الناس اتحمست وفي ناس كتار بسألو في الدي ام
ودي حاجة كويسة
حرد عليكم واحد واحد
بس عشان ما اكرر الكلام وارسلو نفسو, في حاجة لاحظتا انو في ناس قرايتم ما لمتم مع الكود وعايزين يتعلمو, وفي ناس في مختلف السنين في الجامعة بقرو IT CS وفي ناس اتخرجو IT CS وما عارفين يعملو شنو
طيب:
مع كمية صور البنات السمحات الانبهلت في التايملاين دي ياريت الشباب يبدا يركز في العقلية, ما الشكل لانو ماف بت شينة..
البت العقليتا زابطة بترتبك وبترتب ليك حياتك عكس العقليتا متخلفة, البتجوط وبتخرب ليك حاجاتك البتحاول تعملا وتخلق ليك هموم من العدم..
ماف بت شينة يخوانا
شين المخ بس..
دايما في النقاش بتاع "ياتو نت احسن! اشتري شريحة داتا زين ولا سوداني!" وفي النهاية من الونسة بتمشي تجرب..
من شهر 2 لي شهر 5 الفاتو انا بجرب وبفتش على نت محترم ويكون stable وما يحرجني في الشغل الاونلاين، سالت من اي شي ممكن ودي الخلاصة للناس البتفتش، اعتبرو market research مجاني:
رمضان الفات كان نقلة كبيرة بالنسبة لي من ناحية الknowledge ، مع الحظر والقعدة الساي قدرت اقرا اكتر من 10 كورسات في المجال بتاع شغلي، بي سبب ال10 كورسات ديل بقيت قادر اني اشتغل مشاريع براي وشهر 2 الفات كان اخر لي شهر مع الوظيفة "ان شاء الله للابد" وبقى في وقت تعمل
دا مضوي
امكن ما تعرفو الاسم، لكن اي زول شرب شاي لبن بلقيمات في ١١٧ "عبدو-بيتنا" شرب الشاي باللقيمات البعملم الزول دا..
حصلت ليو مشاكل هناك وفتح محل حقو براو قدام البرج الابيض "اوماك مع النيل"
زول عزيز علينا جدا، فااا فضلا وليس امرا، رتويت واصلوهو وكلمو اصحابكم..
قبل كم يوم شفت تويتة البت المصورا قروش وكاتبة انو دا المرتب
البت طلعت full stack developer يعني بتشتغل websites او mobile apps وغالبا freelancer ودي قروش مشروع
العايز اقول, انو contracts المشاريع كلا بتكون بالدولار او ما يعادلا سوداني
اقل مشروع بشتغلوهو ناس الويب ديل بكون بي
بعد العيلفون ماف "قرّبت" تاني
اذا ممكن تطلع من الخرطوم اطلع بدون ما تتردد، البيت ما اهم من الروح
واذا عندك مقدرة وفي احتمال ولو بسيط انك تلقى شغل برا السودان سافر طوالي، الحرب بي شكلا دا مستمرة بالسنين الا اذا حصل تفاوض
ماف حسم عسكري وماف جغم وماف بل
دا وهم ما مفروض زول يصدقو
شباب انا واخوي فتحنا محل ملحقات كمبيوتر، اذا شركتك او الشركة الشغال فيها محتاجة جهة توفر ليهم احتياجات الاجهزة، راوترات، سويتشات، احبار وغيرم اتواصلو معاي ما حقصر معاكم
ولو عايزين تسالو من سعر اي حاجة اضربو في 0120040027
حندي هدية موبايل واي فاي
اعمل رتويت بس وبالتوفيق
مما البت سألت "ليه عبيد الجيم ما قاعدين يظهرو في المواكب؟" وانا السؤال دا مشغلا لي وما لاقي ليو اجابة
مقتنع انو العضلات المنفوخة دي بطالة وخيابة، لكن ما لي درجة الناس تدس
يدكم معانا يشباب، والله شباب غاضبون ديل بناطلينم ناصلة من الضعفة، شينة في حقكم
ختيت التويتة دي في بالي قلت ارجع ليها يوم واكتب كلام ممكن يفيد جزو كبير من الشباب..
