عمري ما شربت سجاير ولا شيشة ولا مخدرات ولا اي دراجز ولا الكحول ولا روحت بارتي ولا كنت فرد من جروب ولا روحت ساحل ولا سافرت بره مصر، اتولدت على الفاضي تقريبًا 😂
من مصر الى العالم، هنا بدأ الرقص الشرقي،أرضه ونشأته وهويته الحقيقية، الفن ده بتاعنا، على الحان وموسيقى أم كلثوم وعبد الوهاب، رقصو،إتمايلو، سحرو العالم، هنا كانت نعيمة عاكف وسهير زكي، لم ولن يخلق مثلهن في البلاد،لا روسيات ولا مريخيات .. هنا البداية وهنا النهاية .. وما بينهم مُشوه
بحب شيرين، ومسيرة شيرين وخطوات شيرين، بحب صوت شيرين وكل حاجة من شيرين ايفيهاتها وعفويتها وعدم هوسها بالنجومية ست قالعه ماسك النجومية ٢٤ ساعة شيرين هي شيرين تحت وبره الأضواء والشهرة، بحب فطرة شيرين .. جزء كبير من ذكرياتي السعيدة دايمًا وجزء سعيد دايمًا في يومي، أشطر وأجمل شيري❤️
بحب أغاني أم كلثوم منها ، دّفا صوتها وحنيته ونعومته في أغاني الست .. أم كلثوم حتى الحب بتغنيه بكبرياء وشموخ وحِدة، شيرين لاء، شيرين ناعمة، ودافية وصوتها بينقط أنوثة
بتنزلك من طبقة عالية لطبقة واطية بسلاسة رهيبه، وهي بتقول عمري ما دقت حنان في حياتي زي حنانك ❤️
عملت ديليت لتندر، ورجعت عملت اكونت وحطيت صور مش صوري، ف طلب اثبات طبعًا وصور وشي، مفيش اي تطابق بين الاتنين راح مديني بان للأبد .. عجبني الموضوع روحت عامله في الباقي .. that’s how I set myself free
عمرو اديب فعلًا بيحب شيرين، وبيتعمد يدخلها في حواراته دايمًا، بيستمتع بالكلام عنها،زيه زي اي حد من جمهور شيرين، بيحب يشوف الناس بتمدحها وتغنيلها، في برنامجه كل يوم جمعه، مافيش حلقة ماتكلمش فيها مع الضيف عن شيرين، مفيش ضيف قعد قدامه الا وعمرو خلاه يمدح شيرين، وبيكرر ده تاني دلوقتي
كل أنسان حر يدخل في أي علاقة عاطفية أو جنسية هو عايزها حتى لو كانت مع شجرة.
ولكن.
ليه تحديدًا بنرفض العلاقات العاطفية والجنسية مع الاشخاص المتجوزين،
من وجهة نظري، لأني مجرد ما أدخل في حاجه زي كده، بكون شريك رئيسي وأساسي في الخيانه بكل اشكالها، عاطفية وجسدية وأُسرية
لاحظت ان الغير مصريين معندهمش نفس الإيجو بتاعنا .. عادي جدًا تلاقيه داخل يتغزل فيك وفي حلاوتك وجمالك بينما هو بيكون أحلى من القمر فعليًا، المصريين اول ما يطلعلوا عضلتين بيمشي رافع بتاعه في وش البشر، مش عاجبه حد مرعوب من الرفض، طول الوقت عايز ڤاليديشن وأتنشن، عنده هوس باللي حواليه
ده البيت اللي في وشي، في السابع، انا ف العمارة ال ف وشه ف السادس، هو أعلى مني، هو اللي لو انا فاتح شباكي عينيه هتبقى في شقتي كلها،ومع ذلك انا بنضف الأوضة وأنا Shirtless وهو معدي شافني، وقف يبجح ويتخانق معايا اني فاتح شباكي وانا مش لابس هدوم، حاضر يا حاج هقلع خالص ثانية واحدة
مكنتش متخيل إن الكوت ريتويت هتعمل الدوشة دي وللأمانة لو أنا شخص ضعيف معنديش ثقة في نفسي ثم في اللي حواليا كنت هحزن جدًا، انا محبوب من أهلي، محبوب من أصحابي الاسترايت، محبوب من كل شخص صارحته بأنا مين، محبوب من كل دايرة غريبة عني سيبت فيها أثر كويس عن حقيقتي من غير خوف، وده كفايه❤️
