ثريد صغير عن بعض اللي صار بهيج ايام 2007
اولا اني اعتبر نفسي من المحظوظين بهاي الدنيا مو مثل هواية ناس صارو بنفس الموقف وما حالفهم الحظ ان يطلعون منه سلامات
7:30 مساءا تطفى الجوزة علينا بالبيت بدون سبب طلعت اشوف شنو القضية طلعو اكو مسلحين ينتظرون واحد يفتح الباب علمود يدخلون
اعيد واكول:اغلب الموجودين هنا داخلين تويتر ومعتبريه چايخانة، دفتر مذكرات،وسيلة هروب من مشاكل الحياة الواقعية، تشوف ناس تحجي ويا أصدقائها وناس تحجي ويا روحها وناس مرات سوالفها مالها اي معنى فلا تحكم عليهم من تغريداتهم لان احتمال مستواهم العلمي او الثقافي أعلى بهواية من مستواك..😊
يا اخي تحس نفسك مسوي انجاز انت وجماعتك من تتفقون تطلعون صديق من أزمة نفسية حادة وادمان على الحشيش على مدى ست أشهر بدون ما يدري هو ويتحول إلى فرد منتج بالمجتمع واليوم طلع تعيينه بشركة محترمة بمجال هو عبقري بيه... 😊
عندي سؤال بس بالله لا خبيث ولا شي مجرد استفسار :
ليش التركيز والانتقاد منصب على الدكاترة والمجتمع الطبي بشكل خاص.. ليش مو المهندسين او المحامين او غيرهم (بشرفكم لحد يكوللي الغيرة والحقد لان هذا سبب مو مقنع )
اكلات لا فائدة منها والمفروض اللي اخترعها يعتقل وينفى إلى جزر المحيط الأطلسي
-المسموطة (اهل البصرة شجاكم)
-الفسنجون
-الطرشانة
-الشجر بكل أنواعه الأحمر والاصفر
-مركة القرنابيط (هاي وحدها المفروض يتعلگ الي اخترعها)
-الباجة وتفرعاتها (الكراعين والمصارين والملاعين)
.
شكرا لاستماعكم
عزيزتي #وزيرة_الاتصالات #هيام_الياسري.. عندج علم انو خدمة الانترنت بالعراق هيه الأغلى بالعالم نسبة للسرع اللي تقدمها؟ 5 ميكابايت بالثانية ب50 دولار في حين اخذ بنفس الفلوس تقريبا تسع أضعاف هاي السرعة برة العراق؟ يا ريت تركزين على هالموضوع اكثر ورة شغلة حجب المواقع الإباحية 😊
معلومات عامة غير مهم رأيك بيها لان مرح يغير حقيقتها
-ام كلثوم صوت اسطوري
-كاظم الساهر مغني عظيم جدا
-ميسي لاعب اسطوري
-رونالدو لاعب تاريخي
-الباميا افضل اختراع طلعت بيه البشرية
-الشاي أطيب من القهوة
-الباجة وملحقاتها المفروض ما تنأكل
.
شكراً لاستماعكم نأسف لازعاجكم نعمل لخدمتكم
خطوات الخروج من الدين الإسلامي
1- تصحى الصبح
2- تراجع دائرة الجنسية بالرصافة الثانية
3- تكفر بشكو دين ومذهب سماوي وغير سماوي
4- مبروك لقد خرجت من الدين الأسلامي
عشرة كل سنة علمود تحيون الذكرى وتعيشون على الاطلال مالتها خو سوو ثورة غيرها وبكل شهر حتى تتحقق مطالبكم سوو ثورة أكتوبر ونيسان وحزيران وتموز.. رح كل سنة تتحضر العالم والحكومة تتحضر وتفشل كل خطط هالشهر .... مثل ما گال ولد صديق عزيز هنا تشريني اصلي( تشرين ماتت واكرام الميت دفنه) 😊
جماعة الولائية:
صحيفة الشرق الأوسط هاجمت السيد السيستاني السموات شعلتوها عليها سويتو هاشتاك طالبتو بطرد الصحيفة وضربتين جزاء واربع لفات فلافل.
