من غير المنطقي إنك تجبرني بسنة تدريب وتعاملني فيها معاملة الموظف وتتوقع مني شغل موظف وتخليني أداوم دوام موظف وتعطيني 2500 ريال، الوضع بكل الجهات بالتدريب مختلف، ساعات أقل، مرونة أكثر، ضغط عمل أخف، ويعامل مُعاملة المُتدرب وياخذ أكثر من التمريض
لا وتبون الشيء اللي فعلًا يضحك؟ ان تدريبك ماهو منتهي بالتوظيف! يعني عادي تتدرب بمستشفى يستفيد منك كآلة بشرية سنة كاملة ثم بعدها يقولك معليش والله مقفلين التوظيف وتروح تدور على المستشفيات تدوّر لك وظيفة والمستشفى يجيب دفعة إمتياز غيرك يستفيد منهم سنة كاملة ببلاااش
"اللي مسوي دكتور" ويناقشك في حالة المريض
علي يحسب بس الدكتور اللي يحق له يناقش حالة المريض وباقي التخصصات مفروض تنفذ أوامره وبس والمريض طز فيه، لازم تفهم ياعلي انك تشتغل مع فريق كامل أحد أهم ركائزه التمريض والمفروض انك تناقش كل اوردر تحطه معهم سواء جاز لك الموضوع ولا لا
انواع التمريض بالمستشفى:
1. اللي دايم في بريك وتسمع عنها بس ماتشوفها
2. معصبة 24/7 من دون سبب واذا سألتها عن شي تناظرك كم ثانية وبعدها تجاوب بكلمة وحدة
3. سعيدة وتساعد الجميع ودايم عندها الحل
4. اللي صايدة جو الرزدنتس وماتكلمك الا على مصيبة
5. اللي مسوي دكتور ويبي يعلمك
2500 ريال ماتكفّي وإنت مو معطي الطالب مجال إنه يشتغل بوظيفة ثانية لإنك تخليه يداوم 12 ساعه صيف وشتاء نهار وليل أيام اسبوع وإجازات، وتستغرب بعدين إذا لاحظت ان نسبة كبيرة تنحاش بعد الإمتياز! او تستغرب إن مافي إقبال على التخصص
كيف تتوقع من طالب الإمتياز يكون عنده شغف؟ كيف تتوقع منه يكون عنده حافز إنه يكمل التدريب! خصوصًا إذا كان عايش بمدينة كبيرة، تكاليف المعيشة مرتفعة، تكاليف السكن مرتفعة، تكاليف المواصلات مرتفعة، حتى المصروف اليومي راح يكون مرتفع بما إنك مخليه يداوم ١٢ ساعة 😂
@RN_Samaher1
لا وفي جامعات تطلب منك
إختبار تجريبي هذا لحاله 500 ريال
فتح ملف في ممارس بلس 120 ريال
اختبار الهيئة 1100 ريال
التسجيل المهني 200 ريال
والتصنيف ب1100 ريال
هذي 3020 ريال مكافأة ونص
هههههه
@moe_gov_sa
@cua_gov_sa
@SaudiMOH
@SchsOrg
@FahadAlJalajel
ياجماعة الخير، الحمدلله على كل حال والرزق اللي يجي من الله خير وبركة، لكن هذا مو معناته ان الشخص ما يُطالب بالتحسين
التمريض من التخصصات المستهدفة في رؤية ٢٠٣٠ والتخصص يعاني من شُحّ والأسباب زي ما إنتوا شايفين وقاعدين نطالب بتحسينها، فيعني ماينفع نقلب الوضع تحدي مين يعاني أكثر،
@moe_gov_sa
@cua_gov_sa
@SaudiMOH
@SchsOrg
@FahadAlJalajel
كل التخصصات فيها مشاكلها، وأتمنى الوضع يتحسن للكل لكني أتكلم في إختصاصي وما أعرفه وعشته، فما ينفع تجي تهاجمني وتهاجم التمريض وتطالبني أرضى بالمبلغ هذا لإن متدربين هندسة الفضاء مايستلمون مكافأة تدريب، في النهاية كلنا نعاني من نفس المشاكل وحل مشكلة لطرف يضمن لفت النظر لبقية الأطراف
@moe_gov_sa
@cua_gov_sa
@SaudiMOH
@SchsOrg
@FahadAlJalajel
وانا ما أطالبك كمتخصص في مجال آخر أن تسعى معي في تحسين مشاكل تخصصي، ولكن أسعى في التحسين في تخصصك بنهاية الأمر كلنا مُستفيد، وأعيد وأكرر حل مشكلة طرف (سواء كان هذا الطرف تمريض او علم سحالي) يضمن لفت الإنتباه لبقية الأطراف، شكرًا لتفهمكم
من الأخير كذا التمريض يحتاج وصف وظيفي واضح، يخضع للتحكيم من قبل لجنة متخصصة واحد أهم المتطلبات انه يكون دقيق بتحديد مهام الممرض بعيد عن المصطلحات المطاطية.
