رزقي على اللي لا عطى الشي مامنّه
والا يدين العرب تعطي ومنانـه
لو شحوا الناس ربي يعطي الجنّه
مايغني الا كـريم الوجه سبحانه
والعز للنفس واجب والحيا سنّه
وانا إيديني من الثنتين مليـانه .
ادور على قربك مادور على فرقاك
واحبك واشوفك غايه ومطلب ومقصود
لا يطري عليك الشك مادمت انا وياك
محبتك في قلبي كبيره بدون حدود
من الشوق ودي كل ليله على لقياك
انا خايف اليا رحت عني ماعاد تعود
لو ارضاك يشرى بدراهم شريت رضاك
ماوالله اقول لـ قيمتك فقري ومحدود
اوعدك كان حضوري مسبب ازعاج
أوادعك و أغيب و ألغي حضوري
ماني بفاتح باب قلبي للإحراج
ما احب اكون انسان ماهو ضروري
يوم انا كنت بظلمة ايامي سراج
ما خافت الخطوات حزة عبوري
ببعد وانا ادري ما ورى بعدك علاج
والهجر ما هو من دواعي سروري :)
الكرامه فرض يوم الحب سنه
نحشم أنفسنا و يعجبنا التغاضي
من جرحنا نعذره و نصد عنه
ما نضيع وقتنا في شي فاضي
بعد ما نعطيه فوق اللي يظنه ،
نبعد و نكتب على صفحته ماضي
الحكي نرميه فـ الصدر و نكنه
و الصدور تشيل ما شالت الأراضي
مـا نقضي ليلنا ذكرى و ونه
حنا مع سود الليالي في تراضيّ
غريبه ما فقدني يوم ولا حتى سأل عني
غريبه ماشكى بُعدي ولا همته أخباري
قوي ياقلبه القاسي خيب بالهوى ظني
تركني بدربه وحدي أداري وحشة أفكاري
حسبت انه معي يبقى ولا لحظة يفارقني
ولا يرضى بحزني يوم ولا يهجر أبد داري
أسابق خطوتي يمه ويبعثرها عناويني
تعبت اعاتب طيوفه تعبت وطال مشواري
من كلامه ليله البارح وانا ادري
رحت ولا جيت وضعي ما يهمه
كيف ينساني وانا الي كان قدري
في عيونه معتلي في كل قمه
وين اصد من الحزن واروح مدري
ضاقت فجوج الثرا من كل يمه
لا اقبل الليل العتيم وضاق صدري
من يواسي خاطري ويشيل همه :)
لاكشختي ثم عرضتي على كل الجموع
أندهش من رزتك صفوة الجمع الغفير
والنحر مزموم والبطن كن حاديه جوع
والردايف نابيه تحرجك وقت المسير
والجدايل ضافيه لين من تحت الضلوع
والعيون السود تذبح كما السيف الشطير 💙:)
حطني في قلبك وعينك وبين اهدابك
وعطني كفوفك كلام الناس مايعنيني
يا فديت اطباعك وضحكاتك وترحابك
وعينك اللي لا رضيت تحطها في عيني
والقصيد اللي معي يبدا بك وينهى بك
جعلني ما ابكيك يوم وجعل ماتبكيني
مادريت اني تعديت السما بأسبابك !
لين شفت الكل بالإجماع مُعجب فيني 💙:)
يافريد الحسن يالزين الرهاوي
ما لحسنات البني عندك معشى
طاغين بالوصف يالغرو الحياوي
من يقابل وجهك المملوح بشا
ارحم الملتاع ياعين النداوي
سحب حبي لك من الخافق تنشا
هايمن من نضرتك طحت امتساوي
شوف حبك في شرايني تفشا
ألتفت لي لا تضيع بك الرجاوي
يابعد من فرعت والي تغشا :)💙
عطيناك سلمك " فـ المحبه ، و فـ التقدير "
و عطيناك سلمك " فـ الجفيّا و فـ الصده "
من يشوف وضعه غير ، و يشوف نفسه غير
عيون العرب ما شافته . . . مثل ما ودّه :).
