اللي يبون يستغلون الوقت في الاجازة واللي في بداية مسيرتهم المالية هذا الموقع يقدم كورسات مثل:
استخدام الاكسل كمحلل مالي
مجالات المالية مثل البنوك والفنتك والائتمان ومبادئ ادارة المخاطر وغيرها
وفلتروا الكورسات عشان يطلع لكم المجاني منها زي ما وضح عبدالله تحت التغريدة
درس سريع للمستجدات لاستعمال المترو
المسار الازرق تصاعدي والبنفسجي تنازلي، ما يغدرون فيك ١٠٠٪ امان
الاحمر والاخضر لازم تشيكين على الخريطة اللي بالمحطة قبل تركبينهم لان بنقطة معينة يغيرون مسارهم عن الكليات ويروحون محطات ثانية زي النادي والعمادة وبيدور فيك لين يوصل للكليات مره
بالبداية انا بتكلم عن كلية ادارة الاعمال
في كثير بنات يدخلون جامعتنا عشان الجدولة والوناسة يحسبون ان هذي هي الحياة عندنا، فجأه ينصدمون ان الدراسة والدكتورات جديات ومافيه بونس واب قريد ٢٤ ساعة، ومتطلبات المشاريع كثيرة وفيه اختبارات اسئلتها استنتاجية مب مباشرة.
ويزعلون ليش كذا
"بنظر الناس" هل هذا معيار لاختيار الجامعة؟ خصوصًا ان النظره مب صحيحة
جامعتي ما ندمت ولا رح اندم اني دخلتها على الرغم من ان كثير قالوا لي نفس كلامك
نورة من افضل البيئات سواء تعليم او تجهيز لسوق العمل، كل شيء فيها ايجابي وجتني منها فرص ما كانت بتجيني لو اني بمكان ثاني
مين نفسي يشوف ان الاقتصاد لازم يُدرس لو بشكل سطحي للجميع؟
الاقتصاد هو الموضوع الوحيد اللي الكل يتكلم فيه وبنفس الوقت الكل يجهله
مثلًا تلقون الكل يطالب بخفض الضرايب وغيرها من الامور اللي تصب في مصلحتهم بشكل مباشر، ولاهم مدركين للفايدة اللي تجيهم بسببها ولا العواقب اللي ممكن تصير
مضحك ان البعض يقول عن نورة "جامعة نسائية" كمسبه، بينما حنا نتغنّى فيها لان سعي الاميرة نورة اللي كان صعب تحقيقه في وقتها بحكم فقر القدرات بتمكين المرأه ومحاولاتها لدعم التعليم النسائي تحقق الان وصار فيه مدينة جامعية كاملة فقط نسائية تحت اسمها "رحمها الله"
انا ما بديت اذاكر للCFA
لكن لاحظت ان كثير من موضوعاته تتعلق بالمواد الاولى اللي ناخذها زي مبادئ مالية واحصاء واقتصاد
لذلك احرصوا على الفهم الدقيق بالجامعة
@qadrat_a
التقنية المالية، مب تخصصي لكن تخصص جديد في جامعة الاميرة نورة
يجمع مواد الحاسب مع المالية، وينتج معرفة مالية يتم توظيفها في المجال التقني، وتحويل العمليات المالية التقليدية الى عمليات رقمية
والجدير بالذكر ان التقنية المالية هي احد ركائز خطة تطوير القطاع المالي في المملكة
من ايجابيات كلية الادارة
-اول سنة نظرة عامة عن الادارة
-ثاني سنة نتعمق في فروع الادارة (تسويق، نظم، محاسبة، مالية، اقتصاد، موارد…)
-ثالث سنة (السنة اللي المفروض نحتفظ في مدخلاتها) مليئة بمواد التخصص
-رابع سنة اول ترم علمي بالجامعة، وثاني ترم عملي (COOP)
كل سنة لها شعور
مهما تكلمنا ووعينا بموضوع جامعة نورة لا يزال فيه ناس يقللون منها بدون سبب، ويشوفون ان اللي تدخلها درجاتها متدنية
والنتيجة ان الطالبات يكرهون الجامعة، واللي مقبلين عالجامعة يتجنبونها
اعيد واكرر ان الفرص فيها عظيمة ونموها سريع وطالباتها كنز، لا تصدقون كلام ناس ما جربت
القائمين على TEDxKFUPM هم طلاب وطالبات
كلمة حق يجب ان تقال بحقهم، ان عملهم من البداية كان جبار وحمسني للحضور ولكن للاسف انه بالشرقية
ولكن حضرت البث كاملًا، اثر فيني حزنًا، حماسًا وسعادة لاحتضانه مختلف القصص من عدة جوانب لتعطيك "رسالة المعنى" بشكل كامل
من المواضيع اللي يكبرونها المستجدين وهي بسيطة
-اللغة وان المنهج انجليزي والاختبارات بالانجليزي
-ان المنسقة اللي تكتب الاسئلة مب هي دكتورتك اللي تشرح لك
ومع الايام بتكتشفون ان الاشياء ذي مميزات مب معوقات
الشيء المضحك جدًا
انهم معترضين على ان كل شيء انجليزي! اذا تبين مواكبة لتطورات العالم بالمجال لازم تتعودين على الانجليزي، لان المصادر والمقالات الانجليزية تتحدث باستمرار مواكبةً للعالم.
