الحمد لله بقيت معتمد من
@ThePFSA
(اتحاد مستكشفين كرة القدم للمحترفين) كمحلل للخصوم ومستكشف للمواهب "مستوي أول" بجانب دارسين معتمدين من كشافين اوروبا
Certified Level 1 Opposition Analysis & Football Scout & Talent Identification from Professional Football scout association
اتحاد الكرة يعلن رسميًا رفع الايقاف عن عمرو وردة ومشاركته مع المنتخب بداية من دور ال١٦ وتوجه رئيس الاتحاد بالشكر للاعبين على روح التكاتف في الدفاع عن زميلهم..
مش لاقي تعليق مهذب مناسب
ناس كتير ممكن تختلف على مستوي شريف إكرامي في الملعب بس محدش يختلف انه أحسن لاعب بيعرف يتكلم في مصر ومش بيخاف من حد..ياريت لاعيبة كتير تبقي قريبة منه في اللباقة وفي المستوي التعليمي..
شريف هيبقي حاجة كبيرة في الأهلي وفي مصر في المستقبل
طارق حامد لاعب مقاتل دون شك وأفضل لاعب وسط مدافع في مصر بس لو في VAR في الدوري تقريبا هيتطرد نصف الماتشات..مينفعش لاعب دولي بهذا الحجم يكون متهور بالشكل دا
شهادة واجبة..
الشعب المغربي شايلنا فوق راسه وأحسن معاملة في الشارع والمطاعم وفي أي حتة..
الشرطة المغربية سهلت كل حاجة على جمهور الاهلي في دخول الملعب وبالنسبة للاعلاميين دخلنا في دقيقة واحدة بدون مبالغة..
رئيس جنوب افريقيا طلع بيان رئاسي اتكلم فيه عن تولي موسيماني تدريب النادي الاهلي،
دا بيعكس مكانة الاهلي في افريقيا كإسم ومكانة.
فياريت احنا نهتم بنادينا وبالقناة بتاعتة ونعرف مكانته والمسؤولين يعرفوا يردوا على التصريحات ازاي ويبعدوا عن قصف الجبهات ويحترموا النادي اللي بيشتغلوا فيه
الدنيا قامت عشان حكم بيشتغل في أكاديمية تحمل اسم الأهلي مرتديًا تيشرت الأهلي..
طبعًا دا خطأ وتضارب مصالح بس بالمثل لازم يتم تطبيقه على الجميع.
مينفعش واحد يشتغل في قناة وهو يعمل في اتحاد الكرة.
مينفعش مسؤول في أي نادي يشتغل في نادي وفي قناة في نفس الوقت.
طبقوا العدل على الجميع..
مش لاقي تفسير لتصريحات جمال بلماضي بالشكل دا عن الجماهير المصرية غير إن محمود الجوهري و ال ٥ الشهيرة تؤرقه من ٢٠٠١ وحتي الان، ١٨ سنة شايل في قلبك يا أخي؟
مبروك لشعب الجزائر 🇩🇿 ولكل المُحترمين من اللاعبين والاعلاميين الجزائريين المقدرين لاستضافة مصر ودعمها خلال البطولة
مخرج مباراة الاهلي والنجم لازم يتعاقب لعدم اعادة ضربة جزاء النجم زي ماقلت نفس الكلام على مخرج مباراة الاهلي والترجي وتيشرت ازارو وزي ما قلت على مخرج مباراة الزمالك وحسنية أغادير..
ونفس الكلام على اي مخرج بيدخل الانتماء فى شغله وهو دوره نقل الصورة كيفما كانت
أحمد يا فتحي..👏
اكتر لعيب حقق إنجازات لمنتخبات مصر(منتخب شباب ومنتخل اوليمبي ومنتخب اول)
شارك في 4 كاس امم حقق منها 3 ووصل نهائي رابع
شارك في كأس عالم
شارك في كأس القارات
شارك كأس العالم للشباب
شارك في الأولمبياد
شارك في كاس العالم للاندية
شكرًا يا فتحي
@AhmedFathi
حازم محمد يحيي الحرية إمام وعيلته من رموز الزمالك، حازم امام بعيد عن اي لاعب في الزمالك بمسافات بما فيهم شيكابالا.
بتقارنوا ايه يا جماعة هو الموضوع وصل للدرجة دي؟
قفشة في حفل زفافه أحد المدعوين بيذكره ب "القاضية" اللي هي أغلي هدف في تاريخه ف قفشة رد قاله "عيب" ورفض الانسياق ورا الكلمة..
