The mean reason why I’m here on Twitter is because i got bored of the social media and the people around me, they are suck and bully at everything i do, everything i say and they don’t respect my privacy nor my independence at all
بفكس لخروجات عشان الچيم
بمسك نفسي على قد مقدر و ملغبطش في الاكل عشان الدايت
و مع ذلك موصلتش للنتيجة و الشكل اللي نفسي فيه، المعنى الحرفي ل " مستمر في السعي رغم انعدام حتمية الوصل" 😣
اخدت قرار مع نفسي من بداية السنة إن لما حد يجي يعاتبني ويحاول يغلطني عشان بختفي او بسألش او اي حاجة من الكلام ده هديله في وشه على طول وارصله كده الاسباب كلها وهو عملي ايه وحاسسني بايه خلاني اخد جنب منه
مبقتش احس بالانتماء لاي مكان موجود فيه او مجموعة قاعد معهم، بكون مبسوط بالقعدة تمام لكن لما بروح بحس اني غريب عنهم او خلاص الحاجات المشتركة بنا بتختفي وفي ناس بحس ان وجودي زي عدمه مش هيفرق فبفضل عدمه احسن مقعد معهم وارجع بطاقة سلبية ازيد من اللي عندي
كان نفسي يكون عندي صحاب فرفوشين نخرج نلعب games ونهزر ونتمشى بالعربية نسمع اغاني ونسافر في الاجازات ونبقى safe zone لبعض بدل الصياح والسطحية اللي في معظم خروجاتي او خروجة اكل ولا شرب قهوة، اومال لما العضمة تكبر والرجل تتقل هعمل ايه
صياح نهاية الويك اند:
كنت اتمنى يكون عندي انسان واحد قريب ليا نقعد على قهوة او نتمشى او ندخل سينما و عادي ممكن نتقابل مرة في الاسبوع او كل اسبوعين بس يبقى الواحد غير جو مع حد فاهمه و بيرتاح له
صليت العيد ✅
شربت شاي بلبن و سقيت فيه البسكوت ✅
استحميت و لبست لبس جديد ✅
اخدت عيدية فلوس جديدة ✅
المُزز و المُلهبين عيدوا عليا و عيدت عليهم ✅
My Eid couldn’t be perfect 🙈❤️
حوار في الچيم مع الكابتن
هو: متضايق عايز اروح
انا: حد ضايقك ولا ايه؟
هو: لا بس مضايق
انا: هي جاتلك ولا ايه؟! 😁
هو : 😏
انا: تعرف انها بتيجي للرجاله
هو: اه، و اخبارها معك ايه بقى؟ 🤪
انا: مش عارف بقالها كتير مابتجليش شكلي هطلع حامل 🤭
فضحكت و ضحك و فرفشنا 😂😂
ليه اتصل اعيّد على واحد صاحبي معرفتنا من ايام المدرسة والوحيد اللي لسه الود موصول بنا مايردش عليا رغم اني اتصلت في اوقات مختلفة مراعاة للظروف لو كان عنده اسباب تمنعه من الرد و الاقيه اون لاين عادي على الفيسبوك و بينزل بوستات، والله بتصل اعيّد و اسلم عادي 😑
سخرية القدر و المعيشة في مصر إني الحمدلله معيش في محفظتي غير شوية فكة رغم ان عندي شغل اساسي و شغل part time في اماكن المفروض اسمها معروف، هو ده فعلا الصيت ولا الغنى
مبحبش حد يقولي ( قلت اسيبك براحتك لحد ما……) لا ياحبيبي انا ماتسبش براحتي لاني لو اتسابت براحتي لا هكلم حد ولا حد هيعرف حاجة عني فمتتحججش بتصرفاتي اللي معملتهاش
رغم اني اوقات ببقى عايز اتكلم و طلع كل الرغي اللي في دماغي لكني بحب اسمع الناس اكتر و احاول اهوّن عليهم لو حاجة مضيقاهم وقتها بيبقى احساسي احسن ١٠٠ مرة من لو كنت انا اللي اتكلمت
كنت مريح يوم من الچيم عادي فحصل الحوار دا مع الكابتن👇
الكابتن: مبتجيش ليه؟
انا: كنت مريح امبارح بس
الكابتن:حاسس مشوفتكش من كتير
انا: عشان انت كنت اجازة اليوم اللي قبله فكده بقالنا يومين
الكابتن: اه صح
انا: للدرجة دي وحشتك🤪😂
اتكسف و راح يكمل اللي كان بيعمله ☺️
انا مش مش عايز اساعد نفسي انا مش عارف اساعد نفسي ازاي، تفرق كتير اوي
يعني مثلا انا عارف اني بتعولق و اتمرقع بس لما بعمل حاجة بجد بركز و بنجزها بسرعة لكن طول منا تايهه مش عارف احدد طريقي هفضل اتعولق 🫤
المفروض الفترة دي بحاول اواظب على الچيم والدايت والنوم وقت كافي عشان اوفق كل دا مع الشغل ومشواره بس جانب الفسح معدوم تقريبا، بصراحة مش متضايق اوي لاني حابب الانتظام في الامور اللي فاتت انما مستغرب معقول محدش عايز يشوفني او يخرج معايا ولو ساعة واحدة!
اعتراف سريع كده عشان الواحد يقول اللي له و اللي عليه، ال communication عندي زالخرا بجد مع كل الناس تقريباً و البقاء معايا يرتبط بطول البال و ان الشخص يبقى عارف ان ده مش تجاهل ولا برود مني لكن هو انا مخلوق كده و بحاول اشتغل على نفسي عشان اظبط الموضوع ده بس it takes time 🫡
والله انا بتراضى بكلمة وبسامح وانسى باعتذار بدون عتاب تقيل وممكن اتغاضى لو حد جه عليا لو هو حاسس وعارف فعلا انه جي عليا
شخصيتي ابسط بكتير مما تتصور لكن لو قلبت مش سهل ارجع تاني زي الاول
مرة زميلتي في الشغل سألتني "انت ازاي هادي كده ودايما محافظ على ثباتك الانفعالي" وكانت اجابتني اولا چينات ابويا وثانيا لان احيانا مفيش حاجة تستدعي الانفعال واهدار طاقتي عليها وإني بكبر دماغي واتجاهل اي حاجة تزعجني طالما مالهاش لازمه
ازاي بجد الناس بتعرف تركز في المذاكرة و حوليهم دوشة وناس رايحه وناس جايه، حتى السماعات في ودانهم ازاي مش بيتشتتوا 🤔😂
وليه اصلا اذاكر في مكان زحمه و دوشه🤷🏼♂️
الحمدلله الواحد ماعندوش اي مميزات مادية تخلي الناس ال fake و بتوع المصالح يقربوا منهم و الدايرة تصغر و تقفل على اللي بيحبونا لشخصيتنا و روحنا الحقيقية، حضن كبير لهم ❤️