وازيـح عن بعض المواري عيوني ، #معترك_ادب

5

7

21

@Fowars12345

معترك الادب

1 year

كبّر الصورة ودقق فـ العـيون وشف نظرها وين راح وجابها ، كنهم في بحر واحد يسبحون صابتـه بعيـونـها وهو صابها #معترك_ادب

Tweet media one

7

5

21

@Fowars12345

معترك الادب

1 year

انتي وصيــه في رقــبتي وامــانه وفي دقني ووجهي شـعرةٍ كريمه ، اعاهــدك عـن الخـنا والخــيانه وعلى احترامك والغلا والحشيمه ، وقلبي واحاسيسي لقلبك ضمانه واصير لك ظـل اتقــاديـه غـيمه ، وكلي لأجـل بيـبان قلبـك صيانه هــذا لأنــك من سـلالة عظـيمه ، #معترك_ادب

2

8

21

@Fowars12345

معترك الادب

1 year

مـاني متعذر ولا عـاذرك خـلّك بظنـك وتخـمينك ، ولاني متغــيّر ولا مغيّرك يعـينني الرب ويعـيــنك ، انت تخبرني وانا خابرك وتعرف وش بيني وبينك ، #معترك_ادب

3

4

20

@Fowars12345

معترك الادب

1 year

إضحك عشان اعرف من فيكم الورد تكفى ابتسم راحت علومي وضاعت ، اقـرب دفى ،، تــراه ذابـحني الـبـرد وانـامــلي عطشى ،، وروحي تداعت ، حمرة شفاهك موت وعيونك الشرد منهن هجيـر النفـس شـبت وراعت ، #معترك_ادب

Tweet media one

13

6

21

@Fowars12345

معترك الادب

3 years

، ياليل تكفى ســكر ابــواب ذكراه تعبــت مـــع ذكــراه وانــا اتـأوه ، ياليل شف لي حل وشلون بنساه ان كان بــك يــالــيـل تــالي مروّه ، اسهــرك يـالــيل الــعنى واتحراه طيف يجي من مزن الاشواق توه ، ياليل هـات الصبح تكفى بعلباه هـاتــه وصب النــور قبـل اتـشوّه ، #معترك

2

13

21

@Fowars12345

معترك الادب

3 years

ماكل غصن يوالفه ياعلي طير

8

16

22

@Fowars12345

معترك الادب

3 months

سـمو الــذاكرة خفّي عن التمرير كفايـة مــابقا بي طيـف مـا مرّك ، انا مدري وش اللي صار او بيصير خـبايا موكـب الاحــداث تتحرك ، تعبت اذاكر الـماضي مع التهجير ألا يــا ذاكـرة فـكيني كـفى شـرّك ، بديت احزن بديت اشك بالتدبير ألا يا مــوكـب الايــام وش ضرك ، #معترك_ادب

4

3

21

@Fowars12345

معترك الادب

3 years

. فتحت الباب لكني ورا هالباب شفت ابواب انا مليت مـن كثر التــعب واصنــافه ولونه ، تعبت احب لكن ماصدفت بالهزمان احباب عذلت القلب عن دربٍ عثرت وطحت من دونه ، اروح هناك باسبابي وادوّر مالقيــت اسباب واواسي نفسي الثقلى قصيدٍ تْحزن لــحونه ، #معترك

7

16

21

@Fowars12345

معترك الادب

1 month

والزمـان ان راح في شيٍ جميل وعدا أتلـدد فـ الـوجــيه وحرتي فـ دموعي عقـب ماني في ظميره وارفٍ ومـبدا كيف عيا واستدار وانتكس عن طوعي كنت فيه اجاكر العالم وواثق واتحدا لين صرت المسلم اللي تحت حكم شيوعي أتعـشى منــه غـثه واتـفطر واتـغدا مايهمـه شي فيني عابثٍ فـ ضلوعي #معترك_ادب

5

3

20

@Fowars12345

معترك الادب

1 month

ياسـائلٍ عني تـراي بـخـير تـطمـن ،، وطمن ظنـونك ، صحيح وضعي بدونك غير لكـن تبي تـزيـن مـن دونك ، مشّيـت حـالي بـلا تقصير وخـلك مـع اللي يحـبونك ، #معترك_ادب

