يا عنيدٍ ما خلق لك في تفاصيلك مشابه
عقب نظرات الغلا لا تنظر بنظرة مشبّه
الجفا مقفول بابه والوفا مفتوح بابه
والمواصل في سلوم الحب سنه مستحبه
كلّ ضلعٍ من ضلوع الصدر ممنوع احتطابه
احطب اللي تحطبه منها وشب اللي تشبه
فيك شي مْن الوضوح وفيك شي مْن الغرابه
ليه تلعب بالشعور اللي محد
مغنيني الله عن غرام المليحات
اللي ضعيف الدين يركض وراهن
تكفيني اللي كل ما راحت وجات
الدييين والعفففه عليييها تَراهن
وحافظ غلاها عن بنات السنابات
حتى سلام الله ... ما ارده علاهن
#حمود_خلف
عطيتك اغلا شي يملكْه الانسان
واخذتني من بين ربعي وناسي
من كثر ماني منغلق بعض الاحيان
حتى المرايا ما تجيب انعكاسي
تغيّرت فيك القناعه من الآن
واللي مضى لي معك منهج دراسي
ودي اسوي مثل متعب ومشعان
وارتاح واريح ضميري وراسي "
اللي ورا الموضه ودرباية الراس
زادو وْزان الفلم لـمدبلج الفلم
خَلَّوْ نصايحنا على جرة آلياس
وتخلّو مْن الدين والعرف والسلم
ما عاد ندري وش نسوي مع الناس
الناس فيها ناس ما تفهم العلم
سولف عن الوقفات ومزارق الطيب
سوالفك في شِهرتك ما اعجبتني
وجهك من النعمه ما ذاق اللواهيب
وانا سموم الدييييره امشلوطتني
والله ما تسبقني لفعل المواجيب
ولا انته بشايل ربع ما شال متني
ما طلعك غير البنات الرعابيب
وانا بـنـات افـكـاري إمطلعتني
امزح وحط لمزحك حدود وقياس
لا تِلحق اصحابك بمزحك مهونه
المزح لامن صار في وقت حساس
أهل القبال الزين ما يقبلونه
الهيل فالدلّه يحبونه الناس
لكن لياجاء فالصحن يكرهونه
تقولين أحبك؟ قلت ما لشّعور لسان
على قلبي المغرررم وروحي تمكنتي
أحبك مع أفراحي وأحبك مع الاحزان
وأحب الحياه اللي معك كيف ماكنتي
على كثر ما شافت عيوني من الغزلان
عليّ الحرام إن ما ملا عييييني الا أنتي
#حمود_خلف
يا رفيق العمر لن كان فالدعوى مجال
اعفني من زحمة الناس والدنيا السعه
دق سلف الجيب وازهم شغاميم العيال
عن زحام الخلق يكفي ثلاثه واربعه
طب نفسي في فجوجٍ وطاها دوب سال
يشرح الخاطر هواها لا جاء له ذعذعه
لا اختلط ريح الثرا مع مباهير الدلال
وصفةٍ تشفي جروح السنين الموجعه
من ثمان
دايم الطيّب على الطيب انتحاري
خلّ من صج العرب بفعول جده
العزاوي صايره مثل البواري
تزعج العالم ولا فيها موده
طاري الامجاد ما يحتاج طاري
قبل ما يطري نِعرف اهل الاشده
لا تداري واحدٍ ماهوب داري
لا لقيته فالطريق امش وتعده
في طريق الطيب مخرج لطواري
لضعيف اللي عسى الله ما يرده
قـدام لا تنطق بكلـمـه تـمهّل
تـرا الـكـلام اللي تقوله يدِينك
إن كان ما تقدّر لا اشوفك تزهّل
حـنّـا ما حـنّـا لـعبـةٍ في يدَينك
أمـّا انـجـز الموضوع ولا تسهّل
واشره على من قال يفلان وينك
#حمود_خلف
تقاصرو فالهرج ياهل السواليف
ما لسوالف عندنا ادروج ورفوف
اليا مدحنا نمدح اهل المواقيف
تكرم مدايحنا عن رخوم وضعوف
