اختتمنا اليوم زيارتنا وتوزيع سلة البدائل الغذائية وادوية الطوارىء ونواميس لعدد (2000) أسرة تضررت من نفوق الابل موزعه في 22 منطقة بالقنب والاوليب وبلغ متوسط نفوق الابل 800 رأس ، المناطق بحاجه لتوفير طاقه شمسيه للمياة ودعم المشاريع الزراعيه وتوفير خدمات طبية وتعليمية .
إستبسال ابناء/ات الفاشر المستنفرين والجيش والقوات المشتركة في الفاشر لطرد تتار العصر من مدينتهم يجب ان يسجل في التاريخ السوداني فما اسمعه من اصدقائي هناك بطولات منقطعه النظير ، تحدثت اليوم مع صديقه وكيف ان الحبيبة الشهيده نعيمة كانت تدافع عن ارضها حتي آخر الأنفاس وكيف ان ايادي
علي خلفية حديثي عن تجاوزات بالولاية ، تلقيت تهديد من والي البحر الاحمر علي ادروب كلموب .
وعليه فإنني أعلن مسؤوليته من كل امر يحدث لي مستقبلاً ، واعلن مواصلتي في الحديث والكشف والتحقيق عن كل ما اراه بالولايه .
موقف دعم #مجلس_البجا للانقلاب يمثل قياداته فقط ولا يمثلنا كمواطنين شرق بل ولا يمثل موقف البسطاء الداعمين لهذا الحراك المطلبي المطالب بإزالة تهميش ممنهج وقعنا تحت وطاءته طويلاً ، مطالبنا لا ينصفها انقلاب ولا بحل حكومه انتقاليه جاءت بإرادتنا ، الردة عن مطالب الشرق مستحيله .
ضباط الجيش البتسخر منهم ديل انو بيركبو تاكسي آخر اليوم عشان ظروفهم كعبه أشرف وانضف مية مره منك انتا الحرامي ، تتكلم عن الديمقراطية وتقول اشتريت طيارات ، نسألك نحنا من وين ليك القروش ؟؟ لو بالجد في ديمقراطية أنتا اول زول بتخش السجن.
المجلس الاعلي لنظارات البجا يمهل الحركات المسلحه أسبوع واحد للخروج من ولاية البحر الاحمر بدعو ان اعلان الحرب علي الدعم السريع وهم ببورتسودان يهدد آمن الشرق .
😄😄
نانسي عجاج حتغني في صالة ايتانينا حقت حكومة البحر الأحمر ، الفن رسالة سامية والحفل زي ما موضح قدامكم لدعم المستشفيات ومتضرري الحرب .
الداير يشارك يشارك والما داير يشارك وما بسمع لنانسي عجاج ما يشارك وبس يعني .
بورتسودان : الحكم علي المتهم محمد على ابكر بالإعدام شنقاً حتي الموت بتهمة التخابر مع الدعم السريع وتصوير القصر الرئاسي وفندق هيلتون ورئاسة قوات الشرطة .
يسمع مواطن #بورتسودان اصوات رصاص هنا وهناك فالاجهزة الامنية تنفذ مداهمات واسعه علي المخابئ التي يشتبه في تواجد عناصر من مليشيا الدعم السريع فيها أغلقت المنفذ ومنعت الدخول للولاية وفرضت حظر التجوال و حتي الان تمكنت من القبض علي العديد من خلاياها ، تطاردتهم كالجرذان من مخبئ الاخر .
#بورتسودان يوم الامس عندما حاولت القوات الانقلابيه فض #أعتصام_أمانة_الحكومة بالقوه شاب يتصدي لها ويرفض ايقاف التصوير .
الفيديو دا لو كان في الخرطوم كان اليله بقا تريند .
سنكات التاريخ بعد سنين عجاف تشهد اليوم توصيل الكهرباء القومية التي كانت تمر من فوقها وتتركها تواجه الظلام والظلم
هنيئاً لكم اهالي محلية سنكات فقد نلتم ثمرات رحلة مطالب ممتدة ، هنيئاً للولاية بتجربتكم هذه التي يجب ان تدرس لأجيال قادمة ليعلموا ثمرة الصبر والنضال المستمر .