هسه صحيفة إيرانية هاجمت السيد السيستاني ولا نفر منكم فتح حلكه وكال ليش ولماذا هكذا زين
استنكرو ،سوو هاشتاك ،گحو،عطسو زين بالقليل تريعو؟😒
وزيرة الاتصالات الدكتورة هيام الياسري:
بيانات المواطنين في النظام المروري خط احمر ولا نسمح بخزنها في سيرفرات خارج العراق إطلاقاً.
# موقف يستحق الاشادة.
للتذكير فقط....
ماكو فد شي بالكوكب اسمه بانية... الاسم الصحيح (((بامية))) التاريخ والسموات والأرض وgoogle وwikipedia كله موافقة على هالاسم.. اذا تتفق ويايه اهلا وسهلا اذا ما تتفق فأني ديمقراطي ومن حقك تكول رأيك ومن حقي اضربك بلوك 😌😌
يقتلني ويريحني لأن بعد ما أكدر اتحمل ، لما هدأت الدنيا وراها كمت اتلمس اريد باب لكيت الخلفيه مال المطبخ شبه مفتوحة كسرتها وكدرت اطلع منها شفت الامريكان واكفين رحت سلمت نفسي الهم وهاي أيضا قصة طويلة عريضة 😊(بالمناسبة هاي نسخة منقحة شلت منها هواية تفاصيل لأن مابيه حيل اكتب اكثر)
من تمر عليك #فاجعة_الحمدانية لا تظل تسأل وتستفسر هذولة شنو اصلهم شنو فصلهم مسلمين لو غير مسلمين، الي راحو هذولة بشر اترحم عليهم و��نجب واسكت..انا لله وانا اليه راجعون ولا حول ولا قوة الا بالله العلي العظيم... الله يرحم الماتو ويمن على المصابين بالشفاء العاجل
بغض النظر عن المثالية اللي يدعيها البعض ويحاول يصورلك ان احنا شعب حباب واليف ترة الشعب العراقي عنودي يشوف دم سنونه ولا تكوله انت غلط شعب خشن بالتعامل شايل خشمه على غيره يحس روحه افضل من هواية شعوب وميعرف شيريد من الحياة ومحد يعرف العراقيين شيريدون غير الخلقهم
لحد يكمز عليه 😑😒
#نصيحة_اليوم
ابد لا تنشر إنجازاتك ان كان على المستوى العملي او الشخصي بتويتر او بغير مكان ، انشر شغلات سخيفة ونكات علمود الناس تفكر انو انت ما عندك مستقبل لان اغلبهم يكرهون يشوفون شخص دينجح ويتقدم بحياته (عن تجربة)
بعد النقاش انتو منو وشعدكم تبين ان همه جماعة التوحيد والجهاد وجايين ديشوفون احنا ليش بعدنا بحي الخضراء واحنا شيعة بنص سنة. شكم راشدي على شكم بوكس اكلت كدام اهلي اباوع على والدتي واختي يريدون يموتون من القهر والخوف ووالدي الله يرحمه كلشي ميكدر يحجي لان خايف علينا. اخذني الشيخ
اني عندي سؤال نوعا ما غبي وجدي بس تحملوني ويا ريت اللي عنده جواب يدلي بدلوه : حسب نظرية داروين الكائنات تتطور من يكون ألها حاجة لازمة للتطور والا احتمال تنقرض لان ما واكبت متطلبات العصر والبشر تطور من القرد حسب معرفتي. زين ليش باقية انواع هسه وما تطورت القرود الباقية وصارو بشر
كمية التشفي من البارحة ال��وم وأنواع الصفات الي قريتها علينا العراقيين (مجوس صفوين داعسكم الايراني وغيرها ) من الوطن العربي وخصوصا الخليج مثيرة للقرف.. هاي بس علمود تصيرون اوادم وتبطلون تزحلف للعرب و دارك يالاخضر وانتو أهل البيت واحنا الضيوف والقزلقرط الي تقدموه بلاش..شوية ثگل عاد
#معلومة_تقنية
الكل تستخدم عمو Google بشكل شبه يومي للبحث عن شتى المعلومات (عجبتني شتى بصراحة) المهم
هاي شكم معلومة تفيدكم ومن هسه اسف على الإطالة لان الثريد رح يصير طويل بس اتحملوني لان دا أفيدكم 😑
١- اذا ردت تبحث عن شي محدد حطها بين "" للكلمة اللي تريدها علمود يدور بالضبط على
اعيد واكرر.
