@FreeMazrouaa
مايصاحبش حد فالاول يصبر لحد ما يفهم ، مالوش دعوة بشكوى الناس القديمة فالمكان .. تتاخذ فالاعتبار بس ، يلتزم بشغله وبمواعيده ويوثقه قدر الامكان ، يبني ثقه مع الناس .. يشتغل و يساعد ويدي بقلب و باللي يعرفه بس مايحرقش نفسه .
كورنيش اسكندريه يوم الجمعه الصبح بناسه تحسه منفصل عن مصر كلها ، الناس كلها بتكون مابين الجري والمشي والعجل او حتي قاعدين لوحدهم بسمعاتهم ساكتين محدش بيضايق حد ولا حد ليه دعوه بحد
الحمد لله ان اهلي كانوا فاضيين يربوا والله ، دي نعمة الواحد كل ما بيقابل بني ادمين فاتهم الاصول والاحترام والبديهيات والحدود والتواضع والشبع والرضا ، بيمتن لتربيتهم
ياريت يا جماعة نفتكر ان الشغل فاني والمناصب فانيه وان التطبيل ما بيوديش في حته - حتي لو وداك لفتره ما - عاجلا ام اجلا هتسيبها ومش هيفصل غير سيرتك و هتبقي خرا بالكزبره
قاعدة جنب ماما آخر اليوم ع السرير بعد يوم طويل تعبانين بغني لابن اخويا كوبليه " روحي عيني .." من اغنية اساميك الكتيره بتاعت انغام ، قام انبسط وقعد يضحك وقام يرقص في نص السرير ، وتعب اليوم كله راح في لحظة والله
عاصم اخويا نقل شغله من لبنان لجامعه في انجلترا واول يوم وصل قولتله هيلو مستر دارسي قالي هيلو ميس اليزابيث ، وحاجه هارت ميلتنج كده انه فاكر اسماء ابطال الافلام اللي كنا بنتفرج عليها سوا من سنين فاتوا:')
نجاهد عشان نبقي اسوياء فالتعامل مع البني ادمين ، ونجاهد تاني عشان نركز مع نفسنا نلحقها قبل تتحول من غير ما نحس ونكتشف اننا بقينا عبارة عن ردود افعال البني ادمين
الراكت فالشوارع وطيارات الورق ع البحر و العجل اللي انتشر كبار وصغيرين وتجمعات الاولاد بالكراسي ع الارصفه وفي شنط العربيات ، ده سكريبت صيف من التسعينات مش عشرين عشرين لأ
موضوع ان الستات بقت بتتحاسب على صرفها فلوسها الشخصية بشكل اجباري مش باختيارها وبمزاجها فالعلاقات والجواز والا يتزعل منها ويتقلب منها وتتهم انها مش جدعة/ اصيلة او اي حاجة يعني - ده بقى حوار معفن اوي بجد وبيقفلني
كل ما اعرف ناس جديده يطلعوا يعرفوا ناس اعرفهم اوبينا ناس مشتركين وحواديت وقصص احنا وغيرنا اطرافها ولينا فيها من قبل ما نتقابل بالايام والسنين ونسمع عن بعض مجرد سيرة من ناس تانين، ودواير اسكندريه خلاص بتقفل علي صباعي اهيه
- بقى عندي time management ، وعرفت اعمل ده بنسبه كبيره
- وصلت للوزن اللي عايزاه بشكل صحي
- ظبطت اكل وتمرين و مشاكلي الصحيه من غير ادوية
- بطلت المنبهات بانواعها شاي و قهوة
- حافظت علي علاقاتي وعلي التواصل ومافقدتش حد غير اللي مفروض افقدهم
انا اكتشفت بلكونات البيت مؤخرا ومعرفش كانت تايهه عني فين كل ده والله ، البلكونات بعد منتصف الليل طلع احساسها احساس الخروجه حلوه ، سكون وهوا نضيف وكوباية شاي ومزيكا رايقة وادخل انام بعدها بمنتهي الاريحيه والسلام
انا اعز قوي الناس اللي قبل ماتقول حاجه بتستخدم ( اعتقد ، علي قد علمي ، على ما اظن ) وفاهمه ان كلامها فيه احتماليه صواب او خطأ وان كلامها واراءها قابلة للتغير عادي .. وبقيت بقلق من اي حد بيقول رأي او بيتكلم عن اي حاجه بثبات و ثقة مطلقة كده ..
