ليا واحد صاحبي مفيش مرة اتكلمت معاه غير وبيتكلم عن الظروف والخنقة اللي فيها وانه شايل الهم ووحيد وحزين ..
صاحبي دا خاطب ماشاء الله ومبسوط وبالصدفة لقيته مغير فونه لايفون ١٣ ، المهم ماتكملتش معاه ف حاجة .
قاعد جانبي النهارده لقيته بدون اي مقدمات بيقولي انا مش مرتاح ف الفون
ورحمة ابويا ليلة اصعب واتقل على قلبي من امتحانات ثانوية وايام التنسق للكلية وامتحانات الكلية على مدار السبع سنين ..💔💔
لا اله الا انت سبحانك تعلم ولا اعلم وتقدر ولا اقدر وانت انت علام الغيوب يا حبيبي ، ارزقني الخير حيث كان وارضني به ..
انا لما بجيب لبس جديد او اي حاجة جديدة عموما ببقا فاضح نفسي زي العيل الصغير ولا كاني جايب الدنيا كلها ..
ماشي ربنا الاعلم بيا والحمد لله شايف نفسي مبسوط ومستور ومش محتاج حاجة .
ليه مفيش قناعة حمد وشكر لله على النعم ، ليه الواحد يبقا مهووس ومجنون كدا
ربنا يديم الستر والقناعة علينا
وعايز ابيعه وعليا اقساط ومش عارف اعمل اي ف التكليف وف الشغل ..!
انا وقسما بالله ولا فاتحته ف اي حاجة عشان الاقيه مجهز الكلام دا ومفيش دليل لكدا غير انه محضر الكلمتين دول عشان يرميهم من يوم مشوفت الفون معاه ..
انا مستغرب ازاي لسه ف ناس كدا بجد والله !
يخربيت المرض والنقص !!
اخر يوم في امتياز with fav person ❤️
عقبال ورقة الاعفا والجواز وورقة الماجستير في الامراض العصبية والنفسية ويقولوا بتاع الاعصاب راح بتاع الاعصاب جه امين امين ي ربي امين ..🧠💙
رسميا طبيب مكلف وحاصل على بكالوريوس الطب والجراحة بتقدير ممتاز 💙🫶
النهارده كان تاريخ الإخلاء من الوحدة ، وبداية فترة النيابة كطبيب مقيم بقسم طب المخ والاعصاب والعمود الفقري والامراض النفسية ..
الحقيقة مزيج من احساس الفرحة والحماس وما ب��ن الخوف والقلق من المسؤلية الكبيرة دي وحياة الناس اللي امانة في ايدك ادام ربنا ..
اللهم العون والسداد 🙏💙
مريض عنده جلطات متكررة ومن فترة طويلة اثرت على النطق والراجل ربنا يعافينا ي رب شبه عاجز من ٣ سنين وزوجته طول النهار والليل معاه بتعمله كير بنفسها وبتديه علاجاته بنفسها وبتنزل تجيب الادوية والمستلزمات وسايبة شغلها وجالها جزا بسبب غيابها ومفيش على لسانها غير الحمد لله ..💙💙
انا مبسوط فشخ من وجود شباب خامسة وساتة وامتياز اللي ماليين الاستقبال وشغالين وواخدين فرصة ، حاجة كنت بتمناها وانا في نفس الفترة دي ..
وحقيقي مفيش مستشفى فيها تعليم وفرص واخوية زي عندنا 💙💙
وربنا يجعلنا في خدمة الناس ديما ويعلمنا وينفع بينا 💙💙
ورحمة ابويا ليلة اصعب واتقل على قلبي من امتحانات ثانوية وايام التنسق للكلية وامتحانات الكلية على مدار السبع سنين ..💔💔
لا اله الا انت سبحانك تعلم ولا اعلم وتقدر ولا اقدر وانت انت علام الغيوب يا حبيبي ، ارزقني الخير حيث كان وارضني به ..