غادر جبريل ابراهيم بطائرة خاصه ومعه بعثات دبلوماسية وعدد من الجهاز التنفيذي ، غادروا بطائرة خاصه الي جمهورية مصر لقضاء عطلة العيد ، تاركاً خلفه رفاة شعبة ،غادر في وقت كان يجب ان يكون فيه في دارفور يقاتل من استباح دماء المواطنيين ، وشردهم ، وبشع بجثثهم واغتصب حرائرهم ،
حميدتي كذب عندما قال انو كان بيحمي المواطنين في بورتسودان وقت الفتن ، الصحيح انه الدعم السريع هاجم الاهالي في تلة عابدة وظل يسرق الذهب من المعدنين التقليديين ويستولي علي اراضي التعدين كالذي حدث في ( تلة عابدة و وأرض الناقة ) وغيرها من المناطق الاستولو عليها بسلاحهم .
ده هو الشرق وديل قياداتو ودي هي قضيتو ، ف اعلام لافي ورا المجلس الاعلي وبيلمع فيهو بغرض الاساءة للشرق واظهار انو ديل هم قياداتو فقط ، لازم يعرف انو ديل ما هم القيادات الحقيقين ديل عباره عن مجموعه تحركها ارادة غيرها .
الخارجية السودانية الما عندها لا شغلة ولا مشغلة دي ما تسأل السفير السعودي قاعد في بورتسودان ليه وموقف عمل السفارة ( زيارات ، تاشيرات) ، السودانيين عشان يعملو اجراءات دخول المملكه لازم يسافرو بلد تاني ويدفعو دم قلبهم وهو قاعد هنا في فندق الربوة فاضي شغّله .
الخلية الأمنية المشتركة بالبحر الأحمر تنفذ حملة ضد أصحاب الدردقات وأكشاك تحويل الرصيد المتمركزين في المواقع الهامه بالاسواق وتلقي القبض علي (85) مشتبه به وتقتادهم لمباني الخلية لاستكمال التحريات .
من غير لف ودوران
اي شخص من شرق السودان مشا مصر لحوار صنعوا السيسي المحتل حلايب والشلاتين من غير الحديث عن سودانية المثلث يجب ان تتم محاسبته جماهيرياً .
حادثه تعدي مدير ادارة بوزارة المعادن علي مهندسه جيولوجية تعمل في مكتب بورتسودان بالضرب يثير غضب مجتمع بورتسودان .
تواجد منتسبي الحركات المسلحه أصبح مهدد لموظفي الخدمة المدنية .
قمة الاستهتار يحدث في مطار بورتسودان الدولي ، وصل الهوان بان الشركة المصريه لا تعترف باجراءات مطار بورتسودان الدولي ، وتقوم بعملية تفتيش مقتنيات الركاب في مدرج الطائرات في تغييب واضح لسلطة الطيران المدني وشركة المطارات وأمن المطار؟
قرار إعفاء مدير الاستخبارات ببورتسودان والقرارات المتتاليه للبرهان هي قرارات يتم اتخاذها بعد مشورة ومداولات بين جنرالات يديرون المعركة الان ، البرهان الان اصبح اكثر درايه بما يحاك ضد الوطن .
جبريل إبراهيم رفع الدولار الجمركي لي 950 بدون اي مقدمات مما يعني تدمير المؤاني ومزيد من الضغط علي كاهل المواطن البيعاني من الحرب وطرد الجنجويد ليهم من منازلهم ، حتكون في زيادة في الاسعار اكتر من الحاليه في بلد معظم السكان فيها ما عندهم مرتب .
نلقاها من وين ولا من وين ؟؟
مبسوطة جدا بنفسي وفخورة بكل ال��نجازات الصغيرة و الأهداف الحققتها في 2023 ، و مرحب بمزيد من الإنجازات والنجاحات الراجياني احققها في 2024 م لو ربنا اداني العمر والعافية .
تتحدث بورتسودان كلها عن الاغاثة التي اصبحت موجوده بالسوق وفي منازل البعض بكميات كبيرة تنفي فرضية ان يكون مواطن مستفيد من (كرتونه) قام ببيعها .
ماذا يحدث ، ومن يقوم بذلك ، ومادور والي البحر الاحمر في ذلك ، واين لجنة امن الولاية ؟؟؟
الفيديو مجهول المصدر وهو لمقاربة الحديث فقط ،،
ميناء #بورتسودان يستقبل وابورات السكة حديد وفق الصفقة التي ابرمها رئيس الوزراء السابق عبدالله #حمدوك والتي ستسهم في تقليل استهلاك الوقود بنسبه تفوق 65٪ .
جدة :
مصادر مطلعه توكّد علي اتفاق الطرفان علي وقف العدائيات وقف إطلاق النار بشكل مؤقت ، ويجري التفاوض الآن علي أخلاء العاصمه من المظاهر العسكرية والية الرقابة الدولية علي الفصل بين القوات في الارض والضمانات .