الذكي اللي يستغل هالشيء لمصلحته
بالبداية انا بتكلم عن كلية ادارة الاعمال
في كثير بنات يدخلون جامعتنا عشان الجدولة والوناسة يحسبون ان هذي هي الحياة عندنا، فجأه ينصدمون ان الدراسة والدكتورات جديات ومافيه بونس واب قريد ٢٤ ساعة، ومتطلبات المشاريع كثيرة وفيه اختبارات اسئلتها استنتاجية مب مباشرة.
ويزعلون ليش كذا
وبعد سنة ينسحب ويرجع للتخصص اللي يحبه لانه ما قدر ينتمي للمكان
موضوع التخصصات مب بس فرص وظيفية، الشخص يحتاج انه يكون مرتاح نفسيًا بالمكان اللي هو فيه
ان التخصص يكون مطلوب امر مهم، لكن حتى اهتمامك فيه مهم. اتمنى نطبع لفكرة اني ادخل تخصص اقل من موزونتي
التخصصات الصحية هي اللي تستاهل التعب،اذا انت شخص دافور نصيحتي لك لا تترد وخل رغبتك الاولى تخصص صحي حتى لو تمريض،90% منهم يتوظفون قبل يتخرجون ماشاءالله، وفيه مشاريع مستقبلية قادمة تحتاج اعداد كبيره بأماكن مرمرقه، فاتمنى من اي شخص شاطر بدراسته ما يظلم نفسه بتخصص آخر حتى لو كان يحبه
بديت أتابعك يوم جت هارفرد في PNU وكنت مستغرب كيف انو جو لجامعه سعوديه ، ومن بعدها وانا أتابعك بشكل مستمر لان دايم… — في PNU صار اللي ماقد صار، باذن الله بكثر مواضيع مثيرة للجدل
سؤال يطرح كثير، هل التخصص الفلاني مستقبله كويس؟
طيب ماذا عن مستقبلك انت مع هذا التخصص؟ بمعنى هل انت جاهز تقضي سنوات الدراسة بتطوير نفسك ذاتيًا ومهنيًا بهذا التخصص؟
كون التخصص مطلوب فقط ليس مبرر كافي لدخوله، لأن تخصص مطلوب بدون كفاءة مناسبة بيكون بدون فائدة
توضيحًا لتخصص الاقتصاد المالي ووش ندرس فيه
المواد اللي موجودة بالخطة من زمان موجودة بالجامعات بتخصصين المالية والاقتصاد لكن الاقتصاد المالي جمعهم مع بعض
وبالصور توضيح كيف جامع التخصصين، بمقارنه مع خطط تخصص المالية وتخصص الاقتصاد في جامعة الملك سعود (بما انهم الاقرب لخطتنا)
طالبات باقي المدن انتظروا الثريد لجامعة الاميرة نورة
بستعرض فيه التخصصات المميزة الغير موجودة الا عندنا
في كليات الهندسة والحاسب والادارة وغيرها
نبي نشوفكم السنة الجاية🔥
ضعيفة على اي اساس هل جربتوا تدرسون فيها؟ ام انه فقط كلام متداول سمعتوه وحكمتوا عليها بسببه؟
الدراسة بجامعتنا اشوفها من افضل طرق التدريس والفرص المقدمة منها ما كنت اتخيل احصل عليها بيوم
ولو رجع فيني الزمن بختارها مره ثانية بدون تردد
وهذا كله والجامعة تعتبر جديدة
طيب هل يعني ان الجامعة صعبة؟ لا أبدًا، كونك دخلتي الجامعة وأنتِ عاقدة النية بانك تبين تجتهدين وتوصلين لاعلى الاماكن مافيه شيء بيوقف بوجهك ابدً.
الموضوع يحتاج شوي جدية وصرامة مع نفسك، نفس ما اجتهدتي عشان تجيبين درجة عالية بالقدرات والتحصيلي، تحتاجين جهد عشان تجيبين معدل عالي.