والله يا اخواني لو عندي نصيحة هتكون هي
اياك وافراط المشاعر والمبالغة ..
بجد المبالغة في اظهار اي شعور شيء مميت ومؤذي فشخ ..
مفيش حاجة بتبقا علي نفس الحال ، فانت خليك متوسط في كل الحاجة وتوقع الاسوأ دايما .
ربي يريح بالنا ويربط علي قلوبنا ويرزقنا اللي يستاهل نبالغ في عشمنا فيه
حابب اوثق انجازي البسيط وخطوتي الجديدة في مجال كهربية المخ وفي التخصص عموما ..💙
Today list of Neurophysiology is done from A-Z .. 💙🥹🥰🧠
Thanxs to my senior and our pioneer prf dr sayed gedamy ..🥹💙
انت ماتستاهلش تجري ورا حد.. ولا تحاول تندم حد عليك
انت مش مولود عشان تحاول تفرض وجودك على غيرك وتنول اعجابهم بالعافية
انت اعلى من إنك تقلل من نفسك عشان غيرك يقتنع.. وانت أقيّم من إنك تكون مجال للمقارنة
مريضة MS من 2017 ودخلت في حوالي 8 attacks والست اللهم بارك زي القمر ، فيها براءة وهدوء وادب والله لم اري مثلهم ابدا ..
بقالها اسبوع محجوزة وكل ماجي اخرجها ادخل عليها الاقيها بتصلي او بتقرأ قرأن ، لا صوت عالي ولا بتسال انا بعمل ايه ولا في اي حاجة علي لسانها غير الحمد لله ..💙
الناس اللي بتهاجمني مش مدركين اني ليه وازاي انزل تويتة زي دي واقول عنه كل الكلام دا غير لما ابقا متاكد انه فعلا وحش !
ازاي مش هعرف افرق بين اللي غلبان وبيصيح بس من جواه كويس وبين الشخص المريض واللي فاكر الناس هتبص له في اللي معاه او بطريقته دي هيشيل العين من عليه
ممتن فشخ للنواب عندنا وهم في عز شغلهم وانشغالهم ، بيحاولوا يعلموا شباب الامتياز الجديد ويفهموهم واحدة واحدة ..
بسال حد منهم ، قالي يعني العيال غلابة ولازم باخدوا ثقة ويبداوا السنة بنفس مفتوحة للتعليم والشغل بدل ميتقفلوا منها بسببنا ..
ودا درس بسيط في الاخلاقيات والاصل الطيب 💙💙
بدعي رب العالمين الفترة الحالية بحاجة واحدة وهي انه يبعتلي الناس المريحة والقريبة للقلب ، اللي ما ابذلش مجهود واحاسب على كلامي وعفويتي معاهم ..
مابقاش عندي طاقة ابقا متحفظ واحسبلها يمين وشمال بجد انا محتاج الناس اللي شبهي ، شبهي وبس وللاسف مش عارف دا هيحصل ازاي
دمياط الجديدة اجمل واهدى مكان انا شوفته في حياتي واما ابعد عنها شوية بتعب وبحس بالغربة بجد ، الحياة في القاهرة سريعة في كل حاجة والناس كتير تحسهم فوق بعض ، مش معقول الحياة في المكان دا والله ..🥵
جانا العيادة النهارده بنت داخلة اولى اعدادي بتعاني من تاخر في school age وبعد فحص اكتر من نص ساعة واخد هيستوري تبين
ان والدها مات من ٨ سنين مقتول ووالدتها متجوزة حاليا والبنت اخدت psychic trauma ف اول حياتها وللاسف دخلتها في Deppresion للابد وسبحان الله يعني البنت زي القمر
بنت سورية كنت بكشف عليها واثناء الفحص لقيت معاها بوكيه ورد احمر ، وعلى سبيل تخفيف التوتر بهزر معاها وبقولها اخواتنا السوريين بيحتفلوا بالفلانتين زينا ؟ طب انا بحب الازرق مش الاحمر ،
يا دموع عيني ودقات قلبي وقطرات عرقي ، أشهدتكم أنني لن أبرح حتى أبلغ ، والحمد لله قد بلغت عنان السماء ..🌷💙
فاللهم ارحم أبي ،وأقرأه سلامي واخبره اني قد صرت طبيباً 💙
اللهم اقدر لي الخير حيث كان وارضني به،وارزقني الاخلاص، واحفظ امي وبارك في عمرها .💙
من بداية سنين الطب ودايما عندي فضول وهوس بالقصر العيني والمكان ككل ، والنهارده قضيت اليوم هناك وادركت فعلا انه كان عندي حق ف الاحساس دا ..💙
اي العظمة والرقي وكمية المباني والفخامة دي .