4

3

19

@Fowars12345

معترك الادب

2 years

مـاعاد يمديـك تبعدني وتدنيني مكاني هنــاك غصبٍ عني وعنّك ، لكن سواتك ضعيفه يانظر عيني تــمرني مقـفي ومقبـل ولا كنّـك ، خلك على حالتك ماعاد يمديني اجـدد امـورنا وارجـع على ظنّك ، احذر تجيني وقلبك مهو باغيني تراي خبره وماخـذ بعضها منّك ، #معترك

6

12

20

@Fowars12345

معترك الادب

2 months

ذنبك غياب وذنبي الشوق عالي وقيودك بدربي تعثر بها الشوق ، تجـود ليـلـه وتـهـجرني لـيالي وانا اتـحرى ليـلتي منـك واتوق ، اشتـاق لك كلي واحـبك لحالي ماغيرك احدٍ انبسط معه واروق ، معـك يزين الـوقـت اول وتالي استعذبك بالحيل ياعالي الذوق ، #معترك_ادب

2

3

20

@Fowars12345

معترك الادب

1 year

اقـلطي في مجـلسٍ يزهاك ظله عامر في طيفك وطاغي حظوره ، قلـبٍ الياشـاف زولك مـا يـمله يستمد النـور من وجـهك ونوره ، #معترك_ادب

5

8

19

@Fowars12345

معترك الادب

5 months

كل ما ضاق الفضا نتسع ، ، ، آمـريـني واتــسع لـك ليـن تــملـيني مليّ لا يـضيق الصدر فيـك ولا يـقرّب لك احد ، ادحمي بمتنك فضاي وابشري بقلبٍ خليّ والله اني قبـل زولك جاحـدٍ مـع من جحد ، #معترك_ادب

6

4

20

@Fowars12345

معترك الادب

3 years

صاحبي تـكفى اقصرها لاتطول والله اني من الزعل فاتــت عليّ ، صار لي يومين في حالة ذهول كيـف صارت آآآخ ياكـبر جـهليّ ، #معترك

8

20

18

@Fowars12345

معترك الادب

2 years

مرّيت بوجيه وتمسـكت بـوجيه ووجيه اخذت آمال والفال منها ، جربت مير الوقت ماعاد يمديه ارقب مناوي النفس واصد عنها ، ابحث عن اللي مايصير ومهو فيه وفــاتـورةٍ لازلــت اكيّش ثـمنها ، اجـاهـد الحـاضر بـمـره وحـالـيه وعوج السنين وعدلها ومن عدلها ، #معترك

6

13

17

@Fowars12345

معترك الادب

2 years

ان كان يمديـك رح صلح لي الزله واللي مهو في يدك تلقاه في جيبي ، خـذ مـن بقايا الزعـل ولاّ خذه كله الوضع يحتـاج يالمحبـوب تقريبي ، اخاف مسّـك فتـور وحاشـتك عله ووضعي تعرفه وتفهمني وتدريبي ، مهي سوالف تسوّق واملي السله اخاف يسـهل عليك انك تضحيبي ، #معترك_ادب

6

11

17

@Fowars12345

معترك الادب

2 years

بعض الصدود من الوجع تاخذ الروح وكثر الوصل ممكن يسبب قطيعه ، فضفض وخل الفضفضه نصفها بوح ترا الصدور اتضيق دعـها وسيعه ، دلل سعة بالك تـرا الســقف مفتوح والعمر دع مشتـاه واغنـم ربيعه ، تــرا الفرح دايــم يجي شـوي ويروح ودنيـاك فيها كسر الانفس طبيعه ، #معترك_ادب

4

9

18

@Fowars12345

معترك الادب

2 months

انا ضحيـة ،، كـذبةٍ ،، حطمتني ومعبار للغايــات واللي صنعها ، عطيتـها قــلبي وهي مـاعطتني اللي بهــا فاز العــذول ومنعها ، بي تاحت الفرصه لها وكسرتني راحت وراحت كل الاشياء معها ، قرّبتها ،، وتـكـبرت ،، وابـعدتني يارب طيّـب خـاطري من ولعها ، #معترك_ادب

