(انا " نون النساء" وحدي اذا انته للنساء ميال .... كسرت القاعده ؟! ادري وجفيت اعرابها السالك) ما انتهى بـ اسمي فهو لي .. وبعض ما اغرد به من اختياراتي...🇰🇼🤍🕊️
بكيت انا يا النايفه معك وابكيت
كل البشر حتى النفوس المريضه
جيتي على جرحن عميقن ورديت
هاضتني ابياتك وانا مستهيضه
مدامهم صدوا ليامن تهقويت
اخذي جوابي بالخطوط العريضه
قصي حبال اهل الردا والطواغيت
لا وصلهم سنه ولا هو فريضه
جزل
قالت يابنت انتي عيونك حزينه
منهو ملى عينك دموع وغرابيل
قلت اصمتي ياهيه ماني لعينه
تبغاني احكي فيه مثل المهابيل
خلو هروج الحب بيني وبينه
حتى ولو زادت علينا الاقاويل
وان كان ذاك الحب راحت سنينه
يكفيني عشته في زمان التهاويل
يكفي غلاتي شفتهاوسط عينه
مبغى بعدها قرب كل الرياجيل
جزل
يتوه النور عن شمس الكلام بحزة اشراقي
واخط الكحل في عين ..القصيد وفي قوافينا
يغيب الهزل لو بانت سعاد وداخل اعماقي
يموج الفكر في غب .. الحنين اللي طغى فينا
جزل
قريت اذكاري مع نفحة العود
وكل مارواه الترمذي وابن ماجه
وبعده كتبت الشعر في قاف مسنود
على الادب ماهو على ايات حاجه
لو يوم ولسان الشعر صار معقود
معقود عن هرجن طغى فالسماجه
جزل
عجزت اداري دمعتي وسط عيني..
اشكي لرب الكون والرمش مبلول
الهجر واضح من يديه ويديني ..
والسيف عن وصل المحبين مسلول
يا طيوفه اللي بالسهر تحتريني..
هو كيف يجرح قلب لازال معلول!؟
والحظ لوّه يلتفت للحزيني
ماخلا قلبن من سبايبه مذلول
جزل
يلوذ الهم في صدر .. الكريم مّكثر الترحاب
ويقول اقلط انا وصدري .. نجّمل في مواجبنا
صحيح ان عمرنا قارب ..ولكنّ البحر غلاب
ورياح الحزن لا فاحت .. تكسر في قواربنا
جزل
ان لله وان اليه راجعون
اللهم ارحم قائدنا وحبيبنا و حاكمنا
#الشيخ_نواف_الاحمد_الصباح
اللهم أنزله منزلا مباركا، وأنت خير المنزلين، اللهم أنزله منازل الصديقين، والشهداء، والصالحين، وحسن أولئك رفيقا. اللهم اجعل قبره روضة من رياض الجنة
واحفظ الكويت من كل شر 💔💔
ابتعد
عندما ترى ان المكان ليس مكانك..
وان القلوب ليست ملكك ..
ابتعد عندما تشعر ان وجودك ليس مهم .. ولو كان مجرد شعور ..
ابتعد .. من دون كلام او عتاب ..
فالقلوب لاتُجبر على شيء..
لاتعاتب .. ولا تجادل .. ولا تسأل ..
ابتعد فقط 🤍🕊️
ألا يالهبوب البارده عجلي هبي
على جاش من قامت هواجيسه تلوبه
أنا مرةٍ أصحى ومره يغيبي
وأسرح مع كثر الطواري بغيبوبه
ألا يادهر ماهوب حقٍ تلاعبي
وخليتني لمقرد الخلق لعبوبه
ابن جدلان
شي تعلمته
من يبي يبعد بيبتعد
ومن يبي يصغر الموضوع ويمشيه بيعرف وشلون يصغره
ومن يبي يكبر الامور ويعطيها فوق حجمها بيعرف وشلون يكبرها
واللي يبي يوقف معك بيعرف وشلون يوقف معك
العتاب اللي تكتبه لشخص مايهمه عتابك امسحه واترك من بعده الف فراق
لاتطلب هالامور من احد مهما كانت مكانته
الا يا ليلي الدامس متى يصبح صباح الخير
نبي نسمع مع خيوط الفجر غنوة عصافيره
نطرني احسب ان وقته بيعذرني على التأخير
ونمت ولا دريت ان القى بأحلامنا خيره
ياليت احلامنا صوره.. نشاهدها مع التكرير
نهيم بعالمَ ثاني ،.. بلا هم وبلا حيره
جزل
الزعل جاني وجاها.. وشاشت جروحي معاها
وانثنت رجل المكابر يوم صوت الشوق صاح
الظلام يموت حكمه !! لا اشرقتلي في رضاها
مروضه زعلي وحزني .. لاطغانـي واستبــاح
الفرح "شمّر كمومه " .. وابتداء يصرع شقاها
يوم عانق حرفي داره..من ديار الـ "الصباح"!