اي المكان دا والله ما شاء الله الواحد قسما بالله يحب الطب من اجله
عمار ي قصر والله ..💙💙💙
فرق بين اللي موافق بيك وخلاص
وفرق بين اللي عنده استعداد ياكل التراب معاك ..!
مفيش تحدى اكبر من نجاحك في اختيار بنت اصول شبعانة تجيبها معاك من تحت وتقف جنبك وقتها هتبقا كسبت دنيتك كلها
وما زلت عند رايي مهما بلغت اهمية الفلوس في استقرار البيت الا انها هنفضل اقل واضعف حلقة موجودة
في حاجة كدا غريبة بحسها جوايا معرفش ازاي يعني المهم انك اما تبعد عن شخص او يبعد هو عنك اياكان السبب بتبدأ تشوفه وحش ،وحش في كل حاجة حقيقي من شكل وطباع وعقلية لدرجة انك بتضايق من كدا عشان بتزعل ع الوقت والذكريات الحلوة يعني بس للاسف انت جواك بتقرف وبتبقا عايز ترجّع اما تفتكره ..
كل سنة حفلة تخرج اروع من اللي قبلها ..
من غير حفلات ولا رقص ولا اڤورة ، منتهى الهدوء والشياكة والاهم من كل دا هو المحافظة على الهوية الدينية والطبية..💙
مبروك ي شباب ، وعقبالنا ي رب ..🥺💙
كنت محتاج ابويا في اللحظات الجميلة دي اكتر من اي وقت فات ..
ماعنديش حد اشاركه انجازي البسيط دا غيره..
الله يرحمك ي حبيبي ويغشاك برحمته ..
القمر خلص جراحة او هي اللي خلصت عليه مش متأكد ، فطبلولي ي جماعة بليز وقولوا اشطر كتكوت ..🥺💙
بتبقا فاكر انك خسرت حاجة عظيمة اوي وهتموت من غيرها ،سواء صديق او حبيب او فرصة شغل ايايكن ، بس اما ربك يبعت لك العوض بتكتشف انك كنت عبيط وانه اللي فات دا اصلا ماكنش صح ولا حقيقي ولا يستاهل تفتكره ثانية واحدة ..
وبجد الحمدلله على اللي فات عشان مكنتش هبقا مبسوط باللي انا فيه الوقت💙
يومين من اصعب الايام في حياتي ، حرفيا مافيش نوم دقيقة واحدة وريت حالات ملوش اخر والله ..
ربنا يجعله في ميزان حسناتنا ويعوضنا عن تقصيرنا في العبادة امين امين🙏💙
كل عام وانتم بخير💙
دا سندي ف الدنيا وحياتي كلها معاه ..
انا بستغرب الناس دي اوي بجد ، معقولة الاصل الطيب وانك تحب حد وتديه عمرك كدا موجودة كدا فعلا مش بنسمعها وخلاص ..!!