5

3

18

@Fowars12345

معترك الادب

3 years

بعيونها موج وخزف 👇

10

9

18

@Fowars12345

معترك الادب

3 years

على وقـع الصحون وقـرقعتها ويمـينٍ جعلها تــسلم يمــينه ، من بعد العصر يازين حسفتها ســلام الله عــلى يـدها وعيــنه ، جــمــايـلــهــا علــينا رافـعتها وتعبــها وصبــرهــا الله يعـينه ، تــوجس ذايــقتــنا وعـرفــتـها وتروح تــسوي اللي مشـتهينه ، #معترك

14

12

19

@Fowars12345

معترك الادب

1 year

على قـرار الوجـد والـقـلب والروح تطفو على ســطح الاحاسيس نبره ، وشـعـورٍ يوّسـع لك الـصدر للبوح هـذا مـجـرد مــا تــراودك عـبـره ، عط المجال لبــسمتك واترك النوح وخل السعادة تكـتسب منك خبره ، وادع الحمام ووسع الغصن والدوح وغنّ المخيط وهيجن السلك بـ بره ، #معترك_ادب

3

7

17

@Fowars12345

معترك الادب

1 month

صوتك يهدّي روعتي مـن غيابك ويفـتح قنـوات الأمـل والرحابة ، جيت وزرعنا الدرب كله هلابك ويا مرحبــا باللي ذبحــنا غـيابه ، شكراً لدورات الزمن يـوم جابك وشكراً لان الشــوق حقق إجابه ، وصلـت ياروحي وحـنا أحبـابك ارحــب بقلبٍ معـك مفتاح بابه ، #معترك_ادب

4

4

17

@Fowars12345

معترك الادب

2 months

الوداع ، الحان واداء وعزف الفنان القدير @abdullah23i1 وكلمات : معترك ادب @Fowars12345 شكراً مليء قلبك اخي عبدالله على هذه المبادرة الاكثر من رائعة والتي تعتبر لي كـ شاعر ،، تجربة أولى وسعيد جداً انها كانت معك وبحسك الادبي الراقي واناملك الجميلة ،، ولايسعني الشكر ولايفي بحقك

13

9

18

@Fowars12345

معترك الادب

2 months

ودعـت لي قلب ما ودي تعديته ودعتــه الله وامـانه يحفظه ليه ، قلبٍ يوضب شعوري كل ماجيته يـا حي والله تــراحيـبه ويـا حيه ، مشيت ماهـو بكيفي يوم خليته خلي حواليه ناس بوسط محميه ، ياويل قلبي عليه وكل ما اطريته يجيني الموت يـوم اذكر حكاويه ، #معترك_ادب

2

4

16

@Fowars12345

معترك الادب

8 months

قولي شسويلك وش اقدر اسوي يامتعبه ،، روحي ،، وقـلبي وعيني ، اخــذيـني بـفـكرك وع��بي وروي وحطيني ،، بروحك مثل ماتبيني ، يابهجتي ،، يـانـور عيني ،، وجوي يـاعــذبـة ايـامي وفـارع سنيني ، ياعتـمة اسراري ويـابـوح ضوي يـاســور تفكيري وقـبضة يميني ، #معترك_ادب

1

3

16

@Fowars12345

معترك الادب

1 year

ان اراد الله وحصل ما اراد فأهلاً بما اراد سبحانه ومن اعطاه الله شيء هو اولى بالمنع والعطاء جل شأنه ، فيا هدية السماء لن تذهبي بدون امر الله ان اراد بقائك ، ، #معترك_ادب

6

9

17

@Fowars12345

معترك الادب

1 month

بسم الله الرحمن الرحيم ، ، للتو ايقنت ان الحياة فقط هي انت ولا احد غيرك ، مهما بلغ وجعك لايوجع احد معك ومهما بلغ حزنك لا يحزن احد معك ومهما بلغ عوَزك لا يشعر بك احد ومهما ومهما ومهما ، #معترك_ادب

6

3

17

@Fowars12345

معترك الادب

3 years

قعدت في مجلسي مع دلتي والقناد ياطيـب عطر البهار بعَـذب فنجالها ، يفـوح منـها ضبــابٍ ودك انـه يــعاد ذوقٍ يشابط هوى نفسك على جالها ، واصب منها خديرٍ سـايلٍ بــانــعـقاد كنه من الهيل يشكي وسع مشخالها ، ومسمارهـا للمزاج يوكـده لك وكاد ياقوم ياطيبها وياطيـب مـن جا لها ، #معترك