نجاحك في حياتك البعد الجامعة بعتمد كل الاعتماد على علاقات الاجتماعية -في شوية تحفظ حذكرو في الاخر-..
اتخرجت من اسكول بي third "اي -مقبول- الواحدة دي" وشلت 9 مواد فترة الجامعة وكنت قريب شديد من
البنات كانو في المواكب اكتر من الاولاد في اي موكب مشيتو، عايزين تمنعوهم من الاعتصام عشان لبس وطرحة يا خولات!! ما كفاية الاعتقالات والاهانة والفارغة السمعوها من كلاب الامن!؟
المعركة الحقيقية والمرحلة الاخيرة من الوعي انو نطلّع الكوز الجوا اي سوداني..
البت لمن يكون عندها مشاعر تجاهك بتكون ما شايفة انو عندك عذر ما ترتبط بيها, واي عذر بالنسبة ليها قبيح, في حين انو في اسباب كتيرة بخلي الواحد مستبعد فكرة الارتباط.. "انو عارف روحو حيموت في ال20 ما من الاسباب دي"
المجلس العسكري ما جاهز لي تصعيد الاحياء الحيحصل بداية من الليلة المسا، المليونات كانت ممشية البلد يومين تلاتة في الاسبوع، بعدا شلل تام وتتريس مستمر وعصيان مدني شامل..
الموت ما بزيدنا الا قوة ونهاية البرهان بقت لينا اقرب من قبل
مصطفى جري ماشي في انو يبقى واجهة اعلامية للشباب, ومسألة وقت ويصل العالمية.. ولس في واحد ماسك تلفونو اليوم كلو وعامل فيها معرص بكتب "لو جري بضحكك اعمل لي انفولو"
ياخ اشتغل على نفسك يا انسان بدل النبيح في الناس
كل سنة وانت طيب يا طيب في المكان الطيب 💕
مشيت ولس في باقي ضحك ما ضحكناو
وطلعات ما طلعناها
وكور ما حضرناها
وتمارين ما اتمرناها
وكشتينة ما لعبناها
حنتذكرك في اي حاجة بنعملا يا حسن :)
شباب انا طلعت الحمد لله
شكرا ليكم ما قصرتو ابدا والله
حصلت حاجة غريبة.. وانا طالع من المعتقل فتحت الواي فاي, ناس الجهاز قدرو يصلو لي اي حاجة عملتها مما فتحت التلفون, حتى رسايل الوتساب,, حعرف technically الحاجة دي كيف حصلت وارد ليكم بعد اتاكد اانو ما حيقدرو يقرو اي رسالة ارسلا
صباح الخير
بقى صعب للدين تعوض الممتلكات البتفقدا فحافظ على حاجاتك..
تلفونك، لابتوبك، شنطتك واجهزتك كلا
لو سايق اعمل حسابك، الاسبيرات بقت ما بتتهبش، واتجنب الحوادث وما تتهور في السواقة..
الاهم من ديل صحتك، بنسمع قصص عجيبة عن المستشفيات وانو ماف علاج، حافظ على جسمك وسلامتك..
٣٠ يوم مرت على #مليونية6ابريل واول يوم في #اعتصام_القيادة_العامة
كنت من المحظوظين الكانو في موكب القيادة "صينية بري" من لحظاتو الاولى ومن اوائل الناس الدخلو القيادة،،
ثريد: توثيق شخصي لاول ٥ ساعات في الاعتصام:
كيف اقنع الزوجة المستقبلية اني يوم السبت بقعد قدام الشاشة من الساعة ١ ظهر لحدي ١١ بالليل قعدة واحدة متواصلة بدون انقطاع بحضر كورة ورا كورة!! وانو يوم السبت ما يوم مرقة! 🙃
ام العيال لو عملت صحن شطة بي عيش حناقبلا بالتعريص
الللللللله علييييك ياااااا ست الناااااس 😭😭💕❤️
ياااااا اللللللللللللله 😭😭😭❤️❤️❤️
هو في شطة حلوة كدا!! 😭😭😭❤️❤️❤️❤️
يااااا سلااااااااااااااااام 😭😭😭❤️❤️❤️
اقسمبلاي الشطة يحردوها ليك يا قلبو 😭😭😭❤️
وي وي وي وي 😭😭❤️❤️❤️
لمن القى زول اتأثر بي التنمر و وهم التايملاين دا ونفسن بي سببو بجي طوالي في بالي سؤال "يا جماعة كيف بتشتغلو بي كلام ناس ما بتعرفوهم!؟ كيف يأثر فيكم!؟"
الاجابة كانت عند روتشا لمن قال "في ناس حياتم هشة للدين يا مان"
فااا العايز اقولو لو ما قويتو بياكلوكم..