هنا بيظهر الأدب والعقلية مقارنة بآخرين بيلعبوا على وتر الجمهور ودايمًا بيحركوه لاتجاهات معينة وسباب وقصف جبهات ولا يملكون غيرها.
محترم ومتربي يا قفشة.
استرد الله أمانته في العشر الأواخر من رمضان..
والدي في ذمة الله..نسألكم الدعاء
وإنا لله وإنا إليه راجعون..
الجنازة والدفن بمقابر مدينة نصر خلف مسجد السلام ١١ صباحًا..
ياتري محمد السباعي كان عارف ان الناس بتحبه وبتقدره وبتكنله كل هذا الاحترام والتقدير وهو عايش؟
حاولوا تعبروا عن حبكوا واحترامكم للناس يا جماعة لإن بكرة ممكن ميجيش..
كلنا مقصرين..
ربنا يرحمك يا سباعي ويحسن خاتمتنا
هفضل أقلها 100مرة..الأهلي مخدش الدوري عشان كان كويس ولا مديره الفني كويس ولا عشان ادارته كويسه ولا عشان مدير الكره بيقصف جبهات.
الأهلي خد الدوري عشان ادارة الزمالك ارتكبت أخطاء فادحة تهز استقرار أي فريق.
لاسارتي ويوسف والجهاز الفني بالكامل ووليد أزارو لازم يبقوا خارج أسوار الأهلي
الاتحاد الافريقي في قرار ظالم و"مسخرة" يوقف الحكم المصري جهاد جريشة ٦ أشهر لأخطائه في مباراة الوداد والترجي كما وصف القرار..
القرار واضح إنه إرضاء لشخصين لهم نفوذ واضح في الكاف..
هل الاتحاد المصري هيدافع عن حكامه؟
اه صحيح دا مش بيدافع عنهم داخل مصر هيدافع برة..
بداية من الأسبوع دا ان شاء الله تم توقيع تعاون مشترك مع ابليكيشن 365Scores اللي بيتيحلك متابعة نتايج المباريات اول بأول بالاضافة لكدا عندهم مكان ل TV هيتنشر عليه فيديوهات قناتي على اليوتيوب "الكوتش" أول بأول
لتحميل الابليكيشن
@365scoresarabic
كلمتين واقفين عايز اقولهم من يوم الماتش بس مكنش عندي صحة وقتها بس جه وقتهم..
انا في العادي مش بنتقد لاعبين معينين للخصوم لكن في 2 لاعيبة يستاهلوا كلمتين حلوين وانا عارف ان الكلام دا هيوصلهم يمكن يتعلموا حاجة مفيدة..
انا مليش في الباسكت بس شفت لاعب فرقته كسبانه فرق ٣ وفاضل ٥ ثواني بعد ما سجل راح شتم المنافس وأساء التصرف اتحسب عليه رامية حرة سوء سلوك بعدها ثلاثية وخسر الزمالك بسببه.
تصرف لاعب واحد أضاع مجهود فريقه بالكامل..😄
قيد مصطفي شوبير في قايمة الاهلي الأفريقية غريب جدًا من وجهة نظري، من الممكن قيد مدافع تحت السن احتياطي "دا لو صعدت اساسا يعني"، لكن معاك الشناوي واكرامي وعلى لطفي تاخد حارس رابع هيفيدك ب إيه ؟!
مفيش أي مشكلة حاليًا في مبالغ الاهلي يدفعها ولكن لازم يبقي في وقفة ويبقي في لجنة فنية لاختيار اللاعبين..مينفعش مدير فني من سنة ونص يرفضه فنيًا ومن سنة المقاصة تطلب فيه ١٠ مليون جنية وانت تقول هدفع ٧ مليون بس والصفقة تبوظ على ٣ مليون جنية وتدفع فيه دلوقتي ١٥٠ مليون جنية!
7 سنوات لعلى معلول مع النادي الاهلي..247 مباراة – سجل 44 هدف وصنع 111 هدف بمعدل 0.62 مساهمة كل مباراة يعني مساهمتين كل 3 ماتشات.
توج مع الاهلي ب 4 بطولات دوري ممتاز، 3 بطولات كأس مصر، 4 بطولات سوبر محلي، 3 بطولات دوري ابطال افريقيا، 2 سوبر افريقي.
