إعجابك بالشخص اللي متعرفوش قبل كده هو إعجاب "لحظي مؤقت" جالك عشان موقف أو تصرُف هو عمله و مينفعش خالص تبني حياة كاملة وتخيلات عشان تصرفات بتحصل لمجرد ثواني .. البشر أعمق من كده بكتير
انا عارف لما بتكون زعلان بتبقى عاوز الدنيا كلها تقف عشانك و مشكلتك تكون حديث المجتمع لكن للأسف ده مبيحصلش لأن محدش فينا مميز .. انت مميز جوه نفسك وبس و دايماً لازم تعرف إن كلنا عاديين في نظر غيرنا
المثالية الزائدة ضد الطبيعة البشرية
مفيش حد مهما كان يقدر يظبط مشاعره على وتيرة واحدة طول الوقت
ده حتى الروبوت بتاع المعرض الصيني ضرب الراجل على وشه لما رخم عليه 🚶🏻
"ولنبلونكم بشئ من الخوف والجوع ونقص من الأموال والأنفس والثمرات"
ربنا لما اتكلم عن بعض أنواع البلاء ذكر الخوف أولاً لأنه البلاء الأشد .. فالخوف يمنع الحياة
في ناس بتحب تعيش مشاكلها وأحزانها في صمت يعني لا هيقول انا حصلي كذا ولا هينزل صورته في مستشفى ويقول ده انا تعبان وطبعا مش عيب إنك تعمل كده عشان تحس بحب الناس ودعمهم ليك لكن العيب لما تفضل طول الوقت تحكم وتلوم على ناس انت مش عارف ظروفهم
يوم فتح مكة يدخل الصحابي سعد بن عبادة على رأس كتيبة من ألف مقاتل ويُشهر سيفه ويقول "اليوم يوم الملحمة" فيقول النبي صلى الله عليه وسلم "بل اليوم يوم المرحمة" 💚💚
أصحاب العروسة حافظين كلمات المهرجانات دي كلها ازاي ! والعيال اصحاب العريس عرفوا منين إن الصوت هيوطى في الحتة دي وهما هيكملوا بصوتهم ! وانتوا مين كلكوا كده والناس دي جات هنا امتى وبتاع الجاتوه اتأخر ليه !!