5

12

17

@Fowars12345

معترك الادب

1 year

الى حواء مع التحية ، الحرية المطلقة للمرأة تخدش الفطرةالسليمة التي فطر الله الانسان عليها ،، مهما بلغت حريتك لا تتخلين عن انوثتك فهي رأس مالك الحقيقي في التعايش ، انتي اجمل عندما تكونين انثى حقيقية ، ففي كل المخلوقات ميّز الله الانثى عن الذكر وجعل لكل منهم مكانته ، #معترك_ادب

13

7

16

@Fowars12345

معترك الادب

2 years

ان كان لك نــيّـة رحــيل اخــبريني ابي اجــهز للعزا ، واقـمع الـشوق ، واسامحــك وانتي بعد ســامحيني واكيد ابقفي عنك والقلب محروق ، وأمــانــه اللي صار بـيــنـك وبيـني حطيـه مـابيـن المحاني بصندوق ، وانا اذكرك بالخـير وانتي اذكريني والحـمد لله مـاحــصل بينـنا بوق ، #معترك

2

7

18

@Fowars12345

معترك الادب

3 years

والله انـي فـي أمــل شــيٍ تـهيّا لكــن انــه مـا تهــيّا مـثــل مــابي ، يـوم كنــت بحـاجـتـه اقــفى وعيّا ويوم شانت بعض اموري ما درابي ، وحــطني بـهـنـاك واللزمــني هنيّا ادري انــه شـافني قـمرى وسرابي ، وعقب هجره راحـت الدنيا غشيّا مـا جرحني بـس مـكن بـي صوابي ، #معترك

8

18

17

@Fowars12345

معترك الادب

2 months

يانـور وش باقي مـن الدرب يانور هـو الطريـق مـن اوله او وصلـنا ، ان كان مامن وصل ماني بمجبور حتى لــو انّــا ،، نازليــنك رحــلنا ، رد الخبر كان السـوالف لـها دور مـاعــاد نقــدر نعتـدل يوم ملّنا ، ولاّ انتوادع وانت بالخـير مذكور لاتـزعــل / وحنـا تـرا مــا زعلنا ، #معترك_ادب

1

3

16

@Fowars12345

معترك الادب

1 month

مرات أصير طفـيل معها وادادي ومرات أصير العود راع النصيحه ، امــبسّطٍ حــالى وانـا غـير عادي اتعب عشان تكون هي مستريحه ، معـها عـلى لـونيـن مـاني رمادي وعشـانها طوّعـت حتى الـقريحه ، وارتب هروجي واحـث اجـتهادي أعطي وهي دايم بخيل وشحيحه ، #معترك_ادب

2

0

17

@Fowars12345

معترك الادب

2 years

من يعيد الصبر فيني بالتمام والله اني من الطفش خطرٍ اموت ، انتِ بنت البوح والصرح المُقام وانتِ آخر من يأنّف هالسكوت ، اكتبيني نعاس في جوف المنام واتركي لي باقي السهره تفوت ، خربيها حرب واخذيني سلام ولا يهمك ! في بحر هالشعر حوت ، #معترك

8

11

16

@Fowars12345

معترك الادب

1 year

عليّ الحرام ايقنت والنفس مرتاحه من قصةٍ جسدت مبـداي وايـماني ، عرفـت خـط النسا والظل واشباحه وكــلامٍ استـجمعه عيــا بـه لـساني ، ابوح دون الهدف واشعلت مصباحه ورميـت لكن بعـض رمـيي تـمثـناني ، اللي اخـذني مـع اهـدافه ومسراحه انــا لـحـقــتـه وهـو قصّر وخــلاني ، #معترك_ادب

5

7

17

@Fowars12345

معترك الادب

3 years

في خاطري شي ما قلته ابـيـه للمــوقـف الـثـاني ، ادري تمـاديـت وازعلته الله يسـامحـك يالسـاني ، #معترك #فهيد_العنزي

5

12

16

@Fowars12345

معترك الادب

1 year

استأصل الموجع حتى تتخلص من الوجع ،، مهما بلغ الفقد ، #معترك_ادب

3

4

17

@Fowars12345

معترك الادب

3 years

الناس : شتيل الارض واوتارها ، تعزفهم السنين ويداعبهم النسيم ،،، اعربوا انفسكم قبل فوات الاوان واكملوا خطاواتكم مع الخبز الماء والخُلق ، ، #معترك