الاهلي متبقي له تقريبًا 3 مباريات ويفوز ببطولة الدوري ودي هتبقي الفرصة الذهبية لاراحة اللاعبين والاستعداد للموسم الجديد.
أي كلام عن أرقام قياسية هيضر الفريق بشكل مباشر..الاهلي قدامه مجموعة أرقام يقدر يحققها لكن الارقام دي هتفرح مشجع السوشيال ميديا وهتضر الفريق لو معملش تدوير واضح
ع الرغم من اني اهلاوي واني بختلف مع تصرفات كتير لميدو بس عمري ما كرهته ودايمًا بتعاطف معاه ومليش أي مصلحة معاه لأن تحليل كرة القدم هواية بالنسبة لي ومش مجال شغلي الأساسي.
ميدو أكتر مدير فني طلع ناشئين في مصر..أكتر شخص ساعد الشباب لإظهار موهتبهم.
بالتوفيق يا
@midoahm
مع الوحدة 💪
طيب دلوقتي الدوري هيقف ٦٠ يوم تقريبًا ومعتقدش الاهلي عنده ماتشات غير بعد كأس الامم..هل ممكن نقيل الجهاز الفني بالكامل ونجيب جهاز فني أجنبي قبل الدوري ما يضيع؟ 🙄 ولا هنجدد الثقة؟
بعد بيان الأهلي الأخير وبعد تأجيل مباراة بيراميدز في الدوري وبعد رجوع مباراة الكأس بدلا منها مرة أخري في نفس اليوم وهو ما رفضه الاهلي مسبقًا المنطق يقول الاهلي لازم ينسحب من الدوري والكأس في حالة عدم الرجوع في قرار مباراة بيراميدز..أي قرار غير كدا يبقي البيان الأخير ملوش أي لازمة
متوقع هزيمة الترجي بالنتيجة دي نظرًا لان الترجي مستواه متواضع جدًا مؤخرًا ومباراة رادس لو اتعادت ١٠٠ مرة مكنتش هتخلص زي ما خلصت..جُبن كالديرون والتخاذل اللي مكمل حتي الان من بعض اللاعبين السبب في خسارة اللقب
شكرًا جمهور الأهلي العظيم 👏.
حان الوقت لإقالة الجهاز الفني بالكامل لانه حتي كان جبان قي مباراة العودة ويجب عقاب اللاعبين المقصرين..
قلتها قبل كدا كتير الوقت دا هو وقت مانويل جوزية.. الاهلي يحتاج لرجال
صراحة فارق المستوي بين فرق المركز الاول والثاني مش كبير..لكن ميزة انك تلعب العودة على أرضك بتكون ميزه كويسه..نتمني القرعة تخدم المرة دي والاهلي يوصل ويكون النهائي في القاهرة..الاهلي مش كويس برة الأرض.
بالنسبة لمشاهدة بطولة كأس الامم على البث الارضي
أي حد الشاشة بتاعته فيها خاصية ال DVB يقدر يجيب ال converter دا من أي محل دش ب ٥ جنية ويفك سلك الدش من الريسيفر ويركب عليه ال Converter ويركب السلك في مدخل الاريال في الشا��ة ويعمل بحث Digital هيطلعله النيل للرياضة وقناة تايم سبورت
الكواليني معلق على لقاء الانتاج والاهلي اتكلم على ماتش الدور الاول اللي خلص ٤-٠ وقال احرز الهدف الاول "لاعب سابق" ومذكرش رمضان صبحي..
دور المعلق ان يكون مهني وحتي لو هياخد صف الاهلي لا يصح على الاطلاق انه يذكر لاعب بإسم "لاعب سابق" عشان ينال رضا جمهور السوشيال ميديا.
لو الاهلي هينسحب فمفروض يبقي قبل يوم السفر مباشرة أو قبل المباراة مباشرة، الانسحاب دلوقتي هيصعد وفاق سطيف للمباراة النهائية والمباراة هتتلعب والرعاة مش هيتأثروا..
لو قررت الانسحاب لازم يكون في وقت مناسب بحيث المباراة متتلعبش ويحقق أكبر الخسائر للكاف.
دا رغم اني مش بفضل الانسحاب.
أليو بادجي خلال اخر 3 سنوات لم يلعب أي ركلة جزاء ويمكن ملعيش في حياته كلها..ف انا مش عارف على أي أساس يلعب الركلة الخامسة.