معايير الجمال مختلفه، أو كلمة جمال تحديدًا بيندرج تحتها مواصفات معينه دايمًا بتتروح للأكستريم، ولكن انا مفهوم الجمال عندي بسيط، مثال الولد ده، أنا شفته جميل، شبه الناس اللي بقابلهم في يومي، التناغم اللي بين شكله وشخصيته مخليه آتراكتيڤ جدًا بالنسبالي
P.s مبشوفش البرنامج ده
بالمناسبة، السبب الحقيقي ورا السلوك ده يحزن
شعور المثليين دايمًا انهم مُراقبين وملحوظين وهيتكشف أمرهم بيخليهم طول الوقت خايفين يمارسو حياتهم بشكل طبيعي،ويتحسسو من كل حاجه خوفًا من ردود افعال وهمية حبيسة دماغهم هما بس، شعور إنك محتاج تفكر قبل ما تعمل حاجه normal ده شعور عرص
كل ما كان هزار و تعامل اصحابي ال str8 خولاتي بتاكد انهم str8 فعلا و الموضوع و لا علي بالهم ، يعني كنت نباطشي و دخلت انام صحيت لقيت زميلي نايم جمبي و حاضني عادي جدا ، واحد تاني بينام علي حجري و يخليني العبله في شعره و اما يلاقيني لابس قميص مفتوح يدخل ايده يلعب في صدري
بكره اليوم العالمي للفيبروميالجيا .. متلازمة الألم العضلي الليفي المزمن .. أنا واحد من ناس كتير مصابين بيه، مش عايز أكتب أعراضه أو بيعمل إيه .. بس عايز أقول لأي حد، أعمل كل اللي تقدر عليه، وأبذل كل جهدك في إنك تحافظ على استقرار نفسيتك وسلامتها مهما كلفك الأمر.
💜💙
شباب كنت قريت موضوع كده بيقول إن الألم الناتج عن تجارب عاطفية، تأثيره على جسمك تقريبًا زي تأثير الألم العادي، شعور الحزن زي شعور إن رجليك وجعاك مثلًا أو حاسس بألم في جزء معين؟ ف بناءً على النظرية دي تقدر تاخد مسكن عادي والألم ده يتخدر أو يهدأ او حِدة شعور وتأثيره عليك يقل ؟😁
من خلال تجربة، أو أكتر، اكتشفت إن لما الناس بتتعرف على بعض في الأزمات بتكون الExpectations مختلفة اكتر من الاوقات العادية، لو النهاردة أنا مثلًا في أزمة، وجه شخص ساعدني ودعمني وقف جنبي، بكتشف إن الامتنان وكلمة شكرًا مش كفاية، بالعكس، بلاقيني داخل في حتة ضلمة كده، انت بتحبني؟
حزين إن الواحد يبقى شاهد على انهيار صوت عظيم بيحبه من قلبه وعلى موهبه بتتدهور من حفلة للتانيه، وطول الوقت عمال يقول مش كويسه، نفسيًا، ضغوط، قلة تمارين، كتر المبررات بقى شئ ماسخ أوي، صوت شيرين اتغير تمامًا، فيه لمحة بسيطة بعيدة وضعيفة جدًا من صوت شيرين، لكنه مش هو.
هتعمل إيه لو وانت بتتقلب كده من نومك في شقتك الفاضيه اللي مفيهاش غيرك وفجأه تفتح عينك تلاقي حد واقف معاك في الاوضه؟
ايوا عزيزي القارئ ده انا علشان نسيت باب الشقة مفتوح والمفتاح فيه كمان ودخلت نمت وجاري قرر يعمل عمل انساني ويجيبلي سكته قلبية ❤️
حنين، طيب، كريم، سوي،لا اتشخط فينا ولا اتضربنا،ولا اتعامل معانا بأي نوع من العنف،كان ياخدني من ايديا يوديني لصحابه ويقولهم أبني خطه حلو،ابني بيرسم حلو، ابني شاطر، يقولي لو جيتلى ع الشغل هضربك يا ابن الحصان، ولما اروح يقعدني على رجله ويديني فلوس ويجيبلي اللي نفسي فيه،مات ٤٢ سنه 💔
لما بقعد قدام البحر اكتر مشهد بيبقى خاطفني، هو ده، عينيا اللي رايحة جاية تبص على كل الناس الساكتين دول.. ومن غير ما احس.. نظراتي تثبت والوش اللي في دماغي يسكت.. واتحول لواحد منهم، قاعد باصص في اللا شئ سرحان في اللا شئ.. لحظة بتعادل لحظة النوم .. انت في الدنيا ومش في الدنيا.