اتمني بعد سنين تفضل أكبر مشاكلي الزرعة كبرت اد ايه ، أو هشتري الاشياء لونها إيه ، اتسحل فالتدوير على كوتشي ابيض ، او هتفرج علي ايه يوم الخميس بليل ، او هفطر فين الجمعة الصبح ، اتمني الأمان و راحة البال دايما ..
بقالي شهر فشركة كلهم اساميهم رينا وريتا ومارينا وماري وما الي ذلك ومش عارفة احفظ حد و شغاله صباح الخير يا حياتي ومساء الخير يا حلوه وحاجه علي الله محدش ينخرب ورانا
في واحد باعت سؤال علي قطوف اسك انه عايز يخطب واحده معجب بيها جدا بس مامته بتقوله شكلها كبير فبيسال محتاج يعمل ايه عشان مامته توافق
الشيخ رد قاله " محتاج تتفطم "
و هذا هو ذوقي فالردود والله
بعتز جدا بالناس اللي بتعرف تسكت وبعرف اسكت معاها من غير ما تطلب مني اتكلم او تحاول تتكلم في اي حاجة تملا بيها الفراغ والسكوت ، وبكون ممتنة جدا للولاحاجه دي والله
غيرت البرفان اللي بحطه بقالي مدة وكل ما اتحرك اشم ريحة اقول الله في ريحه حلوه وافتكر اني انا اللي حطاها،اسهي شويه واقول انا سلمت علي مين ريحته مسكت فيا وافتكر ان انا اللي حطاها ، اشمها في لبسي واقول ماما غيرت المسحوق ولا ايه وارجع افتكر انه لا ده برفاني وحاجه منتهي المزاوله
اكتر احساس بحب احسه اني طافيه دماغي ومسلمه لحد غيري يقرر ويتصرف مكاني ..احساس الامان اللي بحسه في وجود اخويا لما بسيب له نفسي تماما يخطط ويرتب هو طول ماهو هنا او و احنا مسافرين .. والاحساس اللي بدور عليه دايما في اي علاقه اني اكون آمنه وواثقة اني اقدر اريح علي حد وما اشغلش دماغي.
كل ما بشوف صور الكعبه والمعتمرين ولابسين ابيض ومصفوفيين كده منوريين بفرح اني كنت هناك يوم بصلي في نفس المشهد ،بضحك من جوه اني عملت عمره ومشيت ع الارض دي وعشت اللحظات دي فالحقيقة اللهم عودة بجد
القرآن بالنسبه لي مبهر ومرعب في قوانينه وبديهياته ، مفيش مسلمات وبديهيات بنوصلها بعد تخبيط وغلط وتنطيط وعك غير ومذكورة فيه .. احنا بس اللي بنتوه و بننسي
يعني هو الصحاب دول رزق الحقيقه والله ، والواحد لازم يحمد ربنا علي حسن حظه في صحابه ودوايره ومعارفه انهم الطف واروق واصفي مايكون ، وان الاتفاق الضمني السايد بينا دايما اللي يغلط نغلطه ونعرفه ، مفيناش حد بيطبل لأي داعي ولا بنجامل فنلبس بعض فالحيط
كنت مع اتنين صحابي كل واحد مننا اخر اخواته في البيت -اخواتنا اتجوزوا او سافروا - كل واحدفينا عنده فرصه سفر بره وشايف اهله بيكبروا وبيتعلقوا بوجوده وحاسس بالذنب من انه يسيبهم لوحدهم ويسافر وبنلف في دايرة ذنب وحيره ومستقبل مايلطفش بينا فيها غير قدرنا وربنا
لما كنت فالمغرب وبيعرفوا اني انا واخويا مصريين كانوا بينزلولنا سعر الحاجات جدا وكانوا بيفرحوا بينا فشخ - ويقعدوا يهزروا معانا ويحكولنا اد ايه بيحبونا وازاي فتحوا عيونهم من هما صغيرين لاقوا افلامنا ومسلسلاتنا اول حاجة في بيوتهم وتليفزيوناتهم وقنواتهم المحلية .