قصيدتي في أمير الشباب والجرأة والشجاعة والإقدام والرؤية سمو سيدي ولي العهد صاحب السمو الملكي الأمير محمد بن سلمان حفظه الله - أمسية هيئة الترفيه الرابعة - حايل
@Turki_alalshikh
@saudq1978
@Badermasaker
لا تقول وش نوحك ويزداد كيي
قل هاه وش وقعك وكل جرح اداويه
واقول : قل .. لبيه لي .. لا تعيي
وتقــول وش لبيه؟؟؟؟ فيها مــشاريه
لي لهجة في ظلمة الـحكي ظيي
حكيٍ ماهو حكيي .. انا ويش ابي فيه
لبيه جتنا .. واختفت .. بعد حيي
وانـــا مــا ابدّل .. بعد حيي ... بـ لبيه
من يعتقد اي مشــكله ماتعيقه
هــذا اعتقــاده مشكله .. مالها حل
ومن يشتكي في دنيته كل ضيقه
هذا يبالغ وان حكى لـك خذ .. وخل
الناس ياابن الناس مثل الحديقه
شوك و بعضهم نرجس وجوري وفل
قرب من الورد .. وتـــغانم رحيقه
والشوك دايــم مشكله .. مالها حل!!
ليا ابغضوك اللي تربوا على البغض
عادي .. هذولا نفوسهم مابها طب
الحب مايفرض على الادمي فرض
نعمة كريمٍ بالمشاعر تصب صب
ناسٍ عشان رضاه لو تقترض قرض
تكرم عن الزله وتحشم عن السب
وناس نهار البيع معروضةٍ عرض
أما لمنهو هب .. والا لمن دب
كاملة:
تفننك بالسالفه لحظــة حكاك
طبيعةٍ لـك بس كنــــــك تفنن
كن اللحن عاف الحناجر وغناك
لا يابعدهـن كلــــــهن يوم غنن
طفولة حروفك قبل تطلع شفاك
تشبه مغاغات الوغـيد المسنن
اللي لو انه شم عطرك من هناك
لو يتكلم .. قال : عـطرك يجنن
الله عليك الله عليك الله عليك
ليا ابتسمتي والنسايم سلمتك
انتي هنا الاولى وماغيرك يليك
بس الليالي توها ماعلمتك
ياطفلةٍ بالقلب مالك به شريك
حتى البراءه وهي براءه جرمتك
ليت النوايا بيض تشبه وجنتيك
بس النوايا سود تشبه سلهمتك
قولوله له اشتاق لك ياهيه
تكلموا .. زيدوا احراجه
يمكن من الشـوق مايمديه
يجي بلا صبر ، بافراجه:
غالي ، ليا احتــاج له غاليه
يستر على كـل ما واجه!
اوضح بعد من كذا .. مافيه
حنا نبي بس .. نتواجه:)
بـالله .. يـاهيئــة الـترفـيه:)
تكفون .. سووا لنا حاجه
#النصر_الباطن
للعالمين تفضلوا الجديد💛💙كاملة:
شكرا سعود السويلم ايه صفقوا له
نعزه ونفتخر به حيل ونجله
للكل شكرا ولا احد يقول وشوله؟
ان قلت بالذات لمرابط و(حمد الله
هذا انتم اصلا قبل ما انوي اقوله
قلتوه قبلي .. لان الاسم ما نمله
راحت طفولتنا بليا مـــراجيـح.
الله علينــا يا كـثر ما صبرنا.
فينا طفوله بس مانقدر نصيح:)
والموت نصغر كل ماحْنا كبرنا
اللله لو نتمرجح شوي ونطيح.
ولااحدٍ يجيب لياانجرحنا خبرنا.
