خلوهااا
بعد غيبة عن الجمهور والشعار و الأعلام
نويت احرك الساحة و سندها و احدرها
جمال الله يبارك فيه ما يقلط بلا عزام
يدور للسمينة و الهزيلة ما يدورهااااا
@JamalBander
@JamalBander
امون اميانة الطيب واعرف ان القصيد الهام
و امررها على اللي فوق خلق الله يمررها
اذا الفيروس صابك وانت بالقفاز و الكمام
انا فوق الاصيل اللي توطتك بحوافرها
@JamalBander
انا الشاعر و انا الواثق و انا العاقل و انا المقدام
على ما قال خالد يا حبيبي لا تكررها
تبا تبرك بك اللي درهمت بك يا ولد غنام
بعد ما وقعت في رجلها اللي ما تعورها
@JamalBander
عسى الله يحفظ الشعب ويديم العز و الحكام
ومكة و المدينة و الديار اللي تجاورهااااااا
اخبر السوق قسم وصار قسمين او ثلاث اقسام
حراجٍ سمعته حتى الجنايز في مقابرها
@JamalBander
من ايرد الذلول اللي سرت ترثع بدون اخطام
ما نقدر لا نقربها الفحول ولا نضيرها
اقول الذنب ذنب الغاوي اللي طول الأقزام
مساجين البيوت اللي عسى الله ما يكثرها
@JamalBander
انا اقول المواهب تندمر من سوو الاستخدام
و ابو بندر طلع له علةٍ ماهوب خابرها
نبي مفتاح سري يفتح الخزنة بدون ارقام
ما دام ان الكويت ابراجها اطول من عمايرها 🇰🇼
@M_saakran
لا تحسب اني يا التميمي مثل شواي الجراد
لو اللتفت شفت اكثر الفرسان قتلا وصوبا
اكلوا بقايا قوم صالح يا بقايا قوم عاد
لوناكل الجمر الحمر ماناكل اموال الربا.
@M_saakran
الشاعر السكران هبت له ذعاذيع البراد
اليوم لو نادى ملوك الجن قالت مرحبا
ابو عمر من كثر ما حرك هجوسه و استفاد
ياكل من البطيخ و الشمام و الارض شهبا
@saleh_neshaira
الرابح اللي ما تجود غير بالحبل الوثيق
والخاسر اللي كل ما شاف العرب تحذف حذف
انا اعرف الصقر المبرقع و اعرف الصقر الطليق
احدٍ يدور للسماء و احدٍ يدور للعلف.
يا صالح انت اللاعب اللي وضعه يهم الفريق
ونهاية الشوطين قربت ماحدٍ سجل هدف
اللي يزيدون الحطب واللي يطفون الحريق
بعد اربع وعشرين ساعة وقفوا فالمنتصف.
@saleh_neshaira
اولاً ابارك لـ الصديق الأكتروني الشاعر صالح النشيرا
@saleh_neshaira
و ابارك ايضاً لـ الشاعر عبدالمجيد الذيابي
@Sh96F
و ابارك نجاح برنامج #المعلقة
و اخص القائمين على هذا البرنامج
@alrougui
مالك الروقي
@M_saakran
محمد السكران
@ajahaniii7
هلا مرحبا ترحيبة تحرج الكذاب
غيابي حضور الله يسلمك يالغالي
مجمل لو ارد التحيه واصك الباب
ولاني ب متكبر ولاني ب متعالي
بينا طاروق قريبًا وتشرفت بك.
@saleh_neshaira
اذا بغيت تميز المعدن خزف ولا عقيق
ولع عليها النار وتعرف العقيق امن الخزف
العز لله ثم للي عزوا البيت العتيق
اسلم و سلملي على الفايز بمرتبة الشرف.
@1_mohtrm
الا يامرحبا ترحيب مطلق ماعليه سياج
طلع مثل الحصان الجامح اللي فكوا اصطبله
لا ترهي بالغنايم غير لا شفت الحجيج افواج
ترى كبدي من ضعوف البشر قرفه ومندبله.
@saleh_neshaira
به يوم للفنجال و الدلة ويوم(ن) للبريق
ما فيه حاجة تستحق الموت و العشق بشغف
المشكلة يا بن نشيرا كان راحت خيق بيق
ماتو عيال الفعل يا عيال النعومة و الترف.
@1_mohtrm
يارادار الفلس نعرفك ببراج وبدون ابراج
تبيها اكبر من الدوار ولا اصغر من الدبله
تجيك اسبق من الزاروق ولا اسبق من الميراج
تعدا راعي الظن الردي والكلمه الخبله.
تصبحون على خير ومبدع يا محترم
@mzed_9
يا مزيد الوسمي مكانك بين دجلة و الفرات
من زين حضك ما بعد مرك لا جوع ولا ضما.
حاضر بحاضر لا تصفح في ملف الذكريات
الليلة النومة عليك ابعد من نجوم السما.
@alialdeaya
تفضل يالدعية حرك هجوسك وخلك ذيب
توقع كل شي الا الضعافة لا توقعهااااا.