لا تحكم على شخص على اساس تغريداته، من المحتمل انو هذا الشخص يكون عابرك ثقافيا ومعرفيا بمراحل وداخل لأجل ان يطلع من ضغوط العمل والحياة وشوية يرفه عن نفسه ويغير جو ويتواصل ويا أصدقائه والعالم الي حوله... 😊
سلام الله على تكساس وعلى البيض وعنصرتيهم... اليوم رايح لموقع اجتي صاحبة المشكلة اللي دا اصلحها الها بكل صلافة كالتلي اني خصيصاً سألت على مهندس لازم عيونه زرك وشعره اصفر ما اريد مهاجرين...😊.
.
.
ثانكس يا دنيا 🥴
شوف يا عمي:
#عيد_الغدير_الأغر بالنسبة النا عيد انتماء وتجديد عهد #امير_المؤمنين سلام الله عليه مو مجرد يوم نفرح ونهوس بيه فإن سكتت وما ثرت جدل فكلش فممنونين منك وإن حجيت فبكل الأحوال إحنا محتفلين بهاليوم وما مهتمين برأيك. وبقت بكيفك😊
متباركين يا شيعة أمير المؤمنين ب #عيد_الولاية
ما بين سيارة الازبال باصواتها الرنانة وبين أشخاص يضربون الكرك من صباحية الواحد القهار وشخص ما ينادي كاونتر للبيت مولدات للبيت غراض عتيكة للبيع طحين طحين كاونتر للبيع مولدات للبيع غراض عتيكة للبيع طحين طحين الواحد يصحى من النوم ومزاجه رايق ومرتاح نفسيا ومستعد ليومه بكل إيجابية 😑
ولد عراقي صار عنده حادث وعمليته تكلف 32 الف الي يكدر يساعد فأجره على الله والي ما يگدر خلي يسوي شير بلكي ناس اخرين تساعده والله يحفظكم من كل شر ومكروه
Fundraiser by Altoni Altoni : Surgery to reconnect the urinary system nerve
#gofundme
ها فضت؟ طلعتو شكو عقد نفسية واسقاطات وقيح فكري؟ طلعتو الحسين خارجي وقتله حلال؟ صنفتو على العالم اللي تطبخ وتوزع وتلطم؟ نزلتو تغريدات على القيمة ؟ عدكم بعد شي لو الواحد يرجع يختفي لحد الأربعين؟.
.
..
بس اهم شي احنا اخوان سنة وشيعة وهذا الوطن منبيعه وكل واحد يحترم عقائد الثاني
عندي ملاحظة صغيرة لأن بصراحة طگت مرارتي من المتأسلمين
-لو مسوين حملة لمقاطعة المنتجات الصينية علمود مليون مسلم من الايغور اللي بمعسكرات الاحتجاز واللي ديتحملون شتى انواع العذاب مو جان احسن من متسوون حملة مقاطعة المنتجات الفرنسية علمود كاريكاتير!
