على طاري مباراة الهلال
في هذي المباراه كسروني وبهذلوني والحكم يالله يطلع كرت اصفر وهو خجلان وماوده يطلعه مع تكرار الفاولات من نفس اللاعب
وسعد ربيعه مطنش الله يسامحه
كان لنا بلنتي وطرد لاعب على الاقل
آه لو فيه حيل بكره😁💚
شوفوا الجلد الحكم مايخجل...
ذكرياتي الملكيه
هذي مباراتنا مع الهلال وكنت الاحظ اذا مباراتنا مع الهلال يكون الحكم سعدربيعه الله يسامحه وشوفوا الفاولات والعنف والتهور ومع هذا يالله كرت اصفر وبخجل وهذي المباراه لنا فيها بلنتي وكرتين احمر على لاعبي الهلال اقل شي دايما يتم ظلمنا وابعادنا عن البطولات بهذي الطريقه
ياناس كرموه
خدم المنتخب من درجة الناشئين والشباب والاول وكان اساسي ومؤثر في جميع درجات المنتخب الله يفرجها عليه ويسخرله من يسعده ياما اسعد شعبنا .. الوفا ياأهل الوفا..
ماجد عبدالله ⚘
اسطورتنا كان ومازال
هنا حفل الاتحاد لآسيوي شوفوا واسمعوا كيف قدموه رغم ان الفديو مختصر وايش يقولوا عنه السؤال أحد شاف اللقطه هذي في قنواتنا الرياضيه ..
يسعدك ربي يبو عبدالله كانت ومازالت سيرتك عطره يتغنى بها ⚘💛
الاسطوره
المتعارف عليه ان لكل بلد اسطوره 1بس
البرازيل نعرف اسطورتهم بيليه
الارجنتين مارادونا المانيا بيكنباور ايطاليازوف هولندا كرويف فرنسا بلاتيني
البرتغال رونالدو المغرب تيمومي تونس طارق ذياب مصر الخطيب الكويت جاسم يعقوب البحرين حمود سلطان
السعوديه اسطورة الاساطير ماجد عبدالله
ذكرياتي الملكيه💚
من احلى مبارياتنا مع النصر كيف لا وفيها ماجد وعبدالجواد والهريفي ومحيسن والمسعد
وفزنا 2-1وسجل كبتنا عبدالجواد هدف على الطريقه البرازيليه وهدف عامر مانع
وللنصر اسطورتنا ماجد عبدالله وبعد المباراه الامير خالد قرص اذني وقال لي لو سجلت الفرصه الاخير كان ريحت اعصابنا
من التاريخ
لين يكون المتحدث عن التاريخ الدكتور عبدالرزاق ابو داوود الذي عايش ذيك الفتره لاعب واداري اسمعوا كلامه الله يحفظه ويطول بعمره تاريخ ويحكيه دكتور محترم💚🌹
الاسطوره ماجد💛⚘
دايما ماجد عبدالله فوق الجميع بهذا الشكل
مع الاحترام للجميع وانا واثق إنهم يوافقوني الرأي ..
اسطورتنا ابو عبدالله كان ومازال فوق فوق
هام السحب بمستواه الفني والادبي والاخلاقي
الله يعطيه طولة العمر ويحفظه ⚘
ريفالينو
مازال ريفالينو البرازيلي يكرر شهادته في اسطورتنا ماجد عبدالله ويقول انه كان بإمكانه يلعب في البرازيل او الدوريات الاوربيه
هذي شهادة لاعب عالمي ومن نادي منافس
بس ريفو عقلاني ومحترم وعنده مزرعه😁
اغلب اللعيبه البرازيليين عندهم مزارع ايش السر في المزرعه مدري شكرا ريفو 🌹
1410💚
هذا اول موسم لي مع اهلينا وهنا لعبت مكان حسام بعد إصابته بكسرين في ضلع صدره
وللاسف كالعاده ما احتسب الفوده بلنتي رغم إنها واضحه وراح علينا هذا الدوري بسبب ضلم الحكام لنا وتسهيله لغيرنا كالمعتاد عليه ومازال
طمنا عليك يبو نواف⚘
الفديو من حساب حبيبنا الملكي زمان⚘💚
خالد مسعد
من امهر وامتع اللاعبين العرب
للاسف ماخدمه الاعلام الرياضي في وقته ولهم مني كرت اسود
زاملت المسعد في بداياتنا
نهائيات كأس آسيا ناشئين بقطر 86 م
ونهائيات كأس العالم ناشئين 87 م
وبعدها في الاهلي 90 م
على طاري مباراتنا مع الهلال
للاسف دايما التحكيم يكون ضد الملكي اهلينا
بهذي المباريات وكنت اشوف الحكم سعد ربيعه ي��كم اغلب المباريات اللي لعبتها ضد الهلال
ليه..! الله اعلم
وشوفوا هذي المباراه لنا فيها بلنتي
وطرد لاعبين على الاقل اتمنى العدل يزور هذا المباراه وكل المباريات
على طاري مباراتنا مع النصر
دايما تكون من احلى وامتع المباريات
كيف وهيه تجمع الملكي💚 والعالمي 💛
واليوم راح نشوف قمة الكره السعوديه
بس اتمنى فوز الحب💚 ..