تصبحو على خير
الذكرى كانت مكالمة من رماح كمال بالظهر:" طحنية اتوفى يا عمار والجثمان في امدرمان والدفن في الرميلة"
ما صدقت وفتحت القروب اتاكد وبعديها ضربت لي غبوش وبكينا
وفاة طحنية اصعب خبر سمعتو والله
سيرتك الجميلة كانت حاضرة بينا طول السنة يا حسن
ربنا يجمعنا بيك في الجنة يا طيب
جدلية الانسان السوداني الشرموط الما ناجح وما عايز الناس تنجح..
نحن في دول العالم التسعطاشر صعب نعمل فكرة حقتنا، اي فكرة نفكر فيها الخواجة عملا قبل ١٠-١٥ سنة
وجهات النظر والافكار وطريقتنا في الكلام هي البتغير شوية في الفكرة..
بطلو شكشكة يخوانا الله يرضى عليكم..
مشيت من الحاج يوسف لي امتداد ناصر مرتين الاسبوع دا، مرة قبل الاشتباكات العنيفة حقت امبارح واول امبارح، ومرة الليلة، مشاهد من الشارع للناس الما قاعدة تطلع:
- الحركة بالرجلين والمواصلات عادية جدا وما فيها اي خطورة، في ارتكاز دعم في كبري المنشية جهة الخرطوم، لو ماشي برجلينك
قنابل صوتية وقنابل ضوئية فوقك
بمبان تحتك
دوشكا شمالك
رصاص يمينك
فجر 8 ابريل.. حقيقي الواحد وصل قمة شجاعتو.. دا كان الموت بي عينو..
خوف مافي يخوانا✌🏾
والما بقتلك.. بقويك
#save_waleed
#انقذوا_وليد
احتجاجات امام السفارة المصرية ومطالبة باطلاق صراحو هي الحتضغط اكتر
حكومة شنو التتخذ اجراءات! هي وينا الحكومة زاتو!
لازم جهة تنظم الاحتجاجات دي يخوانا وتحدد يوم
والشباب قدام
اشتقنا للاشتباك زاتو
بعد كتبنا التعهد قالو لينا في تصوير
ياخوانا التصوير لشنو يعني!؟
الضابط قال حندس بيناتكم ناس يصورو في المظاهرات, لو وشك دا جانا مشكلة..
يا جماعة الناس البتصور, ما تصورو وشوش الناس ياخ
صورو فوق, الشارع, الكرعين, اي شي لكن ابعدو من الوشوش
ياخوانا العلاقات دي عندها ناسا والله
ناس بتعرف تهتم وتحب
لمن تحس انك ما من نوع الناس ديل اكسر الحنك واعتزل العلاقات ياخ، الشغلة ما معافرة..
لحدي ما الله يسهلا قدام 😂
اشتغل على نفسك يا انسان عشان حياتك تتصلح شوية، التايملاين والهبد الفيو دا ما حيقدمو ليك حاجة، ما حتزهج من انك تعاين للصور والفيديوهات، مالم توقف الحاجة دي انت..
اتعب عشان ترتاح، ما ممكن تكون عايز قروش وعايز تسافر وانت اليوم كلو ماسك التلفون..
صباح الخير..
ياريت الناس البعملو افلام وثائقية عن الثورة يتفادو صورة الاء دي وما يدخلوها في اي فلم من افلامم، لانو الزولة دي حرفيا ما عندا علاقة بالثورة..
هذا ما لزم توضيحه..