من ديار ال الصباح 😴🤍
جزل
عجزت اداري دمعتي وسط عيني..
اشكي لـ رب الكون والرمش مبلول
الهجر واضح في يديه ويديني ..
والسيف عن وصل المحبين مسلول
يا طيوفه اللي بالسهر تحتريني..
هو كيف يجرح قلب لازال معلول!؟
جزل
لن نبقى كما كنا ..
سنكون مجرد سراب ..
وكل منا سيودع الاخر ..
او ربما لن نستطيع حتى ان نودع بعضنا..
تبقى فقط المواقف والذكريات التي بيننا ..
وكل مانتذكره ان ذاك شخص كان خلوق..
وذاك كان شيطان اخرس.. وذاك كان شهمً ..
فكل شخص يختار بنفسه الذكريات التي تبقى خلفه 🤍
جزل
"كل عام وأنا بخير"
6/11
ودعتُ مِن عمري عاماً و ابتدأ بـ عمري عامٌ جديد اللهم إني أسألك أن تجعلها لي سنة خير وسعادة
تضيف لي ولأحبابي
فرحًا وإنجازًا و علمًا
اللهم السلام لروحي
وعاماً سعيداً لي
🤍🤍🤍
خذيت الدفتر وحبري وقصايد واجمل الالوان
وسافرنا على جناح الخيال وصوت عصفوره
وصلنا لعالمً ثاني بلا موقع ولا عنوان
على خيوط الفجر نجري ونرقص فوق بلوره
عجيب امر السحاب اللي يسابق خطوة الولهان
نثر شوقه على صدر السماء وانجبرت كسوره
...
جاري الكتابه
😴
جزلـ
الا يا ليلي الدامس متى يصبح صباح الخير
نبي نسمع مع خيوط الفجر "غنوة عصافيره"
نطرني واحسب ان وقته بيعذرني على التأخير
ونمت ولا دريت ان القى بأحلامنا خيره
ياليت احلامنا صوره.. نشاهدها مع التكرير
نهيم بعالمن ثاني .. بلا هم وبلا حيره
جزل
بعض المدح اعتبره مذمه اذا كان مو مكانه ولا زمانه ..
وبعض الكلام المعسول يدس به السم ..
ترى بالنهايه كلنا بنفارق او بنموت ليه نضايق بعضنا ونقول كلام يضايق؟؟
اتركوا الناس تدعيلكم وتذكركم بالخير 🤍
لو كان قلبك في يد الغير معذور
ابعد وخل الحزن في وسط عيني
لاتعلق اللي غارق بسبعة بحور
بحر الهموم اللي تحتها سجيني
مره بحزنه يحرق ابيات وسطور
ومره بضحكه يشتت الهم فيني
جزل
عند وجهك كلها ترخص ويرخص ماعليها
لو تبي كبدي ماهو بـ المبلغ اللي في حسابي
اعتبرها بس قيمه ضحكه منك اشتريها
اضحك، اتركني من الفرحه ماتوسعني ثيابي
انا بنت ماتوفر عمرها من دون (اخيها)
جعل ربي كان بأذخر عنك يحرمني شبابي
صغيرة سن لكني .. تكبرني كثير اسباب
شعور اليتم في امي .. وظلمن ما يناسبنا
وعنادً مسكنه راس"ن" ..يقّطع بالعناد رقاب
جريمه من بشاعتها. .. اثرها في مخالبنا
يلوذ الهم في صدر .. الكريم مّكثر الترحاب
ويقول اقلط انا وصدري .. نجّمل في مواجبنا
جزل
يتميز اللي مهتوي بالعلامات
والظاهر انه ماهواك وهويته
حط الحدود اليوم بين العلاقات
ولو كان بيتك صايرن جنب بيته
لاتهين عينك بالدموع الغزيرات
لا واا حسافه دمعك اللي بكيته
جزل
@alm_qh
لبى عين الصديق المختلف في خصاله
لـ ابتسم كنه اللي مرتهش في بروقه
الكبر والتغطرس ينثني من خياله
كيف لا شاف عينه!.. ظني انها تعوقه
انتٍ ساس الجمال وانتٍ ساس الجزاله
وانتٍ يانور عيني مبدعه في طروقه
جزل 🤍
كل مافاضت عيوني باشت الأضلاع غنا
الموارد فالضلوع وكل ضلع في ونه
والتمني مايحقق هقوة القلب ان تمنا
بس قلبي ما يداني تبعد الهقوات منه
وا وجودي وجد من جلي عن دياره مجنا
تو عمره عشر واربع والليالي ما تحنه
ماوراه إلا عجوزه واخته وعود مسنا
بين فقر وبين دين وبين ضيم وبين منه
بن مدعث