حنا نحب اللي يحب المعاريف
حتا لو انه ما ملكنا بمعروووف
ام العيون اللي هدبها بلاجيك
والباقي مْن اوصافها آمر وأدها
إيمرّها المستعجل ويضرب بريك
وينسى مواعيده ويرقب وعدها
يالييييتهاا ما قالت الله يعافيك
والله ما شفت العافيه من بعدها
#حمود_خلف
قال النبي ﷺ : ( من أحب أن تسره
صحيفته ؛ فليكثر فيها من الاستغفار )
هذا الحساب
@t3irt
يغرد بالاستغفار فقط من حين الى آخر تابعه وفعّل له جرس التنبيه، جربته وفادني كثير وما حبيت ابخل به عليكم 👍🏻♥️
في خاطري شيٍ من العام عيا
يجي على الكيف المعنا وعييت
على الـكـرااآمه والـكـرااآمه كذياَ
ما تقبل اللي دون قدري وضحيت
باللي له اثــ12ـنعشر شهر ما تهيا
والخاطر اليا طاب ما قلت ياليت
اللي ما عنده للـكـرااآمه حمييا
ضميره وْجهه مثل حفرة الزيت
يا بهجتي لا تكثرين المشاريه
ما جوف قلبي غير حبك ودمّه
تبجحي من هامته لا مثانيه
ولا يلحقك منّي ملام ومذمّه
سمّي عليه من الطواري وسميه
حتى لو ان ما فيه غيرك يسمّه
من كثر ما حبّك معرضني التيه
امشي بدون ادراك في كل يمّه
لو مرني عطرك مع اللي ما ادانيه
اخاف اغيّب مع طيوفك و ....
الليل هوّد والقمر هايَف وهبت من شمال
والنار تشعم في خفوقٍ كل ضيقه تدهله
صدر الحجازي ضايقٍ من نجد إله عدة ليال
عاد المصيبه صدق لو علّم وش اللي مزعله
لا ينتضَر منه الجواب ان كان فالفايت سؤال
احيان نِص الاجوبه في فهم نَص الاسئله
@F_BinHithleen
يا سيّدي حط كوعك في شداد العلا
وآمر على كلّ الامجاد وتقهوْ الفخر
صـدور شـعـبك تكن لك الغلا والولا
من كثر حبك غبطنا صدر بيت الشعر
#مجلس_الصياهد
آثر الغلا مثل الدواء فالمراعاه
تناوله لازم يكون إنتظامي
وانا لعب فيني غلا اللي يماأغلاه
لين أنطوى حالي وطوّل هيامي
معطي حياتي كلها ألاّمبالاه
ألا معه معطيه كل إهتمامي
لا تعذلوني في وصاله وفرقاه
قدامكم حاولت أعدل نظامي
أحلف واقول إني مع الوقت لنساه
وأشتاق له قدام اخلص كلامي
يا ذا الجلال اللي بجودك تشبِع بطون الجياع
ولْك الجبال الراسيات مهلله ومسبحه
انت العظيم اللي تحت هيبتك ينعاج النخاع
وانت العليم بسر عبدك قبل عبدك يشرحه
اعتقني مْن النار وابعدني عن دروب الضياع
والهمني الصبر الجميل وْعِفّ قلبي واصلحه
ما ارخيت راسي غير وجهي متجه لطهر بقاع
حتى لو
#يوم_الاب_العالمي
في مثل هذا اليوم العام الماضي اقول
اسابقك لطيب وازريت لا اسبقك
ماذكر سبقتك غير بسمي فالاحوال
واليوم اقول 💔
متى ينفخ اسرافيل واستبشر بلقياك
واشوفك بعد حال القبر بينك وبيني
عسى اللٓه يغفرلك كثر ما عطت يمناك
وعسى الله يصبرني كثر ما بكت عيني
من حزة غياب الشفق لين انبلج نور الصباح
والعين منجحها السهر والراس عايف مرقده
امشي واعرّض صدري المدهول لنسام الرياح
لا فاح فوح اللي .. على جال الوجار مقنده
من طاول كبار الهقاوي والمناوي ما استراح