اللهم لك الحمد حتى ترضى ولك الحمد إذا رضيت ولك الحمد بعد الرضا،
اليوم السادس في التطوع الإسعافي في الحرم ضمن #فريق_جامعة_الملك_سعود_للعمل_التطوعي، يوم رايق مقابل الكعبة مليء بالدعوات الحلوه والمشاعر الجميلة 🙏🏻❤️
اليوم الرابع في التطوع الإسعافي ضمن #فريق_جامعة_الملك_سعود_للعمل_التطوعي في الحرم المكي، يوم جميل مليء بالحالات كثير منها كان كريتكل، Adrenaline rush وسعاده غامرة جدًا من الحالات اللي أنقذتها اليوم، الحمدلله 🙏🏻
#سفراء_الحرم
@HE441_
يتم زراعة الكلية الجديدة بمنطقة البطن لأنه يكون أسهل ربطها بالجهاز البولي والأوعية الدموية، ويكون سهل فحصها بعد الزراعة وغالبًا عملية الزراعة كاملة تتم بدون مايشوفون حتى الكلية القديمة فيخلونها مكانها لإن استئصالها ماله داعي إلا اذا كانت مسببة مشكلة للجسم مثل عدوى أو غيره
بحمدلله أنهينا اليوم الأول في التطوع الإسعافي بالحرم المكي ضمن #فريق_جامعة_الملك_سعود_للعمل_التطوعي يوم جميل جدًا، مشاعر لا تُوصف، دعاوي الناس اللي تزيد يومك جمال أكثر فأكثر، الحمدلله 🙏🏻
ودي أسولف معكم عن موضوع مُهم ومنتشر بشكل كبير في مناطق الرعاية الحرجة واللي هو التخدير ( Sedation )، دايم لما نسمع بالتخدير يجي ببالنا العمليات الجراحية او التخدير الموضعي للألم فقط، لكن اللي كثير مايعرفونه إن بعض المرضى يحتاجون التخدير للحفاظ على حياتهم!
@Stroongst
اذا كانت الكلية من مُتبرع حي تبدأ تشتغل على طول، اذا كانت من متبرع مُتوفى تحتاج وقت لين تبدأ تشتغل، وبالنسبة للزراعة بشكل عام المريض يخضع لكورس من مثبطات المناعة عشان الجسم يتقبل العضو المزروع ومع ذلك من الممكن حدوث مضاعفات بعد الزراعة
اليوم السابع ضمن #فريق_جامعة_الملك_سعود_للعمل_التطوعي
كان يوم جميل جدًا جدًا بدايته تطوع ونهايته عُمرة ولله الحمد، كمية التيسير بالعمرة هذي كانت مو طبيعية ياربي لك الحمد، أجمل يوم حد الأن ❤️❤️❤️
اليوم الثالث مع #فريق_جامعة_الملك_سعود_للعمل_التطوعي بالتطوع الإسعافي في الحرم المكي ، يوم هادئ، بدايته كانت نقل طارئ سرييييع مع الزحمة كان الوضع أكشن صراحة, ونهايته كانت تهدئة معتمرة معصبة 😯
#سفراء_الحرم
التواصل الفعال من أبسط حقوق المريض، المريض مايعرف نظام عملك، مايعرف الorganizational structure حق المستشفى، اللي يعرفه انه مريض ويحتاج احد يتواصل معه، يثقّفه، يعلمه، يعطيه اخر التحديثات بأي وقت، والأهم من هذا كله المريض يحتاج شخص يعرف يتكلم، المريض مايبغى يحس انه Left out بأي وقت
أكثر شيء مُثير للإهتمام بزراعة الأعضاء بالنسبة لي هو زراعة الرئة، خصوصًا اذا مسكت المريض
Pre and Post OP تشوف كيف فعلًا الزراعة اعطت أمل لشخص بأنه يرجع يتنفس طبيعي مره ثانية
زراعة الأعضاء تخصص جمييل جدًا
