صج طالبين ١٥٠ طبيب من كوبا حق الكويت ؟!؟
ليش !؟!؟! فوق ال ٥٠٠ طبيب اللي تسكرت عياداتهم و مستوصفاتهم و انا وحده منهم قاعدين لا شغله و لا مشغله .. ومسجلين أسامينا للتطوع و محد كلمنا ...و لازلنا رهن اشارة وزراة الصحة !!!!
موفاهمه الصراحة شنو قاعد يصير !
@DrBehbehaniAM
انا خذيت ثنتين و تأذيت صراحه .. ما أظن راح آخذ الثالثه و لا اي جرعه .. و عساني ما سافرت و لا رحت مول و لا اداوم و لا اطلع و لا ابي شي .. زهقت و لاعت چبدي صراحه و موفارقه معاي😏
عندي ديسك برقبتي
و الألم ذابحني
و دكتوري عيادته مسكره
تواصلت معاه قال لي مؤقتا إخذي هالحبوب المسكنة للألم ( قويه حيل)
خذيتها و صارت معاي حالة انهيار عصبي و اكتئاب و وقفتها
واللي يرحم والديكم ردوا العيادات
اذا ما بنموت من كورونا بنموت من الأمراض الثانيه😢😢
لا يوجد أحن من قلب أمي علي
و لا يوجد بيت يحتويني مثل قلب أبوي
و لا يوجد قلب يخاف علي و يحب لي الخير مثل قلب اختي
و لا يوجد قلب يسندني و يفزع لي مثل قلب أخوي
اللهم احفظ لي اسرتي من كل شر و اكتب لنا كل خير كله يا رب ❤️
@Almajlliss
كل من يفسرها حسب وجهة نظره.. من وجهة نظري فإن هذه المرأه بعفويتها و قلبها الرحوم الأجدر بنا جميعا الإقتداء بها ... ربي يجازيها كل خير و أروع و أول جزاء دعوة الشيخ المسن بهذه الدعوه " الله يريحج بالجنه" .. ربي ارحمنا جميعا برحمتك❤️❤️
أتمنى من وزارة الصحة إنهم ينزلون قرار بإعادة فتح العيادات و المراكز الطبية في وقت الحظر الجزئي بعد العيد
مع الإلتزام بإجراءات الوقاية
أتوقع إحنا (كأطباء )شهرين و نص قاعدين بالبيت كافي علينا
#باسل_الصباح
#وزارة_الصحة
#وزير_الصحه
ماشفت دولة تعاملت مع الوباء مثل الكويت
خطط كاملة، واضحة، مدروسة
تجهيزات مهوله
قرارات حازمة
مخزون الطعام ممتاز
وزراء يداومون مع الموظفين و المتطوعين بالمواقع
الديرة عزتنا ... الله يعزج يا كويت ❤️🇰🇼
بعد اللي الزحمة و الهوشات و التجمعات اللي صارت اليوم على الغاز و الجمعيات
كل اللي سوته الحكومه بالشهرين اللي فاتوا راح
اللي ما تعادى طول هالفتره .. اليوم خذا الفايروس و راح ينشره
شنو فايدة الحظر الكلي اليوم !
ما ضايقتني الكورونا قد ما ضايقني :
١. ال show الماصخ و اللي بزياده اللي قاعدين يسوونه بعض الناس
٢. كمية الأحقاد اللي قاعدين نشوفها بوسائل التواصل الإجتماعي و تراشق الألفاظ
٣. العنصرية و الطائفيه
٤.و ان كل من صار طبيب فيروسات
للتذكير : ترى إحنا ليلحين برخاء
هناك أمراض جلدية تصير بسبب الحاله النفسيه .. مثل :
الإكزيما العصبيه ( حكه شديده ليس لها سبب عضوي ) و ما يرتاح المريض الا لما يجرح نفسه و يطلع دم من المكان اللي يحكه ..
نتف الشعر القهري : يقوم المريض بنتف شعر الرأس…
من الأجدر أن يقوم أطبائنا في الكويت المتخصصين بعلم الأوبئة بتدريب كل الأطباء بأساسيات التعامل مع المرض .. في النهايه إحنا كلنا أطباء درسنا ٧ سنوات طب و ٥ سنوات بورد و بعضنا سنتين زماله أيضا
و كل من له تخصصه.
في الأزمات كل الأطباء من جميع التخصصات ينزلون الميدان
لما تفضفض للشخص الصح و اللي يفهمك..
١. يكون مهتم لأمرك و يسمع لك بتركيز
٢.ياخذ كلامك الملخبط و يحاول يرتبه
٣.يعطيك الحل اللي يشوفه مناسب
ملاحظه: لا يمكن تلاقي هالصفات بشخص ما يحبك
دايما نقول " إن بعد العسر يسرا"
و لكن رب العالمين جل جلاله يقول " إن مع العسر يسرا" صدق الله العظيم
لا تقول "بعد" العسر يسر
الله سبحانه و تعالى ضمن لك اليسر "مع " العسر
تصبحون على خير 💐