الا ليا صافح بها التاااريخ واسمه خلده
ما ألذّ من طعم النجاح الا هتافات
من حزة غياب الشفق لين انبلج نور الصباح
والعين منجحها السهر والراس عايف مرقده
امشي واعرّض صدري المدهول لنسام الرياح
ويفور فور اللي .. على جال الوجار مقنده
من طاول كبار الهقاوي والمناوي ما استراح
الا ليا صافح بها التاااريخ واسمه خلده
ما ألذّ من طعم النجاح الا هتافات
يا رفيقي شرهتك مثل همّال الخيال
تبرق وترعد وكل السعد برعودها
خابر انك تقبل العذر لو ماله مجال
كيف عاد بكلمةٍ زلّت مْن حدودها
اعتذر لك قدم عينك وقدام الرجال
والعذر ما ينقص الطيبين، إيزودها
ان قبلت العذر عادَتك في كل احتمال
وان بغيت الصدق والله ما عاد اعودها
#حمود_خلف
يا مدورٍ للمدح ماني بـ مادحك
المدح في شرواك عار وفضيحه
اخذ الصراحه والصراحه تريحك
لو كان ما تعجبك الاريا الصريحه
المدح لا تستغربه يوم يشقحك
وشلون في مثلك تهيض القريحه
تْسحب بشيتك ومالله مربحك
تمشيخك (جوال مابه شريحه )
حقك من يعلقك مع حيد مشلحك
ولا المديحه ما حصل لك مديحه}.
اللي ليا من ضاق ضاقت بي الارض
ماهوب صدري ، واحدٍ جوف صدري
سيطر على دنياي بالطول والعرض
ازعل معه وارضى معه ليه مدري !
اخذني من الناس والشعر والفرض
واللٓه يستر ما بقى … [غير قدري ].
بس الاكيد إن الهوى يشبه القرض
من مرّ دربه….. ما طلع منه بدري
✨الجديد✨
اداء: خالد البريك
لا بذلنا الطيب ما ضاع فـ عيون الرجال
ما يضيّع وقفة الطيب … غير الامّعه
العريب يشوف ماء وجهه أكبر راس مال
والردي يمكن يبيعه .. ليا قالو بعه
والله لو أكتب ف أمي أبيات وأبيات
إني ما أوفّيها ولو صار ما صار
عسى فداها لابسات العبايات
لا والله إفداها هل العز والكار
أمي لو إني غبت عن عينها أوقات
عن قلبها ما أغيب لو الزمن دار
يمكن لوأرقد عن فروض الصلوات
[ عنّي تصلي ]خشيةٍ لي من الناار
على طرق ذعذاع الهوى في شمال طويق
طرقت الهجوس وحظّر الفكر وابداعه
تمثنيت جوٍ ماهو إنسه ولاهو ضيق
كذا حالي مع الغربي ان هب ذعذاعه
اغيّب مع التفكير وانْبَه منه وافيق
ولا انشد عن العالم ولا انشد كم الساعه
هيه ياللي تحسبنا على الجرف الهيال
عِطّ باعلى الصوت وشره على اللي يسمعه
ما علينا زود فالمرجله في كل حال
كاسبين السمعه اللي ماهيب مرقعه
لا بذلنا الطيب ما ضاع فـ عيون الرجال
ما يضيّع وقفة الطيب … غير الامّعه
العريب يشوف ماء وجهه أكبر راس مال
والردي يمكن يبيعه .. ليا قالو بعه
يا نجد ماني مثل ماأنتي تخبرين
اجيك وأرجع والسعد في قبالي
اليوم اجيك وخاطري ماهو بزين
وارجع وحالي مثل ما كان حالي
وادعت فيك اللي وداعه لهالحين
مثّر علي ولا يفارق خيالي
اللي من أول مسكنه داخل العين
واللي ماأخذ مثل غلاه اي غالي
لكن ما توقف على شخص شخصين
بقوّي اعزومي واطوّي حبالي
إنّا لله وإنّا إليه راجعون