4

10

15

@Fowars12345

معترك الادب

1 month

الإنصات لمحب والنظر في عيونه أجمل من الحكي ، #معترك_ادب

1

1

17

@Fowars12345

معترك الادب

1 year

انا تحريتك امل وعلى امل انك تجين ، انا انتظرت سنين حلمي ماكمل ولا مليت 🤔 . حطيت جهدي بالصبر والبُعد الآخر والقهر ، ، في غايةٍ مفهومها بس انتظر والوقت ساخر والارض من تحتي جمر ايه اتفاخر بالصبر ، على حكاية هالحنين على ضجيج الصدر واصوات الانين ، وانتي ضروفك سايده واتعاندين ،

4

4

15

@Fowars12345

معترك الادب

6 months

#سلمان_بن_عبدالعزيز ، سلامتك جعل المرض دوم بأعداك سلامتك ،، عسى ،، تمـدد ،، سنينك ، ياذخرنا ،، يافــخرنـا كلــنا ،، فداك وقبلة على راسـك وآخـرى لجبينك ، ونبـوس أمرك وتـوقيـعك ويمناك ونصير لك مثـل السيـوف بيـمينك ، #معترك_ادب

Tweet media one

5

11

15

@Fowars12345

معترك الادب

11 months

جتني تقول انها تآسف على كل شي ماتـدري اني مريضٍ حـيل بأفعالها ، لكن تعـذرتهـا والـوضع وضعٍ جليّ لاني ورا هروجـها ولاني ورا حـالها ، النفس طابت وانا ماني بعدها خليّ مصاب والروح قامت تفرش ظلالها ، انا احـمد اللي رحـمني معلـيّه وليّ وانا على فالي وراحــت عـلى فـالها ، #معترك_ادب

6

1

15

@Fowars12345

معترك الادب

2 years

انــا كــذا ولاّ كــذا خـاطري طـاب مــاعــاد لي بالنــاس إلاّ حـبــيبي ، انا اكتــفيت ومـابقا عندي اسباب وقنــعت بالقــسمه وهـذا نصيبي ، سديت في وجه العبث كل الابواب ومـافــيه عنـدي غيـر قلبي طليبي ، قلب الطلايـب بيني وبيـنه حساب دينٍ قــديـم وفــيه شـقيت جيبي ، #معترك_ادب

8

8

16

@Fowars12345

معترك الادب

1 month

بعد ما مريـت بالعــالم وجيتك شفت فيك العالم المجهول كله ، واكتشفت انك بتبطي واحتريتك في خيالي كانـت طيــوفك جبله ، أتـحــرى رحلتي فـيك وطويــتك ماخـذٍ حســك مظــله واستطله ، وكل ما طليت في وجهك عطيتك قلبٍ مخصص عشـانك ماتــمله ، #معترك_ادب

3

2

16

@Fowars12345

معترك الادب

8 months

حاولـت اصبّح عليك بخير وعيّــا ايـطاوعـني لسـاني ، ياللي من اول صباحك غير اليــوم صبحـك تــعداني ، قمت اتعمد بي التقصير وماهمك ان زادت احزاني ، حبي وحبك خطفه الطير وما عـاد تعنـيك جنحاني ، كمّل طريـقك تراي بخير لا تتعب نفسك على شاني ، #معترك_ادب

6

9

16

@Fowars12345

معترك الادب

1 month

احذر تسائل شقالوا بالقفى عنّك طنش وخـل القفى للي يرومـونه ، اللي وراك هرجوا ما حصّلوا منّك غير الـذنوب وكلامٍ شيـن يجنونه ، #معترك_ادب

3

2

17

@Fowars12345

معترك الادب

12 days

ان كان وضعي معك مرهون في ذمه تـراي كـلي ذمـم عشــان مرهــونك ، ومــاعـاد فيـها قمم دام انتي القمه محـدٍ قـدر ياصلك والكل مـن دونك ، انا مـعـك بالـطريـق وحافـظ الـيمه في مـوقعٍ خـابـره في محجر عيونك ، وخـيـالك اللي يـطشرني وانـا الـمه هذاك يقدر يسمي فهيــد مجـنونك ، #معترك_ادب