مع الحب والتقدير للنصر وجمهوره الحبيب⚘
على طاري مباراتنا مع الهلال
اغلب المبايات اللي لعبتها بهذا الشكل
دبغ عالي الجوده وعلى عينك ياتاجر
وماكنت احب اعترض على قرارا الحكام
الله يسامحهم ....
هذا الفديو من حساب حبيبنا
الكوره زمان ابو سعد الله يسعده ⚘️💚
اسد الغابه
القصه إن الاسد هذا كانت له عشيره وقبيله وكان مصيطر على الغابه وهوه حاكمها وهذا ماعجب الضباع فأجتمعوا وقرروا طرد الاسد من الغابه ونجحوا في بعض الخطوات ولكن الاسد مازال يصارع هالضباع المسعوره وحيدا
وانا متأكد إن الاسد راح ينتفهم واحد واحد
وفهم يافهيم
شكرا يبو سعود حبيبي⚘💚
اسعدني وشرفني الحبيب عبدالعزيز عطيه
في برنامجه بالتعقيب على تغريدتي
إللي كلنا نتمنى فيها العداله التحكيميه لكل الفرق وفوز أهلينا الملكي الليله إن شاء الله💚
خالد مسعد
خدم المنتخب بجميع درجاته بكل اخلاص
وهذا واجب وطني عليه وعلينا ويشرفنا خدمة و��نا الغالي . واليوم المسعد وهوه في اضعف حال صحيا وماديا في امس الحاجه لوقفه من مسؤلينا لحالته الصعبه
وجزاكم الله خير🇸🇦💚
على طاري مباراة الاتحاد
بعد انتقالي للاهلي 1410كانت اول مباراه لي مع الاتحاد وسجلت هدف المباراه الوحيد وكان الملعب فل من الجماهير والحمدلله طلعوا مبسوطين وهنا مع الحبيب الامير خالد الله يذكره بالخير فرحانين بالفوز اللي اتكرر في هذا الموسم 4 مرات الله يوفق اهلينا
ويسعد جمهورنا💚
على طاري مباراتنا مع الهلال
إللي يلفت انتباهي دايما في مبارياتنا مع الهلال
هو سوء التحكيم وظلم الحكام للملكي عيني عينك وهذي اللقطات شاهده على زمن فات
وشوفوا حبايبي واحكموا
انتبهوا لمدافع الهلال يجلد فيه من بداية المباراه لين الدقيقه 44 والحكم يتفرج
لنا بلنتي وطرد ماحسبه الحكم ..
على طاري مباراتنا مع الوحده الليله
هذي المباراه كان فيها 5لعيبه من المدينه سمير وعدنان عبدالشكور وبندر جارالله وحمزه بس الاسبرنت ومع كوره من نص الملعب يتعب جري ولازم تحافظ على الكوره والحمد لله ربي وفق
وان شاء الله بكره نشوف واحد زيه
من نص الملعب الله يوفق اهلينا بالفوز 💚🤍
💚أمين دابو💚
(الله يغفر له ويرحمه)
أمهر وامتع لاعب في تاريخ اهلينا الحبيب
قمه في الادب والاخلاق وحسن التعامل
دعواتكم له بالرحمه والمغفره
ياما أسعدنا الله يسعده في آخرته
وجميع موتى المسلمين
الفديو من حساب حبيبنا الملكي زمان
فيصل ابو سعد الله يسعده
على طاري الجبيره واليد المكسوره
بعد مباراتنا مع الطائي اتصل بي
الاستاذ خالد قاضي الله يغفر له ويرحمه ويسكنه الجنه وقالي وهوه يضحك بكره شوف عناوين الجريده لا تفوتك
وحاولت اعرف منه مارضي يقول لي
الله يغفر له ويرحمه وجميع اموات المسلمين يارب
ادعوا له بالرحمه والمغفره ⚘️💚🤍
آخر إنتاج رابطتنا⚘️💚
وعزنا وفخرنا وتاج راسنا
الله يعطيهم القوه والصحه والعافيه
والشكر لصاحب حساب الفديو⚘️
وان شاء الله الفوز لقريقنا الملكي💚
وربي يسعد جمهورنا الحبيب بالفوز🤍⚘️
على طاري مباراتنا الجايه
كنت أشوف الحكم سعد ربيعه هو اللي يحكم اغلب مبارياتنا مع الهلال وكنت استغرب مافيه إلا هوه
وهذي المباراه لنا فيها بلنتي ماحسبه
وكروت بجميع الوانها لكنه كان حنين مع
خصمنا الله يسامحه ويعطيه الصحه والعافيه .. المهم انتبهوا للحكم وشوفوا كيف يدير المباراه...