فايلر كان كارثي في كل شئ سواء في ال 90 دقيقة وحتي في ركلات الترجيح..
رامي ربيعة وياسر ابراهيم وديانج بيلعبوا ركلات جزاء ومكنوش ضمن ال 5.
أحمد فتحي يرحل رسميًا عن الأهلي نهاية الموسم ووجهته القادمة بين بيراميدز والزمالك..بالمناسبة هو كان تفاوض مع الزمالك وقت أزمة السعيد وانسحب في الوقت المناسب.
البديل الأفضل من وجهة نظري هو أطهر الطاهر ظهير أيمن الهلال السوداني وعقده ينتهي نهاية الموسم..يعني ممكن يتجاب "ببلاش"
كل بني ادم خطاء..اعتذار عمرو وردة مقبول ويمكن عودته للمنتخب لكن بعد فترة..لابد ان يُعاقب لفترة.
عودته للمعسكر حاليًا شئ فاضح إن تم..ومساندته بهذا الشكل أمر مشين صراحة زي مساندة أي متحرش في الشارع..
ربنا علمنا العدل، اللي بيحصل دا مهزلة.
استقيموا يرحمكم الله.
في برنامج بيجي على تايم سبورتس اسمه سبعة X سبعة
معرفش مين فرق العمل بتاعه بس خاصة فريق الاعداد اللي بيجيب اخبار مضروبة لا تليق أبدًا بقناة مفروض انها كبيرة
إداريو الزمالك ارتكبوا خطأ فادح إنهم قيدوا كهربا افريقيًا ظنًا منهم انه اذا تم قيده لن يستطيع أي ناد آخر قيده..
ما سبق جهلًا بالقوانين فلوائح الكاف تشترط مشاركة اللاعب في أي مباراة وبذلك لن يستطيع أي ناد قيده..
يعني كهربا لو ملعبش مع الزمالك افريقيًا يقدر يلعب مع أي ناد آخر
السنغال وحشين جدًا..
نيجيريا وحشين جدًا..
تونس وحشين جدًا..
كوت ديفوار وحشين جدًا..
مصر وحشين..
الكاميرون وغانا معقولين..
المغرب جيدة جدًا..
الجزائر ممتازة جدًا جدًا..
في مجال ال Business في حاجة اسمها ال Loyalty أو الولاء..وحاجة اسمها التقدير Appreciation.
ان الموظف يبقي مخلص ومنتمي لمكان عمله وفي نفس الوقت يعرف ويقدر كل حاجة كويسة اتعملت معاه حتي لو في شركة تانية ودايمًا يفتكرلهم الخير.
تصريحات صلاح غير موفقة ولكن متوقعة بعد دعم لاعبي المنتخب لمتحرش فمفيش رد يقدر يقوله غير دا لإن الموضوع يكسف..
للاسف صلاح يجني ثمار خطأ ارتكبه وأتمني يكون مقتنع امام نفسة إنه أخطأ عشان احنا عارفين انه أخطأ دون شك..
قناة الاهلي بتناقش تصريحات فايلر ان صالح جمعة مش في حساباته ودا قراره النهائي..
فبيقولوا اننا نعتقد ان فايلر بيعمل كدا عشان عايزه يركز اكتر ويشتغل على نفسه اكتر 🙄🙄🙄🙄🙄🙄🙄
قنوات الاندية دي اسوأ حاجة في الدنيا والله..مُطالب وانت شغال فيها انك متبقاش مِهني عشان الخصم بيهاجمك..
فمفروض بقي قناة الاهلي تفتري على الزمالك..وقناة الزمالك تفتري على الاهلي..
وتخلق جو من التضليل والشحن عند الجماهير اللي اصلا بقي اغلبها بلا وعي !
هتكلم في نقطتين
١- كرة اليد ليست اللعبة الاولي في مصر ومن وجهة نظري ان جمهور الزمالك بيري في فريق اليد مالا يراه في فريق كرة القدم على مدار آخر ٢٠ سنة لكن ستظل كرة القدم هي الرياضة الأولي
٢- الفوز بدوري ابطال افريقيا لليد انجاز يستحق اعطاؤه الحجم المناسب في الجرائد ووسائل الاعلام
انا معرفش الموضوع اتفتح تاني ليه..بس عامة حسام البدري فنيًا وأخلاقيًا لا يصلح للتواجد في الأهلي يوم واحد..وقرار إقالته كان تقريبًا القرار الوحيد الصحيح لإدارة الخطيب..وملوش علاقة بالمستوي الفني لكارتيرون..حتي لو أداء كارتيرون وحش مش معناه ان البدري كويس..