"مليون ناقص واحد = صفر, بالنهار
مليون ناقص واحد = صفر, بالليل"
الناس البجو بالنهار يتصورو ويتونسو وماخدين الموضوع برنامج, نجاح الاعتصام وثباتو في الفجر بعتمد على وجودك انت شخصيا,
الاولاد, البحصل الفجر دا بقويكم والله, اقعدو والجيش حامينا
"الليل الليل يا ليل, يا حلاة الثورة بليل"
13 نوفمبر يوم صعب، صدقينا هاشم اتصاب والمستشفيات مليانة بالمصابين، الثوار يسقطو قدامك تركبم في الاسعاف وطوبة في يدك وطوبة في الترس،عنف مفرط وكالعادة شجاعة كبيرة من الثوار
رغم انو يوم صعب الا انو حيدينا دفعة قوية انو نواصل عشان اصحابنا الاتوفو والمصابين، ويا نجيب حقهم يا نموت زيهم
الواحد ما اختفى من التايملاين بي سبب الاعتقال الحصل والخوف، لكن دايما وابدا الثورة بالنسبة لي في الشارع، عندك صوت انزل قولو في الشارع..
حتى في السوشيال ميديا لو ما عايز تتكلم في الثورة اسكت ما تكتب حاجة..
التايملاين ما مفروض يكون فيو حاجة غير الثورة يا العارفة الحصة وطن لكن .....
وزي ما بقول دائما
الدي ام فاتح لي اي زول بقرا IT & CS او خريج وبحك في راسو وما عارف يعمل شنو
رسل لي وبتونس معاك وبوريك الانا عارفو كلو
كل التوفيق للناس كلا
السعادة البتجيك من الworkout والتعب في جسمك ماف سعادة قدرها, لا سعادة قروش لا سعادة علم ولا اي شي..
تحدي الاشتباك مع جسمك دا اصعب تحدي بواجهك في حياتك بدون منافس..
الناس البنجحو يتغييرو ديل الواحد بقيف ويصفق ليهم
فيديو مبهج من الصباح 😘
مبروك على السودان شبابو والله
لجان المقاومة وحملات النظافة وتفتيح المجاري..
"نضافة وي وي وي وي وي وي
وساخة ااااااه ويييييين يااااااا"
..
شعار "حنبنيهو" دا اجمل من شعارات الكيزان في ال٣٠ سنة مجتمعة
صراحة الواحد حاسي بي خذلان شديد تجاه الوطن ودورو الوطني من بداية الحراك والثورة.. الخذلان حيكون اكبر لو ما شاركت في المسيرة الليلة..
انا في طريقي لي ابو جنزير وحوثق اي حاجة تمر بي تحت التويتة دي..
الساعة ١٢:٢٨
#الحصة_وطن
#مدن_السودان_تنتفض
المشكلة انكم قايلين انو المسرحية دي معمولة ليكم انتو يا ناس تويتر وفيسبوك :)
المسرحية دي لي ناس الاقاليم واهلنا الكبار الما عندهم غير تلفزيون السودان..
متأكد بكرا الصباح الوالدة حتقول لي وسطتكم مندسين ضربو العساكر، الاعتصام دا خطر ما تمش..
وعّوا الكبار الشباب دربم مرق..
اذا الشعب قدر يستخدم تطبيقات العقارات والاسواق الالكترونية والتطبيقات البتقدم خدمات مباشرة "المنتج - العميل، البائع - المشتري"، حيقطع شوط كبير في تقليل التضخم الناتج من السماسرة..
باختصار التكنلوجيا حل، لكن التحدي الاكبر انو الشعب يثق فيها ويبدا يتعامل بيها..