انتقل والدي الى رحمة الله تعالي
وستقام الصلاه عليه بعد الجمعه في جامع الجفر والدفن في مقبرة الجفر
ولا حول ولا قوة الا بالله العلي العظيم
يا سبحان من حط الشتاء لـ البشر ترفيه
تقول الرحابه والسعد فيه مزروووعه
لا قام السمر ياخذ من البرد ويصاليه
وطقّت شليخه طقّت ابهههاام دلوعه
على جاله اللي يلحق مْع اوله تاليه
كريمٍ يمينه تظهر البخل عن طوعه
ماهو والله بـ جو اسبرسو ولا لاتييييه
هذا جو رسلانٍ على الكيف مصنوعه
يامفسّر الاحلام ماعندي أحلام
ما عندي الا حلمٍ إيطيّر النووم
اتعبت نفسي لجله شهور واعوام
من دوّر الامجاد ما يلحقه لوم
واللي ما يعرف حلمه الا ليا نام
ماهوب لاحقنا لو عزومه عزوم
#حمود_خلف
والله لموت ورفيقي ما عطيته قفا
ولانيب في صاحبي متكاثرٍ ماقفي
والله ما تبحث له صدوف الليالي خفا
لشيل حمله لو ان حمله يزيد اكلفي
اقدره واحشمه وافداه عن قول افا
ودايم على خوة الطيب يزود اشغفي
اليا لقيت الوفي اللي يحب الوفا
انا مع اهل الوفا لين اتوفى وفي
راع الكرم لـ جاه ضيفه تبسم
ويقلطه فالعين والصدر والدار
مؤمن بأن المال رزقٍ مقسم
ما يذخره خوفٍ من الوقت لا دار
وراع البخل لـ جاه ضيفه لقى السم
في هرجه وترحيبه وزاده المار
وجهه يعوّد من عروقه موسم
ما كن ضيفه غير قصاف الاعمار
#حمود_خلف
يا عظيم الملك يا من رحمته تسبق عذابه
فيك ظني ما يخيب ولا يخيب مْن انت ربه
أحيني حيّ الضمير وصب في صدري رحابه
وارضني واغدق على روحي براحه مستتبه
الليالي مِدرجه حلمي تحت حد الحرابه
والعزوم تقول حلمك لا تكبه لا تكبه
إنسحاب الفارس اليا سلّ سيفه من جرابه
ينقصه عند الخصوم وينقصه
حتى الرفيق اللي من اول نحسب انه فالمراد
ضاعت علومه واختلف منطوقه وطاح سهمه
آرسلت هقواتي وَلا جتني بنفس الارتداد
تغيّر القانون مدري صار شيٍ ما اعلمه
واليا قدح خشم الكلاش تهون يا خشم الزناد
جعلك فدا اللي في فعول الطيب مرفوع علمه
هذا ولد عمي ليا من شحّت الايام جاد
ما ظلّمت
يا عظيم الملك يا من رحمته تسبق عذابه
فيك ظني ما يخيب ولا يخيب مْن انت ربه
أحيني حيّ الضمير وصب في صدري رحابه
وارضني واغدق على روحي براحه مستتبه
الليالي مِدرجه حلمي تحت حد الحرابه
والعزوم تقول حلمك لا تكبه لا تكبه
إنسحاب الفارس اليا سلّ سيفه من جرابه
ينقصه عند الخصوم وينقصه
#لطامات_دونها_أهلها
الاد مشيب محتمين ام المطارق والهلال
قدام نجد يصير فيها نصرها وهلالها
ما كان فيها غير ذبحٍ يشبه لذبح الحلال
لين ان اخو نوره تمثناها وزيّن فالها
واليوم نفخر ونتباها والفعايل ما تزال
فزعة عتيبه بين فزعات الرجال لحالها
بعض المواقف مثل بدع القاف تحتاج ارتجال
كنت حولك كل ما ضاقبك صدرك
وان لحقك اللوم يلحقني ملامه
ولو بغيت الموت سابقتك لقبرك
ورافعك حتى تعديت الغمامه
بس بعد اللي حصل ضيّعت قدرك
{ أنتهى وقتي معك }، مع السلامه .
