#هجوم_علي_نقطه_امنيه_بابوحدريه
سلامي على اللي طاح خصمه وهو وما طاح
منومس محبينه .. مفشل معادينه
محمد ولد سلمان ف ايدينه المفتاح
ولا ينفتح باب ٍ مقفله بايدينه
احبه و حبي ما يبي شرح ولا إيضاح
بلادي مع بلاده و ديني على دينه
يقولون وينك قلت مشغول في دنياي
هموم و معاناة و ضغوطات نفسية
'
على كثر ما قد مرني الضيق رايح جاي
اغني وأسولف كن الأوضاع عاديه
'
عسى ما يجي حظي مثل حظ ابو عداي
طمع فالكويت و حاربته السعودية
الصبر كنه بشت ٍ كمومه قصار
ما عاد ينفع ينلبس في عزيمه
'
من كثر الاستخدام حتى الزري طار
بغيت أبيعه بس ما جاب قيمه
'
و لولا السجود و كثر ترديد الأذكار
بانت على وجه الشجاع ( الهزيمة )
.
.
#علي_بن_الشايب
من ليلة الجرح الاول لين هالليلة
مشاعري له بدون شعور متجهه
'
و الذاكرة ما تجيب الا تفاصيلة
من وين ما يممت هو دايم الوجهه
'
من يومها ادعي لنفسي كل ما ادعي له
يصبح على خير وانا اصبح على وجهه
وجودي على السجه و ويلي على المطراش
ابى ادوج في الأرض الفسيحه و فارجاها
مع اللي بياض قلوبهم من بياض الشاش
نشاما ً جمعها الله مثل ما اتمناها
من الضيق و هموم الزمن و الوبا ننحاش
نبي ديرة ما فيه احد قبلنا جاها
لكن الله يسلط على اللي كلا الخفاش
كلا العلة العله و حنا كليناها
ودي اني بعض الأحيان طير من الطيور
واترك (الدنيا) واهلها لا مني عفتها
هاجرن ضيق المباني و زحمات المرور
لين اطالع الارض من فوق لا طالعتها
يمكن ألقى فالسماوات بوابة عبور
ثم أودعها هجوسي ليا وادعتها
عَل تمطر بالقصايد و تحفظها الصدور
كود احصّل من يذكرني ان ضيعتها
صاحبي يا طيب الراس يا واف الشبور
والله انك خيرة العالم اللي شفتها
أظلمك لو قست خوتك بحساب الشهور
مثل ما أظلم نفسي بعالم ٍسايرتها
كل ما تثبت على نوع عطر من العطور
تنحرم من عدة عطور ما جربتها
مرحبا بكم
المسابقه الاولى:
#علق_على_الصورة ( نثراً و ليس شعراً )
وبختار اجمل تعليق بجائزة وهي ( تذكرة سفر ) الى نفس المكان اللي بالصورة 👇🏼
آخر وقت لاستقبال المشاركة 24ساعة من تاريخ نزول هالتغريدة
المشاركة متاحة للجميع .
- اي مشاركة فيها "شعر" بستبعدها
- مش لازم تتابع حسابي
من غيبتك يا وليف الروح متوتر
ماهيب عادتك تقطع كل هالفتره
'
لو الأحاسيس تتجسد و تتغتر
لبست لك البشت فوق الثوب والغتره
'
الظاهر انك يهودي بس متستر
واذنبت في مسلمن يدعي لك فوتره
يا فاتنة غبت عنك ارتب أموري
وهمومي اللي على خبرك على ماهي
انا من العام همي يسكن سطوري
والحزن ما ينتهي و الفرْح متناهي
واليوم لا جيتك آكفر عن قصوري
استقبليني ب بسمة وجهك الباهي
لو غيبوني عن الساحة و جمهوري
اذا بقت لي عيونك ما ابغي إلا هي
يا ليّن العود مدري ويش سالفتك
اما اخف الأشواق ولا وضّح و بين
'
انت المعزب وانا يا معزبي ضفتك
مدري بعين عشا او ماني معين
'
انا نسيت الاوادم عقب معرفتك
عساني أنسى شقاي بعودك اللين
الزمن بين أصحابي من أخصامي
حسرتي يا هقاون فيه هاقيها
'
أثر سامي صديقي ما هو بسامي
وأثر بعض الرجال بعكس أساميها
'
يا عيون الرجا طال الرجا نامي
ما يجيب السهر للناس أمانيها
'
دنيتي عيت تحقق لي أحلامي:
حسبي الله على الدنيا وما فيها