يالله أنا طالبك من قلة الحاجه
عن منة الخلق وأنت الخالق المعطي
تمنعني من الزمان الشين وأحراجه
أنت الذي فزعتك عجله ولا تبطي
بابك يارب البشر ماصك مزلاجه
من قو رحمتك تغفر زلة المخطي
أبوبندر العبدلي
على شاطي بحر حبك تعلق قلبي الملهوف
أهيم بغبته والموج خاواني ،، وخاويته
توهقت بغرامك وأنتي أحلامي على المكشوف
ولاينفع معك يازين ياليته ،، وياليته
صحيح أن اللقافه ماتخلي واحدً ملقوف
أنا وش جابني يمه ووداني الى بيته
أبوبندر
المحبه ،، ماتخليني ،، بحالي
لو أدله خاطري عايش شقاوي
ياوجود الحال من وقتً مضالي
من سببها قام يطوى الحال طاوي
ماملكني ،، بالمحبه غير ،، غالي
مير ليت الحب يقسم بالتساوي
#حمود
بعض الرياجيل من طيبه ومقداره
تذبح له الحايل وتنحر له الحاشي
لابان وجه الزمان وبانت ،، أقداره
ودك تحطه يمينك ويهبا اللاشي
الوقت دوار ،، والأيام ،، دواره
يوم الردي لاحتمى الميقاف ينحاشي
#حمود
أنا مطيريً من عيال ،، عباد
قيبلةً ماحدً يقدر ،، علاها
يشهد لها تاريخ نجدً بالأسناد
بين القبايل عاليً ،، مستواها
أفعالها تروى على روس الأشهاد
لاثارت الهيجاء ودارت رحاها
حنا مطير أهل الفعايل والأمجاد
أهل الثلاث اللي بعيده مداها
أبوبندر
وصلت حبل الوصل والا انت قطاع
تقطع حبالً بالموده ،، جويده
لاصرت ماني ياهوى البال طماع
تبحث خفاي وجرح حبك تزيده
حظً رماني تالي الوقت ،، ماطاع
ناره في وسط القلب شبت وقيده
أبوبندر العبدلي
عيديتي شوفتك ياناعس الطرف
وأعايدك قدام عيد ،، القرابه
مالي عذر لوأنته تقدر ،، الظرف
قربك دوى قلبي وبعدك عذابه
عيدك مبارك يأريش العين يالترف
يانور محبوبك وزهرة ،، شبابه
الشاعر اللي لا جلك يطوع الحرف
يبعث مراسيم الهوى في كتابه
أبوبندر العبدلي
بان الصباح وبح في ،، عيني الشوف
والقلب صكات،، الليالي ،، تحيطه
ليلً سهرته ،، كله أهات ،، وصدوف
ياللي ،، تقولون ،، المحبه ،، بسيطه
مانساه لو أن الزمن ،، كله ،، ضروف
مادمت عايش فوق سطح البسيطه
وأنا ،، على صمام الأمان ،، والخوف
يمكن أضيّع ،، موقعه ،، فالخريطه
أبوبندر
ذقت الكسيره عقب موته والأمرار
والحزن غيّم فوق راسي ……سحابه
فقيدي اللي يكرم الضيف ….والجار
أقفت من الدنيا طلايع…………ركابه
مالي مجال ألا انت ياوال.. …الأقدار
تقبل وتجعل دعوتي…… ..مستجابه
عسى فقيد الروح من ضمن.. الأبرار
وسط الجنان مع النبي ….والصحابه
أبوبندر
هاذي سنه والعمر تمضي لياليه
متى يجيني رافقته ،، السلامه
يفز قلبي كل ماجبت طاريه
أموت في حبه وأعيش بغرامه
والله ليبطي حي مانيب بناسيه
حتى على العالم تقوم القيامه
قلبي يحب اللي يحبه ويغليه
غروً رقى بالزين عرش الزعامه
أبوبندر العبدلي
بدر التمام اليا بدى نوره
يغيب نجم الليله الظلماء
سبحان ربً صور الصوره
وأكبر دليل آياته العظماء
ماكنه الا ياعرب ،، نوره
اللي مواردها قراح الماء
الدار لابد ،، أني ،، أزوره
يابعد أهلنا عن جبل سلماء
#حمود
البعد والله بعدنا عن محياه
ماهو ببعد الدار والا المطاريش
اللي لو ندور مانلقى حلياه
راع العيون الناعسات المراييش
اللي حداني حده الله على أقصاه
وأنا بليا شوفته ما أقدر أعيش
أفرح ليا جاني مع الناس طرياه
فرحة فقير المال في لقمة العيش
#حمود
الهجوس اللي بصدري أستهلت
مثل همالً من السحب الروايح
في مدح قومً على الطاله تعلت
ماخذوها غير من طيب المدايح
مثل عزوة روق عيني ماتحلت
ومثل برقا لادعى للحرب صايح
صفرً مع المطران دايم….تسيّد
الله خلقها فوق عرش ..الزعامه
ماقول غير الله يرحم…... قعيّد
عودً فعل يمناه يسبق……كلامه
جاب أحمد اللي في دروبه تقيّد
نظام أبو منصور يبقى ….نظامه
علم منافسنا ولو كان……..جيّد
مطير حمران النواظر……كعامه
أبوبندر العبدلي
غنيت طاروق المحبه بالأشعار
من زود حبي للغضي وأشتياقي
أنا الوحيد اللي عليه الزمن جار
عقب الغياب المر والأفتراقي
صابر ومتحمل على كل ماصار
لعيونها بأقدام رجلي وساقي
أبوبند العبدلي
#بوح_اخر_اليل
ياحظ لندن فيك ياناعم الروح
والله يسهل دربك ،، ويعتنيبك
بعدك يزيد القلب ياعمري جروح
لكن حاول لا يطوّل مغيبك
خليت يمك باب الأشواق مفتوح
عسى نصيبي يتفق ،، مع نصيبك
كلمة أحبك داخل عروقي تفو��
هاذي مشاعر صادقه من حبيبك
أبوبندر
الغياب اللي بليا أسباب هجران ومصده
ليه ماتصدق مع اللي راح في حبك وتاوي
عقب ماكنا تحت ظل المحبه ،، والموده
كيف صار الصد والهجران والبعد متساوي
يوم أشوف البرق يلمع كن لونه لون خده
والله أنك صرت لي تال الزمن ذنب بلاوي