ولا شكرآ ولا جزيلاً ئمشوطلعوبرة
يله بشرفكم من هسه صفطوهن ببداية #محرم وطلعو اللي جواكم علمود اخلص من اللغوة لنهاية صفر ليش
- انتو عبدة قبور
-الحسين ميريد قيمة وتمن
-احسن ما تبجون على الحسين وهو سيد شباب اهل الجنة ابجو على حالكم
-شصار لو هاي الناس بدل متروح تمشي لكربلاء تطب الخضراء
.
.. شكو بعد ذكروني؟
اسمعني ابوية انت :
لا تفرح لقاتل ولا تتشمت بمقتول ولا تحرض على شي ولا تركض ورا العالم تعالو طلعو تظاهرو... كل اللي عليك تسويه تدعي للناس الطيبة انو الله يحفظها ويبعد عنها هالشر الي ديصير.. والله المستعان
طلعت قنبلة صوتية والامريكان والجيش العراقي مسوين غارة على هالبلوك. واشتغل الرمي من الجهتين وراها الامريكان قررو يقصفون البيت وفعلا اسمع صوت الهليكوبترات ترمي والبيت فعلا ينرج وبسبب هالقصف البيت يحترك، هنا اني مخي ما كام يستوعب وكمت اصرخ اريد اي واحد يجي أمريكي يخلصني لو إرهابي
للتذكير فقط
1- التذاكر للعبة ريال مدريد باريسان جيرمان انباعت بالسوق السوداء ووصلت التذكرة 63 الف يورو
2- المشجعين كامو يطفرون السياج بلعبة ريال ليفربول وتذاكر مغشوشة وناس ما دخلت
3- أنهيار سياج ملعب بالكويت .
صارله العراق 40 سنة ممنظم بطولة لازم اكو خربطة
.فكونا عاد من تسقيطكم
#معلومة_تقنية
بما انو اليوم ما عندي شغل و عمل فقررت افيدكم بانواع اللابتوبات وبما انو اني اختصاص Dell فرح احجي على اللابتوبات اللي تخص هالنوعية(خفيت صورة الباج لان ادري بيكم رح تعوفون التغريدة وتتنمرون على صورتي) عالعموم:
١- dell inspiron من اللابتوبات اللي يكون سعره معقول نسبيا
#نصيحة_عاتفية جديدة :
عزيزي /عزيزتي. ماكو شي بالكوكب هذا كله يمنع شريكك انو يطلع 3 دقايق من يومه علمود يتواصل وياك الا اذا الهم يشتغل مثلا رائد فضاء بمحطة الفضاء الدولية لو غواص بخندق مارينا .. من يتواصل وياك حسب مزاجه وهرموناته هذا مو شريك هذا ديلعب والأفضل الك تنسحب بكرامتك😊
وصلت أمريكا ٢٠١٠
اشتغلت طباخ، اغسل مواعين، اغسل سيارات،اوصل سيارات بالمطار، حمال مثقف (بالوولمارت) وشهادتي عبارة عن ورقة ومحطوطة لا نفع ولا دفع . ما اشتغلت باختصاصي الا سنة٢٠١٦ ورة ما عادلت الشهادة حسب المعايير اللي هنا
لا تهاجر وتعتقد الخارج جنة
تعب وغربة وصدمة التغيير الجذري
بس بالمقابل راح تتوفرلك شغلات جنت ناسي انه هي من حقوقك كانسان
هاجر بس خلي ببالك راح تنطحن مرات ومرات وراها يلا تشوف الفرق
اللي معتبر الهجرة مثل السفرة للمصايف خلي يكعد ببيته احسنله
نصيحة اخوية.... شمرو ال airpods مالاتكم او انطوها لاخوانك او تبرعو بيها لفريق الهلال الأحمر واخذو الsamaung buds2 pro ومرح تندمون اللهم اني بلغت اللهم فأشهد .