سمحنا وعفنا وانثنينا عقب الإقبال
وذي عادةٍ لايمكن إن حنا نخلّيها
إذا ما لقينا من هل الدار طيبة فال
نشوم ونخليها لمن هو سكن فيها
عرفنا بعّز النفس من عادنا جهال
وكبرنا و من له عادةٍ ما يخليها :)
وش فيك ياصدر الشمالي تضايقت
و الناس تضرب في سعتك المثايل
افا ياصدري ضقت من جاير الوقت
خابرك ياصدري تشيل الثقايل
وش فيك علمني لك ايام مارقت
ضايق و فيك الهم صايل و جايل
خابرك ماعمرك للأحزان رافقت
و اليوم كنك شايل جبال حايل :)
سمحنا وعفنا وأنثنينا عقب الاقبال
وذي عادة لا يمكن أن حن نخليها
إذا ما لقينا من هل الدار طيبة فال
نشوم ونخليها لمن هو سكن فيها
صحيح الفراق مضر لكن على ما قال
ماهي تحرق الجمره سوى رجل واطيها
عرفنا بعز النفس من عادنا جهال
وكبرنا ومن له عادةً . . ما يخليها :)
مرحبا يا غايه القلب واقصى منتهاه
ريف قلبي جعل عمري معك ما ينتهي
والله انك زين مبسم وطبع وزين جاه
جعل عين الناس تسج منك وتلتهي
واحدٍ مافيه مثلك وربي قد عطاه
الحسن والذوق والعز والوجه البهي :)💙
انا لا تباطيتك .. علي الولّه ينشاف
يبّين على العاشق وينشاف فـ عيونه
احبّك جعل حبٍ يجي من بعدك يْعاف
وانا حالفٍ حُبك مع الوقت ما اخونه
ليا شفت وجهك والله ان ماعلّي اخلاف
فلا تنشد اللي شاف غايتْه وش لونه :)💙
من الحنيّه والتنازلات في الحب :
أنا اللي مغلّط وأنت تكرم من التشكيك
فهمتك خطأ والحين قد في يديك أمريّ
لا ترخص دموعك للثرا جعلني ما أبكيك
ترا كل دمعه كنّها عام - من عمري:)
تفاصيل شخصيتي لو اخذ عليها زوم
يجوز أكتشف لغز التناقض .. ولا أحلّه
غموضي يوضّحني و صمتي سوالف قوم
و رحيلي بدون عتاب و اسباب و ادلّه
تكاثرت خذلاني و قفّلت باب اللوم
ملامي على روحي و صبري على حِله
من العمر كله ما اعرف كم باقي يوم
لكن جعل باقي يوم يسوى العمر كله :)
وقمت اوضح كبر قدرك وأبين لك غلاك
ساعات تطغى المشاعر على صمت العقل
وصرت تقطعني بـ الايام وتبين جفاك
وكل شهر وصلك اردى من الفايت واقل
لاتحسبني بـ اقضي حياتي في رجاك
ما انت بـ اول من تغلى ولا اول من ثقل :)
ترى بيني وبين اللي مضى بالذاكره ميلاف
وإلين الحين .. ياخذني شعورٍ من أغانينا
ㅤ
عرفت إن القدر فرصه سعيده والحياه أعراف
لو إن الشوق .. من كثر البعاد المُرّ يصلينا
ㅤ
أزورك حلم من خلف الحقيقه والشعور لحاف
ما دام إن الوله واقف على " سكة هقاوينا :)
ي ليت الوجيه اللي هقينا بأهلها خير
بقى لونها هو لونها في بدايتهم
عطيناهم الإكرام و الحب و التقدير
وعطونا جروحٍ ما تعالج بخيبتهم
شبعنا من العذر و مللنا من التقصير
ولا عاد نبغى منهم الا سلامتهم .
