الله يقدرني على رد الجميل
والله يجملني مع اللي يجملون
لان الجمايل حملها وزنه ثقيل
ورد الجمايل مثل تسديد الديون
عساه لاجاني رع الباع الطويل
اقضي لزومه لا لفا طلاب عون
والاالردي ماله علينا من دليل
ولانعتبر في لازمه مهما يكون
عيدعقاب السويداني
سجل التاريخ ميقاف الهواجر
وقفه يدري بها قاصي وداني
كل كفو اعتزا والرأس داجر
دون ابن شارع تحامو في ثواني
لاكنز مال الفنا خطوات تاجر
ارخصوها للرفيق وللعواني
بنت ياللي رمشها يملا المحاجر
اطمحي للي لهم فعل يباني
ذولا خلان الأشده والخناجر
والسيوف الحدب وامات العناني
تدري ويش اصعب من معاريف الرجال
انك اليا احتاجوك تعجز ردها
والا الرجال اعوان لضروف الليال
ترهي بها. لو الضروف اتحدها
رد الجمايل فزعه اوجاه ومال
فرصه عمر مافيه شي يندها
عيدعقاب السويداني
مانصيت من الرجاجيل ياكون الكبار
الرجال اللي تقدم بفعل ايمانها
كل كفو سمعته من عمار في عمار
من مقاديم القبائل ومن شيخانها
مانوردها على اللاش لو الوقت جار
لو لوازمنا الصعيبه بيديه اعنانها
كأنها ماجات حشمه وتقدير ووقار
مانهين النفس لارحم ابو من هانها
لاقفل بعض اصدقانا تيلفونه
ثم تغير مادرينا ويش صابه
لو يقفل من قطاعتنا عيونه
مايقفل ربنا المعبود بابه
مارجينا الا الله اللي يرتجونه
كل خلقه طامعين في ثوابه
من خلقنا الله مانرضى بالمهونه
ونحمد اللي رحمته تسبق عذابه
لاتقدم في المهمه غير قد امهمه
اترك اللي طيبهم بنسوي وبنسوي
الردي في عينه ان فعل الجميل امطمه
لو تقويه النشاما ما هوب متقوي
والكفو لو تطلبه دمه مايبخل دمه
يرتكي للكايده لو حبلها متلوي
جعلني ما انصا ليا جات اللوازم رمه
واحد لأمن زهمته جاه قصف جوي
سلام تسليمه هل الاسلام ومن العايدين
الفائزين برحمه الله والرضاء والمغفره
عيد سعيد بأمر ربي ياجميع المسلمين
نحمد جليل الملك رب العالمين ونشكره
عيدعقاب السويداني
ذبحنا المجامل يبوملحم مع الجهال
صغار العقول اللي تمدح على الفاضي
فلا كل رجال نشوفه يجي رجال
ولا كل برق يعجب العين لاناضي
اشوف التواضع والمجامل بعض الاحوال
يجري علينا كل حاقد ومغتاضي
وشوف الصمود وعزه النفس والافعال
تكحل عيون اللي علينا ماهو راضي
الاختبار اللي يسمى الاختبار
ماهوب في الدنيا ع حروف ونقط
الاختبار اللي ع جنه ونار
والاادمي ياما نجح ياما سقط
في ساعه من هولها تشيب الصغار
مابه ضلال الا ضلال الله فقط
عيدعقاب السويداني
مهما تجمل في الردي مايسرك
لابد ماتاتيك منه العواجه
يمكن بضحكه في الرخايا يغرك
لكن بتعرفه اليا احتجت حاجه
كل الطواير باجنحتهاتحرك
لكن فيها الصيرمي والدجاجه
عيدعقاب السويداني
بيض الله وجه من قدر لزومي
الحبابي جعلها تبطي سنينه
موقفه بالفعل ماهيب العلومي
السطر في رأسه وتندا يمينه
طيب منصور ابن ضافر كل يومي
سعد والله عين من يأتي عوينه
يمكن يكون فلان في عينك كبير
وفلان في عينك يصير اصغر منه
بعدين يفشل الاول ويجمل الأخير
اليا فشل الاول كفى الثاني عنه
كم واحد وقت الرخا نحسبه امير
لين الشدايد تفحص النا معدنه
مايفحص الرجال مثل الخوه
الخوه اللي في الحياه اتطول
تعطيك تقرير عنه من توه
اما اعتلا في العين والا حول
كم خوي ن فالرخاء له قوه
ووقت القساء ماهوب خويي الاول
احترم وجهت نظر من قلت له وش رايك
والا لاتنشد عن الاجواد ويش ارياها
اقنع برأيك وعودها بقفز الشايك
وانتبه من قفزه ماتنحمد عقباها
واعلم ان بعض البشر عندك سوات المايك
ينقل الكلمه لونه ماعرف معناها
ترى الخبل واللاش مايعطا وجه
لاحدن عطاهم وجه يدخلهم غرور
ياكم تحملنا العباد المزعجه
ونجامل الناقص لجل واف الشبور
اللي ماعنده غير ضحك ودبلجه
لايحسب ان في يدينه زمام الامور
ياهيه ياقومن هوايتها الظهور
الي ترزز ف المنابر بلبشوت
البشت لبسه دون فعل الطيب عور
عور مايخفيه التبسم والسكوت
بيت الكريم الي من الطيب معمور
تلقى ضيوفه من كبيرين البخوت
وبيت البخيل الي من الطيب مهجور
تلقى ضيوفه ف الزوايا عنكبوت
سعود عقاب السويداني