والسلامعليكمورحمةاللهوبركاته 🤓
يعني المسعفين حتى أثناء الحرب وبنص المعركة الهم بعض الخصوصية وما يستهدفوهم مو عاد مستشفى مدني ما بيه غير الجرحى والمهجرين. ماكو بعد اي كلام ممكن ينحچي. لا حول ولا قوة الا بالله العلي العظيم!
.
(جماعة الإنسانية والدم الصخماني ما يفرق عن الدم الفلسطيني رحمة لربكم اكلو نعل)
.
المهم بعد أحداث مريرة صارت ساعة تقريبا 2 بالليل دخل عليه الشيخ مالتهم كاللي رح ننفذ بيك ورة صلاة الفجر، صلي ولو صلاتكم انتو ما مقبولة بلكي الله يغفرلك، اني هم صليت وحطيت راسي على المخدة انتظر المصير المحتوم. ساعة 3 الصبح اسمع صوت شي ثگيل ينشمر بالكراج اللي بصف البيت وراها صوت قوي
من الأمور الجيدة في الحياة أن تكون على معرفة بالشيف الذي يطبخ الطعام في المطعم الذي ترتاده حتى يزيد لك باللية على الطبق
مستعدين للاستماع إلى دعواتكم وشتائمكم على الرقم زيرو تسعمية ستة أربعة وخمسين
من تكبر وتتغرب والدنيا تشيل وتحط بيك تحس نفسك بعد فترة انو انت مستعد تواجه العالم بكل مشاكله بس مجرد ما تسمع انو فرد من أفراد عائلتك صحته مو زينة كل هذا الاستعداد يختفي وتتحول إلى شخص لا حول له ولا قوة...
.
.
دعواتكم للوالدة .💔
شلحيت يالكعبة شلحييييت!!! الغربية بيها احتياطي معادن يسد عين الشمس، كركوك عايمة على نفط والعراق كله مليان خيرات الله اشو ما شفنا واحد منهم مثرد بكد ما انت مثردت.. سويتو بطولة ورفعتو راس العراق والكل متشكرين منكم لا تخربها بالخريط ولا تطمغوها ب........ جيب بنطروننا الخلفي!!
اذا طالبت بحقوق البصرة وخليتها بموقعها الطبيعي ند لبغداد وكردستان راح تكون عنصري عند البعض، بس خلي البصرة محافظة حالها حال الديوانية والسماوة مع احترمنا لهما هنا راح تكون وطني، احنه ما نطالب بالانفصال، لكن البصرة لا تقارن مع اي بقعة اخرى بالعراق وهي المنطقة التي تتحكم بمصير البلد
الشغلات الي تضوج المرأة من الرجل
1- يكون جذاب
2- يكون صادق
3-ميحجي
4-يحجي
5-ما عنده مشاعر وعواطف
6- تكون كلش عاطفي
7- او اكولك مجرد تنفسك يعصبهم فلا تتنفس وخلاص والله يعينكم ويعيننا على هالابتلاء 🥴
الشرطة السويدية تنتزع الطفلة بشكل وحشي ومحشي من الام... وتلكى الام معل��ه بتها بالبنكة ومخليه الشحاطة تغرد على ظهرها في ساعات الصباح والمساء... كولولنا السبب ليش خلى الشرطة تاخذ هالطفلة بدل استجداء العواطف واللايكات
قضية ومبدا صار 1385 سنة عايشين عليه شافت العالم تنكيل ومطاردة وفرض جزية على الزوار ويقال وصلت العقوبة إلى قطع أيديهم والناس ما جازت ودتزيد سنة عن سنة ،فتتوقع إنت جنابك من تحجي بتغريدة رح تغير هذولة الناس الي ما مهتمين أصلا لرأيك؟ ليش ما تتوكل بالله يخوي🙂
#عاشوراء
#یا_ابا_عبدالله