قرار الغاء الاولوية بيسمح لنا ببناء مجتمعات اكثر تنوع وعقول من خلفيات مختلفة وهذي اضافة ايجابية للجميع
صح فيه سلبيات لكن فيه ايجابيات ايضًا، خصوصًا للي كانوا يعانون سنين من الاولوية هذا القرار فرج بالنسبة لهم
بالسابق كان فيه طلاب وطالبات بدرجات عالية ولا ينقبلون بالتالي
بس ودي اقول شيء للكل، قبل تتكلم بسوء عن جامعة ثانية او تخصص او اي شيء ينتمي له مجموعة من الناس عشان تعزز للشيء اللي انت تنتمي له
فكّر كم مره
لان والله شكلك ماش
مضحك ان البعض يقول عن نورة "جامعة نسائية" كمسبه، بينما حنا نتغنّى فيها لان سعي الاميرة نورة اللي كان صعب تحقيقه في وقتها بحكم فقر القدرات بتمكين المرأه ومحاولاتها لدعم التعليم النسائي تحقق الان وصار فيه مدينة جامعية كاملة فقط نسائية تحت اسمها "رحمها الله"
لاحظت بالجامعة كل ترم يكون امتع من اللي قبله من ناحية المواد
هذي ايجابية وسلبية بنفس الوقت لان اول السنين مرحلة بناء المعدل وموادها غالبًا مب كلها ممتعة وتحتاج مجهود
لذلك نتعب اول سنتين ونضمن معدل عالي ونستمتع اخر سنتين👍🏻
عندنا مشروع مقارنة لميزانية السعودية مع احد الدولة الاخرى
واحب اشكر السعودي�� على الشفافية بالبيانات وسهولة الوصول اليها
ما حسيت بالنعمة هذي الا يوم اضطريت ابحث عن بيانات دول اخرى، جهاد عشان تطلع ابسط البيانات!
عمار يا بلادي عمار🤍🇸🇦
تعطيك المعلومات اللي تبيها وزيادة
انا مدري ليش طلاب باقي الجامعات مستنقصين جامعتنا بدون سبب
ولكن اذا جينا لارض الواقع "المخرجات" نشوف الاشادة من الجهات على خريجات نورة وتفانيهم بالعمل وتميزهم لان هذا نظام الجامعة وهدفها
واللي يحط نظرة الناس اولًا، بيضيع
دامنا سكرنا
والله تدرون ان غالبًا اي احد ينتقد جامعات تلقونه ما قد طلع من المحيط الاكاديمي
لان لو طلع وشاف المجتمع المهني والبرامج بيشوف طلاب من كل الجامعات وكل شخص مبدع اكثر من الثاني ماشاءالله عليهم
بعد سلسلةٍ من المرافعات الحماسية، امتدت لأكثر من خمسة وعشرون يومًا..
ارتفع فيها صوت الحجة، واتضحت بها معالم القمم⛰️!
فها نحن في لحظةِ الحسم🏆
تحت رعاية عميد شؤون الطلاب، ندعوكم لحضور الحفل الختامي لـ #البطولة_النيابية2 ⚖️
رابط حجز الحضور :
#قمم_جزائية
الاستحقاق كلمة مبتذلة، لكن يوم قعدت افكر فيها استنتجت انها مهمة بشخصية الانسان
مثلًا لو جبت معدل عالي وشفته ومشيت وكأنه شيء واجب انك تسويه ف انت شخص استحقاقك لذاتك منخفض، لان هالشيء مب الكل يسويه وانت حققته لانك ملتزم وتعبان على نفسك وتستحق انك تفتخر وتقدّر انجازك ولا تهمشه
الترجمة اول باول، بتلاحظون ان المصطلحات تمر باغلب المواد والمحاضرات وبتحفظونها
ايضًا فيه كتاب اللي بالادارة ممكن يفيدهم فيه
المواضيع الادارية الاساسية، والموضوع مكتوب انجليزي وعربي زي ماهو واضح بالصورة، وفيه كلمات تتكرر بالمناهج بنهاية الكتاب
تقدرون تتعلمون منه اهم المصطلحات
احس ماشاءالله من حبك للتخصص وتكلمك عنو احس بتصير منصب كبير في المستقبل احس بتوصلي تشتغلي مع أميرنا❤️ — اضفتي لنفسي شعور جميل جدًا اسأل الله ان يكتب لك اجر اسعاد مسلم، والله يسمع منك يارب❤️❤️❤️❤️
بقارن عمل المحاسب والمالي في الشركة من ناحية طبيعة العمل
تبدا العملية بوقوع عملية مالية بالشركة، سواء شراء معدات بيع منتجات..، المحاسب وظيفته توثيق هذي العملية، هل يسجلها بكتابة بعنا كذا وحصلنا كذا على كيفه؟ لا، فيه معايير ثابتة لتوثيق العمليات المالية يمشي عليها المحاسب
اليوم زرت رؤية واعدة المنظم من نادي كلية الادارة، ملتقى يُشكرون عليه🤍
ايضًا قابلت جنى الالكترونية⚡️
@CEOJana_
حديثنا كان بين اشباه الموصلات والاسهم كل شخص يُدلي ما بدلوه، حديث طويل لكن ما حسيت فيه
الحديث مع شخص مب في مجالك جميييييل وثري!