3

6

16

@Fowars12345

معترك الادب

1 month

لا تُحمّل صديقك اكثر مما يتحمل حتى لا تخسره ، فالصداقة ليست مشروع مصالح ولا مبنيه عليها ، بل هي علاقة إنسانية فيها من الود والانسجام ولا تخلوا من بعض المساعدات المتبادله دون تكلّف ، #معترك_ادب

1

2

16

@Fowars12345

معترك الادب

2 years

على يمين التواصل حلت الصده وعلى يسار اهتمامه بيّن اهمالي ، اللي مـن اول يفصّلني عـلى قـده اليوم قـده مهو يــمي ولا بـحالي ، اجاهده بالزعـل من كـثر ما اوده واصد لكن مـكانه بالحـشى خالي ، من قبل احسب الغلا يقواه ويرده واليـوم احـسه بحـاله دالهٍ سالي ، #معترك

2

11

15

@Fowars12345

معترك الادب

1 year

ولدها كان مغترب وتوه وصل ،، شف فرحتها فيه ،،، الأم هي الأم في كل مكان وزمان

5

3

15

@Fowars12345

معترك الادب

2 years

حاولــت بالمـقفي لـياما توذيت بالـوصل مــاخليـت دونـه مطبه ، بغيــت منه وجيــت له ماتوانيت وبيّـنـت له بــالــحيـيل اني احبه ، كل مايهز غصون قلبي له اصغيت متــعشـمٍ فــيه الغــلا والمـحبه ، وليـا دعاني جيـت له مـا تثـاثيت مـاعاقني يــومه زعــل دون سبه ، #معترك_ادب

12

9

16

@Fowars12345

معترك الادب

3 years

والله انّــا كل مـــا شــفـناك طيّب نحــمد الله كــل يوم انـك امعافا #معترك

Tweet media one

3

10

13

@Fowars12345

معترك الادب

3 years

لا تـــسألــوني لـيــه ملــيانٍ جـروح روحوا أسألوا عن جرح قلبي طبيبي ، ولا تتهمون الناس والجرح مفضوح مهــو بـيعد / اللي جــرحـني حبيبي ، #معترك

5

11

15

@Fowars12345

معترك الادب

1 year

انا كسـرت القاعدة وانهدم سور وانفك طوق وباتـت الـنفس حرة ، وحطيت فلتر للمعاني على الفور وجنبت نفسي ما يجيب المضرة ، ادرك نوايا النـاس بالحـق والزور والــوقـت نكـهاتـه بحـلـوه ومره ، انافس اهل العرف ياصار لي دور واجيـب علــم ومــا اتهاون بذره ، #معترك_ادب

5

6

14

@Fowars12345

معترك الادب

1 year

انـا مــع اللـيل دوم بحالة مقدّيْ اشـابـط اشياء في هالليل معتاده ، اشيـاء ودي بهــا واشـياء ما ودي اعـمـل لـها بـرمجـه كلٍ بميعاده ، درب المواجع طويل وجرحه يندي والنفس ماهي ورا المقفين نشاده ، ما اصير وجهة نظر للي مهو قدي اصير للي حـداه الـوقــت سـنّاده ، #معترك_ادب

2

6

14

@Fowars12345

معترك الادب

1 year

ودي بـفرصه جـديـدة يـالاماني اختصر عاميـن راحن في دقـايق ، واستـعيد العام في عــدة ثواني بلحظةٍ قزرتـهـا كانـت حـقـايق ، يوم كنّا وقوف والشوق يحداني كنـت انـا ويـاه نعمان وشـقايق ، اقرب اللي لقـترابـه مـا يــداني أمتذير دوم يـجـفل لـو تـضايق ، #معترك_ادب

2

7

15

@Fowars12345

معترك الادب

2 years

ما اظن الايام تقـدر تاخـذك مني حتى لو ان التعب ياخذني ويرقا ، انا عشــانــك ،، الـف الحبل واثنّي وشد بك محزمي واجاوب الورقا ، مرات اغـني طرب يومـك تقابلني وانوح يامن طريت الهجر والفرقا ، تغيب مثل القمر وان غبت تفتني اقعد احاتيك حيل بنفسي الحرقا ، #معترك

3

7

16

@Fowars12345

معترك الادب

10 months

المرأة الوفيّة الصادقة الحنونة ، قطعة من الجنة ، لا يخسرها الا ذو حظٍ تعيس ، #معترك_ادب