"الرأي غير قابل للنقاش"
من المؤكد ان لاعبي المنتخب بيتابعوا السوشيال ميديا بشكل مكثف حتي وهما داخل المعسكر ف مؤكد هيشوفوا الكلام دا..
منتخب مصر أكبر من أي حد فيكوا من أحسن لاعب فيكم لأقل لاعب فيكم.
جمهور مصر اللي بيشجعكم حتي وهو متضايق منكم من موقف سلبي عملتوه يجب احترامه.
أخيرًا..احترموا الصحفيين.
نقطتين مهمين:
1- في تجاوزات حصلت من لاعيبة كتير النهاردة فلو عايزين الجمهور يرجع "ربوا" اللاعيبة الأول بعدين لوموا الجمهور.
2- كابتن مدحت شلبي بيسخر من اللاعيبة خلال كلامهم مع الحكم، بالمناسبة محمود علاء وأبو جبل الاتنين بيعرفوا يتكلموا انجليزي.
محمد صلاح قال امبارح :
انا بتعرض للضغوط لإنني وصلت للي موصلوش أي لاعب مصري وعربي وافريقي
مصري وعربي ماشي لكن افريقي دي واضح انك مكنتش متابع دروجبا وإيتو وجورج وايا..
يتبع..
بعض جماهير الأهلى دلوقتي بيقولوا اصابات الأهلى الحالية بسبب سحر معمول للاعيبة الأهلى،
منه لله اللي عزز الأوهام فى عقول اللاعيبة والجماهير.
ربنا يهدي الجميع
طبعًا مشفناش الاهلي بس انك تفوز برة من جديد بعد ما كنت بتطلع تدافع قدام النعجة التشادي حاجة كويسة،
ياريت فايلر يقتنع ان ايمن اشرف مينفعش قلب دفاع، وحياة الجبنة والشوكولاتة السويسري مش بيعرف يا فايلر
الحقيقة انا ملتزم الصمت من فترة بس نهائي افريقيا فاضله 10 أيام..
نهائي افريقيا الموسم دا من أهم نهائيات افريقيا عبر تاريخ الأهلي..فرصتك انك تحقق رقم قياسي بالفوز بافريقيا 3 مرات متتالية..فرصتك انك تنتصر على ظلم واضطهاد الكاف..
الوضع في الاهلي كارثي لأقصي درجة والله..بنشوف حاجات عمرنا ما شفناها واعتقد عمرنا ما هنشوفها تاني..
في بعض الافراد محتاجين يتفوروا تمامًا..
وياريت الجمهور يبطل تأليه لأفراد لا تستحق
شاء قدر الله ان والدي يُبتلي بنزيف في المخ والتهاب رئوي في هذه الظروف الصعبة ومع بداية انتشار الكورونا في مصر.
احب أنصح الجميع بلاش استهتار واهمال وفي نفس الوقت بلاش هلع..
خافوا على اهاليكم وصحابكم ومتنزلوش الا للضرورة
دعواتكم لوالدي ان ربنا يخفف عنه الم المرض ويتم شفاه على خير
أتمني من ادارة الاهلي الرد على سؤال المستشار تركي ال شيخ بقبول الاستقالة من الرئاسة الشرفية للأهلي متمنيين له التوفيق والشفاء العاجل مع دوام الود والمحبة
يمكن اول م هاني راح صدي البلد قلتله شد حيلك وخلال سنين قليلة تبقي من اهم الاعلاميين الرياضيين..لكن بمجهوده وبمجهود فريق اعداده وقبلهم توفيق ربنا هاني في شهور قليلة وأسرع من المتوقع بيقترب من انه يكون رقم واحد..موفق دايمًا ياهاني 👏👏
@HHathout
قبل مباراة النهائي حابب اتكلم عن مصطفي محمد...مصطفي محمد من أهم لاعبي المنتخب..يمكن هجوميًا مش موفق رغم انه اكتر لاعب في المحاولات بالتساوي مع محمد صلاح (16 مرة) ولم يوفق في التسجيل وهجوميًا في بعض القرارات اللي مش صح بس دا راجع لدوره الدفاعي اللي مكنش بيقوم به قبل كدا..