انا امنيتي الاولى والاخيرة اني الاقي بنت اصيلة وبنت حلال وتشيل الواحد في همه ومرضه قبل فرحه وعافيته بجد ، ربنا يبعت لنا بجد 💙
اكتشفت ان أجمل حاجة ممكن تحصل للإنسان إنه يتعافي ،يتعافي من كل حاجة سببتله حزن سواء كانت علاقات صداقة أو حب أو حتي علاقات أهل ، إنه يصحي حاسس إنه أخيراً مش زعلان بيجي قدامه سيرة الموضوع بيسمع أغنية او حاجة تفكره فيحس إنه عادي وإنه فعلاً قادر يكمل يومه من غير أي ضغط أو أنهيار.
الواحد اكتشف انه مؤخرا ما بقاش عايز حاجة اكتر من كلمة حلوة ، ثنلاء لطيف ، دعم نفسي من حد بيحبك وعايز لك الخير ..
جملة اننا بنروح لاماكن بعيد مع الاشخاص اللي بنحبهم صح اوي ، بنعمل المستحيل وهو على قلبنا زي العسل عشان دعمهم وتشجعهم لينا يزيد ..
الواحد غلبان والله والنضج فشخنا 💙
انا عندي مشكلة مع العيال اللي بتقول لامها حضرتك ..
يعني بحس اني قليل الادب بزيادة وماتربتش ..
او العيال دي اللي اوفر يعني انا لو علاقتي بامي مكنتش زي الاصحاب وادلعها كدا وارازي فيها واعاكسها بحبس في حاجة غلط بجد 😂💙
ام من اسبوع جت بابنها متحول من عيادة خاصة انه عدوى في الدماغ والتهاب وحوار مخيف كدا ، المهم فحصته وطمنتها انه كويس وطلبت فحوصات عشان اطمنها بردو ..
حرفيا بقالها ٧ ايام تيجي عيادة الرمد ومخ واعصاب وعملت رنين وقاع عين وهنا حاليل عشان تعمله رسم مخ والغريب انه الواد سليم مية ف المية
انا فاكر
اني ذاكرت
ف مدرج... وعلي سلم... وف مواصلات... و ف مستشفي.... وف مسجد.. وف محل... و ف مطعم.. ف بلكونة.. وع سطح...
ذاكرت ع مكتب و ع الارض و ع السرير و ذاكرت ااصبح و باليل و الفجر و كل الاوقات... ذاكرت قراءه و كتابة و تسميع... ذاكرت لوحدي و ف وسط اصحابي..
راجل ٤٧ سنة بقاله مسافر من ٣ سنين ، دخل في جلطة شديدة اثرت على النطق وشلل نصفي بقاله شهر ونص بيتعالج هناك وجه امبارح من المطار على المستشفى..
العيلة كلها ��ن زوجته واولاده ووالده والدته كانوا ورا بعض داخلين يسلموا عليه .
💔💔💔
اسبوع واحد بس فيه ٥ حالات SAH
و ٤ حالات Venous thrombosis
و حالتين ischemic stroke ..
اغلب الحالات شباب ، وللاسف يعني اللي بيعدي منهم بيبقا disabled باقي حياته ..
الموت قريب لكل واحد فينا واقرب له من حبل الوريد فعلا ..
ربنا يرحمنا ويعافينا ، الواحد شعره شاب من اللي بيشوفه .
شباب الامتياز حلوين اوي وهم ماليين المكان كدا وعايزين يتعلموا وبيعافروا وسط امكانيات شبه معدومة يعني ..
الدنيا بخير ي ولاد والمكان مكانكوا افرحوا حقكوا 💙💙💙
امي محتاجة ابعت لها العلاجات بتاعتها واطمن عليها ، بقالي يومين مافيش اي فرصة ادامي لدا ، هنا وهناك وكشف علي الناس كلهم ومقصر في حق اعز حد في دنيتي ..!