طلعت من امتداد ناصر جيت الحاج يوسف الردمية، الحياة طبيعية بصورة غريبة، الفرن شغال بتاع الخدار ببايع الناس ماشة في الشارع الشباب بلعبو ضمنة
دخلنا البيت لقيناهم فاتحين الجزيرة وبحضرو في الاشتباكات النحن جينا زايغين منها
ههههههههههه ما بتقدر تمسك الضحكة والله
كطالب او خريج عندك علاقة بالComputer Scienses في الزمن دا انت محظوظ جدا
حاول شوف الfields التريندينغ عالميا وامشي عليها وما تشتغل بالسودان
الAI الML الData Science
الNew Platforms زي Django و Flutter
والNew Technilogies زي الIoT و الAWS
ادي نفسك ساعة كل يوم شوف المجال وصل وين
لحدي اخر لحظة قبل بداية ضرب البمبان في شروني افراد الشرطة كانو واقفين بدون اي اشتباك، اتراجعو لي ورا واتقدمو مكانم قوات الاحتياط المركزي، وهم الكانو المنتشرين اكتر جوا الاحياء وبضربو
الاحتياط المركزي مشحونين كراهية عجيبة ضد الشباب، دي ما تصرفات زول دافعين ليو بس
خصوصا في المشاكل
لو صحبك او زول انت معاو في علاقة حصلت بينكم مشكلة وقلت ليو نتلاقى نحل مشكلتنا ورفض، اكسر حنكو وما تفكر فيو تاني
الناس تبقى mature يخوانا وتصاحب وتحب ناس mature
مشيت قسم الكهربا قبيل افتح بلاغ لقيتم ما شغالين، سألت واحد لس مضربين!؟ قال لي الكيزان لس قاعدين وبهددو فينا، بعد دا يا نحن يا هم
اتبسطت للدين
كهربة بيتنا من ٣ صباح قاطعة
والمكتب كهربتو ضعيفة
مسألة وقت والسودان كلو يضلم
الشعب واقف مع الكهربجية لحدي ما مطالبم كلها تتحق ✌🏽
تجمع المهنيين بقطاع الكهرباء
بيان مهم
إلى جماهير شعبنا الصابر والظافر
ظل الشعب السوداني صابراً على التكتلات السياسية والقمع والظلم والفساد المالي والإداري في ظل الحكومة السابقة حتى تفجرت ثورة التغيير التي علّق المواطن عليها آماله وتطلعاته لتحقيق الأهداف المنشودة.
صباح الخير وجمعة مباركة لابناء جيل التغيير..
٤ اسابيع من التظاهر، لا طرمبة اتحرقت ولا حتى قزازة اتكسرت.. نحن ما مخربين، ولا مفسدين، ولا خونة يا البشير،، نحن واعين، وفاهمين، وبنحب بلدنا..
ادي الشباب فرصة خليهو يبنيهو البيحلم بيهو يوماتي
ثوار احرار، وحنكمل المشوار ✌🏽
سنة اجمل من المتوقع، عملت فيها جزو كبير من الحاجات الكتيرة المفروض انجزا..
كمية من القرارات والتحديات والمداقشة مع الحياة والواحد حبة حبة ماشي على الحاجة العايز يصل ليها..
كالعادة سنة سعيدة بوجودكم 💕
لمن يهمه الامر: عمار الامين سعيد لابعد حد..
Some happy pics for a happy day 😊
صباح الخير لناس الIT, Computer Sciences, EEE and related fields
السوق السوداني فجأة فار في موضوع الERP بالتحديد الOdoo
لي شهرين ما بمر اسبوع بدون ما زول يضرب لي عايز زول اودو، غير الوظائف البشوفا شبه يوميا
نهاية الاسبوع لو لقيت وقت ححعمل ليكم ثريد اوريكم حاجات كتير في الموضوع دا
صباح الخير
قاعد في قروب معظمو developers
بنزلو job في القروب وبقول المرتب 15 الف "مثلا"
الناس بتدق جرس "بسيطة يااااا"
18 الف! "الresponsibilities كتيرة"
شركة في KSA او UAE الشغل هنا المرتب 20 الف "20 بس! اقل من الف درهم!"
وقمة التحشيش والضحك 😂😂
فعليكم بالكود يا ناس الIT و الCS
الليلة موكب القصر اتهزم بعد انتصارات كتيرة، لجان المقاومة بتكرر في نفس الموكب لاكتر من شهر، فطبيعي العسكر يحاول يلقى طريقة يهزم بيها الموكب، ويستعمل العنف والرصاص
لازم ننوع طرق المقاومة ونشوف اساليب موازية وموكب القصر يكون في يوم يتم الدعوة ليو وتشارك فيو كل اللجان ويكون موكب ضخم