2

3

16

@Fowars12345

معترك الادب

9 months

انـا فـاضي ومتـغابي وفاقد ود وعليّ قـصور لكني بكــذا راضي ، تــدور افـكاري بـراسي بليا حد ومع الافكار متسامي ومتغاضي ، اعديها واســايـرها وجدي جد وانا خابر مشاويري على الفاضي ، تبي تزعل تبي ترضى تعال وصد تراني بايع الحاضر مـع الماضي ، #معترك_ادب

2

5

15

@Fowars12345

معترك الادب

28 days

على ضفاف الجدل ومسلسل غيابك عايـش لي سنـين بـين عنـادك وبيني مـاكـن اللي صابـني مـرك ولا صـابك في عـزلتي واضح اللي منـك في عيني ارقــب خيــالك وطيـفـك واتغـنابك مثل العطش والسراب الشوق حاديني انــايــح الـورق والاحــلام تـرحــابك كل يوم اسـوق الامــل واحلم تناديني #معترك_ادب

3

5

16

@Fowars12345

معترك الادب

2 years

نفسي عليها ماخذه موضع النود تهزها النسمه ويلعب بهـا الريح ، اليا حكت ياخذني الـشوق ويزود وليا اشرقت وليت مع نورها ميح ، الفارقـه بالـزين وعيـونها السود الوافيه بالعقل بنـت الطحاطيح ، كـريـمةٍ إلاّ معي عـيّــت اتجـود اكبر هداياهـا ابتـسامه وتملـيح ، #معترك_ادب

10

11

16

@Fowars12345

معترك الادب

2 years

في معرض الليل ….! ، !

7

1

15

@Fowars12345

معترك الادب

2 months

الفرق بين البارحة واليوم انـك لـحـالك وانا لحـالي ، اصحاب كـنا وصرنا قوم والغــالي أول مهـو غالي ، #معترك_ادب

1

1

15

@Fowars12345

معترك الادب

9 months

يا فخـمتي ياعـذابي يـا جليلة وقار ماطاك فـوق الثرى كنه يفرزن درر ، ياعذبةٍ بالنقاب ومدهـشة بالخمار قوامك اللي عليه الهرج موتٍ الحمر ، ياميّمنة عشقي الزاهي وكلي يـسار ياعــازفة نبـض قلبي مابقابي صبر ، يابعد روحي بظلمايه ووسط النهار وفي كل وقتي وازمـاني احـبك جهر ، #معترك_ادب

2

3

14

@Fowars12345

معترك الادب

3 years

هجاد الجراد ، لـ #فهيد_العنزي

3

10

15

@Fowars12345

معترك الادب

9 months

حقيقة انه لايصح إلاّ الصحيح لا جدال بها ، ولكن قد تكون فاتورة هذا الصحيح مرتفعة وباهضة ، والكثير منّا يبتعد عنها رغم احقيّتها في الفهم والتعاطي ، #معترك_ادب

1

1

15

@Fowars12345

معترك الادب

3 years

وش سالفة وصلي معك مهو كايف وش قصة التقصير يا شيخة الغيد ، هــذا مهو معقول طبــع الــولايف مــاجــازلي وضــعٍ تقطع به الميد ، كــني ادوّر عـــلى بابــك وظــايــف ولاّ بصحرائـك انشّـــد عــن الصيد ، لاوالله إلاّ / راودتــني الخــسايــف على ليـالٍ ذقـت فـيـها عـنا الكـيد ، #معترك

6

6

15

@Fowars12345

معترك الادب

2 months

لا تشــغلـوني بـالقـصايـد والردود عن نور عيني وعن حبيبي وعن غلاي ، ماعــاد عنـدي غـير وجهه بالوجود اللي حفظني في حضوري ومن وراي ، #معترك_ادب

3

2

13

@Fowars12345

معترك الادب

3 years

تصافق بي جناحين الخيال وهفهفات النود واهز غصون ذاكرتي عساي ادري انا ويني ، انا ماني على بند المواجـع بين نقص وزود انا لوطحت من عيني من اللي يحتمي عيني ، الملم شوفتي مبدأ واحـط لمبتغاي حدود واقول لشرهتي إمدي تـرا مـاعـاد يمديني ، #معترك