كمية الجهل اللي اشوفها متعبة بالكومنتات
انا اتحدى على كل ما املك اذا اللي ينتقدون قد تعمقوا شوي بدراسة نورة ولا البيئة اللي فيها
لان عندي ايمان تام ان اي احد يعرف الجامعة عن قرب مارح يذكرها الا وهو منبهر
كل اللي يعرفونه عنها هو كلام الناس المغلوط
والايام بتثبت ذلك
كونك تعاطفت مع الخبر وتبرعت ودعيت هذا يدل انك توقف مع اخوك المسلم حتى وهو ما يدري عنك ولا يدري انك قدمت خير له
ومافيه اجر يضيع عند الله حتى النية تؤجر عليها باذن الله
من اكبر النعم اننا ابناء هذا الجيل وابناء السعودية🤍
كمية الفرص المتاحة لنا من مملكتنا الحبيبة تكثر يوم بعد يوم!
الشعب السعودي محظوظ بوطنه، واللي ما يستغل هذي الفرص والموارد ونقاط قوة الارض اللي حنا فيها بيكون ضيع على نفسة الشيء الكثير
يارب لك الحمد🇸🇦🇸🇦🇸🇦🇸🇦🇸🇦
انتهى هاكثون الادخار، واخذنا المركز الرابع!
التجربة كانت ممتعة وخرجت منها بكم كبير من الفائدة، اشكر كل من كان جزء من هذي التجربة واتمنى التقي بباقي الفرق المميزة في اماكن اخرى🚀
هاااي انقبببلت الحمدالله اقتصاد مالي مع إني كنت أبي تكنولوجيا ماليه بس ماااعرف عنه كثيير عادي تشرحينه — اول سنتين ندرس مواد ادارة زي تسويق ومحاسبة وقانون، ومن السنة الثالثة تدرسين مواد اقتصاد ومالية، وهذي التغريدة اذا تبين تعرفين اكثر عن المالية
بعيداً عن فكرة ان تخصصي مالية لكن فعلاً تخصص المالية من التخصصات اللي مجالتها متجدده و متشعبة و من التخصصات اللي تسمح لك تكون Career Path خاص فيك عن طريقة الشهادات المهنية ، و من مميزات التخصص يسمح لك بتعمق في الأسواق المالية خصوصًا سوق الأسهم ...
اذا ما غلطت اليوم، متى بتغلط؟
اذا ما سمحت لنفسك ان تخطئ في بيئة مشابهة لك ومع ناس ما يحكمون عليك
هل بتسمح لنفسك تغلط في مكان فيه ناس مستواهم اعلى منك والغلطة ممكن تكلفك الكثير؟
اغلط الان ولا تندم على تجاربك الفاشلة، تعلم منها
فيه امور من بعيد تشوفها صعبة بس اذا اضطريت تكون في الموقف تمشي الامور سهالات
برمضان كنت مقتنعة انه مستحيل اخلص اختباراتي السته اللي ورا بعض بنفس الطاقة، لكن اللي صار انه الى اخر اختبار كنت اذاكر وكأنه الاول
لذلك جرّب جرّب، الامور بقرب ليست كما تبدو من بعيد ولا تستهين بنفسك ابد
نصيحة لكل مستجد لا تسمعون السب على الدكاترة
اول ترم كنت اسمع انتقادات على دكتورة يقولون حملتنا وهجوا منها واحذفوا المادة
بالنهاية طلعت افضل دكتورة مرت علي الى الان، لدرجة الترم اللي راح يوم حصلت لي فرصة ادرس بشعبة ثانية هي ماسكتهم على طول حولت لهم
الطلاب يبون احد يغفر لتقصيرهم🤷🏻♀️
يا ساتر يا الاشاعات، كليتنا صارت دكتوراتها سيئات؟
اكيد فيه عينات صعب التعامل معهم (زي اي مكان بالحياة) بس مافيه احد سيء لهالدرجة بالنهاية اذا اجتهدتي بتاخذين حقك لا تتوقعين بترتاحين والدكتورة بتعطيك بونس ولا درجات من العدم، اذا سويتي المطلوب بتاخذين اللي تستاهلينه
لا تسأل عن شيء احتمال جوابه ما يرضيك
لا تختبر شخص عشان تشوف ردة فعله ويمكن تكون ما ترضيك
فوق ما ان الحركات ذي مؤذية للشخص الاخر، بتأذيك بعد
ليه ممكن الواحد يسوي مشكلة من لا شيء؟