السلطات الامنية بالبحر الأحمر خلت احمد هارون عمل اجتماعات في صالة ايتانينا وحشد ودعا المواطنين لحمل السلاح ، و اعتقلت مجموعه من الشباب علي رأسهم والي القضارف السابق د/ سليمان علي ، لمجرد لقاء ناقشوا فيه الوضع الراهن .
سالنا من ان المساعدات الانسانية ماشه وين كانت الاجابه بالغير معلومه وكذلك ذكرنا ، الان الجهات المختصه تحدثت عن ان المساعدات ماشه مخازن سلبونا ، السوال الان ، اغاثة جايه لمتضررين في كل الولايات تتخزن ليه؟؟ ، مفوضية العون الانساني عندها احصائيات مسبقه الدواعي لي انها تخش مخازن شنو
الحرب شغاله والجنجويد يرتكب الانتهاكات ، والبرهان هنا في بورتسودان يشيد القصور الرئاسية المطله علي ساحل البحر الأحمر ، ووزير حكومته ينفق مليارات في زواج ابنة بالخارج.
حسبنا الله ونعم الوكيل
الخلية الامنية المشتركة تنفذ عملية تفتش واسعة للمناطق الحيوية ببورسودان وتقوم بالقبض علي عدد من الاهداف النوعية ذات صلة مباشرة بالمتمردين ، كما تمكنت من مداهمة اماكن للبيع غير الشرعي وضبط كميات من الوقود .
#برؤوت_الان
علي والي ولاية البحر الأحمر عدم السماح لحكومة الخرطوم الوافده بالاستيلاء علي مباني ومقار تخص الولاية .
في البداية مباني امانه حكومه البحر الاحمر والان مباني جهاز تشغيل الخريجين ، بعد شويه يطلعونا من بيوتنا عشان مكاتب الحكومه الهاربة .
جيش ما رفعت معنوياته ولا قوة دوافعه القتاليّة اوضاع السودانيين الشايفهم بعينو والانتهاكات والجرائم البعملوها الجنجويد ، ما في زول تاني بحرك فيهو ساكن ، ولا زيارات بورتسودان بتحقق ليه انتصارات ، ما تخلقو بطولات زائفة وتعملو للما يسوي قيمة .
كفايه لعب بالعقول
اقتربت عودة المفاوضات مرة أخرى في جدة وهذه المرة ليست كسابقتها , اول بنودها الحاسمة خروج الجنجويد من بيوت المواطنين والأحياء السكنية والمستشفيات مع التنفيذ الفوري
#الدعم_السريع_يستبيح_بيوتنا #الجيش_السوداني
الجنجويد يرتكبون جريمة جديدة ضد النساء بالحصاحيصا باحتجازهن كرهائن في المساجد وطلب فديه من اهلهم ووسمهم بعلامه علي خدودهن .
لا حول ولا قوة إلا بالله ،،
ما من حق اي جهة كانت تخزين مساعدات متضرري #كارثة_سد_اربعات يا يتم التوزيع او كمان ما تتنزل من عرباتها ، خطوة التخزين سواء كانت في مخازن بورتسودان او مخازن في الخلا غير حميده ، المساعدات دي لو ما وصلت مستحقيها حنعري المتورطين وده تحذير والمجرم ما عندو قبيلة .وريناكم وياريت تسمعوا
الفوضي التي احدثتها قوات مصطفي تمبور بالقضارف هي دليل كافي علي خطورة تواجد مسلحين غير نظاميين بالمدن ، يجب ان يتم نزع السلاح من كل من يحمله ويتجول به بالمدن ويقيم ارتكازات ويفتش المارة دون سند قانوني ،من يريد الاستنفار ودعم الجيش عليه النزول للميدان في المناطق التي تشهد معارك
مجلس السيادة رفض المشاركة في قمة ايقاد في اوغندا بحجه انو ايقاد ما نفذت مخرجات قمة جيبوتي الرفضها مجلس السيادة في وقت سابق وطلع بيان باسم الخارجيه وقال المخرجات دي ما بتعنينا .
يعني الحكومه رفضت يشاركوا في القمة عشان القمة ما نفذت مخرجات هم أصلا رفضوها .
الريموت المره دي مع منو
يجب التعامل بجدية مع القوات غير النظامية بعد اشتباك الأمس الذي خلف إصابة ضابط بالقوات المسلحة يحمل رتبة عالية ، التعامل مع قوات ضرار لا ينبغي ان يستقل عن القوات الاخري في سرعة نزع السلاح وانهاء التواجد العسكري غير المنظم ، مع الاخذ بالاعتبار ظهور حركة مسلحة أخرى بالاقليم .
