أحاول . . أحاول جداً
بكل مافيني إني مافقدني بشكل كلي مافقد نفسيتي وضحكتي وشغفي للباقي من العمر ، أحاول وأحاول ، بس ولا شيء قاعد يساعد
" كأني أواجه جيوش و أنا فرد " .
حافظوا على أحبابكم و أحرصوا على عيش اليوم وكأنه آخر يوم معاهم ، والله إن الدنيا سراقة
و مالها آمان - انت مع الشخص اليوم بس بكرة الدنيا بتسرقه منك للأبد / فِكرة مُخيفة .
والله إني أكثر شخص يخاف
يصارح بمشاعره / وأكثر شخص قلبه حنون ورهيّف وأكثر شخص يدقق بأصغر التفاصيّل
وممكن نبرة صوت أو حركة بسيطه أجلس
أفكر هل هي مقصودة أو لأ
وأزعل وأزعل وأزعل .
إنك تكون إنسان حنون وحنون بزياده
شيء يزّعل ، حتى في النقاش الحاد
تحاول ما تجرح اللي تحبّه وتقوله
كلام قاسي مو ضعف بس ما ودّك
ترمي سهامك — مسكين والله مسكين .
مافيه أبشع من المشاكل العائليه مواضيع
تكون خارج إرادتك و مُجبر إنك تواجهها
بصمت وما تقدر تقولها لأحد ولا هي من
المشاكل اللي لها حل فقط ضغط يومي
وتراكمات وأنت باقي كاتم ومافيه حل
غير السكوت والسكوت .
تتأكد إن زعلك حقيقي إذا وصل الألم
بأعضائك سواءً معدتك أو قلبك .. يصير
مو بس يأكل روحك وذهنك إلا ياكل صحتك
معهم وتنهار كلك ببطئ في مكانك
بلا أي حيله وتظل تسأل نفسك
هل أنا أستاهل كل هذا ؟
إستقبلنا رمضان بدونهم
فاللهمّ إرحم من حنّ لهم القلب وهم تحت الثّرى ، تسّاوت عندهم الأوقات فلا شمسٌ تشرق عليهم ولا قمرٌ ينير ظلماتهم غير دعائنا لهم
اللهم آنِس وحشتهم وأفسح وأنِر
قبورهم / واجعلهم في الفردوس ينعمّون .
عشان ما تصدمك الحقيقة ، لا تتوقع
أن لك مكانة كبيرة في قلب أحد
لا تتوقع أنهم يبادلونك حجم حبك
وتضحيتك لهم
لا تعتمد على أحد بدنياااااك
لأن مهما قدمت لهم فأنت - قابل للاستبدال
عند "حضور البديل" فا إنتبه شديد الإنتباه
لا تصدمك خيبة العشمّ .
يا ساتر يا عُمق الشعور لما تبي إنسان
واحد بهالدنيا بكل جوارحك والمشاعر
الجيّاشه اللي تحتويك وَ قلبك يصير
يستثنيه كأنه ماعرف غيره وضلوعك
ما ترحب إلا فيه عشان يسكنها
والله آاااااااخ .
أحب طبّعي هذا رغم أن خاطري سِمح
لكن طبعي عيّوف / مثل الذي يعاف الماء وهو ميت عطش ومتشفق عليه لكن النفس إذا عافت عافت ! و أسامح الشخص وأمشي ..
ولأ كنه موجود في هذهِ الحياة لو يوقف على طرف الهدب ما تلمحه عيني - وهذا طبع أعتّز فيه .