يعني ايران لا اكلكم بيه خير لا منتجاتكم بيها خير لا سياراتكم بيها خير لا حكامكم بيهم خير شهالجار الاگشر ... لو الله ذابنا بصف النرويج ولا هالعيشة ،لابوكم لابو حتى الفسنجون لابو السايبا لابو حتى گوگوش
لعد احنا ليش نشجع على حبوب منع الحمل ونركز على برامج تنظيم الأسرة؟ علمود لا تخلفولنا هيج مطايا ويجي يطلع قيئه الفكري علينا ويثبت بالدليل الي لا يقبل الشك انو مرات البشر مكان راسه يتحول من مخه إلى المقعد مالته .. فكرو قبل ما تخلفون لا جهالكم يطلعون مثل هذا عبد الرزاق
ديانا السندي :مهندسة اختصاص تطوير محركات الدفع الصاروخي
منى حنا عتيشا :طبيبة وباحثة اللي عرفت أمريكا بخطر الرصاص الموجود بالمي بمدينة من مدن Michigan
هاي بس عينة صغيرة من اللي المفروض هذا الكائن الهلامي الكريه يروح يقابلهم ويعرف الناس بيهم بدل DJ
الدكتور فيصل حسين الحويزي
بكالوريوس من استانبول سنة 1963
الدبلوم العالي من جامعة لندن سنة 1973
شهادة الماجستير جامعة سالفورد بريطانيا 1983
شهادة زمالة الجامعة الأمريكية من النمسا سنة 1989
و تاليها يجي واحد جاهل ساقط ينهي حياته بوسط بيته وبطريقة بشعة.
لا حول ولا قوة الا بالله
شوف خلي انطيكم نصيحتين تفيدكم
-لا تنطي موعد وتخلفه لان مهما تكون شخص ��هم شكلك رح يصير كلش مو لائق
-الشخص الي يخلف وياك موعد مرتين اعتذر عن شوفته المرة الثالثة لان الي ميحترم وقتك هذا ما يحترمك 😊
اكثر شعب بالعالم مضروب بروحه بوري هو الشعب العراقي (مع احترامي للنسبة القليلة).
مثل الديج رجليه بال 💩 ويعوعي يصنف على دول العالم وهيه دولته منتهية بكل معنى الكلمة، يصيح عندي حضارة 7000سنة وكلشي ما استفاد منها..حاضره اتعس من ماضيه ومستقبله اتعس من حاضره.
اللي يزعل ورة هالتغريدة
واذا بشخص عبيط فسيق تفيه بدل ما يحط سبعة شهر مواليد بالصحيفة مالتي مسويها شهر 77 وبما انو ما عدنا حاسبة مركزية فيدرالية وبما انو حكومتنا مو إلكترونية فلازم هسه اركض بين مستشفى الكرخ ومعهد الحساسية بالعطيفية ومستشفى اليرموك علمود اثبت اني بيا شهر مولود....... حبيبي يا عراق 😑
صحتكم النفسية اهم هواية من صحتكم الجسدية، اغلب مشاكل الصحة الجسدية تنحل بمرور الوقت الا الصحة النفسية كلما يمر عليها الوقت تسوء وبالنهاية تأدي إلى كوارث.. الله يحفظكم جميعا صحيا ونفسيا
اني ما أعرف ليش مستغربين انو هاي الدول العربية الخايسة لي هسه ما سوت شي او اخذت موقف من الي ديصير.. للعلم ترة همه نفس الدول الي شافو العراق وجهال العراق يموتون بحصار ١٣ سنة وما تحركو بل بالعكس النوبة وگفو ويا العقوبات وأيدوها.. هسه تريدوهم يگطعون النفط والغاز؟ .
اوكي. اللي يزعل خلي يزعل والي يرضى خلي يرضى.
المهندسين اكثر فئة تستحق التقدير والاحترام لان فضلهم على الكوكب يبين بشكل يومي وفوكاها تشوفهم ناس متواضعين كاضي عمره بالشغل ولا فد يوم يكعد يتمقلج بمصطلح ولا يكعد يفيك ويتعالى على غيره من باقي طبقات المجتمع...😊