كنت أنصح اهل الهوى في كل ليل ونهار
وآثر الهوى من غرق فيه يْغرق في بحر
ما عاد فيها نصايح يا عرب باختصار
اليووم غارق بـ حب الجادل ام النحر
كنّي مؤلف كتاب محارب الانتحار ،
اللي بعد ما انتهى من فلسفتْه أنتحر
فـ أوّل ايام الشهَر وأوّل ايام السنه
نحمد اللي مدّنا في سنين العمر عام
الثناء للٰٓه… والفضل والنعمه منه
جلّ شأن اللي ما يآخذه عام ولا منام
يا معين العبد عبدك على الطاعه عِنه
وارفع اسمه مع هل الدين عالين المقام
دله لدرب الهدى والتقى والميمنه
وانزع من اعماق نفسه ملذات الحرام
يا قل نوم اللي همومه تضكّه
ويا كثر نوم اللي من الهم خالي
ويا طول صبر اللي ضروفه تصكه
اليا استوت له مع صدوف الليالي
الصبر طال وقام ضيقه يتكه
واللي جرا له من زمانه جرالي
على عشيرٍ ما لحقته بشكّه
غرّوه حسادي وصدّق وجا لي
قال الوصل حبله بـ يمناك فكّه
وفكّيته وقفّى ولا زاال غاالي
#الشوارع_الحين
يا عشيري داام تعرف غيابي وسببه
لا تعاتبني وأنا الشوق في قلبي غرس
المكاان اللي نحبه ما نقدر نقربه 🏃🏼♂️
فيه دوريه وعشره جنود من الحرس👮🏻♂️
كنت احسبنّي فالشعور اقتصادي
واثري كريمٍ ما يحسّب ديونه
ما طوّع عزومي وليّن عنادي
الا غزالٍ حالف اني لصونه
حبه حفظته مثل حفظ المبادي
اصبر على جوره واقدّر طعونه
حريّتي في سجنه الانفرادي
ما تنحسب ساعات عمري بدونه
لو يحرم عيوني من النوم عادي
أهم حاجه ما انحرم من عيونه
عن ضجيج المجتمع كيف احصلّي سبيل
والضجيج الداخلي ما يِقصر في عطاه
اقتبس ضحك الموظف ليا شاف العميل
و اتعامل بالمجامل مع بنود الحياه
والله ان راسي لو يميل وقتي ما يميل
غير لا منّه سمع صوت حيّا لصلاه
ما حسبت حساب الايام والحمل الثقيل
لو ظروف الوقت تعزف على كل اتجاه
راكب اللي قيمته تحرق كبود العيال
ما يجيبه واحدٍ ما يزكّي كلّ حول
خارجيّه مثل هرشٍ يلاعب بالسبال
وداخليه والله انك ما تدري وش تقول
فيه شي من الحقيقه وشي من الخيال
كل شيٍ فيه يستلهم اصحاب العقول
شاشته شاشة مخيّم قطر فالمونديال
والمراتب مخمليه تحرّض للخمول