نبي نسري على المعنى سوى لين البيوت تشيب
كذا ولا كذا مال النجوم الا مواقعهااااا.
@saleh_neshaira
حنا عطيناك الصحيح تضيق ولا ما تضيق
العز لاهل العز و الهبوة لملعون الجدف
جريمة المري بغت تمشي كذا مثل الزريق
و المري الله لا يبارك فيه وقع و اعترف.
@1_mohtrm
الامنك دخلت السوق لابده يجيك ازعاج
لكن لا تنهبل لو شفت كل الناس منهبله
معاد ابه اومرا يامحترم غير اومرا لفواج
ومن طاوع قليلين الوفق لعبوا به السبله.
@mzed_9
لازم تحدد وجهتك لا تطمع بكل الجهات
مدري تحب اهل الحفر ولا تحب اهل ضرما
حنا من اللي في المعارك يتعبون المسرجات
وليا دخلنا ساحة الميدان ولع و احتما.
@M_saakran
ماني بحب اللي يحط الجمر من تحت الرماد
عسى الامور الثانية ما تنتشر مثل الوبا.
نقدر نسوي معك حلف مثل حلف الاتحاد
عسى السواري طال عمرك ما تثور فالخبا.
خلوها
@su_abbas
ابو عباس عنده مشلح(ن) ضافي ولونه زين
يحمد الله لايطمع في الرجال وفي مشالحها.
يبا الثنتين ابو وحده واخاف يضيع الثنتين
هواجيس القصيد ان ورطته الله يسامحها.
@mzed_9
يا شاعر طوال الشوارب قل لشعار البنات
البنت ما يرفع لها البيرق لو البنت طخما.
ان كان تبغى زود اخذ ون كان عندك زود هات
ماهي بعرض افلام في شالية ولا سينما.
الشكر موصول للقائمين على #موسم_الرياض و خصوصا فعالية #خلوها شعراء و صفوف وتنسيق وتنظيم احترافي و بداية موفقة جدا وبانتظار الليالي القادمة
شكرا معالي
@Turki_alalshikh
شكرا الاستاذ
@Qabdullahhumair
@saleh_neshaira
سلام الله على صالح سلامٍ يلفت الأنظار
ولا بعد السلام الا الكلام اللي على كيف��
انا مهتم في الساحة ومتضايق من الشعار
بعضهم يعتبر مثل المعزب لا طرد ضيفه
@alialdeaya
انا جنبي متين وفي زماني ما علي صعيب
تركد يالدعية وادرك الدعوى وسنعهااا.
تحاول تنقض الحجة بلا حجة وهذا عيب
اجنون الشعر غابت و انت لا معنا ولا معهاا.
@mzed_9
تقدر تجيب العلم وتودية لو بسناب شات
يا طيب عينك كان خليت البشر مثل الدما
ما دام عندك طيب ضن وطيب قول وطيب ذات
لاتمدح اللي لاتحزم بالسواري ما رما.
@alialdeaya
وصلك اطلق شنب واطلق شنب والله ماهوب شنيب
وتشهد له شهود(ن) ما تخلف عن جوامعها.
حرامية تويتر يرقبون الشمس لين تغيب
طمعها في الظهور يسوقها و الصدق يردعها.
@alialdeaya
ترى ما ف المساري طال عمرك غير شق الجيب
ولا يثر على بعض الرجال الا روابعهااا.
لا يمكن نتفق ذا اليل ف المعنى و ف التركيب
انا امشي خطتي خطوة بخطوة وانت بايعهااا.
@alialdeaya
ترا الشلفا الرهيفة في يمين الفارس تراحيب
ولا نطح الاعادي قامت تبطح مذارعها.
نظن بخير مير الظن يخطي في العرب ويصيب
نصيحتك الثمينة يا طويل العمر رجعها.
@Nmnaa7y
تعال يا ناصر ابن مناحي اقهويك فنجال
اما اقعد الراس ولا جاب للراس الشقيقة.
خل المعاني تبيع وتشتري والحق ينقال
والسيل لاجاك من منشاه جنب عن طريقة.
@su_abbas
اقوله من معرفه واعرف الديزل من البنزين
بيوت الشعر لا تخلف معانيها وتذبحها .
تريح لا تحسب انك ولد راكان ابن حثلين
ترا اللي ما رفع لعلام ما يقدر يطيحهااا.
@su_abbas
توكلنا على الله والكلام الزين فيتامين
لكن اصمل معي والانظمه طبق لوايحها.
نجاتك من ذراعك والردى للاش والمسكين
ترانا لا نوقف في الدروب ولا نبرحها.
@su_abbas
لك الله ما يغش المسلمين الا قليل الدين
تزحزح والجبال الثابتة محد(ن) يزحزحها.
عطيتوا حملة ابعيرين وخذوا حملة ابعيرين
عبيد الغطرسة ما تعترف لك لو تشرشحها.
@Al_Aklubi
مرحبا ترحيبة الطيب على فنجال دلة
من ضمير هاجسه يصدر مثل الأمر الوزاري
والله اني محتزم بالسيف وأقدم به واسلة
والصقور الجارحة من هيبتي راحت حباري.