يكفي من الواقع بقينا مجاريح
لا يالخيال ارجوك لا تحتقرنا:)
لا يلعب بتاريــخ .. لبــاسة الجوخ
مادام مايملك من الجوخ .. تاريخ
اللي ماهو مع هــبة الريح مطنوخ
ما ينطنخ .. لو رددوه .. المطانيخ
لو ناسبوه شيوخ ، او ناسب شيوخ
حنا نعرف الشيخ واللي ماهو شيخ
يادبلة التسبد من هـ الليل .. بغيابك
لولا ضيا ذكــرياتك .. طالـت العتمه
من يوم حام الفراق المر .. واقفى بك
البال به ضيقةٍ .. والصــدر به كتمه
كيف اشتم الجرح مادامه من سبابك
الجرح منك انت مايستاهل الشتمه
هذاك اعرفه زين وابخص شعوره
عندي تْشابه للتعازي تهانيه
بالحالتين : بغيبته.. و بـ حضوره
ابيه .. لا ما ابيه .. الا ،انا ابيه
ماهي معذوره خطوته لا.. معذوره
اتنفسه… لكن انا اتنفسه .. ليه؟
ما احتاج له لكنه اصبح ضروره
عاقل ونفس الوقت مجنون انا فيه
راحت طفولتنا بليا مـــراجيـح.
الله علينــا يا كـثر ما صبرنا.
فينا طفوله بس مانقدر نصيح:)
والموت نصغر كل ماحْنا كبرنا
اللله لو نتمرجح شوي ونطيح.
ولااحدٍ يجيب لياانجرحنا خبرنا.
يكفي من الواقع بقينا مجاريح
لا يالخيال ارجوك لا تحتقرنا:)
شفتك وطن والشوق جا لك مواصل
يا هـالبدون .. اللي سهر ماتجنّس
اذا تبي .. مـــــن غيـــر ذنب نتواصل
لقيت لك .. فكرة لقا .. ما تدنّس!!
دام اللقا .. ماهو مع الـوقت حاصل
نم واحلم اني معك ساعه وتونّس
حظيظ كانك تعيش العافيه والستر
عاد ان حصل شي غير الستر والعافيه
أنعام ربك ماهي تشبير .. متر بـ متر
يعطي عـطاياه فوق الحاجه وظافيه
لا تقترب .. للتوتـر ، واقترب .. للوتـر
وانظر بعين الـرضا والنيه الصافيه
ولا تـلـفـلـف وتـبلشنـا بسعر اللتر
إرتـاح دامـك بخيـر ولقمتك دافيه
كاملة:
ياسيدي عينك ترا مابها سر
ولو كان فيها سر مايحفظه بير
نظراتها يوم الشرر كلها شر
ونظراتها يوم الرخا كلهــا خير
ان دخنت بقعا من الفر والكر
وقف لها سمو الامجاد الامير
محمد بن سلمان على العدا مر
مرور سيفٍ مايهاب الجبابير
ارقابهم من جرأته جرها جر
ولي عهد المملكه والتياسير
شفتك وطن والشوق جا لك مواصل
يا هـ البدون اللي ســهر ماتجنّس
اذا تبي مــن غــير ذنــــب .. نتواصل
لقيت لك .. فكرة لقا .. ما تدنّس!!
دام اللقا .. ما هو مـــع الوقت حاصل
نم واحلم اني معك ساعه وتونّس
أتذكرك .. ويســيل بالجرح موقي
لو كان هذا دمــع .. يمديني اغرق
واشم ريحك .. في مـــغبة عروقي
ويفوح جرحك .. كنه العود الازرق
هذا انت ياللي مانفع فيك شوقي
واحساسي اللي معك بالذات يفرق
ومع كل هذا انت شفّي .. وذوقي
تغيب مثل الشمس .. وتــرد تشرق
اتشرف بهذه القصيدة لسببين ، السبب الأُول لأنها في سمو ولي العهد الأمير محمد بن سلمان حفظه الله ، والسبب الثاني لأني ألقيتها في مجلس الشيخ فرحان النايف الفيصل الجربا ، قدام شمر ومن يحبون شمر