ذكرياتي الملكيه
1410اول موسم لي مع الحب وهذي مباراتنا مع الوحده وكان لها جو خاص عندي لان فيها5
لاعبين من المدينه سمير وعدنان عبدالشكور
وبندر وحمزه واغلب اصحابي اللي في المدينه جو عشين يشوفوا المباراه وبالانفراد هذا اتوقعت سمير يقربعني لكن ربي ستر وسجلت هدف وربي يسعدكم حبايبي💚⚘
الملك بيليه
مالحقت عليه لكن إللي اشوفه مهارات فوق الخيال وانا مؤمن إن الاجيال السابقه افضل من إللي بعدها
وزي ما انتوا شايفين حاليا كله يجري
بس
لامهاره ولا متعه ...
هذي الجبيره إللي كنت العب فيها ومازلت محتفظ فيها الى الآن وكانوا يلفوا لي عليها شاف ابيض مطاطي ومن بعيد تشوف انه جبس وبعد كل مباراه اروح مع دكتورنا للمستشفى نعمل اشعه ومره وصلت الكسور ل 3 كسور شرائح بكف اليد
وهذا كله للحب يهون 💚⚘️
على طاري الدبلات
عندي دبل قديييم موديل86م مع منتخب الناشئين
في بطولة آسيابالدوحه وكان مدربناالحبيب الاستاذ محمدالخراشي ومساعده الحبيب
الاستاذحمود السلوه وكان لهم دور كبير في تشجيعي ودعمي وتوجيهي خاص إني كنت في بداية مشواري البسيط وافتكر تهنئتهم لي بعد المباراه ولهم مني كل لشكر💚
الساحر رونالدينهو
ثاني افضل من لمس الكوره على وجه الارض
بعد مارادونا عندي كنت وقت مبارياته الغي كل مشاويري لشوفته قمه في المتعه والفن واللي سهلنا متابعته نقل المباريات وقتها
الله يساعده في مشكلته ويفك اسره
ذكرياتي الملكيه
كنت افهم لعيبة وسطناحمزه والمسعد
وهنا اول ما استلم حمزه الكوره ومن اللمسه الثانيه عرفت انه يجهز نفسه للشوت وقلت خليني اتابع شوتته وعديت الظهير ورغم خطورة الاحتكاك مع الحارس وجه بوجه إلا إني قررت إني ادعس وعلى الله وربي ستر وسجلت الهدف وربي سلم
وللاهلي عشق دايم💚
قلوب الامان
الله يغفر ويرحم محمد الخليوي ويسكنه الجنه
افضل 2 لعبوا في هذا المركز
الصراحه بعدهم ماشفت ولا راح اشوف احسن منهم في هذا المركز الى الان قوه وصلابه ودعم وتشجيع وحماس
النادي اللي يفكر في بطوله لازم يكون فيه هذا النوع من اللاعبين أمن وأمان
رحم الله الخليوي ويحفظ ابوجميل⚘
ذكرياتي💚
ماهو بس الحكام اللي مايعطونا حقنا حتى المعلقين الله يسامحهم وهنا رمزي كان بيسوي لي عاهه لو كوعه جاء بعيني ضرب عمد وتهور والمعلق م رمضان الله يشفيه يقول موسى مسك ادنه وعينه وتبسيط الحاله وكأنها عادي
هذي المفروض كرت احمر وسجن 3 ايام
بس الله يسامح الحكام وحتى بعض المعلقين
ذكرياتي
هذي المباراه كنت لاعبها وعسكرنا وصحيت من النوم إلا رقبتي مصلبه ماتلف إلاعلى جهه وحده وهذا بسبب المخده عاليه
وسووا لها مساج مافي فايده وقلت للدكتر اضربني ابره تفك الحديد قالي لا اي غلطه تسبب شلل وكنا كاملين عبدالجواد والمسعد وحمزه وباسم ونفسي العب وهناك ابوجميل يعني حماس
ذكرياتي مع الديربي
هذي صورة لفريقنا ضد الاتحاد موسم1410
وهذا اول موسم لي مع الحب وكان كله فرح
فزنا على الاتحاد 4 مرات في هذا الموسم💚
كاس الاتحاد مرتين والدوري مرتين
وكان الدوري حقنا بس الله يسامحهم
في الاخير خربوه وشوهوه بأرقام قياسيه
من فوازير الدوري السعودي
سلامة اللاعب ان شاء الله ما اتعورت يده
صدقوني المشكله ماهي في الحكام سعوديين او حكام اجانب
المشكله هنااااااك .........
وترا الناس فاهمه لكن ماباليد حيله !!!!!
على طاري مباراة لاتفاق الجايه
هذي المباره على نهائي كاس الاتحاد بالشرقيه
وسجلت الهدف لاول بعد ماتابعت شوتت حمزه ورجعت الكوره من الحارس ورغم معرفتي بخطورة
الالتحام مع الحارس بهذي الشكل قلت لازم افادي قبل المدافع وصرت وسطهم وسجلت هدف وربي ستر وصراحه مااتوقعت اطلع سليم من هذي اللقطه
اكيد فاكرينها
اول ما اسمع الدندنه هذي اجي جري واتمدد قدام التلفزيون بالنص اهم شي واقرا كل الكتابات عمودي افقي وكل المدن مكتوبه
بس مدري انتوا حبايبي سويتوا نفس الشي
ايام وليالي زمان حلوه الله يحلي ايامكم⚘