الغريب اني مش قادر اروح لها ولا اكلمها براحتي ولا عارف اطمن عليها ، وعارف انه للاسف هندم علي كل لحظة بعدت فيها عنها ..💔💔💔
بتجيبلي الاكل وتيجي تطمن عليا كل سبت وتعد الايام عشان تفرح معايا وتشوف علاء بالبدلة والبالطو...
جه السبت بس انت ماجتش يا حاج..!
حيلي اتقطع والله يابا وضهري اتكسر ورب الكعبة الدنيا خلصت عليا بدري يابا..
مفيش حاجة بقى ليها طعم ولا ليا نفس لأي حاجة حلوة من غيرك ..
الله يرحمك يابا
بمناسبة الرجوع للشغل؛ وانت راجع شغلك بعد إجازة العيد ما تنساش تحمد ربنا على حاجتين مهمين.
أولًا: إن ربنا رازقك بشغل ومراضيك.
وثانيًا: إنه مديك القدرة البدنية والذهنية على أداء الشغل ده.
بلاش نكران النعم وتكرار نغمة السخط ، حتى مهما كان تعبك وهمك فانت مستور في شغلك💙💙
شاب عنده ٣٠ سنة جاي بيشتكي من تنميل في صباعه وخدلان بس ولا اكتر ولا اقل ..
طلبنا له MRI Cervical والمفاجأة انه للاسف غالبا طلع M S ..
وبفضل الله لولا عارفين انه incidence بقا زيادة وبنفكر فيه في كل عيان ما كناش هنتوفق للتشخيص ..
ربنا يعافينا ويعافيه ي رب
حياتنا بتتقلب ف ثواني بجد
"بينما كنت أقرأ اليوم ، وصلت عند آية: " فلا تعلم نفس ما أخفي لهم من قرة أعين. "
فاستوقفني معنيٰ " قُرَّة أعيُن " فبحثت عن معناها فكان: هو الدمع البارد الذي يخرج ويفيض من العين مع شدة الفرح ..
فاللهم قُرّ أعيننا بأعزِّ أمنياتنا .)' ♡
اللي أفهمه أن الجواز سباق محبه اعمله فطار يعملي القهوه نخلف عيال تزيد الغلاوه والمحبه ويزيد عدد المتسابقين، هاشتغل عدد ساعات أكثر علشان البيت محتاج فلوس، هادي وقت أكثر للبيت علشان أنا شغلي اقرب وممكن اشتغل ايام أكثر من البيت، أمه في المستشفى ومامعهوش فلوس رقبتي سداده،
انت إنسان مليان عيوب زي أي إنسان تاني هيعجبك.. وانت إنسان جواك حاجات حلوة كتيرة مش هتطلع غير لما تكون مع حد شايفك حلو
مافيش حاجة هتفوتك لو خسرت حد مش مقدرك.. بس كل حاجة هتفوتك لو خسرت نفسك عشان غيرك يقدرك
احب اوثق انجاز بسيط وسط عتمات كتير يعني وهو اني شخصت حالة pnemonia لعيان كل ال complaint بتاعته muscular pain , وكان missed من دكاترة باطنة واعصاب كتير 💙💙
كل سنة تقريبا بنفقد طبيب من اساتذتنا وبالقريب كانوا وسطنا ويأتينا الموت فجأة وكأنها رسالة وانذار من الله انها مش دايمة ومش مستاهلة التعب دا كله ومفيش اهم من الاستعداد للقاء لانه بيقرب للواحد خطوة خطوة ..
يا رب ارحم موتانا والحقنا بهم في العليين..
الله يرحمك يا د شريف
كنت بقول مش عارف هستعيد عافيتي وتوازني امته تاني هبقا بعد التجارب المريرة دي انسان عامل ازاي ،كانت اسام وليالي لا تنسى ابدا والله كلها حزن من داخل تجاويف القلب ..
ولكن مرت بفضل الله ، مرت ولولا ربط الله على القلوب لما نجونا ..💙💙