علي اول ماتوظف كان فباله الستاف الأجانب اللي ينفذون الكلام بدون نقاش وصار يعتقد ان له الحق يسرح ويمرح زي مايبغى ومحد له الحق يناقشه، لكن لما جاء للواقع صار يدرس شخصيات التمريض
عظيمة قضيتها بين أروقة الجامعة، جامعة كانت داعمه لنا في جميع المراحل والظروف، مريت فيها بمشاعر الفرح، بمشاعر الفخر، مشاعر الحزن، صادفت ناس معرفتهم تنشرى، وأصدقاء لا يُعوضون، مريت بظروف قاهرة وعديتها الحمدلله، حصلت على تجارب أفتخر فيها طوال عمري، واخيرًا ها هي النهاية 🤍
أتقدم بالشكر والعُرفان للدكتور غريب بحّاري والدكتور عدنان عنّاب على البادرة الجميلة واللي كان لها أثر عظيم في نفسي ونفوس زملائي اللذين حضروا الموقف
لن أنسى موقفكم العظيم ما حييت 🙏🏻🤍
@DrGhareebBahari
@DrAdnanAlmanie
تخلّي الجميع عن طالب الإمتياز أمر يحتاج إعادة نظر، لا أنت طالب والجامعة لسة مسؤولة عنك بشكل تام ولا أنت موظف والمستشفى مسؤول عنك بشكل تام، ضايع بالطوشة 😆
صباح الخير، ما أمداني أشارككم من أول ولكنّي مستمتع جدًا بالICU ومستمتع حتى بالكرف هناك
يعني فعلًا لما تكون مهتم أو شغوف بشيء معين تنسى التعب وساعات الدوام الطويلة وتنسى كل شيء والدوام يصير Smooth
اللهم لك الحمد حتى ترضى ولك الحمد اذا رضيت ولك الحمد بعد الرضا
بعد إجراء عمليتين جراحية ومعالجة جميع المضاعفات، بحمدلله تم خروج والدي من المستشفى اليوم 🙏🏻
التطوع حياة !
فخور كوني جزء من هذا الفريق العظيم
#فريق_جامعة_الملك_سعود_للعمل_التطوعي
10 أيام من أجمل الأيام، تطوعنا، خدمنا، وعشنا، في أشرف بقاع الأرض
شكرًا مدير جامعة الملك سعود على الدعم اللامتناهي
شكرًا عميد شؤون الطلاب
شكر كبير جدًا للأستاذ عبدالمجيد العنزي مشرف البرنامج❤️
عبقُ الخِتام إلى التّمام، جهودٌ تكللت لأعظَم الأسباب وانتهت بأسمى اللحَظات ..
في آخر محطات #التطوع_حياة، يشاركنا أصحاب الأيادي البيضاء من #فريق_جامعة_الملك_سعود_للعمل_التطوعي كلماتهم التي غرست أثرًا قد أنعش نفسًا وأنقذت حياةً.
الحمدلله كثير من اللي كان مشغل بالي إنزاح، والأن أحس اني شخص جديد، بعقلية جديدة، مُقبل على بداية جديدة مُنعشة، مرات كل اللي تحتاجه شخص واحد يقول لك
وقّف، زيّن أمورك تراك قاعد تمشي غلط
الReflection شيء مره جميل ومهم للتعامل مع مشاكلك وضغوطاتك بالحياة 👍🏻
الفترة الأخيرة كانت أشبه بعنق الزجاجة بالنسبة لي، كنت أمر بضغوطات كثيره وهذا الشيء أثّر على أمور كثيره بحياتي بدون ما أنتبه بالرغم من إعتقادي إني ذكي عاطفيًا وأعرف اتعامل مع الأمور لكن غروري هذا كانت نتايجه وخيمة لأني أكتشفت ان كل شيء حولي جالس يدمر وانا مو مقتنع،
في ناس كثير تحتاج تقرأ عن الMicromanagement، مو معقولة سنين والناس تحاول تطوّر من إدارات التمريض ولسه تشوف مانجرز بحياتك الوظيفية تنصدم من صغر عقولهم، لدرجة في مانجر يلاحق ورا سنابات الستاف ويزعل عليها 😂؟