1

7

15

@Fowars12345

معترك الادب

9 months

خمنت تخمـين باللي كان في بالي وجات النتيجه فوايدها مهي باللي ، كم خيـبةٍ ولعت بالـقلب من غالي وكم هقوةٍ دحدرت ياجعلها تولي ، انا ضحــية حبيـبٍ مـا ايـتـهـيالي اجــيه كلي وغــادر سـاحـتـه كلي ، ابـو الـتـرجي ولا بـو قـلة الـوالي الحـب مـاهو رجاوي اسـمه مهلي ، #معترك_ادب

6

7

14

@Fowars12345

معترك الادب

2 years

من طاح يـا وضح المفاهــيم مني خليه يبـحث عــن مجـاهيم غيري ، مــادام صد ونــاوي الـبُــعد عـني على السـموحه /كــثر الله خـيري ، #معترك

0

10

12

@Fowars12345

معترك الادب

1 year

اخفيت عنها الزعل ماودي ازعلها هـذا وانا ممتلي منــها وزعــلاني ، ماهو بكيفي اجـامـل و اتحـملها من كثر مـا احبها افرمـت لـساني ، معهـا تـزيـن الليــالي واتعـللها اسمر على شانها والشوق يملاني ، ايــوالله احبــها حــبٍ ايـجمّلها لانهــا غــايتي واوزان وجــداني ، #معترك_ادب

2

4

13

@Fowars12345

معترك الادب

3 years

لا ضرر ولا ضرار الـسالـفه جـد الله يسامح كل طالب سـموحه ، بيني وبين الحـقد ياصاحبي حد ونفــسي رياضية وجـداً نصوحه ، لكن تراك اوجعتني يااقشر الود وعسى طريقك نور يغنيك ضوحه ، روّح فـ مان الله مـا اصير لك ند كلٍ يــبي يغــنــيه ربــي بـروحه ، #معترك

6

13

13

@Fowars12345

معترك الادب

1 month

اللهم إنّا نسأل الخلاص من كل هم وكل ضيقة وكل تعب ،

3

0

14

@Fowars12345

معترك الادب

27 days

واقــفٍ في وجــه خفّـاقي واعدّي لكـن اني ،، وش ابـقي وش اخـلي ، طاح حيـلي وانهدمت وباح سدي وقاضبٍ شـملون محبــوبٍ مولي ، ولا بقــالي ،، لا نـصوح ولا مـقدي وانقطع حس المرحّــب والمهلي ، والله ان الــهرج هــذا مـهـو ودي لكن اني مـن التـعب حاكيت ظلي ، #معترك_ادب

2

4

12

@Fowars12345

معترك الادب

1 year

ارقبت لي مرقـبٍ موحشني ظلاله بالفيّه اللي اخذت سنين موحشها ، غضيت طرفي ولـكن مـاني بداله عن ما يسبب عنا نفسي محارشها ، ارقى واحـوّل واجرب حالتي حاله كني احـط السـلالـم واتـغربـشـها ، والفكر شاسـع وانا متمركي بجاله مـافيه خطوة بلا مجهود ينعشها ، #معترك_ادب

3

3

12

@Fowars12345

معترك الادب

10 months

انا تنــازلــت عــن غـيرك وحـبيـتك حتى تـعديـت معــك المبدأ العادي ، ليتك اتـعرف الســبب ياصاحبي ليتك او ليتك اتشوف وش لك داخل فوادي ، جنبت كل البـشر يا الـغـالي وجيـتك وعن كل عذرى جميـله حـدني حادي ، #معترك_ادب

2

7

14

@Fowars12345

معترك الادب

1 year

انا آسف ،،،، ! جداً آسف واتعهد بالأسف حد اليمين ، واحترامك فرض عين وسنةٍ مؤكده جداً آسف ، انتي اطهر من عرفت واحلف واقسم قسم ولا أُلام ليا حلفت لأني متيّقن يقين بهالشعور الممتلي مني حزن ، #معترك_ادب

1

4

14

@Fowars12345

معترك الادب

1 year

لا بـارك الله بـرزقٍ تـلحــقه مـنّه ولاعـاد حـبٍ وراه الهـجر محتله ، ياعزة النفس شومي وانتحي عنّه مادام نفسه بـها شـوف على خله ، #معترك_ادب

1

6

12