وليفي , عساك من الزمان و غثاه مجار
نسيت الوعد ؟ و لا تناسيت صارحني !
من أيامنا وش عاد باقي من الاعمار
( اذا منت بـ مداوي جروحي لاتجرحني )
اظني سمحت من المواعيد و الاعذار
مع اني مهب بأدناة حاجة تسمحني :)
نعومته و انوثته .. مالها حدود
ومن البياض تشوف مجرى وريده
يميل بالوقفه .. مثل ميلة ورود
واليا مشى ممشاه ماهوب سيده
قالو لكل انسان .. اشباه وندود
لكن ما اظن ان المقوله سديده
الادمي هذاك .. ماهوب موجود
فالكون منّه .. غير نسخه وحيده :)💙
فاقد اللي مابعد شفت وجهه فالسناب
مايصور غير كفه وفنجال قهوه
فالشتاء علمي به يصور الماء والسحاب
ويرفق الصوره ببيتين ولاّ بدعوه
ادري ان الحزن يختصر سن الشباب
ياخذ من أيام عمره بغفله و ��هوه
ورجعوه يصور النار والماء والسحاب
ويذكر الغالين في بيت ولاّ بدعووه
:)
رُح .. قبل مـ الله يبيّن في عيونك قدري
خبّ ما باقي من احساسك وخلّه : ذكرى
ولا تقول ان النصيب يصيب دامك تدري:
" بكرة الدنيا تلهّينا . . وبكرة نبرى "
ادري ان البعد ماهو بـ اختيارك وادري
انك ابيض وجه لكنّ .. الليالي غبرا 💙:)
علي الحرام أني تحملت ضيق الوقت
وعلى رغم كل الحمل ماكلّت متوني
لذا لا انفجرت وثار دمي وقمت وضقت
تهادو و واسو خاطري لا تلوموني
مع النفس خلوني و اجيكم ليا من رقت
انا لا احترق دمي من الضيق " خلوني " :)
مرحبا يا اللي ما بين الغيد وحدك دُرّه
عند غيرك ما يجي للزين ذكر و طاري
والله ان البال محدٍ غير زولك مرّه
تسرحين بقلبي اللي يعشقك و افكاري
من عرفتك و الغلا فـ الصدر لله دره
يا اجمل ارزاق الحياة و مكسبي واقداري💙:)
من صد عني ؟ ترى مانيب محتاجه
من دونه أعيش دامه عاش من دوني
و إن قدّر الله ؟ مع الايام نتواجه
تمر مثلك مثل ناسٍ يمروني
فـ عيوني تصير ماتسوى ولا حاجه
من عقب ماكنت تسوى الناس فـ عيوني :)
عسى الله يتمم عليك ويهنيك
وتْعيش من زود الهنا عمر ثاني
وعساه يطمع في رضاك ويراعيك
ومن طيبه ياخذ غلاي ومكاني
يا ليته عن ضيق صدرك يسليك
ويعوضك عن ما مضى في زماني
تدمع لك عيونٍ تعزك وتغليك
ولي قلب يدعي لك ولا هو بأناني
من شفت زولك والقرايب حواليك
" فرحت كنّك واحدٍ من اخواني :(
ي وليفي خل صدرك على حبي وسيع
ولا تفسر كل حاجه على وجه الخطا
جيت لك مجي(ن) ابيض وأنا قدري رفيع
جيت أللي شااف غاليه من عققب البطا
كذب اللي قال عمّر الغلا يقفي سريع
وصدق اللي لجل عينك على جمره وطا
اوعدك لكلف النفس ما لااا تستطيع
لجل عينك ترضخ النفس وتسير الخطا :)
روحي ذبحها الحنين لعالمٍ قفّت
لكن وجودك على الدنيا مسليني
تمر الأيام والأشواق ماخفّت
ادناة حاجة على الماضي تبكيني
عيني على احبابي الغالين ماجفّت
ماباقي الا انت " تكفى لاتخليني " :)