إعلام العدل والمساواة برر شراء عمارة فاخرة بحي ديم المدينه غرب من قبل المالية الاتحادية انه ليس ملك لجبريل إبراهيم بل تم شراء من قبل الوزارة ويسكنه العاملين ،موظفي جبريل عندهم شنو عشان يشترو عماره مكونه من اكثر من ١٠ شقة بملايين الدولارات وسط بورتسودان في الوضع البتمر بيه البلاد
وصل مطار بورتسودان اليوم حاكم اقليم دارفور مناوي قادماً من اسمرا ،في الوقت الذي يتجول فيه خرجياً سيطرة الدعم السريع علي مدن دارفور وشردت المواطنين وقتلتهم ، يستقبله البرهان بزراع مفتوح ويبارك له وصوله سالماً لارض الوطن ،سيقيم في بورتسودان ويترك رعاياه في دارفور بين القتل والتشريد
مركز الملك سلمان للإغاثة ومنذ ان بدأت الحرب ظل يقدم للسودانيين الكثير من الجسور الإغاثية (31) سفينة و(13) طائرة غير ملايين العمليات المجانية ، وكان رد حكومة برهان جدة ولا جدادة في حين انه كان يمكنه رفض منبر جدة بطريقه اكثر احتراماً ، اتمني ان يعرف السودانيين من هو عدوهم الخفي .
المحاولات المستمره من البعض لخلق ازمة بين مكونات شرق السودان والقوات المسلحة ما تزال مستمر ، حادثه غرب كسلًا تظهر ان هنالك ايادي خفيه ارادت خلق مواجهه مسلحه بين القوات الخاصه وسكان المنطقة .
سرعه اقالة قائد الفرقه ولجنة الامن بكسلا ومحاسبتهم .
المليشا ياها المليشيا سواً كانت دعم سريع ولا اي مجموعه مسلحه تانية ، مافي حاجه اسمها استنفار بقيادة مليشيا ، ظاهرة تعدد الجيوش هي الوصلت السودان لما هو عليه الان ، ولو لمره وحدة فكرو صح .
#لازم_تقيف
ما تبقو انتو والحرب عليهم
مدير الشؤون الدينية وهو بيوصف في مواطن خسر بيتو وامنو بسبب الحرب ،قساوة الخطاب في توصيف اسر سودانيه بانهم غرباء وشماسه ، كيف يكون غريب في وطنو ؟؟ وهل قيادة منطقة البحر الاحمر العسكرية ممكن تودع مواطن الشارع لمجرد انو (غريب) التعامل مع النازحين غير إنساني
تغيير في الطاقم الإداري لمركز غسيل الكُلي بورتسودان يكشف فساد تخزين ادوية بالمركز ومنع المرضي منها منذ العام 2013م .
وما خفي أعظم ،،
لا حوله ولا قوة إلا بالله ،،
ارهبهم شموخك يا محمد ، الفيديو الذي ظهر فيه أوباش الجنجويد المرتزقه وهم يصفعون البطل محمد اظهر ضعفهم وقلة حيلتهم ، اظهر مليشيا جبانه تخاف من بطل اعزل مكبل اليدين ، كشف نقضهم للمواثيق الدولية والأعراف في حق معاملة الاسري ، ما اقبحكم يا هولاء .
طب أينما تكون يا بطل فمقامك العلا
ما فعلته تشاد من وقفه صلبه مع الشعب السوداني بعد الحرب ، لم تفعلها مصر رغم ان البلدين تربطهم علاقات وامتداد ثقافي وضع السودانيين امام القنصلية المصرية وفوضي التأشيرات وإلزام النساء والأطفال بعد الحرب بالتأشيرة دليل علي من استغل الحرب ومن وقف مع السودانيين
الله يجازي الكان السبب
مدير هيئة الإذاعة والتلفزيون البزعي هدد الإعلامية زينب بالطرد حال ارتدت الذي البجاوي ( توب الكربه) وقال ان هذا الزي لا يتماشي مع سياسية القناة ، حديث عنصري مرفوض ، نخشي ان يعلم من عيّنه حمله لده الافكار ويريد ان ينتهجها ضد سودانيين يحملون ذات الجنسية بثقافه مختلفة .
بعد ان إستعانت الشركة بقوات نظامية لتهجير الاهالي ، أهالي منطقة شمال هيا يرفضون الإتفاق المبرم بين الشركة السودانية للموارد المعدنية وشركة العفيفي للتنقيب في مناطقهم بعد تهجيرهم منها بدون علمهم حسب وصفهم .